1. වස් කවි කීම - පළමු කොටස
  2. වස් කවි කීම - දෙවෙනි කොටස
  3. වස් කවි කීම - තෙවෙනි කොටස
  4. නොදෙන්න හිටි රන් පදක්කම
  5. නීච කුමන්ත්‍රණේ
  6. මංජුලගේ 'මරියා'ට මම පැටලුනෙමි -පළමු කොටස
  7. මංජුලගේ 'මරියා'ට මම පැටලුනෙමි -දෙවෙනි කොටස
  8. තුම්පනේ, මාතර, බදුල්ලේ කියලා වෙනස්යැ
  9. නැණ ලැබ ගත්තෙමි; ඔහු සෙවණේ හිඳ... -පළමුවෙනි කොටස
  10. නැණ ලැබ ගත්තෙමි; ඔහු සෙවණේ හිඳ... - දෙවෙනි කොටස
  11. නැණ ලැබ ගත්තෙමි; ඔහු සෙවණේ හිඳ... - තෙවෙනි කොටස
  12. නැණ ලැබ ගත්තෙමි; ඔහු සෙවණේ හිඳ... - හතරවෙනි කොටස
  13. අඟුල්මල් දහනය - පළමුවෙනි කොටස
  14. අඟුල්මල් දහනය - දෙවෙනි කොටස
  15. අඟුල්මල් දහනය - තෙවෙනි කොටස
  16. වැරැදි බෝනස් එක - මල්ටිපල් මයෙලෝමා - පළමුවෙනි කොටස
  17. වැරැදි බෝනස් එක - මල්ටිපල් මයෙලෝමා - දෙවෙනි කොටස
  18. වැරැදි බෝනස් එක - මල්ටිපල් මයෙලෝමා - තෙවෙනි කොටස
  19. වැරැදි බෝනස් එක - මල්ටිපල් මයෙලෝමා - හතරවෙනි කොටස
  20. වැරැදි බෝනස් එක - මල්ටිපල් මයෙලෝමා - පස්වෙනි කොටස
  21. වැරැදි බෝනස් එක - මල්ටිපල් මයෙලෝමා - හයවෙනි කොටස
  22. වැරැදි බෝනස් එක - මල්ටිපල් මයෙලෝමා - හත්වෙනි කොටස
  23. වැරැදි බෝනස් එක - මල්ටිපල් මයෙලෝමා - අටවෙනි කොටස
  24. වැරැදි බෝනස් එක - මල්ටිපල් මයෙලෝමා - නවවෙනි කොටස
  25. වැරැදි බෝනස් එක - මල්ටිපල් මයෙලෝමා - දහවෙනි කොටස
  26. වැරැදි බෝනස් එක - මල්ටිපල් මයෙලෝමා - එකොළොස්වෙනි කොටස
  27. වැරැදි බෝනස් එක - මල්ටිපල් මයෙලෝමා - දොළොස්වෙනි කොටස
  28. වැරැදි බෝනස් එක - මල්ටිපල් මයෙලෝමා - දහතුන්වෙනි කොටස
  29. වැරැදි බෝනස් එක - මල්ටිපල් මයෙලෝමා - දාහතරවෙනි කොටස
  30. වැරැදි බෝනස් එක - මල්ටිපල් මයෙලෝමා - පහළොස්වෙනි කොටස
  31. වැරැදි බෝනස් එක - මල්ටිපල් මයෙලෝමා - දහසයවෙනි කොටස
  32. වැරැදි බෝනස් එක - මල්ටිපල් මයෙලෝමා - දාහත්වෙනි කොටස
  33. වැරැදි බෝනස් එක - මල්ටිපල් මයෙලොමා - දහඅටවෙනි කොටස
  34. වැරැදි බෝනස් එක - මල්ටිපල් මයෙලොමා - දහනවවෙනි කොටස
  35. වැරැදි බෝනස් එක - මල්ටිපල් මයෙලොමා - විසිවෙනි කොටස
  36. හරි හුරතල් විනාකිරි සංග්‍රාමය - පළමුවෙනි කොටස
  37. හරි හුරතල් විනාකිරි සංග්‍රාමය - දෙවෙනි කොටස
  38. හරි හුරතල් විනාකිරි සංග්‍රාමය - තෙවෙනි කොටස
  39. වීරයා ගෙදරද? - පළමුවෙනි කොටස
  40. වීරයා ගෙදරද? - දෙවෙනි කොටස
  41. වීරයා ගෙදරද? - තෙවෙනි කොටස
  42. වීරයා ගෙදරද? - සිව්වෙනි කොටස
  43. වීරයා ගෙදරද? - පස්වෙනි කොටස
  44. ගණිත ගැටේ - පළමුවෙනි කොටස
  45. ගණිත ගැටේ - දෙවෙනි කොටස
  46. ගණිත ගැටේ - තෙවෙනි කොටස
  47. ගණිත ගැටේ - සිව්වෙනි කොටස
  48. දෙපා අවසඟ පාපන්දු පිස්සා - පළමුවෙනි කොටස
  49. දෙපා අවසඟ පාපන්දු පිස්සා - දෙවෙනි කොටස
  50. දෙපා අවසඟ පාපන්දු පිස්සා - තෙවෙනි කොටස
  51. දෙපා අවසඟ පාපන්දු පිස්සා - සිව්වෙනි කොටස
  52. ශ්‍රී ලංකා not Vs England - පළමුවෙනි කොටස
  53. ශ්‍රී ලංකා not Vs England - දෙවෙනි කොටස
  54. ශ්‍රී ලංකා not Vs England - තෙවෙනි කොටස
  55. ශ්‍රී ලංකා not Vs England - සිව්වෙනි කොටස
  56. ශ්‍රී ලංකා not Vs England - පස්වෙනි කොටස
  57. ශ්‍රී ලංකා not Vs England - හයවෙනි කොටස
  58. ශ්‍රී ලංකා not Vs England -හත්වෙනි කොටස
  59. ශ්‍රී ලංකා not Vs England -අටවෙනි කොටස
  60. ශ්‍රී ලංකා not Vs England -නවවෙනි කොටස
  61. ශ්‍රී ලංකා not Vs England -දහවෙනි කොටස
  62. ශ්‍රී ලංකා not Vs England -එකොළොස්වෙනි කොටස
  63. ශ්‍රී ලංකා not Vs England -දොළොස්වෙනි කොටස
  1. අජාසත්ත - පළමු කොටස
  2. අජාසත්ත - දෙවෙනි කොටස
  3. අජාසත්ත - තෙවෙනි කොටස
  4. අජාසත්ත - හතරවෙනි කොටස
  5. අජාසත්ත - පස්වෙනි කොටස
  6. කෙලින් සනා - පළමු කොටස
  7. කෙලින් සනා - දෙවෙනි කොටස
  8. කෙලින් සනා - තෙවෙනි කොටස
  9. පේව්මන්ට් එකේ රජවී - පළමු කොටස
  10. පේව්මන්ට් එකේ රජවී - දෙවෙනි කොටස
  11. පේව්මන්ට් එකේ රජවී - තෙවෙනි කොටස
  12. පේව්මන්ට් එකේ රජවී - හතරවෙනි කොටස
  13. පේව්මන්ට් එකේ රජවී - පස්වෙනි කොටස
  14. පේව්මන්ට් එකේ රජවී - හයවෙනි කොටස
  15. පේව්මන්ට් එකේ රජවී - හත්වෙනි කොටස
  16. පේව්මන්ට් එකේ රජවී - අටවෙනි කොටස
  17. පේව්මන්ට් එකේ රජවී - නවවෙනි කොටස
  18. පේව්මන්ට් එකේ රජවී - දහවෙනි කොටස
  19. මඩ ගොහොරුවක පචවී - පළමුවෙනි කොටස
  20. මඩ ගොහොරුවක පචවී - දෙවෙනි කොටස
  21. මඩ ගොහොරුවක පචවී - තෙවෙනි කොටස
  22. මඩ ගොහොරුවක පචවී - හතරවෙනි කොටස
  23. මඩ ගොහොරුවක පචවී - පස්වෙනි කොටස
  24. මඩ ගොහොරුවක පචවී - හයවෙනි කොටස
  25. මඩ ගොහොරුවක පචවී - හත්වෙනි කොටස
  26. මඩ ගොහොරුවක පචවී - අටවෙනි කොටස
  27. මඩ ගොහොරුවක පචවී - නවවෙනි කොටස
  28. මඩ ගොහොරුවක පචවී - දහවෙනි කොටස
  29. ඉඳියාප්ප ගන්නවද? - පළමුවෙනි කොටස
  30. ඉඳියාප්ප ගන්නවද? - දෙවෙනි කොටස
  31. ඉඳියාප්ප ගන්නවාද? - තෙවෙනි කොටස
  32. ඉඳියාප්ප ගන්නවද? - හතරවෙනි කොටස
  33. දිව්‍ය අංගනි සේ මම සැරැසී - පළමුවෙනි කොටස
  34. දිව්‍ය අංගනි සේ මම සැරැසී - දෙවෙනි කොටස
  35. දිව්‍ය අංගනි සේ මම සැරැසී - තෙවෙනි කොටස
  36. දිව්‍ය අංගනි සේ මම සැරැසී - සිව්වෙනි කොටස
  37. දිව්‍ය අංගනි සේ මම සැරැසී - පස්වෙනි කොටස
  38. දිව්‍ය අංගනි සේ මම සැරැසී - හයවෙනි කොටස
  39. දිව්‍ය අංගනි සේ මම සැරැසී - හත්වෙනි කොටස
  40. දිව්‍ය අංගනි සේ මම සැරැසී - අටවෙනි කොටස
  41. දිව්‍ය අංගනි සේ මම සැරැසී - නවවෙනි කොටස
  42. දිව්‍ය අංගනි සේ මම සැරැසී - දහවෙනි කොටස
  43. දිව්‍ය අංගනි සේ මම සැරැසී - එකොළොස්වෙනි කොටස
  44. දිව්‍ය අංගනි සේ මම සැරැසී - දොළොස්වෙනි කොටස
  45. මෝස්‌තර එක්ක හත් වසරක් - පළමුවෙනි කොටස
  46. මෝස්‌තර එක්ක හත් වසරක්- දෙවෙනි කොටස
  47. මෝස්‌තර එක්ක හත් වසරක් - තෙවෙනි කොටස
  48. මෝස්‌තර එක්ක හත් වසරක් - සිව්වෙනි කොටස
  49. මෝස්‌තර එක්ක හත් වසරක් - පස්වෙනි කොටස
  50. මෝස්‌තර එක්ක හත් වසරක් - හයවෙනි කොටස
  51. මෝස්‌තර එක්ක හත් වසරක් - හත්වෙනි කොටස
  52. මෝස්‌තර එක්ක හත් වසරක් - අටවෙනි කොටස
  53. මෝස්‌තර එක්ක හත් වසරක් - නවවෙනි කොටස
  54. මෝස්‌තර එක්ක හත් වසරක් - දහවෙනි කොටස
  55. මෝස්‌තර එක්ක හත් වසරක් - එකොළොස්වෙනි කොටස
  56. මෝස්‌තර එක්ක හත් වසරක් -දොළොස්වෙනි කොටස
  57. මෝස්‌තර එක්ක හත් වසරක් -දහතුන්වෙනි කොටස
  58. මෝස්‌තර එක්ක හත් වසරක් -දාහතරවෙනි කොටස
  59. මෝස්‌තර එක්ක හත් වසරක් -පහළොස්වෙනි කොටස
  60. මෝස්‌තර එක්ක හත් වසරක් -දහසයවෙනි කොටස
  61. මෝස්‌තර එක්ක හත් වසරක් -දාහත්වෙනි කොටස
  62. මෝස්‌තර එක්ක හත් වසරක් -දහඅටවෙනි කොටස
  63. මෝස්‌තර එක්ක හත් වසරක් -දහනවවෙනි කොටස
  64. මෝස්‌තර එක්ක හත් වසරක් -විසිවෙනි කොටස
  65. මෝස්‌තර එක්ක හත් වසරක් -විසිඑක්වෙනි කොටස
  66. මෝස්‌තර එක්ක හත් වසරක් -විසිදෙවෙනි කොටස
  67. මෝස්‌තර එක්ක හත් වසරක් -විසිතුන්වෙනි කොටස
  68. මෝස්‌තර එක්ක හත් වසරක් -විසිහතරවෙනි කොටස/a>
  69. මෝස්‌තර එක්ක හත් වසරක් -විසිපස්වෙනි කොටස
  70. මෝස්‌තර එක්ක හත් වසරක් -විසිහයවෙනි කොටස
  71. මෝස්‌තර එක්ක හත් වසරක් -විසිහත්වෙනි කොටස
  72. මෝස්‌තර එක්ක හත් වසරක් -විසිඅටවෙනි කොටස
  73. මෝස්‌තර එක්ක හත් වසරක් -විසිනවවෙනි කොටස
  74. මෝස්‌තර එක්ක හත් වසරක් -තිස්වෙනි කොටස
  1. මීන සංහාරය
  2. ගස්සලා යවමුද? -පළමුවෙනි කොටස
  3. ගස්සලා යවමුද? දෙවෙනි කොටස
  4. ගස්සලා යවමුද? තෙවෙනි කොටස
  5. ගස්සලා යවමුද? හතරවෙනි කොටස
  6. අකල් මරණෙකට හවුල් වී -පළමු කොටස
  7. අකල් මරණෙකට හවුල් වී -දෙවෙනි කොටස
  8. අනේ කුරුලු කූඩුවලට ගහන්නෙපා කැට කැබිලිති
  9. ආවොත් නොයා බැරිය! - පළමු කොටස
  10. ආවොත් නොයා බැරිය! - දෙවෙනි කොටස
  11. ආවොත් නොයා බැරිය! - තෙවෙනි කොටස
  12. මගේ චූස් - මටම චූස්
  13. මගෙන් මංගල යෝජනාවක්.....- පළමුවෙනි කොටස
  14. මගෙන් මංගල යෝජනාවක්.....- දෙවෙනි කොටස
  15. අනේ පාලි, තව චුට්ටක්....
  16. රේස්වලින් රේස් එකට පිම්මක් - පළමුවෙනි කොටස
  17. රේස්වලින් රේස් එකට පිම්මක් - දෙවෙනි කොටස
  18. රේස්වලින් රේස් එකට පිම්මක් - තෙවෙනි කොටස
  19. හයටත් කලින්........ - පළමුවෙනි කොටස
  20. හයටත් කලින්........ - දෙවෙනි කොටස
  21. හයටත් කලින්........ - තෙවෙනි කොටස
  22. දුකේ දුක හිතෙන කතන්දරේ - පළමුවෙනි කොටස
  23. දුකේ දුක හිතෙන කතන්දරේ - දෙවෙනි කොටස
  24. දුකේ දුක හිතෙන කතන්දරේ - තෙවෙනි කොටස
  25. දුකේ දුක හිතෙන කතන්දරේ - සිව්වෙනි කොටස
  26. දුකේ දුක හිතෙන කතන්දරේ - පස්වෙනි කොටස
  27. දුකේ දුක හිතෙන කතන්දරේ - හයවෙනි කොටස
  28. යකුන් බලන්නට ගිය යක්කු - පළමුවෙනි කොටස
  29. යකුන් බලන්නට ගිය යක්කු - දෙවෙනි කොටස
  30. යකුන් බලන්නට ගිය යක්කු - තෙවෙනි කොටස
  31. දුන්හිඳ අද්දර මාරකේ - පළමුවෙනි කොටස
  32. දුන්හිඳ අද්දර මාරකේ - දෙවෙනි කොටස
  33. දුන්හිඳ අද්දර මාරකේ - තෙවෙනි කොටස
  34. දුන්හිඳ අද්දර මාරකේ - සිව්වෙනි කොටස
  35. දුන්හිඳ අද්දර මාරකේ - පස්වෙනි කොටස
  36. දුන්හිඳ අද්දර මාරකේ - හයවෙනි කොටස
  37. දුන්හිඳ අද්දර මාරකේ - හත්වෙනි කොටස
  38. නෑනා නැතත් කල දවසක් ..... -පළමුවෙනි කොටස
  39. නෑනා නැතත් කල දවසක් ..... -දෙවෙනි කොටස
  40. කොරෝනා කොරපු; කොරන හරිය!-පළමුවෙනි කොටස
  1. නීල බිඟු කැල
  2. නිල් බෘංගයන්ගේ වස වැරැද්දක්
  3. සමුදුරු මූර්තිය
  4. දහ බලු කතා වස්තුව- පළමුවැනි කොටස
  5. දහ බලු කතා වස්තුව- දෙවෙනි කොටස
  6. මගේ දෛවය මගේ රිස්සට...
  7. කූචු කුචයියෝ
  8. අපේ කුණු අපට එපාවී.... - පළමු කොටස
  9. අපේ කුණු අපට එපාවී.... - දෙවෙනි කොටස
  10. දියවිනි ඉනාව- පළමුවැනි කොටස
  11. දියවිනි ඉනාව- දෙවෙනි කොටස
  12. දියවිනි ඉනාව- තෙවෙනි කොටස
  13. දියවිනි ඉනාව- හතරවෙනි කොටස
  14. දියවිනි ඉනාව- පස්වෙනි කොටස
  15. සිඳු දකින සඳ - පළමුවෙනි කොටස
  16. සිඳු දකින සඳ - දෙවෙනි කොටස
  17. සිඳු දකින සඳ - තෙවෙනි කොටස
  18. රැජින COLOMBO එයි! - පළමුවෙනි කොටස
  19. රැජින COLOMBO එයි! - දෙවෙනි කොටස
  20. රැජින COLOMBO එයි! - තෙවෙනි කොටස
  21. අම්මගෙ රෙද්දෙ මමාස් - පළමුවෙනි කොටස
  22. අම්මගෙ රෙද්දෙ මමාස් - දෙවෙනි කොටස
  23. අම්මගෙ රෙද්දෙ මමාස් - තෙවෙනි කොටස
  24. විරූපීට රැවටෙන්නේ සුරූපි කියලා - පළමුවෙනි කොටස
  25. විරූපීට රැවටෙන්නේ සුරූපි කියලා - දෙවෙනි කොටස
  26. කොහොඹ කොළ කැවූ රාම් පූර් කා ලක්ෂ්මන් - පළමුවෙනි කොටස
  27. කොහොඹ කොළ කැවූ රාම් පූර් කා ලක්ෂ්මන් - දෙවෙනි කොටස
  28. කොහොඹ කොළ කැවූ රාම් පූර් කා ලක්ෂ්මන් - තෙවෙනි කොටස
  29. කොහොඹ කොළ කැවූ රාම් පූර් කා ලක්ෂ්මන් - හතරවෙනි කොටස
  30. පත්තෑයාට පෙත්තෙන් - පළමුවෙනි කොටස
  31. පත්තෑයාට පෙත්තෙන් - දෙවෙනි කොටස
  32. පත්තෑයාට පෙත්තෙන් -තෙවෙනි කොටස
  33. පත්තෑයාට පෙත්තෙන් - හතරවෙනි කොටස
  34. පත්තෑයාට පෙත්තෙන් - පස්වෙනි කොටස
  35. පත්තෑයාට පෙත්තෙන් -හයවෙනි කොටස
  36. පත්තෑයාට පෙත්තෙන් - හත්වෙනි කොටස
  37. මාතර තානායමේ අමු හෙලුවෙන්...- පළමුවෙනි කොටස
  38. මාතර තානායමේ අමු හෙලුවෙන්...- දෙවෙනි කොටස
  39. හරෝහරා - පළමුවෙනි කොටස
  40. හරෝහරා - දෙවෙනි කොටස
  41. හරෝහරා - තෙවෙනි කොටස
  42. හරෝහරා - සිව්වෙනි කොටස
  43. හරෝහරා - පස්වෙනි කොටස
  44. හරෝහරා - හයවෙනි කොටස
  45. හරෝහරා - හත්වෙනි කොටස
  46. හරෝහරා - අටවෙනි කොටස
  47. හරෝහරා - නවවෙනි කොටස
  48. හරෝහරා - දහවෙනි කොටස
  49. හරෝහරා - එකොළොස්වෙනි කොටස
  50. හරෝහරා - දොළොස්වෙනි කොටස
  51. හරෝහරා - දහතුන්වෙනි කොටස
  52. හරෝහරා - දාහතරවෙනි කොටස
  53. හරෝහරා - පහළොස්වෙනි කොටස
  54. හරෝහරා - දහසයවෙනි කොටස
  55. හරෝහරා - දාහත්වෙනි කොටස
  56. හරෝහරා - දහඅටවෙනි කොටස
  57. හිස් රැල්ලක් නොවී හස රැල්ලක් වේවා!-පළමු කොටස
  58. හිස් රැල්ලක් නොවී හස රැල්ලක් වේවා!-දෙවෙනි කොටස
  59. හිස් රැල්ලක් නොවී හස රැල්ලක් වේවා!-තෙවෙනි කොටස
  60. දොළහ වෙද්දී.... පළමු කොටස
  61. දොළහ වෙද්දී.... දෙවෙනි කොටස
  62. දොළහ වෙද්දී.... තෙවෙනි කොටස
  63. දොළහ වෙද්දී.... සිව්වෙනි කොටස
  1. සීයයි..!
  2. මරිසි මංගල්ලේ - පළමුවෙනි කොටස
  3. මරිසි මංගල්ලේ - දෙවෙනි කොටස
  4. සැවුළු සංහාරය - පළමුවෙනි කොටස
  5. සැවුළු සංහාරය - දෙවෙනි කොටස
  6. සැවුළු සංහාරය - තෙවෙනි කොටස
  7. සැවුළු සංහාරය - හතරවෙනි කොටස
  8. සැවුළු සංහාරය - පස්වෙනි කොටස
  9. සැවුළු සංහාරය - හයවෙනි කොටස
  10. සැවුළු සංහාරය - හත්වෙනි කොටස
  11. යාල රිලවුන් පැන්නූ පූරි කොළඹදී හිට් වෙයි! - පළමුවෙනි කොටස
  12. යාල රිලවුන් පැන්නූ පූරි හිට් වෙයි! - දෙවෙනි කොටස
  13. යාල රිලවුන් පැන්නූ පූරි හිට් වෙයි! - තෙවෙනි කොටස
  14. යාල රිලවුන් පැන්නූ පූරි හිට් වෙයි! - සිව්වෙනි කොටස
  15. යාල රිලවුන් පැන්නූ පූරි හිට් වෙයි! - පස්වෙනි කොටස
  16. දුකයි! අන්තිම දුකයි!! සත්තෙන්ම හිරිකිතයි!!!
  17. දිසානායකලගෙ ටිකිරි මොළේ - පළමුවෙනි කොටස
  18. දිසානායකලගෙ ටිකිරි මොළේ - දෙවෙනි කොටස
  19. Neil හඳට - Sunil කරඬුවට - waල්ල බිමට
  20. වීරයා පණ පිටින්...........
  21. Desert Rose, අරවින්ද හා reiki - පළමුවෙනි කොටස
  22. Desert Rose, අරවින්ද හා reiki - දෙවෙනි කොටස
  23. කොටවන කතන්දරේ
  24. ඒකත් මංගල මුත්තමං!
  25. බක්කරේගේ Pork දානය - පළමුවෙනි කොටස
  26. බක්කරේගේ Pork දානය - දෙවෙනි කොටස
  27. පණ බේරපු කිරිල්ලී - පළමුවෙනි කොටස
  28. පණ බේරපු කිරිල්ලී - දෙවෙනි කොටස
  29. පණ බේරපු කිරිල්ලී - තෙවෙනි කොටස
  30. යන්ත්‍ර මන්ත්‍ර හරං කත්වා! - පළමුවෙනි කොටස
  31. යන්ත්‍ර මන්ත්‍ර හරං කත්වා! - දෙවෙනි කොටස
  32. යන්ත්‍ර මන්ත්‍ර හරං කත්වා! - තෙවෙනි කොටස
  33. යන්ත්‍ර මන්ත්‍ර හරං කත්වා! - සිව්වෙනි කොටස
  34. යන්ත්‍ර මන්ත්‍ර හරං කත්වා! - පස්වෙනි කොටස
  35. යන්ත්‍ර මන්ත්‍ර හරං කත්වා! - හයවෙනි කොටස
  1. අසිරිමත්වූ දේකි - පළමුවෙනි කොටස
  2. අසිරිමත්වූ දේකි -දෙවෙනි කොටස
  3. අසිරිමත්වූ දේකි -තෙවෙනි කොටස
  4. අසිරිමත්වූ දේකි -සිව්වෙනි කොටස

Friday, May 10, 2019

මෝස්‌තර එක්ක හත් වසරක් - දෙවෙනි කොටස

මේ අත්තම්මා 'අඹ යහළුවෝ' එකේ එක්කෙනා තරම්..............
ලොකු හාමු හෙවත් අත්තම්මා හරිම කරුණාවන්තය. ඒ ගිහාමුටය. සැරෙන්-සැරේ සෙනෙවිට ගෙම්බර් පෙන්නුවත්, අත්තම්මා ‘අඹ යහළුවෝ’ එකේ අත්තම්මා තරම් නං කුඩුකේඩු වුණේ නැත. මා දුටු හැටියට, ගිහාමු නං ගෙවමින් හිටියේ හැබෑම කරුමයකි.

එයා සමහර වෙලාවට මළ-මුත්‍රා පහ කරගත්තෙත් තැන-නොතැන නොබලාය. එහෙම වෙලාවට සෙනෙවිට යකා වැහෙයි. රහසෙන් කුටු-කුටු ගාමින් ගිහාමුට දෙස්-දෙවොල් තියද්දී; සාප කරද්දී වුණත් ගිහාමු කරන්නේ හිනාවීමය. සමහර වෙලාවක සෙනෙවිව බදාගෙනත් හුරතල් වෙයි. 

ඒ අවාසනාවන්ත ජීවියාගෙ විසූක දස්සන ඇති පදම් දැකලා තිබුණු නිසාමය අපේ චූටි නංගී ‘කමලා සංජීවනී උපන් විට මගේ පපුව කඩා වැටුණේ; ඊට මාත් වගකිවයුතු නිසා, මටම සාප කරගත්තේ. අපේ අවාසනාව නම් කල් අල්ලා හිටියේ නැත. දවස් විස්සකින් චූටියා අපටත් සැනසීම දෙමින්- එයාගේ සදාකාලික සැනසීමත් හොයාගෙන ගියාය!

අද ගිහාමු කොහොම ඉන්නවා ඇතිද? සෙනෙවිත් දැන් හැට පැන්න කෙනෙකු විය යුතුය. ඇයි ජයන්ති?

සෙනෙවි, ජයන්ති එහෙම දැන් කොහොම - කොහේ ඉන්නවා ඇතිද?
ජයන්තියි, එයාලගෙ අම්මා ඇසිලින් අම්මෙයි දෙන්නා හිටියේ බොරැල්ලේ සේනානායක හන්දියේ වත්තකය. ජයන්ති මිටිය; පිරුණු ඇඟපතය. කොළඹම පාසලකට යමින් හිටියත් දැනගෙන හිටි දෙයක් නැතිම තරම්ය. 

ඇසිලින් අම්මේ එහාට ආවේ-ගියේ හිටි-හිටි ගමන් වගෙය. මෙතෙක් මගේ ජීවිතයේදී දැක ඇති පුදුම රෝගයක් ඇයට තිබිණි. ඔන්න ගැටළුවක්... දැන් ඉතින් දොස්තර අයස්මන්ත පීරිස් මහත්තයාටවත් කතා කරලා මේ ලෙඩේ ගැන විස්තර අහගන්නටම හිතෙයි.

“ඒ ලෙඩේට කියන්නේ, නියුරොෆයිබ්රොමැටොසිස් (Neurofibromatosis) කියලා. ඒත් නිමල් අයියේ, ඒකේ දෙකක් තියෙනවා. type 1 කියලයි, ටයිප් 2 කියලයි. හරියටම විස්තර ඕනේ නම්, හොයල බලල තමයි කියන්න වෙන්නේ.”

නිදිගෙ පංච තන්තරේට වෛද්‍ය උපදේශක පට්ටමක් නැතත් නොනිල විදියට ඒ රාජකාරිය කරන්නේ අයස්මන්ත මහත්තයාය. 

ඊයේ (මැයි 8 වෙනිදා රෑ දහයමාරට මං ටෙලිෆෝන් කරද්දී මනුස්සයා හිටියේ හෙම්බත් වෙලාය. “අදත් කැටරැක්ස් සීයක් කළා නිමල් අයියේ.” හම්බන්තොට ඉස්පිරිතාලයේ ඉඳන් එහෙම කිව්වාට පස්සෙත් තව කරදර කරන්නේ කොහොමද? “එපා, එපා. මං හොයාගන්නම් නෙට් එකෙන්. මට ඒකෙ ෆොටෝ එකකුත් හොයාගන්න තියෙනවා.....”

එදාත් කැටරැක්ස් ඔපරෙෂන්ස් 100ක් කරලා හෙම්බත්ව හිටි.......
ඒ ලෙඩේ හැදෙන්නේ 3000කින් එක්කෙනෙකුට විතරලු. මාරාන්තික නැත; ඒකත් එක්ක හරියට ඩීල් කරනවා නම්!

ඒක ස්පර්ශයෙන් අනෙක් අයට බෝවෙනවා වෙන්නට බැරි බව විතරය මං ඒ කාලේ දැනං උන්නේ. මං එහෙම කියන්නේ ඒ කාලයේ, ඇසිලින් අම්මේගේ සද්ධිවිහාරිකයාට ඒ අසනීපය බෝවෙලා තිබුණේ නැති හින්දාය. 

ජයන්තිලාගේ බොරැල්ලේ ගෙදරදී මට ඒ පරාණකාරයා දෙතුන් පාරක්ම හමුවන්නටත් ලැබිණි. අනේ, ඒ මනුස්සයා අහිංසක වැඩිහිටියෙකි. ඒත් ජයන්ති නම් ඒ අහිංසකයාට පෙන්නුවේ ‘යෝනකයා ඌරු මාළුවලට’ පෙන්නන ජාතියේ සැලකිල්ලකි.

“මට පෙන්නන්න බැහැ බං. නාකි මනමාලයා. ඌ නැති වෙලාවට නං මම අපේ අම්මටත් දෙස්ස කපනවා.”මේ කතන්දර හෙළිවුණේ ටිකෙන්-ටිකය. 

ජයන්ති මේ තට්ටු ගෙදර නවතින්නේ, ‘බාප්පාකාරයා’ එයාලගේ ගෙදරට  එන දවස්වලටය. “.... හැබැයි නිමල්, අපේ අම්මා මං මිනිහට බනින විත්තිය අඟවන්නේ නැහැ. මට නම් හිතෙන්නේ මිනිහත් ඒවා නොදන්නවා වගේ හිටියට දන්නවා....”.

“නිමල්, දන්නවද වැඩක්. මෙයාට බාප්පාකාරයාව පේන්න බැරි වුණාට මොකෝ,  මෙයා බාප්පා ගේන දේවල් සේරම නං ගන්නවලු.” සෙනෙවිත් තොරතුරු කියයි.

ජයන්තිලාගේ අම්මාට තිබුණු අසනීපය එයාගෙන් තවත් අයට බෝවෙන ජාතියේ එකක්.........
“ඒකට මොකෝ? ඌ ගේන්නෙ මටනේ. ඌ එව්වා මට දික් කළාට මං ගන්නවයැ. ගස්සගෙන අහක බලාගන්නවා. ඒත් මිනිහා හීන්සීරුවේ එව්වා අම්මගේ අතට දෙනවා. අම්මත් කරන්නේ ඒවා ටීපෝ එක උඩින් තියන එක. ඉතින් ඒ දෙන්නම පේන්න නැති වෙනකල් ඉඳලා මං ඒ සේරම තනියෙන් කනවා”.

අපේ ආච්චී නං ඕවාට කියන්නේ ‘ආඳා මාළු අතින් නොකං - ඉරටෙන් කං’ කියලාය. ඒත් මං ජයන්තිටවත්, සෙනෙවිටවත් එව්වා කියා දෙන්නට ගියේ නැත. කොළඹ ඉස්කෝලයකට ගියත් ජයන්ති දන්නා බම්බුවක් නැතිම තරම්ය. අකුරුත් කැතය. අනුන්ගේ පහිනපත් වැඩ කරනවා මිස මෙලෝ දෙයක් බැරි තරම්ය. හැබැයි කටකාරය. 

බොරැල්ලේ වත්තෙන් ආ ගතියක්ද මන්දා පපුව ඉස්සරහට දමාගත් ගමන්මය.      

හිටි ගමන් රෙදි කෑල්ලකුත් උස්සාගෙන එන ජයන්ති ස්ටූල් එකකුත් ඇදගෙන වාඩි වෙයි. ඒ නිහාමු නැති වෙලාවකය. “නිමල්, මටත් දියන් ඡන්ටින් එකක්.” ඒක කියන්නෙත් ආඩම්බර තාලෙනි. ඒවා නම් මට දිරවන්නේ නැත. 

මුල් දින කිහිපයේ ඉවසුවාට, ඊට පස්සේ මාත් කළේ පෙණය පිප්පීමය. “ජයන්ති හිතන්නෙ හරියට මාත් එයාගේ අත පල්ලෙන් වැටිලා කියලනේ!” ඡන්ටින් එක ජයන්තිට දෙන ගමන් මා කියන්නේ සෙනෙවිටය. බාගෙට හිනාවෙමින්ය. දවසෙන් දෙකෙන්ම ජයන්ති ඉඟිය තේරුම් ගත්තාය.

‘අද දෙන්නං’ කියාගෙන පටන් ගත්තත්, ජයන්ති ටිකකින්ම ගසා-බසා දමා නැඟිටින්නේ නහයෙන් අඬමින්ය. “අපෝ, උඹට පුළුවන් වුණාට දිගටම වාඩිවෙලා ඉටි උල-උලා ඉන්න මගේ පස්ස රිදෙනවා බං. සොරි මචං.... උඹ කැමැති නැහැ නේද උඹ-බං කියනවට.”

මොකද බං බං ගාන්නේ? බානේ වැල කැඩිලද............
ඒ අනෙක් කතාවය. ‘බං’. අපේ ගෙදරදී නම් කාටවත්ම ‘බං’ කියන්නට අපට අවසර තිබ්බේ නැතිය. ආච්චී හරි තාත්තා හරි වුණත් එහෙම කිව්වේ තරහ ගිය වෙලාවකය. අපෙන් කවුරුන් හෝ ‘බං’ කියනවා එයාලට ඇහුණෝතින් ප්‍රශ්නයක් ප්‍රතිවාදනය වෙනවාමය! 

“මොකද බං බං ගාන්නේ බානේ වැල කැඩිලද?”. (බාන කියන්නේ වැලකින් එකට ඈඳූ ගොන් දෙන්නෙකුටය. 

මළා! අද ගොන් දෙන්නෙක් කියාපු ගමන් කාගෙත් සිහියට එන්නේ රටම හඳුනන දෙන්නෙකි. අපොයි, මේ දවස්වල කට වරද්දාගන්න හොඳ නැත. ඊටත් කිරිසප්පයන් පවා දන්නා කතාවක් මොකට කියනවද? ඉතින් අර පුරුද්ද නිසාමදෝ, අදටත් මගෙන් ‘බං’ වචනය කියැවෙන්නේ නැතිම තරම්ය.

මගේ ජීවිතය දෙස ආපසු හැරී බලනවා නම්; සිංහාවලෝකනයක යෙදෙනවා නම් ඔය විදිහට අපේ ගෙදරින් ඉගැන්වූ-පුරුදු පුහුණු කරවූ දේවල් අපමණ ඇති බව පෙනෙයි. ඒ නීති-රීති වැඩි හරියක් දැන් fb එකේ පෝස්ටු විදිහටත් දැකගන්නට ලැබෙයි. හිතවත් ගාමිණී බණ්ඩාර ෂෙයාර් කරගෙන තිබුණු එකකි මේ. 
ඇත්තෙන්ම මේකෙන් කියන්නේ මධ්‍යම ප්‍රතිපදාව ගැන නේද? මේවාට ‘like’ දමනවා විනා, ඒවා ගැන අප හිතා-බලනවාද?
මේවාට likes දමලා අමතක කරනවා මිස, ඒවායේ අරුත ජීවිතයට සමීප............. 
ජයන්ති, සෙනෙවි වැනි අතිශයින්ම පටු මානසිකත්වවල උන් අය සමඟ පවා කටයුතු කිරීම මට ලෙහෙසි වුණේ, මේ මැද පිළිවෙත නිසාය. 

කොතෙක් හිතෛෂී වුවද; සමීප වුවද මගේ කිසිම මිතුරෙකුට මා ඕනෑවට වඩා කිට්ටු වෙන්නේ නැත. ආස්සරය අතේ දුරින්ය. කිසිවකුට මගේ සියලුම තොරතුරු මා කියන්නේ නැත. රහස් ගැන මගේ පරෙස්සම ඊටත් වඩා හපන්ය!!

අනේ, සමාවෙන්න ඕනේ. මෙයින් කියන්නේ මගේ ගතිය ගැන මිස, මගේ හිත-මිතුරන්ගේ අඩු-පාඩුවක් ගැන නොවේ. “මූ ගල් ආඳා. අපිටවත් සේරම කියන්නේ නැහැනේ. අපි කියන ඒවා නං අහගනියි.” සමහරු මට කියති. මං මොනවා කරන්නද? ඒ මගේ උපන් ගතියය.

මේ ‘උපදේශ කාව්‍යය’ කියවද්දී තේරෙන්නේ තවත් එහෙම අය ඉඳලා තිබෙන බවයි..

    රැවුල එන්ට පළමුව තරුණයා        වෙතී
    අලියා එන්ට පළමුව මිණි හඬ    ඇහෙතී
    ගොරවාලන්ට පළමුව විදුලිය    කොටතී
    උපන් ගෙයි ගතිය බලි ඇරියත්  නොයතී

ගොරවාලන්ට පළමුව විදුලිය කොටතී...............
ඉතින්, මගේ ජන්ම ගතිය ඔහෙ තියෙද්දාවේ. ඒක නිසා වෙලා තියෙන; වෙමින් තියෙන දේවල් ගැන කතා කරමුකෝ. නේද? 

ජයන්ති වැඩියත්ම කළේ ඒ නිවහනේ දූලා දෙන්නාගේ රාජකාරිය. දැනටමත් මං නිහාමු ගැන නම් කියා තිබේ. මං රුහාමුව ඉස්සෙල්ලාම දැකගත්තේ එහාට ගිය දවසේ දවල් කෑම වේලාවේය. එයාගෙත් රූප සම්පත්තිය අඩුවක් නැත. සුදුය; උසේ තරමට මහතය.

රුහාමුට තිබුණේ ඒ කාලයේ ආසියාතික රූමතියකගේ සිරුරකි. එහෙම ‘ඒ කාලයේ’ කියා කියන්නේ දැන් trend එක කෙට්ටු; සිහින්; ඇඟක් නිසාය.

රුහාමුට තිබ්බේ පිරුණු අඟපසඟය. ඇත්තම කියනවා නම්, මං එයා දිහා බැලුවෙත් හොරෙන් වගෙය; ඇස් කොණෙන්ය. ඒ වෙන කිසිවක් නිසා නොවේ, මගේ ලජ්ජාව හින්දාය; එයාගේ වස්තරේ හින්දාය. එයා ඇන්ද ගවුම් සේරම වගේ සෑහෙන්නට කර හාරා කපාපු ඒවාය; ‘ජාතික කිරි මණ්ඩලයම’ පෙනෙන ජාතියේය. ඒ මදිවාට ඒ ගවුම් උසෙනුත් සෑහෙන්න අඩුය.

අපේ ඉස්කෝලේ යහළුවන් නම් එහෙම අඳින අයට කිව්වේ ‘ගල් එළියේ දාගෙන’ කියලාය. උන් දකින්න තිබ්බේ රුහාමු මේසයට වාඩිවෙන ලස්සනය. එයා වැඩියෙන්ම වාඩිවෙන ඉරියව්වේදී කළේ, කකුල් දෙකම උස්සා ඉදිරිපිට පුටුවක් උඩින් තියාගැනීමය.

රුහාමු පිඟන් පලඟාන් ආදියේ, පාට වූල් හා පාට නූල්වලින් විවිධ මෝස්‌තර..............
ඒ කලාත්මක ඉරියවුවෙන් යුතුව, රුහාමු කළේ තවත් කලා නිර්මාණ කාරියකි.

සුදු පිඟන්-පලඟාන්වල පාට නූල් හා වූල්වලින් මෝස්‌තර ඇලවීමය. වැඩිමනත් විස්තරයක් නම් මට බලාගන්නට විදියක් වුණේ නැත. ඒත් රුහාමු ඒවා හැදුවේ විකුණන්නට බව නම් සෙනෙවිලා කීහ.  

ඒ ගෙදර හැමෝම සල්ලි හම්බ කරන්නට පේවී උන් අයයි.’  පසුගිය පෝස්ටුවෙදී මම කීවෙමි.
මේ බිස්නස් එක කෙරෙව්වේ කවුරුන්දැයි පැහැදිලිවම නොදනිතත්, ඒ ගෙදර තවත් ව්‍යාපාරයක් සරුවට කෙරුණේය. 

‘බෝතල් කළ කෑම නිපදවීම’. හැදුවේ වර්ග කිහිපයකි. අච්චාරු, පොළොස් පැහි, හාල්මැස්සන් පැහි හා වම්බටු මෝජුය. ඒවා හදන දවසට සෝමා අම්මෙටත්, ඇසිලින් අම්මෙටත්, ජයන්තිටත් විතරක් නොවේ- සෙනෙවිටත් බර වැඩය.
   
ඒකෙන් මටත් වාසියක් වුණේය. එහෙම හදන කෑම, හොඳින් සෝදා වියළාගත් පිරිසිදු බෝතල්වල අසුරන්නේ නිවුණාට පස්සෙය.


පොළොස් පැහි, හාල්මැස්සන් පැහි වගේ දේවල් හදන දවසට මගේ පිඟානටත්.........
එහෙම දවසට බත් කන වෙලාවෙදී අර ජාතිවලින් හැන්දක්-දෙකක් නොවරදවාම මගේ පිඟානටත් වැටෙයි. මා පළමු වතාවට පොළොස් පැහි, හාල්මැස්සන් පැහි කෑවේ එහෙදීය. (සමහරුන් පොළොස් කරියටත් පැහි කියලා කිව්වත් ඒක වැරැදිය. බටු මෝජු හදනවා වගේ ගන්නා හැම දෙයක්ම තෙලෙන් බැදගෙන- විනාකිරි, කහ, අබ කුඩු, මිරිස් කුඩු, බැදපු තුනපහ කුඩු, ගම්මිරිස් කුඩු හා ලුණු පදමට එකතු කරගෙන අනලාය පැහි හදන්නේ.)

ඔහොම සිල්ලර උදව් කළ සෝමා අම්මෙට එහෙමත් පළමුවෙනි සතියෙන් පස්සෙම මං හින්දා ලොකු පාඩුවක් වුණේය. ඒ රෙදි ඩයි කරන්නට ගියාමය.

බතික් නිර්මාණයක් කරන කෙනෙකුට සැලසුමක් තිබිය යුතුමය. Wax කරන්නට කලින්ම ඒ රෙද්දට යොදන වර්ණ ගැන හිතා බලන්නට වෙයි. ළා පැහැයකින් ඩයි කළ රෙද්දකට ඊට වඩා තද පැහැයක් දමනවා මිස, වෙනත් ළා පැහැයක් දැමීමට බැරිය. 

ඒ ක්‍රමය මෙහෙම කිව්වාම වඩා පැහැදිලිය.

ළා කහ- තද කහ- තැඹිලි- රතු- දුඹුරු- කළු. මේ අනුපිළිවෙලට සුදු රෙද්දකට වරින්-වර වර්ණ යොදන්නට පුළුවන්ය. 

කහ- රතු- කළු එක ක්‍රමයකි; කහ- කොළ- කළු තවත් ක්‍රමයකි..........
කහ- කොළ- කළු තවත් පිළිවෙලකි. ළා නිල- තද නිල- කළු. ඒ තවත් ක්‍රමයකි. 

නමුත් රතු පාට දැම්මාට පස්සේ ඒවාට කොළ පාට හෝ නිල් පාට හෝ දාන්නට බැරිය. රතු පාටට කොළ පාට එකතු වී හැදෙන්නේ කළු පාටකි. මේ, මං කිව්වේ මූලික ටිකක් විතරය. කහ පාටට නිල් පාට එකතුවී හැදෙන්නේ කොළ පාටය.

ස්කාෆ්, සරොම්, කමිස, සාරි, වගේ දේවලට දාන්නේ පාට තුනකි. බොහෝ විට ඊටත් අඩුය. (ඒ වියදම ගැනත් හිතන විටය.) 

ඉතින් මුල්ම සතියේ අප ඉටි කළ රෙදි සේරටම දාන්නට කතා කරගෙන හිටියේ රතු-කළු පාට දෙකත්, කොළ-කළු පාට දෙකත්ය. ඒ විදියට වැක්ස් කළ රෙදි ගොන්නකුත් සූදානම්ය. නිහාමු ගරාජයට ආවේ කිරුම්-මිනුම් සේරම ලියූ සටහන් පොතකුත් උස්සාගෙනය. සෙනෙවි ඩයි වර්ග දමා තිබුණු පෙට්ටිය උස්සාගෙන ආවේය. ජයන්තිත් ලෑස්තිය.

ඩයි දැමීම අව්ව වැටෙන තැනක කිරීමට බැරිය. එහෙදී හැමදාම ඒ රාජකාරිය කළේ ගරාජයේදීය. ඔය කිව්වේ නිහාමු කියා දුන් හැටිය. ක්‍රම සහ විධි ඉගෙන ගත්තාට පස්සේ ඕනේ මඟුලක්!

ඉටි තැවරූ රෙදිවලට ඩයි දැමිල්ල අව්ව වැටෙන තැනකදී කරන්නට බැරිය!
මොකුත්ම නොදන්නා නවක මං කළේ සේරම; අල්පෙනෙත්තියක් තරම්වත් මිස් වෙන්නට නොදී බලාගෙන හිඳීමය. 

එහෙම බලාගෙන ඉඳලා එකතු-පහදු කරගත් විස්තරය, මෙහෙම අදටත් වමාරන්නේ. ඒත් ඒකට තව පෝස්ට්ස් කිහිපයක් ලියන්නට වෙයි වගේය!


12 comments:

  1. "නිදි" ගේ බතික් දැනුම සහ අනිකුත් හැකියාවන් ගැන කියවුනාම මට හිතෙන්නේ ඔයා Jack of all trades ජාතියේ එක්කෙනෙක් කියලයි. ඒ වගේම අතීතය මතක තබා ගැනීමේ විශ්මිත හැකියාවකුත් තිබීම ගැන ඔයා ආඩම්බර විය යුතුයි. රසවත් බ්ලොග් පෝස්ටුවට ස්තුතියි.

    ReplyDelete
  2. හැබැයි සෑම්, ඔයා දන්නවද මට කාර්මික පැත්තේ මොකුත්ම බැහැ කියලා. ප්‍රින්ටින් මැනේජර් කෙනෙක් විදිහට අවුරුදු 23ක්, ආයතන තුනක වැඩ කළාට මොකෝ අදටවත් ඒ මැෂිමක් on- off කරන හැටිවත් නොදන්නා මැට්ටෙක් මං.

    කලින් කිව්වනේ, හෙල්මට් හතක සල්ලි දීලා අරන් තිබුණත් දන්නේ පිලියන් එකේ වාඩිවෙලා යන්න විතරයි.

    මතකය නං වැඩිවෙන්න ඇත්තේම අපේ ආච්චී මට කවමු කොළ-පලා කන්දරාවත්, තවමත් මං එළුවෙක් තරමට කන කොළ සම්බෝල කන්දත් නිසා වෙන්නැති.

    ඉතින් මහත්තයෝ, ඒ මතක තිබීම හින්දාම අහන්නේ, ඔයාගේ රහස් එළියට දාන්න පටන් ගත්තද?

    ReplyDelete
  3. ඔය අඹයහළුවෝ නාට්‍යය ටීවී එකේ යන දවස්වල අපේ අම්මා ඒකෙ නම කියෙව්වෙ "ය" යන්න නැතුව. අපි කියෙව්වෙ "ය" යන්න ලොප් කරලා "හ" යන්නට "එ" යන්න ආදේශ කරලා...

    ReplyDelete
    Replies
    1. එතකොට ඩ්රැකී උන්නැහේ ඉල්ලන්+දැරි වයසේ වෙන්ටෑ!

      Delete
    2. ඉස්කෝලෙ හතර වසරෙ... හැක්

      Delete
    3. පොඩිකමට නෙවෙයි නේද ඇට්ටර වැඩ?

      Delete
  4. යකඩො ඊයේ මීකට මාගලක් විතර දිග කොමෙන්ටුවක් ලියලා ලියලා එල්ලුවා. අද බැලුවාම ඒක බහිරවයා ගිලලාද කොහේද?
    හැමදාම ෆ්‍රයිඩ් රයිස් කකා ඉඳලා කිරට හදපු දෙල් මාළුවට බදපු බල කරෝල කෑල්ලක එක්ක සුදු බත් ටිකක් කන්න ලැබුනා වගේ. මදි පාඩුවට මැල්ලුමකුත්!

    ඉතින් මේ වගේ රස කතා මගේ ජීවිත කතාවෙත් එහෙන් මෙහෙන්! ඒත් මේ ලියන්න පටන් ගත්තු ලිවිල්ලට පොඩ්ඩක් එහා මෙහා උන ගමන් දන්න කියන එවුන් මග තොටේදි හම්බුනාම " යකෝ මිනිස්සුන්ට පුළුවන් දේවළුයි බැරි දේවළුයි කියලා දෙකක් තියෙනවා! කොච්චර ට්‍රයි කලත් පෝලියෝ රෝගීන්ට ෆුට් බෝල් ගහන්න බෑ බං!" කියලා ආදරේට වගේ කියනවා. ඉතිං ඒ ලිවීම එච්චරම තමයි.

    ඉතින් නිදි රසවත් ලියැවිල්ලක්! කියවන්න තමයි වෙලාව හිග. මොකද සතියකට වචන 2000 ක් විතර ලියන ලියවන පට්ටලයක් වන බැවින්!
    එළ!

    ReplyDelete
    Replies
    1. ඊයේ කමෙන්ට්ස් බලමින් ඉඳිද්දී spam එක උඩ ක්ලික් වුණා. අයම එක ගන්න මොකද්ද කරන්න ඕනේ කියලා දැනුමැත්තෙක් තමයි අහගන්න ඕනේ. අනේ, සමා වෙන්න, නොදැන වුණ වැරැද්දට.
      මං හිතාගෙන හිටියේ මගේ ලියන වේගය අඩුයි කියලයි. අනෙක, දන්නවනේ...... මැරෙන්න කලින් පුළුවන් තරමක් ලියලා ඉවර කරන්නත් ඕනැනේ.
      මගේ ලියවිල්ල කියවනවාට ස්තුතියි. ඔයාගේ ලිවීමත් අතපසු නොකරනවා නං නේද හොඳ?
      භින්නරුචික ලෝකෙක ඉන්න හින්දා හැමෝම කියන ඒවාට සවන් දුන්නට මොකද, හැමෝටම ඕනේ විදියට වැඩ කරන්න ගියොත් නං රජෝ..... මතකනේ බූරුවාව විකුණන්න ගෙනිච්ච තාත්තගෙයි පුතාගෙයි කතාව?

      Delete
  5. නිමල් අයිය බතික් .. බතික් ... කිව්වට අඹේවෙල පැත්තේ ගොහිං ගල් කැටයම් බලාගෙන ඇවිල්ල :-D

    ReplyDelete
    Replies
    1. බලාගත්තා නෙවෙයි, එළියේ තියාගෙන ඉන්නකොට පෙනුනා!

      Delete