අහංකාර ස්ත්‍රීගෙන් එදා රෑට - තෙවෙනි කොටස

පහුගිය පෝස්ටුවේ commentsවලදී මං කිව්වා ‘එදා රෑ’ ගැන මගේ අදහස මේ post එකේදී ඔයාලට කියන බව. මෙන්න ඒක ඉතා කෙටියෙන්.

‘ආශා දෑසින්’ film එකේ තිබ්බනෙ ගාමිණී ෆොන්සේකායි, ශ්‍රියානි අමරසේනයි ‘මුව මදහාසේ...’ ගීතයට රඟන මනස්කාන්ත ජවනිකාවක්. ගීතය ගයන්නේ අපේ කතානායක මිල්ටන්. ඉතිං ‘එදා රෑ’ ෆිලුමටත්...

‘දවස් 50ක් ඉක්මවා සාර්ථකව තිරගත වෙන ‘එදා රෑ’ උසස් ගණයේ කලාත්මක චිත්‍රපටයක් නොවේ. එහෙත් නොමඳ ආස්වාදයක් සපයන සංගීතමය ෆිලුමකි. වැරදි- අඩුපාඩු ඇතත් නරඹන්නට වටියි!’

එච්චර කෙටියෙන් මගේ අදහස කිව්වට හරි යන්නෙ නෑ වගෙයි! අපේ ආදරණීය රසික-රසිකාවන් පහුගිය කොටසට එවා තිබුණු comments කියවනකොටයි මට එහෙම හිතුණෙ. ‘ආයෙ මොකටද කොළේ වහල ගහන්නේ? උඹට පුරුදු විදිහට සහසුද්දෙන්ම විස්තර ඇතුව ඇත්තම කියහං නිදියෝ!’

‘එදා රෑ’ ලෝ බජට් වැඩක්!!!
(සුජීව ප්‍රේමරත්නත් ඒ විත්තිය කියල තිබුණනේ.)
සිනමා ප්‍රේක්ෂකයන්ට ඒකෙ ඇති වැරැද්දකුත් දැනෙන එකක් නෑ... තුට්ටු දෙකේ අස්සයා හරියට කඩුල්ල පැන්නා නං...
එහෙම නොවිච්ච නිසා වෙන්නැති සමහර තැන්වලදී ඒ අඩුපාඩුව සෑහෙන්න කැපී පෙනුණා- මට නං.

ජනිත් වික්‍රමගේ හරියට ගාමිණී ෆොන්සේකාව නිරූපණය නොකළයි කියපු උදවියටවත් මේ වැරැද්ද නොපෙනිච්ච එකයි පුදුමේ.

‘ආශා දෑසින්’ film එකේ තිබ්බනෙ ගාමිණී ෆොන්සේකායි, ශ්‍රියානි අමරසේනයි ‘මුව මදහාසේ...’ ගීතයට රඟන මනස්කාන්ත ජවනිකාවක්. ගීතය ගයන්නේ අපේ කතානායක මිල්ටන්.

ඉතිං ‘එදා රෑ’ ෆිලුමටත් ඒ ගීතමය ජවනිකාව ප්‍රතිනිර්මාණය කරල තිබුණා.
අනේ, ඒකට තෝරගෙන හිටිය නැටුම් කණ්ඩායම (සෙසු ශිල්පියෝ)...
එයාලව දැක්ක ගමන්ම- ඒ වෙලාවේ මට හිතුණු දේ ඒ විදිහටම කියන්නද? ‘කොහෙන්ද යකෝ 😒😒😒 මේ ඇටිකිති ඇච්චො-බැච්චො ටික අහුලගෙන තියෙන්නේ?’

බොහොම ලාබෙට කෙරිල තිබුණු තවත් තුට්ටු දෙකේ දර්ශන පෙළක් තමයි මිල්ටන් මල්ලවාරච්චි ගී ගයන සංගීත සංදර්ශන ටික.
ඒ ඉතිං මට හිතුණු හැටි නෙව. Film එක බලපු ඔයාලට මොනවද ඒ ගැන හිතුණේ?

‘එදා රෑ (One voice Million hearts)

මේක ලියන්නේ ඇත්තටම මිල්ටන් මල්ලවආරච්චි කියන ඒ අසහාය ගායකයා දැකපු නැති පරම්පරාවක කෙනෙක් විදිහට ඒත් එතුමාගේ ගීත රස විඳින ශ්රාවකයෙක් විදිහට... ෆිල්ම් එකක් බලලා හිත සතුටින් එළියට බහින්න ලැබිච්ච හරිම වටින ෆිල්ම් එකක් මේක නම්.

අරුණ ජයවර්ධන අධ්යක්ෂකතුමා නම් ඇත්තටම මේ ෆිල්ම් එකේ චරිත තෝරගන්න(*) එකේ ඉඳලා එයාලගේ output එක එනකම් ඒ කරලා තියෙන mission එක වටිනවා.
මේ ෆිල්ම් එක බලද්දි මට හිතුනේ අපිට අපේ කලාව අස්සේ හිටපු ඒ පතාක යෝදයෝ තව ටික කාලයක් අපේ සිංහල කලාව අස්සේ හිටියනම් අපිට තව කොච්චර වටින නිර්මාණ බලාගන්න තිබ්බාදෝ කියන දුක තිබුනා. එහෙම දැනෙන්න හේතුව වෙන්න ඇත්තේ ඒ චරිත තෝරාගැනීම් නිසාමයි කියන ෆිල්ම් එක බලලා එළියට ආවහම හිතුනා.

ඒ ඒ චරිතවලට ඒ තෝරගත්ත නළු නිළියන් මාරම මාර සාධාරණයක් කරලා තිබ්බා...

ඒ වගේම මිල්ටන් මල්ලවආරච්චි කියන චරිතේ බිහිවෙන්න එයා පිටිපස්සේ හිටපු අම්මා, යාලුවෝ, බිරිඳ කියන ඒ සාධක ටික මාරම ලස්සනට පෙන්නුවා. මොකද ඒ පිටිපස්සේ හිටපු මිනිස්සු නැත්තම් මිල්ටන් කියන චරිතේ බිහිනොවෙන්න තිබ්බා.

කරුණාරත්න අබේසේකර, ප්‍රේමකීර්ති ද අල්විස්, වික්ටර් රත්නායක, මර්වින් පෙරේරා, විජේ, නවලෝක මුදලාලි... ඇත්තටම ඒ ඒ චරිතවලට ඒ තෝරගත්ත නලු නිළියන් මාරම මාර සාධාරණයක් කරලා තිබ්බා (මේකේ දැම්මේ නැති චරිත ඔක්කොම). මොකද අපේ කාලය එනකොට වික්ටර් රත්නායක මහතා හැරුනකොට අනික් හැම පුද්ගලයෙක්ම එක්කෝ ෆොටො එකකින් එහෙම නැත්තම් මොකක් හරි වාර්තාවකින් දැනගත්ත චරිත විතරක්ම උනා... ඒත් මේ ෆිල්ම් එකෙන් ඒ චරිත ජීවමාන කරා. ...

අනික් එක සිංදු ටික. මේක ස්ටෝරියක් තියෙන කතාවක් කියලා බලන්න යනවනම් එහෙම යන්න එපා. මොකද මේක musical movie එකක්. මිල්ටන් මහත්තයාගේ ජීවිතේ එක එක සිදුවීම් ඒ සිංදු එක්ක connect වෙලා තියෙන විදිහ හරිම ලස්සනයි. අනික ඒ සිංදු කියන්නේ original මිල්ටන් නෙවෙයි කියන එක එක මොහොතකවත් දැනෙන්න නම් දුන්නේ නෑ.

මොකද ඒ වගේම හඬ පෞර්ෂ 3ක් මිල්ටන් මහත්තයගේ හඬට මාරම මාර සාධාරණයක් කරා. මට ෆිල්ම් එක බලපු හැම මොහොතෙම හිතුනේ මේ සිංදු කියන්නේ ඇත්තටම මිල්ටන්මද කියලා. ඒ තරම් සාධාරණයක් ඒ සිංදු ටිකට කරලා තියෙනවා.

අනිත් එක ජනිත් වික්රමගේ රඟපාන ගාමිණී ෆොන්සේකාගේ චරිතයට negative comments වැටිලා තිබුනාට ඒ චරිතයට ජනිත් සාධාරණයක් කරනවා. මොකද කොහොමත් ගාමිණී ෆොන්සේකා තරම් රඟපාන්න චරිතයක් දැන් සිනමාවේ නෑ ඒ චරිතය අනුකරණයේ සාදාරනීය බව ජනිත් රැකලා තියෙනවා.

ලංකාවේ biography කියන්නේ හරිම අඩු ෆිල්ම් ගානක් තියෙන ශානරයක්(**). එහෙම එකේ එදා රෑ කියන්නේ ඒ ශානරයෙන් ආපු හොඳම ෆිල්ම් එක මේක.

චන්න දේශප්රියගේ කැමරා ඈන්ගල් ටික නම් නියමයි... සමහර තැන්වල හෙන සියුම්ව ෆ්රේම් එක වෙනස් කරනවා මාරයි. ඒ වගේ සුරේශ් මාලියද්දගේ සංගීතය මේ ෆිල්ම් එක දුවවනවා එක මොහොතක්වත් කම්මැලිකමක් දැනෙන්න දෙන්නේ නැතුව. අන්තිමට අරුණ ජයවර්ධන කියන අධ්යක්ෂකතුමා දක්ශයෙක්. මුල ඉඳන් අගට time line ටික එකිනෙකට ගලපලා ඒ චරිතෙට දීපු වටිනාකම නම් අතිවිශිෂ්ටයි. එකම ෆිල්ම් එක දෙවෙනි පාරකුත් බලන්න හිතෙන තරමට ඔබතුමා මේ ෆිල්ම් එක කරා.

සිගරට් අරක්කු නිසා තව සිංදු 1000+ වැඩිය කරන්න තිබ්බ වටිනා මනුස්සයෙක් නැති උන දුක නම් අපිට කාලයක් තිස්සේ තියේවි.

Biography ෆිලුම්:- ක්ලැරන්ස්, මිල්ටන් චරිතාපදාන films ලබා ගත්තු අසීමිත ප්‍රේක්ෂක ප්‍රතිචාර නිසාද කොහෙද දැන් ලහි-ලහියේ බයෝග්‍රැෆි චිත්‍රපට කීපයක්ම නිපදවෙමින් තියෙනවාලු!

සංගීතයට ආදරය කරන- නොකරන ඕනේ කෙනෙක් ගිහින් බලන්නම වටින ෆිල්ම් එකක් මේක. මං කියන්නේ මිස් කරගන්න එපා- මොකද මේක බලන්නම ඕනේ කතාවක්. විඳින්නම ඕනේ ෆිල්ම් එකක්. ලංකාවේ විරහ ගීතයේ ඔටුනු පලන් රජුගේ කතාව.’

අශේන් සංජන ආනන්ද fb එකට ලියලා තිබ්බ ‘එදා රෑ’ රස වින්දන සටහනයි ඒ. (ඒකෙ තරු ලකුණු දෙකක් යෙදුවේ මායි- ඒ ගැන වෙනම කතා කරන්න ඕනි හිංදා. ඒ වගේම අශේන්ගේ සටහනේ රොෂාන් රවීන්ද්‍රගේ අතිදක්ෂ රඟපෑම ගැන ලියැවුණු කොටස් විතරක් මං අයින් කළා- අපි මීට කලිනුත් ඒ ගැන ඇතිවෙන්න කතා කළ නිසා. කැමැති කෙනෙකුට fb ගිහිං එව්වත් කියවන්න පුළුවන් වෙන්නයි මේ ලින්ක් එක මෙතනට දාන්නේ:
https://www.facebook.com/groups/209953989840876/posts/2346612392841681

දැන් කතා කරලා ඉන්නංකො මං * ලකුණු සටහන් කරපු කාරණා ගැන.

*චරිතවලට නළු-නිළියන් තෝරාගැනීම: මේ ගැන ලියන අශේන්ම කියනවා එයා ඒ ගොඩක් උදවිය දිවමන් කාලයෙන් පස්සේ ඉපදුණු කෙනෙක් විත්තිය. ඒ නිසා වෙන්නැති (මට තදින්ම දැනුණු) මේ නොගැලපීම් දෙක අශේන්ට නොදැනෙන්න ඇත්තේ.

1. රුක්මණී දේවි හෙවත් ඩේසි අක්කා- (දේශපාලන වේදිකාවලදී ඒ අසහාය නිළි ගායිකාව ඉතාම සමීපව දැක ගන්නත්- ඇය හැසිරෙන; කතාබහ කරන අයුරු දැක ගන්නත් වාසනාව ලද කෙනෙක් හැටියටයි මම මේක කියන්නෙ.) එදා රෑ film එකෙන් මට පෙනුණේ ඩේසි අක්කා කෙනෙක් නෙවෙයි, Xස අක්කා කෙනෙක්😦😦😦. ඒ තරමටම හිමාලිගේ ඉඟි-බිඟි වැඩියි; අධි රංගනයක් කෙරිල තිබ්බේ. වැරැද්ද අධ්‍යක්ෂ අරුණගේ පිටටයි මම නං පටවන්නේ!

2. වික්ටර් රත්නායක මහත්තයාව නිරූපණය කරන්න තෝරාගෙන තිබුණෙත් (ස්වරූපයෙන්) වැරදි නළුවෙක්.

**Biography ෆිලුම්- ක්ලැරන්ස්, මිල්ටන් චරිතාපදාන films ලබා ගත්තු අසීමිත ප්‍රේක්ෂක ප්‍රතිචාර නිසාද කොහෙද දැන් ලහි-ලහියේ බයෝග්‍රැෆි චිත්‍රපට කීපයක්ම නිපදවෙමින් තියෙනවාලු!; ළඟ එනවත්ලු!!

ඒවා අතර ලතා වල්පොල, මාලිනී ෆොන්සේකා, රුක්මණී දේවි කියන කලාකාරිනියන් තිදෙනාගේ ජීවනාන්දරත් තියෙන බවයි ආරංචි.

ලෝක සිනමාවේ පතාක යෝධයෙක් වුණු ඇල්ෆ්‍රඩ් හිච්කොක්ගෙ ප්‍රසිද්ධ කියමනක් තියෙනවනෙ. “මගේ චිත්‍රපටයක තිර නාටකය ලියලා ඉවර වුණාම film එකේ වැඩවලින් 75%ක් ඉවරයි!”. එයින්ම පේනවනේ ‘ෆිලුමක තිරනාටකය තමයි ඒ film එකේ පණ කියලා.‘

ඒ විත්තිය එදා රෑ තිර රචනය කළ සුනෙත් මාලිංග ලොකුහේවා, ධම්මික සල්වතුර, ප්‍රියනාත් විදානපතිරණ තිදෙනාගෙ සැලකිල්ලට බඳුන් වුණාද?
එහෙමත් නැත්තං ඔවුන්ට සිදු වුණේ කඩිමුඩියේ ආප්ප බාන්නද...
ඒත් නැත්තං ‘කෝකියන් වැඩි වෙලා සුප් එක නරක් වුණාවත්ද?’

පළමු ‘මනමේ’ කුමරිය වුණු; මිල්ටන් ශිෂ්‍ය අවධියේ සිංදු කියූ වැරැද්දට අව්වේ දණ ගස්වා තැබූ ගුරුවරිය වුණු ට්‍රිලීෂියා ගුණවර්ධන...

මං වහන්සේ එහෙම කියන්නේ මේකයි.

ජීවිත කතන්දරයක් කියන film එකකදී මුලු ජීවිත කතාවම A සිට Z දක්වා කියන්න බැහැ තමයි. ඒත් වැදගත්ම තොරතුරු හලලා දාන එකත් සාධාරණයිද?

මේ තියෙන්නේ මිල්ටන් හා සබැඳි; වඩා ප්‍රසිද්ධ නොවුණු තොරතුරක් ගැන ලියැවුණු කමල් සුජීවගේ සටහනක්:  

‘සිංදු කීම නිසා මිල්ටන්ව පැය එකහමාරක් දණ ගැස්වූ ගුරුවරිය

ජීවිතය පුදුමාකාරයි. එදා පන්තියේදී ඩෙස්ක් එකට තට්ටු කරමින් හින්දි ගීත ගායනා කළ නිසා පැය එකහමාරක කට්ට අව්වේ දණ ගස්වා දඬුවම් ලැබූ ශිෂ්‍යයා සහ ශිෂ්‍යයාට දැඩි ලෙස දඬුවම් කළ ගුරුතුමිය ඉන් වසර ගණනාවකට පසුව එකම වේදිකාවේ සම්මාන ලබනවා.

ඒ 1984 සරසවි සම්මාන උලෙළේදී. ට්‍රිලීෂියා ගුණවර්ධන ගුරුතුමිය 'කලියුගය' චිත්‍රපටයේ  'අනුලා'ගේ චරිතය වෙනුවෙන් වසරේ හොඳම සහාය නිළියට හිමි සරසවි සම්මානය දිනා ගනිද්දි ඇයගේම ආදරණීය ශිෂ්‍යයා වූ මිල්ටන් මල්ලවආරච්චි, 'ඈතින් ඈතට' චිත්‍රපටයේ "කැන්දන් යන්නම් රන් මල් මාලා ද‍ාලා" ගීතය වෙනුවෙන් වසරේ හොඳම ගායකයාට හිමි සරසවි සම්මානය දිනා ගත්තා.
එදා එකම වේදිකාවකදී ගුරුතුමිය ශිෂ්‍යයාටත්, ශිෂ්‍යයා ගුරුතුමියටත් උණුසුම් සුබ පැතුම් එක් කළා.

"මිස්ට මතකද මම පන්තියේ ඩෙක්ස් එකට තට්ටු කර කර තලාද් මෙහෙමුද්ගේ හින්දි සින්දුවක් කිය කියා ඉන්නකොට මිස් ඇවිත් මාව පැය එකහමාරක් කට්ට අව්වේ දණ ගහල හිටවල තිබ්බා?" මිල්ටන් ඇහුවේ හිනාවෙමින්.

“ඔයාට මම ඒ දඬුවම දුන්නේ ඔයා සින්දු කිය කියා ඉගෙනීම කඩාකප්පල් කර ගනී කියලා මට දුකක් ඇති වුණු නිසා. නැත්නම් මමත් පුංචි කාලේ ඉඳලම රේඩියෝ සිලෝන් එකේ සින්දු කියපු කෙනෙක්. අද ඔයාව මටත් වඩා කලා ලෝකය අඳුනනවා. මමත් කැමතියි ඔයාගේ සිංදුවලට.”

ඒ විත්තිය සිල්ලර; අප්‍රකට එකක් කියල හිතුවත් මේක... මේකත් නොසලකා හැරිය හැක්කක්ද?

1975 තිරගත වුණු ‘සිරිල් මල්ලි’ film එකේ තිබුණා ස්වතන්ත්‍ර හින්දි ගීතයක්. තනුව හා සංගීතය රොක්සාමි මාස්ටර්ගේ. හින්දි පද රචනය රවිලාල් විමලධර්මයන්ගේ. (ඔහුගේ දියණිය තමයි යශෝධා විමලධර්ම.) ගීතය ‘ඒක කලී කී...’; ගැයුවේ මිල්ටන් මල්ලවාරච්චි💗.

මගේ දැනීමේ හැටියට ඒ තමයි මිල්ටන් මල්ලවාරච්චි ගායකයාණන් චිත්‍රපටයකට ගැයූ මුල්ම හා එකම ස්වතන්ත්‍ර හින්දි ගීය.
80 වසරක් සපුරන්නට සූදානම් වෙන සිංහල සිනමාවේ එකම ස්වතන්ත්‍ර හින්දි ගීතය!💗💗💗

‘ඔරුවක පාවෙන’ මිල්ටන්ගේ පළමු ජනප්රිය ගීතය බවට පත්විය. කරුණාරත්න අබේසේකරගේ පද රචනයෙන් සහ මොහොමඩ් සාලිගේ සංගීතයෙන් නිර්මාණය වූ...

ඒ ගීතයේ තනුවටම එච්.ආර්. ජෝතිපාලයන් ගැයූ ‘මල් කැකුලී කෝමලී මනාලී...’ සිංහල ගීතයත් ඒ ෆිලුමේ තිබුණා. ඒකත් ලිව්වේ රවිලාල් මහත්තයමයි.

මිල්ටන් මල්ලවාරච්චිගේ ජීවිත කතාවට මේ සිදුවීම් වැදගත් නැතිද?
ඒ විත්තිය නොසලකා හැර තිබීමෙන් පෙනෙන්නේ නිසියාකාර අධ්‍යයනයකින්; කරුණු සොයා බැලීමකින් තොරව හදිසියේම ‘එදා රෑ’ තිර රචනය කර තිබෙන බවක් නේද?

ඒත් ශ්‍රී ලංකේය ‘ගීත වංශ කතාවේ’ වැදගත් පරිච්ඡේද දෙකක් නම් ෆිලුමෙදීත් කියැවෙනවා. මේ fb සටහනත් එහෙම පිටින්ම කියවන්න වටින එකක්. මං උපුටලා ගත්තේ ටිකයි!

‘ග්රැමෆෝන් යුගයේ අවසන් EP සරල ගී තැටි යුගලය සහ ශ්රී ලංකාවේ මුල්ම කැසට් පටය මිල්ටන් මල්ලවාරච්චිගේ නමින් ලියවූ හැටි

මේ දිනවල අතිසාර්ථක ලෙස තිරගත වන "එදා රෑ" චිත්රපටයත් සමඟ මෙරට අතිශය ජනප්රිය ගායකයකු වූ මිල්ටන් මල්ලවාරච්චි ගැන විශාල කතාබහක් මතු වී තිබේ.

ඒ අතරින් එක් විශේෂ තොරතුරක් වන්නේ ඔහුගේ ගීත රසිකයන් අතරට ගිය ශ්‍රව්‍ය මාධ්යයන්ට මිල්ටන්ගේ ඇති සම්බන්ධයයි. මුල් යුගයේදී මෙරට ශ්රාවකයන්ට ගීත රසවිඳීමේ මාධ්යයන් වූයේ ගුවන් විදුලිය, සිනමාව හා ග්රැමෆෝන් තැටියයි.

පවතින මූලාශ්රවලට අනුව 1969 වසරේදී මිල්ටන් මල්ලවාරච්චිගේ මුල්ම ගීත හතර Exvee ලේබලයෙන් 78 RPM - LP ග්රැමෆෝන් තැටි දෙකක් ලෙස නිකුත් විය.

මෙම තැටි දෙක ශ්රී ලංකාවේ චිත්රපට නොවන සරල ගීත සඳහා නිකුත් වූ අවසන් 78 RPM තැටි කට්ටලය ලෙස ඉතිහාසයට එක්වෙයි.

78 RPM යනු විනාඩියකට වට 78 ක් කැරකෙන විෂ්කම්භය අඟල් 10 ක පමණ වූ තැටියකි. 78 RPM තැටියකට ගීත විශාල ප්රමාණයක් ඇතුලත් කළ නොහැකි අතර එක් පැත්තක එක් ගීතයක් බැගින් ගීත දෙකක් එක් තැටියකද තවත් ගීත දෙකක් අනෙක් තැටියේද අඩංගු විය.
එම තැටි දෙකෙහි අංක වූයේ JVPC1016 සහ JVPC1017 ය.

එහි ඇතුළත් වූ ගීත හතර වූයේ- ඔරුවක පාවෙන, රන් කූඩුව ඔබ සෑදූ, සංසාර සෙවණැල්ල, මංගලේ නෙත් මංගලේ යන ගීතයි.

මෙම ගීත අතරින් ‘ඔරුවක පාවෙන’ මිල්ටන්ගේ පළමු ජනප්රිය ගීතය බවට පත්විය. කරුණාරත්න අබේසේකරගේ පද රචනයෙන් සහ මොහොමඩ් සාලිගේ සංගීතයෙන් නිර්මාණය වූ මෙම ගීත හතර පටිගත කිරීම හා නිකුත් කිරීම සඳහා ශබ්ද පරිපාලක මර්වින් රුද්රිගුගේ හා නිෂ්පාදක පැට්රික් කොරයාගේ දායකත්වයද වැදගත් විය.

මිල්ටන් මල්ලවාරච්චිගේ ගීත දොළහක් ඇතුළත් ශ්රී ලංකාවේ පළමු කැසට් පටය Milton - Anytime Any where නමින් තරංගා ලේබලය යටතේ නිකුත් විය! 

මිල්ටන්ගේ තැටි දෙක අවසන් 78 RPM තැටි කට්ටලය ලෙස සඳහන් වන්නේ චිත්රපට නොවන ගීත සම්බන්ධයෙනි. ඒවා ශ්රී ලංකාවේ සියලුම වර්ගවල අවසන් ග්රැමෆෝන් තැටි යුගලය බව ඉන් අදහස් නොවේ.

චිත්රපට ගීත සඳහා නිකුත් වූ අවසන් 78 RPM තැටිය ලෙස සඳහන් වන්නේ 1970 වසරේ තිරගත වූ "ගීතා" චිත්රපටයේ ගීතයක් ඇතුළත් තැටියයි. එහි අඩංගු වූයේ එච්. ආර්. ජෝතිපාල සහ සුජාතා අත්තනායක ගායනා කළ ‘දකින දසුනේ’ යුග ගීතයයි.

HMV ලේබලය යටතේ HG 787 අංකයෙන් නිකුත් වූ මෙම තැටිය ශ්රී ලංකාවේ අවසන් 78 RPM චිත්රපට ගීත තැටිය ලෙස වාර්තා වේ.

78 RPM තැටි යුගය 1970 දී අවසන් වූ අතර ඉන් පසුව එලඹුනේ 33 ½ RMP හෙවත් LP තැටි යුගයයි. අඟල් 12ක පමණ විෂ්කම්භයකින් යුතු වූ මෙම තැටියක් විනාඩියකට වාර 33 ½ ක වේගයෙන් කැරකෙන අතර තැටියේ එක් පැත්තක ගීත 6 ක් බැගින් ගීත 12 ක් ඇතුලත් කළ හැකි විය.

1969 න් පසුව මිල්ටන්ගේ ගීත ගණනාවක් LP තැටි ලෙස Gemtone හා Singlanka වැනි ලේබල්වලින් නිකුත් විය.

ග්රැමෆෝන් තැටිවලින් ගීත අසන යුගය අවසන් වෙමින් තිබියදී, නිවසේදී සහ ගමන්බිමන් යන අතරද පහසුවෙන් ගීත ශ්රවණය කළ හැකි නව මාධ්යයක් ලෙස 'කැසට් පටය' ජනප්රිය වීමට පටන් ගත්තේය.

මෙම පරිවර්තනයේදීද මිල්ටන් මල්ලවාරච්චිගේ නම යළි ඉතිහාසයට එක්වෙයි.

1978 වසරේදී නිකුත් වූ ‘Milton - Anytime Any where’ කැසට් පටය ශ්රී ලංකාවේ පළමු සිංහල සංගීත කැසට් පටය ලෙස බොහෝ සංගීත ඉතිහාස මූලාශ්රවල සඳහන් වේ. එය විජය රාමනායකගේ තරංගා ලේබලය යටතේ නිකුත් වූවකි.

1978 දී, තරංගා අධිපති විජය රාමනායකට ශ්රී ලංකාවේ ප්රකට ගායකයකුගේ ගීත ඇතුලත් මෙරට පළමු කැසට් පටය නිෂ්පාදනය කිරීමේ අදහස ආ විට ඔහු මුලින්ම ගියේ එවකට මෙරට ජනප්රියත්වයේ හිනි පෙත්තේම සිටි ගායකයෙකු වන වික්ටර් රත්නායක හමුවීමටයි.

ඔහු මේ ගමනට ජනප්රිය ගායක වර්ණනන් පෙරේරාද රැගෙන ගියේය. නමුත් නොතේරෙන හේතුවක් නිසා වික්ටර් රත්නායකයන්ගේ නුගේගොඩ නිවසේ දොර විවෘත නොවීම නිසා ඒ අසලම පදිංචිව සිටි මිල්ටන් මල්ලවාරච්චිගේ නිවසට ගොස් ගීත 12 ක ඇල්බමයක් කිරීමට ඔහු එකඟ කරවාගත් බව සඳහන් වේ.

ඒ අනුව මිල්ටන් මල්ලවාරච්චිගේ ගීත දොළහක් ඇතුළත් ශ්රී ලංකාවේ පළමු කැසට් පටය Milton - Anytime Any where නමින් තරංගා ලේබලය යටතේ නිකුත් විය...’

එයාලට මීටර් වෙලා තිබුණා ඔක්තෝබර් 25 ඉරිදා පුර පසළොස්වක දවසක් බවත්...

ශ්‍රී ලංකාවේ මේ වගේ අතීත තොරතුරු සංරක්ෂණය වන්නේ බොහොම අඩුවෙන්. අන්තර්ජාලය නිසා දැන් තත්ත්වය නං ටිකක් හරි හොඳයි.

මාත් අතීතකාමී මනුස්සයෙක් හින්දත්, තද සිනමාලෝලියෙක් හින්දත් මේ විත්ති ලියලා තියන්න හරිම කැමතියි. තවම සිංහල චිත්‍රපට බලන්නත් කැමතියි... ඒත් ‘ආරෝග්‍ය සම්පත්තිය’ මගෙත් එක්ක අමනාප වෙලා නිසා සිනමාහල්වලට යැවෙන්නේ අඩුවෙන්. ඉතිං මං වහන්සේ දැන් වැඩිපුරම ගෙදර ඉඳන් බලන්නේ විදෙස් films.

එහෙම බලපු; හිතට දැනුණු ෆිලුම් කිහිපයක් ගැනම නිදිගෙ පංච තන්තරේට ලිව්වත් එක්ක. මට හිතෙන්නේ මායි, සහෘද blog රචක ‘ඩ්‍රැකී’ උන්නැහෙයි එකතු වෙලා film එකක් ගැන ලියාපු posts දෙකත් වෙන කවුරුවත් නොකළ දෙයක්. ඒ අදහස මට ආවේ ‘බයිස්කෝප් සිංහලෙන්’ අඩවියේ- ‘Thirteen Lives’ ෆිලුම ඩවුන්ලෝඩ් කරගෙන බැලුවට පස්සේ.

“ඩ්‍රැකී, මං film එකක් බැලුවා. උතුරු තායිලන්තයේ චියැං පළාතේ ‘නිදි කුමාරිගෙ කන්දේ’ ගුහාවකට ඇතුළු වෙච්ච Wild Boar ෆුට් බෝල් ටීම් එකේ පිරිමි ළමයි දොළොස් දෙනෙකුයි එයාලගේ පුහුණුකරුයි ඒ අන්ධකාර ගුහා අස්සෙ හිරවෙන; ඇත්ත කතාවක්.
ඒ 13 දෙනාව බේරාගන්න ලෝකේ හතර වටින්ම දහස් ගාණක් තායිලන්තෙට එනවා... එහෙම ඇවිල්ලත් එයාලව බේරාගන්නේ දවස් දහයකට පස්සෙයි.

-මං film එක ගැන ලියන්නයි හදන්නේ... ඒ ෆිලුම හැදුව හැටි ගැන හරිම අපූරු විස්තරත් තොගයක් තියෙනවා. ඒවා ගැන ඩ්‍රැකී ලියනවද? ලියනවා නං අපි දෙන්නම කතා වෙලා එකම දවසේ; එකම වෙලාවට අපේ posts දෙක publish කරමු.”

ඩ්‍රැකී මනාපය දුන්නේය. (ගොඩක් ස්තුතියි ඩ්‍රැකී👍, බ්ලොග් ක්ෂේත්‍රයේ වෙනස්ම වැඩක් කරන්නට හවුල් වීම වෙනුවෙන්) මේ තිබෙන්නේ ඒ posts දෙක කියවන කෙනෙකුට අත්වැලක්:
දහතුනේ මාරකේ... Thirteen Lives
ප්‍රාතිහාර්යයක ඇනටොමිය

පේනවනේ... films පිස්සෙකු වෙන මගේ ඒ පිස්සුව බ්ලොග්ස්වලටත් කොයිතරම් බලපාලා තියෙනවද කියලා.

ඉතිං... එදා රෑ තවත් මොන-මොන විදිහේ වාර්තා පිහිටුවයිද මන්දා. හැබැයි ෆිලුම ගැන කෙරෙන ප්‍රචාරක වැඩ තවමත් කෙරෙනවා- ජය පහටම.
එයාලට මීටර් වෙලා තිබුණා ඔක්තෝබර් 25 ඉරිදා පුර පසළොස්වක දවසක් බවත්...
ඒ නිසා නිර්මාණය කෙරුණු ඇරයුමයි මං මේ post එකේ හත්වෙනි foto එක විදිහට යොදාගත්තේ.

පෝය දවස ගෙවීගෙන යමින් තියෙද්දියි මං මේ පෝස්ටුව upload කරන්නේ! ආදරණීය පාඨක ඔයාලා හෙට ඉඳලා මේ post එක කියවයි!!
තවමත් ‘එදා රෑ’ නොබලපු සිනමා රසික-රසිකාවියන් හෙට ඉඳල film හෝල්වලට රොක් වෙයි!!! නේද෴0෴