1. වස් කවි කීම - පළමු කොටස
  2. වස් කවි කීම - දෙවෙනි කොටස
  3. වස් කවි කීම - තෙවෙනි කොටස
  4. නොදෙන්න හිටි රන් පදක්කම
  5. නීච කුමන්ත්‍රණේ
  6. මංජුලගේ 'මරියා'ට මම පැටලුනෙමි -පළමු කොටස
  7. මංජුලගේ 'මරියා'ට මම පැටලුනෙමි -දෙවෙනි කොටස
  8. තුම්පනේ, මාතර, බදුල්ලේ කියලා වෙනස්යැ
  9. නැණ ලැබ ගත්තෙමි; ඔහු සෙවණේ හිඳ... -පළමුවෙනි කොටස
  10. නැණ ලැබ ගත්තෙමි; ඔහු සෙවණේ හිඳ... - දෙවෙනි කොටස
  11. නැණ ලැබ ගත්තෙමි; ඔහු සෙවණේ හිඳ... - තෙවෙනි කොටස
  12. නැණ ලැබ ගත්තෙමි; ඔහු සෙවණේ හිඳ... - හතරවෙනි කොටස
  13. අඟුල්මල් දහනය - පළමුවෙනි කොටස
  14. අඟුල්මල් දහනය - දෙවෙනි කොටස
  15. අඟුල්මල් දහනය - තෙවෙනි කොටස
  16. වැරැදි බෝනස් එක - මල්ටිපල් මයෙලෝමා - පළමුවෙනි කොටස
  17. වැරැදි බෝනස් එක - මල්ටිපල් මයෙලෝමා - දෙවෙනි කොටස
  18. වැරැදි බෝනස් එක - මල්ටිපල් මයෙලෝමා - තෙවෙනි කොටස
  19. වැරැදි බෝනස් එක - මල්ටිපල් මයෙලෝමා - හතරවෙනි කොටස
  20. වැරැදි බෝනස් එක - මල්ටිපල් මයෙලෝමා - පස්වෙනි කොටස
  21. වැරැදි බෝනස් එක - මල්ටිපල් මයෙලෝමා - හයවෙනි කොටස
  22. වැරැදි බෝනස් එක - මල්ටිපල් මයෙලෝමා - හත්වෙනි කොටස
  23. වැරැදි බෝනස් එක - මල්ටිපල් මයෙලෝමා - අටවෙනි කොටස
  24. වැරැදි බෝනස් එක - මල්ටිපල් මයෙලෝමා - නවවෙනි කොටස
  25. වැරැදි බෝනස් එක - මල්ටිපල් මයෙලෝමා - දහවෙනි කොටස
  26. වැරැදි බෝනස් එක - මල්ටිපල් මයෙලෝමා - එකොළොස්වෙනි කොටස
  27. වැරැදි බෝනස් එක - මල්ටිපල් මයෙලෝමා - දොළොස්වෙනි කොටස
  28. වැරැදි බෝනස් එක - මල්ටිපල් මයෙලෝමා - දහතුන්වෙනි කොටස
  29. වැරැදි බෝනස් එක - මල්ටිපල් මයෙලෝමා - දාහතරවෙනි කොටස
  30. වැරැදි බෝනස් එක - මල්ටිපල් මයෙලෝමා - පහළොස්වෙනි කොටස
  31. වැරැදි බෝනස් එක - මල්ටිපල් මයෙලෝමා - දහසයවෙනි කොටස
  32. වැරැදි බෝනස් එක - මල්ටිපල් මයෙලෝමා - දාහත්වෙනි කොටස
  33. වැරැදි බෝනස් එක - මල්ටිපල් මයෙලොමා - දහඅටවෙනි කොටස
  34. වැරැදි බෝනස් එක - මල්ටිපල් මයෙලොමා - දහනවවෙනි කොටස
  35. වැරැදි බෝනස් එක - මල්ටිපල් මයෙලොමා - විසිවෙනි කොටස
  36. හරි හුරතල් විනාකිරි සංග්‍රාමය - පළමුවෙනි කොටස
  37. හරි හුරතල් විනාකිරි සංග්‍රාමය - දෙවෙනි කොටස
  38. හරි හුරතල් විනාකිරි සංග්‍රාමය - තෙවෙනි කොටස
  39. වීරයා ගෙදරද? - පළමුවෙනි කොටස
  40. වීරයා ගෙදරද? - දෙවෙනි කොටස
  41. වීරයා ගෙදරද? - තෙවෙනි කොටස
  42. වීරයා ගෙදරද? - සිව්වෙනි කොටස
  43. වීරයා ගෙදරද? - පස්වෙනි කොටස
  44. ගණිත ගැටේ - පළමුවෙනි කොටස
  45. ගණිත ගැටේ - දෙවෙනි කොටස
  46. ගණිත ගැටේ - තෙවෙනි කොටස
  47. ගණිත ගැටේ - සිව්වෙනි කොටස
  48. දෙපා අවසඟ පාපන්දු පිස්සා - පළමුවෙනි කොටස
  49. දෙපා අවසඟ පාපන්දු පිස්සා - දෙවෙනි කොටස
  50. දෙපා අවසඟ පාපන්දු පිස්සා - තෙවෙනි කොටස
  51. දෙපා අවසඟ පාපන්දු පිස්සා - සිව්වෙනි කොටස
  52. ශ්‍රී ලංකා not Vs England - පළමුවෙනි කොටස
  53. ශ්‍රී ලංකා not Vs England - දෙවෙනි කොටස
  54. ශ්‍රී ලංකා not Vs England - තෙවෙනි කොටස
  55. ශ්‍රී ලංකා not Vs England - සිව්වෙනි කොටස
  56. ශ්‍රී ලංකා not Vs England - පස්වෙනි කොටස
  57. ශ්‍රී ලංකා not Vs England - හයවෙනි කොටස
  58. ශ්‍රී ලංකා not Vs England -හත්වෙනි කොටස
  59. ශ්‍රී ලංකා not Vs England -අටවෙනි කොටස
  60. ශ්‍රී ලංකා not Vs England -නවවෙනි කොටස
  61. ශ්‍රී ලංකා not Vs England -දහවෙනි කොටස
  62. ශ්‍රී ලංකා not Vs England -එකොළොස්වෙනි කොටස
  63. ශ්‍රී ලංකා not Vs England -දොළොස්වෙනි කොටස
  64. ශ්‍රී ලංකා not Vs England -දහතුන්වෙනි කොටස
  1. අජාසත්ත - පළමු කොටස
  2. අජාසත්ත - දෙවෙනි කොටස
  3. අජාසත්ත - තෙවෙනි කොටස
  4. අජාසත්ත - හතරවෙනි කොටස
  5. අජාසත්ත - පස්වෙනි කොටස
  6. කෙලින් සනා - පළමු කොටස
  7. කෙලින් සනා - දෙවෙනි කොටස
  8. කෙලින් සනා - තෙවෙනි කොටස
  9. පේව්මන්ට් එකේ රජවී - පළමු කොටස
  10. පේව්මන්ට් එකේ රජවී - දෙවෙනි කොටස
  11. පේව්මන්ට් එකේ රජවී - තෙවෙනි කොටස
  12. පේව්මන්ට් එකේ රජවී - හතරවෙනි කොටස
  13. පේව්මන්ට් එකේ රජවී - පස්වෙනි කොටස
  14. පේව්මන්ට් එකේ රජවී - හයවෙනි කොටස
  15. පේව්මන්ට් එකේ රජවී - හත්වෙනි කොටස
  16. පේව්මන්ට් එකේ රජවී - අටවෙනි කොටස
  17. පේව්මන්ට් එකේ රජවී - නවවෙනි කොටස
  18. පේව්මන්ට් එකේ රජවී - දහවෙනි කොටස
  19. මඩ ගොහොරුවක පචවී - පළමුවෙනි කොටස
  20. මඩ ගොහොරුවක පචවී - දෙවෙනි කොටස
  21. මඩ ගොහොරුවක පචවී - තෙවෙනි කොටස
  22. මඩ ගොහොරුවක පචවී - හතරවෙනි කොටස
  23. මඩ ගොහොරුවක පචවී - පස්වෙනි කොටස
  24. මඩ ගොහොරුවක පචවී - හයවෙනි කොටස
  25. මඩ ගොහොරුවක පචවී - හත්වෙනි කොටස
  26. මඩ ගොහොරුවක පචවී - අටවෙනි කොටස
  27. මඩ ගොහොරුවක පචවී - නවවෙනි කොටස
  28. මඩ ගොහොරුවක පචවී - දහවෙනි කොටස
  29. ඉඳියාප්ප ගන්නවද? - පළමුවෙනි කොටස
  30. ඉඳියාප්ප ගන්නවද? - දෙවෙනි කොටස
  31. ඉඳියාප්ප ගන්නවාද? - තෙවෙනි කොටස
  32. ඉඳියාප්ප ගන්නවද? - හතරවෙනි කොටස
  33. දිව්‍ය අංගනි සේ මම සැරැසී - පළමුවෙනි කොටස
  34. දිව්‍ය අංගනි සේ මම සැරැසී - දෙවෙනි කොටස
  35. දිව්‍ය අංගනි සේ මම සැරැසී - තෙවෙනි කොටස
  36. දිව්‍ය අංගනි සේ මම සැරැසී - සිව්වෙනි කොටස
  37. දිව්‍ය අංගනි සේ මම සැරැසී - පස්වෙනි කොටස
  38. දිව්‍ය අංගනි සේ මම සැරැසී - හයවෙනි කොටස
  39. දිව්‍ය අංගනි සේ මම සැරැසී - හත්වෙනි කොටස
  40. දිව්‍ය අංගනි සේ මම සැරැසී - අටවෙනි කොටස
  41. දිව්‍ය අංගනි සේ මම සැරැසී - නවවෙනි කොටස
  42. දිව්‍ය අංගනි සේ මම සැරැසී - දහවෙනි කොටස
  43. දිව්‍ය අංගනි සේ මම සැරැසී - එකොළොස්වෙනි කොටස
  44. දිව්‍ය අංගනි සේ මම සැරැසී - දොළොස්වෙනි කොටස
  45. මෝස්‌තර එක්ක හත් වසරක් - පළමුවෙනි කොටස
  46. මෝස්‌තර එක්ක හත් වසරක්- දෙවෙනි කොටස
  47. මෝස්‌තර එක්ක හත් වසරක් - තෙවෙනි කොටස
  48. මෝස්‌තර එක්ක හත් වසරක් - සිව්වෙනි කොටස
  49. මෝස්‌තර එක්ක හත් වසරක් - පස්වෙනි කොටස
  50. මෝස්‌තර එක්ක හත් වසරක් - හයවෙනි කොටස
  51. මෝස්‌තර එක්ක හත් වසරක් - හත්වෙනි කොටස
  52. මෝස්‌තර එක්ක හත් වසරක් - අටවෙනි කොටස
  53. මෝස්‌තර එක්ක හත් වසරක් - නවවෙනි කොටස
  54. මෝස්‌තර එක්ක හත් වසරක් - දහවෙනි කොටස
  55. මෝස්‌තර එක්ක හත් වසරක් - එකොළොස්වෙනි කොටස
  56. මෝස්‌තර එක්ක හත් වසරක් -දොළොස්වෙනි කොටස
  57. මෝස්‌තර එක්ක හත් වසරක් -දහතුන්වෙනි කොටස
  58. මෝස්‌තර එක්ක හත් වසරක් -දාහතරවෙනි කොටස
  59. මෝස්‌තර එක්ක හත් වසරක් -පහළොස්වෙනි කොටස
  60. මෝස්‌තර එක්ක හත් වසරක් -දහසයවෙනි කොටස
  61. මෝස්‌තර එක්ක හත් වසරක් -දාහත්වෙනි කොටස
  62. මෝස්‌තර එක්ක හත් වසරක් -දහඅටවෙනි කොටස
  63. මෝස්‌තර එක්ක හත් වසරක් -දහනවවෙනි කොටස
  64. මෝස්‌තර එක්ක හත් වසරක් -විසිවෙනි කොටස
  65. මෝස්‌තර එක්ක හත් වසරක් -විසිඑක්වෙනි කොටස
  66. මෝස්‌තර එක්ක හත් වසරක් -විසිදෙවෙනි කොටස
  67. මෝස්‌තර එක්ක හත් වසරක් -විසිතුන්වෙනි කොටස
  68. මෝස්‌තර එක්ක හත් වසරක් -විසිහතරවෙනි කොටස/a>
  69. මෝස්‌තර එක්ක හත් වසරක් -විසිපස්වෙනි කොටස
  70. මෝස්‌තර එක්ක හත් වසරක් -විසිහයවෙනි කොටස
  71. මෝස්‌තර එක්ක හත් වසරක් -විසිහත්වෙනි කොටස
  72. මෝස්‌තර එක්ක හත් වසරක් -විසිඅටවෙනි කොටස
  73. මෝස්‌තර එක්ක හත් වසරක් -විසිනවවෙනි කොටස
  74. මෝස්‌තර එක්ක හත් වසරක් -තිස්වෙනි කොටස
  75. තණමල්විල කොල්ලගෙ යටිබඩ -පළමුවෙනි කොටස
  76. තණමල්විල කොල්ලගෙ යටිබඩ -දෙවෙනි කොටස
  77. තණමල්විල කොල්ලගෙ යටිබඩ -තෙවෙනි කොටස
  78. තණමල්විල කොල්ලගෙ යටිබඩ -සිව්වෙනි කොටස
  1. මීන සංහාරය
  2. ගස්සලා යවමුද? -පළමුවෙනි කොටස
  3. ගස්සලා යවමුද? දෙවෙනි කොටස
  4. ගස්සලා යවමුද? තෙවෙනි කොටස
  5. ගස්සලා යවමුද? හතරවෙනි කොටස
  6. අකල් මරණෙකට හවුල් වී -පළමු කොටස
  7. අකල් මරණෙකට හවුල් වී -දෙවෙනි කොටස
  8. අනේ කුරුලු කූඩුවලට ගහන්නෙපා කැට කැබිලිති
  9. ආවොත් නොයා බැරිය! - පළමු කොටස
  10. ආවොත් නොයා බැරිය! - දෙවෙනි කොටස
  11. ආවොත් නොයා බැරිය! - තෙවෙනි කොටස
  12. මගේ චූස් - මටම චූස්
  13. මගෙන් මංගල යෝජනාවක්.....- පළමුවෙනි කොටස
  14. මගෙන් මංගල යෝජනාවක්.....- දෙවෙනි කොටස
  15. අනේ පාලි, තව චුට්ටක්....
  16. රේස්වලින් රේස් එකට පිම්මක් - පළමුවෙනි කොටස
  17. රේස්වලින් රේස් එකට පිම්මක් - දෙවෙනි කොටස
  18. රේස්වලින් රේස් එකට පිම්මක් - තෙවෙනි කොටස
  19. හයටත් කලින්........ - පළමුවෙනි කොටස
  20. හයටත් කලින්........ - දෙවෙනි කොටස
  21. හයටත් කලින්........ - තෙවෙනි කොටස
  22. දුකේ දුක හිතෙන කතන්දරේ - පළමුවෙනි කොටස
  23. දුකේ දුක හිතෙන කතන්දරේ - දෙවෙනි කොටස
  24. දුකේ දුක හිතෙන කතන්දරේ - තෙවෙනි කොටස
  25. දුකේ දුක හිතෙන කතන්දරේ - සිව්වෙනි කොටස
  26. දුකේ දුක හිතෙන කතන්දරේ - පස්වෙනි කොටස
  27. දුකේ දුක හිතෙන කතන්දරේ - හයවෙනි කොටස
  28. යකුන් බලන්නට ගිය යක්කු - පළමුවෙනි කොටස
  29. යකුන් බලන්නට ගිය යක්කු - දෙවෙනි කොටස
  30. යකුන් බලන්නට ගිය යක්කු - තෙවෙනි කොටස
  31. දුන්හිඳ අද්දර මාරකේ - පළමුවෙනි කොටස
  32. දුන්හිඳ අද්දර මාරකේ - දෙවෙනි කොටස
  33. දුන්හිඳ අද්දර මාරකේ - තෙවෙනි කොටස
  34. දුන්හිඳ අද්දර මාරකේ - සිව්වෙනි කොටස
  35. දුන්හිඳ අද්දර මාරකේ - පස්වෙනි කොටස
  36. දුන්හිඳ අද්දර මාරකේ - හයවෙනි කොටස
  37. දුන්හිඳ අද්දර මාරකේ - හත්වෙනි කොටස
  38. නෑනා නැතත් කල දවසක් ..... -පළමුවෙනි කොටස
  39. නෑනා නැතත් කල දවසක් ..... -දෙවෙනි කොටස
  40. කොරෝනා කොරපු; කොරන හරිය!-පළමුවෙනි කොටස
  41. කොරෝනා කොරපු; කොරන හරිය!-දෙවෙනි කොටස
  42. කොරෝනා කොරපු; කොරන හරිය!-තෙවෙනි කොටස
  43. කොරෝනා කොරපු; කොරන හරිය!-සිව්වෙනි කොටස
  44. කොරෝනා කොරපු; කොරන හරිය!-පස්වෙනි කොටස
  45. කොරෝනා කොරපු; කොරන හරිය!-හයවෙනි කොටස
  46. කොරෝනා කොරපු; කොරන හරිය!-හත්වෙනි කොටස
  47. කොරෝනා කොරපු; කොරන හරිය!-අටවෙනි කොටස
  1. නීල බිඟු කැල
  2. නිල් බෘංගයන්ගේ වස වැරැද්දක්
  3. සමුදුරු මූර්තිය
  4. දහ බලු කතා වස්තුව- පළමුවැනි කොටස
  5. දහ බලු කතා වස්තුව- දෙවෙනි කොටස
  6. මගේ දෛවය මගේ රිස්සට...
  7. කූචු කුචයියෝ
  8. අපේ කුණු අපට එපාවී.... - පළමු කොටස
  9. අපේ කුණු අපට එපාවී.... - දෙවෙනි කොටස
  10. දියවිනි ඉනාව- පළමුවැනි කොටස
  11. දියවිනි ඉනාව- දෙවෙනි කොටස
  12. දියවිනි ඉනාව- තෙවෙනි කොටස
  13. දියවිනි ඉනාව- හතරවෙනි කොටස
  14. දියවිනි ඉනාව- පස්වෙනි කොටස
  15. සිඳු දකින සඳ - පළමුවෙනි කොටස
  16. සිඳු දකින සඳ - දෙවෙනි කොටස
  17. සිඳු දකින සඳ - තෙවෙනි කොටස
  18. රැජින COLOMBO එයි! - පළමුවෙනි කොටස
  19. රැජින COLOMBO එයි! - දෙවෙනි කොටස
  20. රැජින COLOMBO එයි! - තෙවෙනි කොටස
  21. අම්මගෙ රෙද්දෙ මමාස් - පළමුවෙනි කොටස
  22. අම්මගෙ රෙද්දෙ මමාස් - දෙවෙනි කොටස
  23. අම්මගෙ රෙද්දෙ මමාස් - තෙවෙනි කොටස
  24. විරූපීට රැවටෙන්නේ සුරූපි කියලා - පළමුවෙනි කොටස
  25. විරූපීට රැවටෙන්නේ සුරූපි කියලා - දෙවෙනි කොටස
  26. කොහොඹ කොළ කැවූ රාම් පූර් කා ලක්ෂ්මන් - පළමුවෙනි කොටස
  27. කොහොඹ කොළ කැවූ රාම් පූර් කා ලක්ෂ්මන් - දෙවෙනි කොටස
  28. කොහොඹ කොළ කැවූ රාම් පූර් කා ලක්ෂ්මන් - තෙවෙනි කොටස
  29. කොහොඹ කොළ කැවූ රාම් පූර් කා ලක්ෂ්මන් - හතරවෙනි කොටස
  30. පත්තෑයාට පෙත්තෙන් - පළමුවෙනි කොටස
  31. පත්තෑයාට පෙත්තෙන් - දෙවෙනි කොටස
  32. පත්තෑයාට පෙත්තෙන් -තෙවෙනි කොටස
  33. පත්තෑයාට පෙත්තෙන් - හතරවෙනි කොටස
  34. පත්තෑයාට පෙත්තෙන් - පස්වෙනි කොටස
  35. පත්තෑයාට පෙත්තෙන් -හයවෙනි කොටස
  36. පත්තෑයාට පෙත්තෙන් - හත්වෙනි කොටස
  37. මාතර තානායමේ අමු හෙලුවෙන්...- පළමුවෙනි කොටස
  38. මාතර තානායමේ අමු හෙලුවෙන්...- දෙවෙනි කොටස
  39. හරෝහරා - පළමුවෙනි කොටස
  40. හරෝහරා - දෙවෙනි කොටස
  41. හරෝහරා - තෙවෙනි කොටස
  42. හරෝහරා - සිව්වෙනි කොටස
  43. හරෝහරා - පස්වෙනි කොටස
  44. හරෝහරා - හයවෙනි කොටස
  45. හරෝහරා - හත්වෙනි කොටස
  46. හරෝහරා - අටවෙනි කොටස
  47. හරෝහරා - නවවෙනි කොටස
  48. හරෝහරා - දහවෙනි කොටස
  49. හරෝහරා - එකොළොස්වෙනි කොටස
  50. හරෝහරා - දොළොස්වෙනි කොටස
  51. හරෝහරා - දහතුන්වෙනි කොටස
  52. හරෝහරා - දාහතරවෙනි කොටස
  53. හරෝහරා - පහළොස්වෙනි කොටස
  54. හරෝහරා - දහසයවෙනි කොටස
  55. හරෝහරා - දාහත්වෙනි කොටස
  56. හරෝහරා - දහඅටවෙනි කොටස
  57. හිස් රැල්ලක් නොවී හස රැල්ලක් වේවා!-පළමු කොටස
  58. හිස් රැල්ලක් නොවී හස රැල්ලක් වේවා!-දෙවෙනි කොටස
  59. හිස් රැල්ලක් නොවී හස රැල්ලක් වේවා!-තෙවෙනි කොටස
  60. දොළහ වෙද්දී.... පළමු කොටස
  61. දොළහ වෙද්දී.... දෙවෙනි කොටස
  62. දොළහ වෙද්දී.... තෙවෙනි කොටස
  63. දොළහ වෙද්දී.... සිව්වෙනි කොටස
  64. දොළහ වෙද්දී.... පස්වෙනි කොටස
  65. දොළහ වෙද්දී.... හයවෙනි කොටස
  1. සීයයි..!
  2. මරිසි මංගල්ලේ - පළමුවෙනි කොටස
  3. මරිසි මංගල්ලේ - දෙවෙනි කොටස
  4. සැවුළු සංහාරය - පළමුවෙනි කොටස
  5. සැවුළු සංහාරය - දෙවෙනි කොටස
  6. සැවුළු සංහාරය - තෙවෙනි කොටස
  7. සැවුළු සංහාරය - හතරවෙනි කොටස
  8. සැවුළු සංහාරය - පස්වෙනි කොටස
  9. සැවුළු සංහාරය - හයවෙනි කොටස
  10. සැවුළු සංහාරය - හත්වෙනි කොටස
  11. යාල රිලවුන් පැන්නූ පූරි කොළඹදී හිට් වෙයි! - පළමුවෙනි කොටස
  12. යාල රිලවුන් පැන්නූ පූරි හිට් වෙයි! - දෙවෙනි කොටස
  13. යාල රිලවුන් පැන්නූ පූරි හිට් වෙයි! - තෙවෙනි කොටස
  14. යාල රිලවුන් පැන්නූ පූරි හිට් වෙයි! - සිව්වෙනි කොටස
  15. යාල රිලවුන් පැන්නූ පූරි හිට් වෙයි! - පස්වෙනි කොටස
  16. දුකයි! අන්තිම දුකයි!! සත්තෙන්ම හිරිකිතයි!!!
  17. දිසානායකලගෙ ටිකිරි මොළේ - පළමුවෙනි කොටස
  18. දිසානායකලගෙ ටිකිරි මොළේ - දෙවෙනි කොටස
  19. Neil හඳට - Sunil කරඬුවට - waල්ල බිමට
  20. වීරයා පණ පිටින්...........
  21. Desert Rose, අරවින්ද හා reiki - පළමුවෙනි කොටස
  22. Desert Rose, අරවින්ද හා reiki - දෙවෙනි කොටස
  23. කොටවන කතන්දරේ
  24. ඒකත් මංගල මුත්තමං!
  25. බක්කරේගේ Pork දානය - පළමුවෙනි කොටස
  26. බක්කරේගේ Pork දානය - දෙවෙනි කොටස
  27. පණ බේරපු කිරිල්ලී - පළමුවෙනි කොටස
  28. පණ බේරපු කිරිල්ලී - දෙවෙනි කොටස
  29. පණ බේරපු කිරිල්ලී - තෙවෙනි කොටස
  30. යන්ත්‍ර මන්ත්‍ර හරං කත්වා! - පළමුවෙනි කොටස
  31. යන්ත්‍ර මන්ත්‍ර හරං කත්වා! - දෙවෙනි කොටස
  32. යන්ත්‍ර මන්ත්‍ර හරං කත්වා! - තෙවෙනි කොටස
  33. යන්ත්‍ර මන්ත්‍ර හරං කත්වා! - සිව්වෙනි කොටස
  34. යන්ත්‍ර මන්ත්‍ර හරං කත්වා! - පස්වෙනි කොටස
  35. යන්ත්‍ර මන්ත්‍ර හරං කත්වා! - හයවෙනි කොටස
  36. බය වෙන්නෙපා, ඔයා එකයි, මං එකයි!- පළමු කොටස
  37. බය වෙන්නෙපා, ඔයා එකයි, මං එකයි!- දෙවෙනි කොටස
  1. අසිරිමත්වූ දේකි - පළමුවෙනි කොටස
  2. අසිරිමත්වූ දේකි -දෙවෙනි කොටස
  3. අසිරිමත්වූ දේකි -තෙවෙනි කොටස
  4. අසිරිමත්වූ දේකි -සිව්වෙනි කොටස
  5. අසිරිමත්වූ දේකි -පස්වෙනි කොටස
  6. අසිරිමත්වූ දේකි -හයවෙනි කොටස
  7. අසිරිමත්වූ දේකි -හත්වෙනි කොටස
  8. අසිරිමත්වූ දේකි -අටවෙනි කොටස

Wednesday, October 30, 2019

ශ්‍රී ලංකා not Vs England - පළමුවෙනි කොටස

මොකක් වුණත් මගේ දිවිසැරිය නම් හරිම විචිත්‍ර; සංකීර්ණ ........
ජීවිතය මහා පුදුමාකාර දෙයකි. හිතාදර රසික ඔබට කොහොම වෙතත් මට නම් එහෙමය. අපේ ජීවන ගමන් මඟ තීරණය කරන්නේ කවුද? අදෘශ්‍යමාන කෙනෙකු හෝ බලවේගයක් හෝ විසින්ද... දෛවය හෝ කර්මය හෝ විසින්ද?
මොකකින් වුණත් මගේ දිවිසැරිය නම් හරිම විචිත්‍ර; හරිම සංකීර්ණ වියමනකි.
එය කොටස් කරමින් වුවද ලිවීමත් ලෙහෙසි නැත. ලේසි නැත්තේ ලියන එක නොවේ; පෙළ ගස්වා ගැනිල්ලය! 

අද කියන්නට යන කතාවත් එහෙමය. එහි එක තැනක් හෝ; එක link එකක් හෝ මිස් වුණා නම්; වෙනස් වුණා නම්..... අනිවා, අපේ ජීවිත කතන්දරයත් අදට වඩා වෙනස් වෙනවාමය.

ඔහු! ඔහු උපන්නේ 1902 අප්‍රේල් 29 වෙනිදාය. දුප්පත් බර්ගර් ජාතික පවුලක හයවෙනි දරුවා විදිහටය. කොච්චර දුප්පත්දැයි කියතොත් ‘ඩච් බර්ගර් සොසයිටි’ එකෙන් ලැබුණු රුපියල් දෙකේ මාසික දීමනාවත් ඔහුට මහමෙරක් විණි.

දුප්පත් බර්ගර් ජාතික පවුලක හයවෙනි දරුවා විදිහට ඉපදුණු ඔහු...........
අකුරු කරන්නට මේ හාදයා කොළඹ රාජකීය විද්‍යාලයට ගිහින් තියෙන්නේ සපත්තු දෙක අතේ අරගෙනය. ඒ ඒවා ගෙවෙන හින්දාය. ඉස්කෝල ගේට්ටුව ළඟදීලු ඔහු සපත්තු දමාගත්තේ. 

එච්චරට අරපිරිමැස්මෙන් වැඩ කළ; අන්ත දුගී තත්වයක හිටි ඔහු පසු කාලයක ‘සමස්ත ආසියාවේ හොඳම විනෝදකාමියා’ යන විරුදාවලියට හිමිකම් කිව්වේය.

බඹරය වැල්ලේ ගැහුවත් කැරකෙන්නේ වාසනාවන්තයා වෙනුවෙන්ලු. මේ lucky 6 පුතණ්ඩියා වතාවක් එංගලන්තයේදී ‘බෙන්ජමින්’ නම් අශ්වයෙකු වෙනුවෙන් පවුම් පනහක් ඔට්ටු ඇල්ලුවේලු. ඒ වෙනුවෙන් මිනිහාට අත්වුණු දිනුම පවුම් 25,000කි. 
දෙවැනි ලෝක යුද්ධයත් මෙයාගේ වාසියට හිටි බවය පෙනෙන්නේ. 

ලංකාවේ ගායක-ගායිකාවන් පිරිසක් එක්ක ඉන්දියාවට ගිය මේ මනුස්සයා විනෝද ප්‍රසංග ඉදිරිපත් කළේය; ඒ නගරවල නොවේ. මහ කැලෑ මැද්දේ තිබුණු හමුදා කඳවුරුවලය. ඒ තැනකදී මවුන්ට් බැට්න් සාමිවරයා දැන හඳුනාගන්නට ලැබීම ඔහුට වාසනාව ගෙනාවේය. 

ලොකු-ලොක්කන්ගේ හොඳහිත දිනාගත්තොත් වරදින්නේ නැති එක එදාට වගේම අදටත් පොදු සත්‍යතාවකි.

අවුරුදු විස්ස වෙනකොටත් ඇය බ්‍රිතාන්‍ය සමාගමකින් නිපදවූ 'Caravan' චිත්‍රපටයේ.....
ලංකාවේ හමුදා භටයන්ගේ විනෝදාස්වාදය පිණිස Red Tails Minstrels සංගීත කණ්ඩායම ගෙන්වන්නෙත් ඒ දැනහැඳුනුම්කම්වල පිහිටෙනි. ඒ කණ්ඩායමේ ප්‍රධාන ගායිකාවත් ලංකාවේ උපන්නියකි.


අවුරුදු විස්ස වෙද්දීත් ඇය චිත්‍රපට නිළියකි; යුරෝපාකරයේ ප්‍රකට ගායිකාවකි.

ගායන කොන්ත්‍රාත්තුව අතරේම දෙන්නා අතරේ ප්‍රේමයකුත් දලු දමමින් තිබිණි. එතකොටත් විවාහවී සිටීම ඔහුට බාධාවක් නොවිණි. පළමු බිරියගෙන් දික්කසාද වුණු Donovan Andree විනෝදකාමී ධනපතියා, තමාට වඩා අවුරුදු 24ක් බාල Erin de Selfa යුවතිය විවාහ කර ගත්තේය. 

ඒ දෙන්නාගේ කසාදය පසු කාලයක ‘දික් වුණා’ය කියන්නේ ලෝකයම හිනස්සමිනි. උසාවිවල දිග හැරෙන්නට ඇත්තේ තහනම් ප්‍රේම කතන්දරය. දික්කසාදයට හේතුව ‘අනාචාරයේ හැසිරීම’ය.

එරීන් ද සෙල්ෆා විවාහ වුණේ ඩොනවන් ඇන්ඩ්රී විනෝදකාමී ව්‍යාපාරිකයා සමඟිනි.... 
කොහොමින් හරි ඔය; මේ සිදුවීම් අපේ දෛවයටත් බලපෑ හැටි නම් අපූරුය!

අපේ කිසිම කෙනෙකුගේ කැමැත්ත නැතිවම අම්මා 1976 එංගලන්තයට ගියාය. තිරීස් මිසී ළඟට ගියාය. ඒ තාත්තාගේ මරණයෙන් මාස කිහිපයක් ඉක්ම යද්දීය. 
ඒ බව කියැවුණු ‘මෝස්‌තර එක්ක හත් වසරක්’ පෝස්ටු පෙළ දැන්ම නිමා කරන්නට ඉඩක් නැත. ඊට පස්සෙත් දීපානි බතික් ව්‍යාපාරය කරගෙන ගිය නිසාය. 

ඊට සමාන්තරවම අම්මාගේ එංගලන්ත ගමන ගැනත් කියන්නට වෙයි. ඊට හොඳම විදිහ මේකය; අලුත් පෝස්ටු පෙළක් ලියන එකය.

පවුල, නෑසියන් හා රටත් එපා කියා උඩ දමාගෙන තිරීස් මිසී ළඟට ගියත් අවුරුද්දෙන්- දෙකෙන්ම අපේ අම්මාට එයාව එපා වෙන්නට කරුණු යෙදුණා වගෙය. 

“ඉස්සර වගෙ නෙවෙයි. තිස්සෙම අම්මයි දුවලා දෙන්නයි රණ්ඩු වෙච්ච ගමන්. ඒ මදිවට තිරීස් මිසී හරියට බොන්නත් පුරුදු වෙලා.....” 
පස්සේ කාලයකය, අම්මා ඔහොම වුණත් අපට කිව්වේ. 
ඒ දවස්වලම ඒවා නොකියන්නට ඇත්තේ කරගත් මෝඩකම හෙළි වෙනවාට අකැමැත්තෙන් වෙන්නෝනිය.

ඒ අස්සේ තිරීස් මිසී ආයෙමත් ලංකාවට පදිංචියට එන්නටත් හිතමින් හිටියාලු. 

“දුවලා දෙන්නා නං කීයටවත් ඒකට කැමති වුණේ නැහැ. ළමයින්ට එහෙ වගේ කොහෙද ලංකාවේදී නිදහසක්.....” අම්මා කිව්වාය. ඒ 1985දී මං එංගලන්තයට ගියාමය. 

1976 අපේ අම්මා එංගලන්තයට ගිය කිට්ටුව......
“දැන් අපේ අයටත් වෙන්නේ ඒ ටිකම තමයි. අම්මා තාත්තටවත් ළමයෙකුට ගහන්න බනින්න බැහැ. සැරෙන් අවවාදයක් දෙන්න බැහැ. ළමයෙක් පොලිසියට කිව්වොත් එයාලා ගන්නෙත් ළමයාගේ පැත්ත.....”

ඒ පෙරමඟ ලකුණු මටත් පෙනෙමින් තිබිණි. 

“අම්මේ, චූටිලා මෙහාට ආවාම, මෙහෙ ළමයි එක්ක ඉස්කෝලේ ගියාම, එයාලා එක්ක ආස්සරේට වැටුණාම මෙහෙ විදිහට හැදෙන්නත් පටන් ගන්නවා. අම්මා තාත්තගේ අඩංගුවේම ඉන්නෙ නෑ. එංගලන්තේ හොඳයි වගේම ඔහොම නරකත් තියෙනවා.... අපේ රටෙත් සේරම හොඳයැ.”

මං කිව්වේ අම්මාගේ හිත හැදෙන්නටය. “ඉතින් තිරීස් මිසී ආයෙම ලංකාවට ගියාද, දුවලා දෙන්නා නැතිව?”

“ගියා. ආරංචියක් නං නැහැ.”

පසු දවසක ඒ මනුස්ස දෝනිය ගැන අවසාන ආරංචිය අම්මාට කිව්වේ මාය. පත්තරයකින් දැකලාය. ඇය ලේ විලක් මැද මැරී වැටී හිටියාලු. මරණ පරීක්ෂණයෙදී හෙළිවී තියෙන්නේ එය මිනීමැරුමක් නොවෙන බවයි. 
“තිරීස් මිසී හොඳටම බීලා පිහියකින් එයාවම කපාගෙනලු, අම්මේ.... මනුස්සයගෙ මරණෙටවත් ගිහින් එන්න තිබ්බා කලින් දන්නවා නං.... පස්සෙයි පත්තරේක විස්තර තියෙනවා දැක්කේ.”

“ඒ මනුස්සයාට තදටම කේන්ති ගියාම එහෙම තමයි. යකින්නි වගේ. දුවලා දෙන්න වුණත් අම්මා ළඟට එන්න බැහැයි කියන්න ඇත්තේ ඒකයි.”
ඉස්සෙල්ලාම බදුල්ලට කෝච්චිය එන දවසේ අපේ සීයලා තණකොළ මිටිත් අරන් ස්ටේසමට ගියේ.......
පව්! ‘ඉස්සෙල්ලාම බදුල්ලට කෝච්චිය එන දවසේ අස්සයන්ට දෙන්නට තණකොළ කපාගෙන ආවා’ය කියූ රහුබැද්දේ විදානෙලාගේ කිරිවන්තේ උන්දෑගේ බින්තැන්නේ දියණියව එංගලන්තයට ගෙන්වාගත් තිරීස් මිසී මියැදුණේ- උපන් රටෙනුත් ඈතක තනිවී, හුදෙකලාවෙන්ය. 

Holiday on Ice නැටුම් ප්‍රසංගය ලංකාවට ගෙන්වූ ඩොනවන් ඒ සඳහා අයිස් කුට්ටිත් පිටරටින්ම ගෙන්නුවේය. 
හුලා හුප් නැටුම්, ටොම් බෝලා- snow boll වගේ නොරට ක්‍රීඩා පවා ගෙන්නුවත් ඩොනවන්ට එංගලන්තය ඇල්ලුවේ නැතිවා වෙන්නැතිය. 
එරීන් එංගලන්තයේම පැලපදියම්වී හිටිද්දී ඩොනවන් ඇන්ඩ්රී ලංකාවේ හිටියේය.

Erin එංගලන්තයේදී නෙරී ෆර්නැන්ඩස් නම් දක්ෂ පියානෝ වාදකයෙකු හා නැවත විවාහවී එහේම බින්න බැස්සාය. ‘ආන්ටි එරීන්’ අපේ අම්මාට හමුවී තියෙන්නේ තිරීස් මිසී හරහාය. ඒ දෙන්නා හිතවතියන්ව හිටියාලු.

“ලීලාට ආයෙම ලංකාවට යන්නේ නැතිව ඉන්න නං කරන්න තියෙන්නේ සුද්දෙක්ව බැඳගන්න එක!”

ආන්ටි එරීන් තැනේ හැටියට ඇනේ ගහන්නට සමත්, අතිදක්ෂ කාන්තා රත්නයකි!
එරීන් ඩි සෙල්ෆා මැතිනිය ආර්.වී. ලීලාවතීට ඒ උපදේශය; ඒ බ්‍රිලියන්ට් idea එක දෙන්නට ඇත්තේ ඇය ලබා තිබුණු අත්දැකීම් අනුව වෙන්නට ඇති කියලාය මට හිතෙන්නේ.

මා තේරුම් ගත් විදියට ආන්ටි එරීන් තැනේ හැටියට ඇනේ ගසන්නියකි. අතිදක්ෂ කාන්තා රත්නයකි!

“නිමල්.... දවසක් හරි වැඩක් වුණානෙ ළමයෝ. 
High speed ගිහින් මාව නැවැත්තුවා.....මං ටිකාක් බීලත් හිටියේ. ගෙවල් ළඟ තැනක හින්දා drive කරගෙන ගියෙත්. මාව නවත්තපු officer තරුණ හාදයෙක්.... 
පොලිස් ඔෆිසර් කාර් එක ළඟට එද්දී.... මං මෙහෙම ගවුමේ කර පහතට ඇදලා, මං ලොකු වැරැද්දක්ද කළේ කියලා sexy talk එකක් දුන්නා... ඌ මට යන්න දුන්නනේ.” 

ගවුමේ කර පහතට ඇදලා, බ්රෙස්ට්ස් පෙනෙන්න ඇරගෙන සෙක්සි talk එකක්....
මට ඇය ගැන මතක තියෙන්නේ ටිකක් විතරය. හැබැයි, හැටට කිට්ටු කරලා හිටියත් ආන්ටි එරීන් එතකොටත් බෙහෙවින්ම ප්‍රසන්නය; activeය.

“දන්නවද.... ලන්ඩන් ඇල්බට් හෝල් එකේ ඉස්සෙල්ලාම සිංදුවක් කියපු ලංකාවේ කෙල්ල මමයි. එදා මං ‘දන්නෝ බුදුන්ගේ song එක’ sing කළාම ..... මගේ අම්මේ චියර් එක....”

එංගලන්තයේ අරටු සුද්දෙකුවූ Cecil Fedrick Schroeder ආන්ටි එරින්ගේත්, නෙරීගේත් හිතවතෙකි. බිරියගෙන් දික්කසාදවී හිටි සැසිලුත් ඒ දවස්වල තනිකඩ දිවියක් ගෙව්වේය. දික්කසාද බිරිය එක්ක එයාගේ කිසිම පයුරු පාසනයක් තිබුණේ නැත.
“සැසිල්ට එක පුතෙක් ඉන්නවාලු. මමවත් එයාව දැකලා නැහැ. දකුණු අප්‍රිකාවේ ඉන්න අක්කා ඩොරතියි මහත්තයයි නං ළඟදිත් මල්ලිව බලන්න ඇවිත් ගියා.” 

අම්මාගෙන් කියවුණේ ඒ දවස්වලය.

ඒ දවස්වල දැනගත් තොරතුරු කියනවා මිස, අලුතින් අපේ අම්මාගෙන් විස්තර අහන්නට මා අකැමැතිය.

දැන් අපේ අම්මාට 82කි. සමහර දේවල් අමතකත් වෙනවාලු!
දැන් අම්මාට අවුරුදු 82කි. 
“මට දැන් ගොඩක් දේවල් මතකයේ හිටින්නේ නැහැ රංජි.” අම්මා කියයි. 

වයසත් එක්ක එහෙම වීම සොබාවිකය. හැබැයි එහෙම මතකය අවුල් වෙන්නේ මෑත අතීතය ගැනය. දොස්තර මහත්වරුන් කියන්නේ ඈත අතීතයේ දේවල් සිහිපත් කිරීමේදී අවුලක් නැති බවයි. ඒත් අපේ අම්මා අතින් ඒවාත් ඉබේම වාගේ විකෘති වෙයි!

හැබෑටම ඒක ‘සිංගලියාගෙ’ හැටියක් වෙන්නටත් ඉඩ තිබේ. 

මේ දවස්වල එක-එක්කෙනා තමන් කැමති අයට කඩේ යන්නේ ඊයේ-පෙරේදා වෙච්චි දේවලුත් අමතක හින්දාය. රටේ ඉන්නා බහුතරයක් පුරවැසියන්ටත් එහෙම අමතක වෙලාය කියලා හිතන හින්දාය. 
එංගලන්තයේ අවුරුදු 43ක් හිටියත් අපේ අම්මාට සිංහලත්; සිංහලකමත් මතක නැති වෙලා නැහැනේ...

ඒකද.... නැත්තං....

වෛද්‍ය මතය මොකක් වුණත්, මගේ මතය මේකය. අපේ අම්මා කැමති සිදුවුණු දේවල් එහෙමම කියන්නට නොවේ. මං සුදනා වෙලා කියන්නටය. 
තවමත් මගේ මතකය හොඳ හින්දා මට ඒවා අහුවෙයි. ඒක අම්මාත් දනියි. ඒ නිසාම මං ඉන්නා තැනකදි නම් පරණ පට්ටන්දර දිග හරින්නේ අඩුවෙනි.

1979 මාර්තු 21 අම්මා Cecil Fedrick Schroeder හා විවාහ වුණු දවසේ......
“උඹලගේ අම්මා ඒ දවස්වල ලස්සනයි වගේම කඩිසරයි.... තනියම ඉඳලා මටත් ඇතිවෙලා තිබුණේ. ලීලාටත් තිරීස්ලගේ ගෙදරින් යන්න ඕනේ වෙලා හිටියේ.... මට එරීන් කියලා තිබුණේ ලීලා ගැන.”

“අනේ සැසිල් බොරු නං කියන්න එපා. එරීන් කැමති වෙයියැ ඔයා මාව බැඳලා එහෙන් යනවට. ඊට වැඩිය එයාට වාසියිනේ ඔයා එහෙ කාමරයක් කුලියට අරන් ඉන්න එක. ඔයා ගෙදරක් ගත්තොත් ඒ ආදායමත් එයාට නැති වෙනවනෙ.”

“ඔය උඹලගේ අම්මගේ මනස්ගාත, නිමොල්!”

කවුරු ඇත්ත කිව්වාද කියා දැනගන්නේ කොහොමද? “හැබැයි, එහෙදී මෙයාගේ කමිසයක ගැලවෙච්ච බොත්තම් වගයක් අල්ලන්න දීලා තමයි මෙයා මාත් එක්ක කතා කළේ. ඒකට නං පවුමක්ම දුන්නත් එක්ක ලෝස් නැතිව.”

එහෙම කළේ අනුකම්පාවෙන් බවයි ඩැඩා කිව්වේ. අම්මා නම් කිව්වේ ‘යාළුවෙන්න හිතාගෙනයි’ කියලාය.

මෙයා මාව බඳින්න කැමති වුණේ...........
විශ්‍රාම යන්නට පෙර Stock Broker කෙනෙකු; කොටස් වෙළෙඳපොළ තැරව්කරුවෙකු ලෙස කටයුතු කළ ඩැඩා ඒ දවස්වල නං හිටියේ රජෙකු වගේලු. 
“අනේ.... ඒ ඉස්සරනෙ රංජි. මෙයා මාව බඳින්න කැමති වුණේ එතකොට කවුන්සිලෙන් ගෙයක් ඉල්ලාගන්න ලේසි වෙන හින්දා....”

“ලීලා මාව බඳින්න කැමති වුණේ එතකොට එංගලන්තේ සිටිසන්ෂිප් එක ගන්න පුළුවන් හින්දා..... ලංකාවට නොගිහින් මෙහෙම නවතින්න ඕනේ වුණු හින්දා.”

මෙච්චර දුරක් කියාගෙන ආවාට පස්සෙය මතක් වුණේ. ඔවැනි කතාබහ කෙරුණේ ඉංග්‍රීසියෙනි. ඩැඩාට මැරෙන තුරුමවත් සිංහල ඉගෙන ගන්නට බැරි විණි. දැනගෙන හිටියේ එකම වචනයකි. ‘පිස්සු’ විතරය. 

ඒ අතින් බලද්දී ඩැඩාගෙ step sonගේ; අපේ දීපාල්ගේ බිරින්දෑ ‘පීයා’ ටිකක් විතර දියුණුය. දැන් සිංහල වචන දහයක් විතර දන්නවා වගෙය.

හරිම ලස්සන අපේ අම්මාත්, පීයාගේ අම්මා; නෝනාත් (ඒ එයාගේ නමයි.) දෙන්නා කතාවට වැටුණාමය.

පීයාගෙ පවුලේ අයත් එක්ක.... මැදින් ඉන්නේ නෝනාය. (2014.10.4)
අම්මා හිතාගෙන ඉන්නේ එයාට ඉංග්‍රීසි පුළුවන්ය කියලාය. 

ඒත් හරිහැටි ‘කඩුව’ දාන්නට නොදන්නා මට වුණත්, අදටත් අම්මාගේ ඉංගිරිසිය හරියටම තේරෙන්නේ නැත. ඩැඩා නම් ඒකට කිව්වේ ‘මම්බෝ-ජම්බෝ’ කියලාය. 

අපේ අම්මා එක්ක කතාවකට වැටුණාම පීයාගේ අම්මා කතා කරන්නේ නැතිම තරම්ය. අහගෙන ඉන්නවා විතරය.

“පීයා.... අපේ අම්මා කියන දේවල් සේරම ඔයාලගේ අම්මට තේරෙනවද?”

දවසක් මම පීයාගෙන් ඇහුවේ ඒ දෙන්නාගේ සංවාදයක් බලාගෙන ඉඳලාය. කට පියාගෙන ඉන්නට බැරිම තැනය. “පේන්නේ නැද්ද ලොකූ? අපේ අම්මා ඔය අපූරුවට අහගෙන ඉන්නේ.” පීයා දුන්නු උත්තරය තේරුම් ගන්නට මං මෝරලා මදි වගෙය.

“ඉතින් අම්මලා බැන්දට පස්සේ කවුන්සලෙන් ගෙයක් හම්බ වුණාද?”

“ගෙදරකට ඉස්සෙල්ලා ලීලාට ඕනේ වුණේ මෙහෙ සිටිසන්කම අරගන්න.”

දවසක් අපි හැමෝම පිහිනුම් තටාකයකට ගියෙමු. ඒකට ටිකටුත් ගන්නට ඕනෑනේ....
එතැනදී නම් ඩැඩාගෙ උගත්කම සෑහෙන්නට උදව් වුණා වෙන්නම ඕනෙය. 

ඕනෑම තැනකට ගිහින් වැඩක් කරවාගන්නට මනුස්සයා දැනගෙන හිටියේය. එංගලන්තයේ වුණත්, ලංකාවේ වුණත් වෙනසක් නැත. උපාය දන්නෝ අපායේ නොවැටෙන්නෝය.

කොතැනකට හරි ගිය ගමන්ම සුබ පතලා, හිනාවෙලා, තැනට ඔබින විදිහට විහිළුවකුත් කරලා ඉන්නට මනුස්සයා දක්ෂයෙකි. 1985 එහාට ගියාම දවසක් අපි පිහිනුම් තටාකයකට ගියෙමු.

ටිකට් කවුන්ටරයේ හිටියේ වියපත් ලලනාවකි. “ටිකට් කීයක්ද?” ඇය ඇසුවාය.

විහිළුවෙන්ම අප පෙළගැස්වූ ඩැඩා ‘Now, You can count my love!’ කියමින් වටයකුත් කැරකිලා රැඟුවේය. ඒකට රැවටිලාද, එහෙමත් නැතිනම් කන්නාඩි දෙක දමාගන්නට අමතක වෙලාද මන්දා..... 
අර බවලතිය full තුනකුත් half හතරකුත් කැඩුවාය. 
එතකොට අවුරුදු 31ක් වුණු මටත් අයකොට තිබුණේ බාගයකටය.

පස්සේ ඒ සිදුවුණු ලාබය ගැන කියමින් හිනාවුණා මිස, සුද්දෙකු වුණත් අපේ ඩැඩා වැරැද්ද නිවැරැදි කරන්නට ගියේ නැත.
1985 අම්මලාගේ Council flat එක ඉදිරිපිටදී (වමේ සිට)- අනිල්, සමන්ති, ඩැඩා, දීපානි, දීපාල්, අම්මා හා මං...
ඩැඩාගෙ ඔහොම සමර්ථකම් නිසාමදෝ අම්මාට හිරු නොබසින අධිරාජ්‍යයේ පුරවැසිකම හිමිවුණේ පමාවකින් තොරවමය. Council Flat එකක් එයාලාට ලැබුණේත් එහෙමය.

අපේ අම්මා එංගලන්තයේ සිට අපට පළමුවෙනි තෑග්ග එව්වෙත් ඊට පස්සෙය! ඒ.....

Monday, October 28, 2019

හරෝහරා! - දාහතරවෙනි කොටස


මෙවර පාද යාත්‍රාවේ ගිහින් ... කොච්චිපතාන ගණදෙවි කෝවිලේදී........
කාන්තාවන් බඩ-ගැබ්බර වෙන්නට පුළුවන් තරමේ  “#@$5#%$$!” හරුප කියන්නට වගේම අත් උදව් දෙන්නටත් අපේ පිරිවර හපනුන්ය.

එහෙම කියන්නේ ගැබ්බර කෙරිල්ල ගැන නොවෙයි, හොඳේ; උයන්නට අත් උදව් දීම ගැනය. 
එයාලා දඩි-බිඩියේ උදව් දුන්නේ හොඳටම බඩගින්නේ හිටි හින්දාම වෙන්නට ඇත. උයා ඉවර වෙන පමාවෙන්ම ‘කමු’ යැයි යෝජනා කරන්නට ඇත්තෙත් ඒ නිසාමය. 

බත් කාලා සේදූ අත් වේලෙන්නටත් කලින් සේරමලා ආයෙමත් වතුරේය. 

වතුරේ වැතිරීගෙනම ඉඳිද්දීය ආයෙමත් අර හමුදා සොහොයුරන් දෙන්නා ඉවුරේ ඉන්නවා මං දැක්කේ.

“නිශාන්ත, ඔයාගේ යාළු අර මල්ලිලා දෙන්නා අන්න ගඟට ඇවිත්. බත් ටිකක් කන්න කතා කරමුද?”

“නිමල් අයියම අඬගහන්නකෝ!” 

නිශාන්ත ඒ රාජකාරිය මටම පැවරුවේ ඇඟ බේරාගන්නට බව මට වැටහුණේ පසුවය. “මල්ලී, දෙන්නත් එක්කම එන්න බත් ටිකක් කන්න!"

මල්ලී.... එන්න බත් ටිකක් කන්න!
“එපාාාාාා. ඕනේ නැහැ අයියේ.... තව ටිකකින් කෑම ගෙනෙයි....”

උත්තරය negative වුණාට තිබුණේ positive ටෝන් එකකි. 
“නිශාන්ත, ඇහුණා නේද කියපු හැටි.... ඔයා ගිහින් එක්ක එන්න...එතකොට එයි.” නිශාන්ත ගිහිං, ආපහු ආවේ හිනාවේගෙනය. “හරි, දෙන්නලු!”

“අම්මප ඔහෙට දිවැස් තියෙනවය නිමල් අයියේ? වෙනදටත් කෑම එන්නේ ගොඩක් පරක්කු වෙලාලු. බඩගින්නට තමයි තේ හදාගෙන බීල තියෙන්නත්. 
තව කීප දෙනෙක් ඉන්න හින්දා ෂොපින් බෑග්වලට හරි දාලා දෙන්නලු. බෙදාගෙන කයිනේ.”

පිඟන් දෙකකට කෑම බෙදන්නට හදද්දී නිශාන්ත කිව්වේය.

ඒ යස්සයාට මෙලෝ දෙයක් ගැන ගනිච්චියක්  නැතිවා වගෙය. ඉව්වේ රෑටත් එක්කම බව එහෙම පිටින්ම අමතක වෙලාය. දැන් ඉතින් මොනවා කරන්නද? මට මා එක්කත් තරහය; 

“තව මදිවෙයි වගේ නිමල් අයියේ.” කියන නිශාන්ත එක්කත් තරහය. තරහෙන්ම, සාස්පාන්වල තිබුණු කෑම සේරම ෂොපින් බෑග්වලට දැම්මෙමි. 

සිලි මලුවලට දැමූ කෑම අඩුක්කුවත් උස්සාගෙන ගිය ...........
“දැන් නම් මදිවෙන එකක් නෑ හත්-අට දෙනෙකුට වුණත්!” 
නිශාන්ත කිව්වෙත්; අඩුක්කුව උස්සාගෙන ගියෙත් ආඩම්බරයෙනි.

පාද යාත්‍රාවේ යෙදෙන අතරතුරදී ඔබ කැමති ඕනෑම දමිළ නඩයක් ළඟට යන්න, ඔවුන් හා හිතවත්වී කතාබහක යෙදෙන්න. 
ඔවුන් කොතරම් දුප්පතුන් වුවත් කම් නැත; පොහොසතුන් වුවත් කම් නැත. නොවරදවාම ඔවුන් ඔබට අන්න-පානයෙන්, ආහාරවලින් සංග්‍රහ කරන්නට පසුබට නොවෙන බව අපේ දැනීමයි. 
එහෙම කෙරෙන්නේ කදිර දේවයාණන් වෙනුවෙනි.

දෙවියන් වෙනුවෙන් නොවේ, අද නම් ඔබ වෙනුවෙනුත් - මව්බිම වෙනුවෙනුත් දිවි පරදුවට තියන්නට; දිවි හිමියෙන් කැප වෙන්නට වීරයෝ වේදිකාවල රඟති. 
මොන උප්පරවැට්ටියක් යොදමින් හෝ, මොකාගෙ පිහිටෙන් හෝ, මොනවා පුදලා හෝ පාලකයන් වෙන්නට කවුරුනුත් කැමතිය. එදා ......

මහා යුද්ධයකට මැදිවී සිටියදී එතුමෝ; මානවම්ම කුමරුවෝ කඳ සුරිඳුන්ගේ පිහිට පැතූහ.

මහ යුද්ධයකට පැටලී සිටියදී එතුමෝ......
“දෙවන කාශ්‍යප නරෝත්තමයාණන්ගේ පුතණු උත්තම කුමාරයාණෙනි.
යුදයට අධිපති ශ්‍රී ස්කන්ධ දේවයාණන්ගේ ආශීර්වාදය ලැබෙන්නේ නම් ඔබවහන්සේට මේ යුද්ධයෙන් ජය ගත හැකිවෙනු ඒකාන්තය. අපගේ ශාස්ත්‍ර ඥානයට අනුව එය නිසැකය. 
යනු මැනවි.... 

-ගෝකණ්ණ තීර්ථයේ වෙරළබඩට. ජය භූමියක් වන එතැන සුවිසල් ශෛල තලාවක් ඇත. ඒ මත හිඳ, මන්ත්‍ර පුරමින් - භාවනා කරමින් ස්කන්ධ කුමාර දර්ශනය පතනු මැනවි.” පුරෝහිතයෝ උපදෙස් දුන්හ. 

නොපමාවම කටයුතු සංවිධානය කෙරිණි. සෙබල මුළුවක් සහිතව මානවම්ම කුමරුවෝ ගෝකර්ණයට පිටත් වූහ.

සුවිසල් කළුගල් පව්ව මත හිඳ කුමරුවෝ දැන් මන්ත්‍ර සජ්ජායනා කරති; නොසැලී හිඳිමින් දේව දර්ශනය පතති.

අකාල විදුලියක් කෙටීය. 
ඇඟ කිළිපොලවන ශීතලක් දනවමින් තද සුළඟක් හමා ගියේය. 

කුමරුවාණන්ගේ ආරක්ෂාවට තැනින්-තැන සිටුවා සිටි සෙබළු වෙවුලා ගියහ. හාත්පසම අවුළුවා තිබුණු ගිනි මැලවලින් නික්මුණු ආලෝකය පරදවමින් දීප්තිමත් ආලෝක කදම්බයක් අහසෙන් එල්ල විණි.

එළියක් පහළ වුණොත්; විදුලි කොටන්න ගත්තොත් නේත්‍රා දෙක ඇරගෙන ඉන්න එපා!
“එළියක් පහළ වුණොත්, ඒ සමඟම තොපි සැවොම තරව නෙත් පියාගත යුතුයි. මොනවද වෙන්නේ කියා බලන්නට නෙත් හැරගෙන හිටියොත් තොපගේ නෙත් අඳ වෙනවා සිකුරුයි!” කලින්ම උපදෙස් ලැබී තිබුණු නිසා සෙබළුන්ගෙන් කිසිවෙක් නෙත් හැරගෙන නොසිටියේය.

මයුර වාහනාරූඪව කඳ කුමරුවෝ මානවම්ම කුමරු ඉදිරිපිට ප්‍රාදුර්භූත වූහ. 

කුමරු ප්‍රීතියෙන් පිනා යද්දී, මයුරයෝ ගෙල දිගු කරමින් යමක් සොයන්නට ගත්හ..... යමක් වැරැදී ඇති බව කුමරුට පසක් වුණේ එවිටය. 

‘මයුරයෝ අහරක් පතති. හා, මේ නම් තදබල අතපසුවීමකි. මොනරාට දෙන්නට සුදුසු අහරක්.... බිල්ලට දෙන්නට....’ සිතත්ම කුමරුගේ නැණැස පෑදිණි.

දෙවරක් නොසිතූ මානවම්ම කුමරුවෝ සිය නේත්‍ර යුග්මයෙන් එකක් මොනරාට පෑවෝහ. මොනරාගේ තියුණු හොට ඒ නෙතට එල්ල විණි.

මානවම්ම කුමරුට ඇසක් අහිමි විණි, 
යුදයෙන් ජය හිමි විණි - ඉතිහාසය කියන්නේ එහෙමය. 

එහෙම එකේ, කඳ සුරිඳුන් වන්දනය පිණිස පා ගමනින් යන කෙනෙකුට හෝ එසේ යන්නන්ගේ ආරක්ෂාව සලසන කෙනෙකුට හෝ ආහාර වේලක් පිදීම කොතරම් දෙයක්ද? 

ඒ පරිත්‍යාග ගැන නොදත් අපේ අප්පුහාමිලා නොපමාවම කැරැල්ලක්........
කඳ සුරිඳුන් වෙනුවෙන් කෙරුණු එවන් පරිත්‍යාග ගැන හාන්කවිසියක් නොදන්නා මගේ ගමන් සගයන් කැරැල්ල පටන්ගත්තේ නිශාන්ත ආපහු එනවාත් එක්කමය. 

“ඈ බං paකෝරිස්, දැන් අපි රෑට කන්නේ තමුසෙගෙ ඇට දෙකද?”
  
“ඔව්, ඔව්. ආයේ නං තව සැරයක් උයන්න උදව් වෙන්න අඬගහන්න එපා.... මට නං බැහැ. නිශාන්ත, තොටත් puකේ අමාරුවනේ තව මදි කිය-කිය සේරම අරන් ගියේ. තොටයි මූටයි තමා රෑට උයන්න වෙන්නේ....”

“ඔහෙලා මට බනින්නේ මක්කටෙයි? මං මක්කවත් කළේ නැහැනේ.... නිමල් අයිය කියපු ටික විතරනේ.... ඉස්සෙල්ල පාරත් මායි සුනිල් අයියයි කළේ දර හොයන එකනේ. දර මදි නම් හොයල දෙන්නං..... ඒ නිමල් අයියේ, දර මදියෙයි රෑටත් උයන්න?” 

ඒකාත් ගල් ආඳෙකු වුණේ එහෙමය; උදව් දෙන එක මඟ හැරියේ එහෙමය. 

“ඔන්න සුනිල් අයියේ, ඔයාගේ ලොකු අයියා වුණාට කමක් නැහැ... ඔයාත් උදව්වට හෙම යනවා නෙවෙයි. දන් දුන්නු පින පළ දෙන්න එයාටම උයාගන්න අරින්න තනියෙන්...” දැන්මම තහංචියකුත්....

තරහව ඕනෑම කෙනෙකුට ලබා දෙන්නේ දැඩි ශක්තියකි.........
තරහව ඕනෑම කෙනෙකුට ලබා දෙන්නේ අතිමහත් ශක්තියකි. 

එවෙලෙම දියෙන් ගොඩවුණු මම වැඩ පටන් ගත්තෙමි. පුරසාරමකට හෝ මදි පුංචිකමක් කරන්නට හෝ හිතාගෙන කියනවා නොවේ. 
අපේ නඩයේ අනෙක් පස් දෙනාගෙන් එකෙකුවත් ළූණු ගෙඩියක් සුද්ද කරලා දෙන තරමේ අත් උදව්වක්වත් දුන්නේ නැත. 

වැඩියත්ම එහෙම වුණේ මගේ රකුසු මුහුණ හින්දාය. එහෙම වෙලාවට ඒ කිසිවෙක් මගේ කිට්ටුවකට නොඑයි.

මට වැඩියත්ම කේන්ති ගියේ වතුරෙන් ගොඩවෙන්නට කලින් කියවුණු තවත් පැහැදිලි කිරීම් වගයක් නිසාය. 

“තමුසේ දන්නවද, තමුසෙගෙ ආදරේ පෙන්නන්න ගිහින් අහක හිටපු හමුදාවේ කට්ටියකට කෑම යවලා ඒ එකෙක්ගෙවත් බඩ නරක් වුණොත් එහෙම වෙන දේ? 
වස දෙන්න හැදුවයි කියලා තමුසෙව තමයි කුදලාගෙන යන්නේ...”

"හැබෑමයි නිමල් අයියේ, මාත් එහෙම කතාවක් නං අහල තියෙනවා.... අර ඔහෙ කිව්ව වචනෙට කීකරු වුණාට.”

මගේ රතු කටුව පැන්නාට පස්සේ මං කරන්නේ කතා නොකර.....
ඒවා එකකටවත් කිසිවක් කිව්වේ මේ නිමල් දිසානායක නොවේ. 
මගේ රතු කටුව පැන්නාම මං කතා කරන්නේ නැති බව මීට කලින් කියලා තියෙනවනේ, නේද? 

ඒ තියා පූ වළෙන් වතුර පුරවාගන්නා වෙලාවේදීවත් ඒ යක්කුන්ගෙන් එකෙකුවත් මගේ දිහා බැලුවේ නැතිය. ‘දැන්වත් මේකලා එයිනේ’ කියලාය මං හිතාගෙන හිටියේ. මොන?

කොච්චර තරහෙන් ඉව්වත්, අඩුවෙන් උයන්නට මගේ හිත ඉඩ දුන්නේ නැත. 

(කලිනුත් කිව්වා වගේ තියෙන තොග අවසන් කරගන්නත් ඕනිනේ!). රෑටත් ඉව්වේ දහ දෙනෙකුට විතරම ඇති වෙන්නය. ‘උදේට හීල් බත් ටිකක් කාලම පිටත් වෙන්න පුළුවන්නෙ.’ කියන අදහසත් හිතේ කෙළවරක තිබුණේය.

රෑ තිස්සේ හරි පාද යාත්‍රාවේ ගිහින්, දවසෙන්- දෙකෙන් ගමන නිමා කරන්නට හැදූ ඩිල්හාන්ලා වරහනට ආවේ අපටත් පස්සෙය. ලැගුම් ගන්නට තෝරාගත්තේ අපේ කිට්ටුවෙන්මය.

එයාලාගේ සාමාජිකයෙකු මං උයන අතරේ කිට්ටුවට ආවේය.

ඔයාලා උයාගෙන ඉවර වුණාම අපිටත් මේ ළිපේම නූඩ්ල්ස් ටිකක්....
“නිමල් අයියා තනියම උයනවා වගෙයි.... support එකක් දෙන්නද?”

“නැහැ මහත්තයෝ, තව ඩිංගයි.... ඉතින්....?”

“එහෙනං නිමල් අයියේ, උයලා ඉවර වුණාම අපිටත් ඔය ළිපේම උයාගත්තෑකි නේද? අපි නූඩ්ල්ස් ටිකක් හදාගන්න යන්නේ.”

පාද යාත්‍රාවේ යන සිංහල නඩවලින්; තරුණ නඩවලින් වැඩි හරියක බඩගින්න නිවන්නට උදව් වෙන්නේ නූඩ්ල්ස්ය. 
හදන්නට ලෙහෙසිය. කන්නට මනාපය. 
එහෙත් ඉක්මනින්ම යළි බඩගිනි වෙයි. ඒ කාරණාව ගැන ඉස්සෙල්ලාම මතක් කළේ අපේ සුනිල්ය. අපේ ලැයිස්තු හදද්දීය.

“අනේ අයියේ, පොල් සම්බෝලයි බතුයි විතරක් වුණත් ඇති. ඔය බඩකඩුත්තුව නං එපා. කාලා පැයෙන් ආයි බඩගිනි වෙනවනේ.”

“ඇත්තමයි, සුනිල් අයියේ. මටත් අල්ලන්නේ නැහැ.”

“හරි. ඔන්න ඒක ලැයිස්තුවෙන් කැපුවා. 
හැබැයි එක වේලකට හරි ගෙනියන එක තමයි, නුවණක්කාර වැඩේ. වතුර ටිකක් උණු කරගන්න එක විතරනේ.” මගේ අනාවැකිය ඒ; පළමු ගමනේදීම හැබෑ වුණේය. 

ළිං තුන මඟ හැරිලා ගිහින් අප නැවතුණු තැන ටැංකියට වතුර පිරෙව්වේ රෑ අටට විතරය. එදාය මගේ යට ඇඳුම හොරෙකු ඉස්සුවේ! එච්චර වෙලා බඩගින්නේ නොසිට, දෙමළ ගැටවුන් දෙන්නාටත් අපටත් නූඩ්ල්ස් හදා ගත්තේ ළඟ තිබුණු වතුර බෝතලවලිනි.

එක විඩේම මගේ සිහියට ආවේ එයාලා මඩමෙතොටදී........ (foto- කසුන් ප්‍රියලාල්)
ඩිල්හාන්ලාට එහෙම ප්‍රශ්නයක් තිබුණේ නැත. 

“මචං, Very first thing.... ඉන්ස්ට්‍රුක්ෂන්ස් ටික කියවලා ඉඳිමු!” නූඩ්ල්ස් පැකට් එළියට අදිද්දීම කියවෙනවා මගේ කණට වැටිණි. 
එක විඩේම මගේ මතකයට ආවේ එයාලා මඩමේතොටදී අපටත් එක්කම තේ හදන්නට ගිහින් කළ මාර යුද්ධයයි. 
ඊට දෙවෙනි නොවෙන වැඩක් වෙන්නට යනවාවත්ද..........

“Boil the water .... රයිට්, මචං උඹ වතුර ළිපේ තියපන්... then...හරි මචං.... අපි නූඩ්ල්ස්වලට දාන්න ගෙනාව චීස් එක කපන්න ඕනේ..... තව .....” 
පැකට්ටුවේ මුද්‍රිත උපදෙස්වලට අනුව කරන්නට තිබුණු වැඩ ටික එක-එක්කෙනාට පැවරුණේය.  

“නිමල් අයියේ, ඔයාලා උයාගෙන ඉවර නිසා මේ ලොකු සාස්පාන් දෙක අපි use කරලා හෝදලා දෙන්නද?”

“ගන්න ඩිල්හාන්, තව මොනවා හරි ඕනේ නම් කියන්න...”

“Thanks නිමල් අයියේ....”

එයාලා ළිපේ තිබ්බේ ලොකුම සාස්පානයි. 
ඒකට පුරවා තිබුණු වතුර හොඳටම වැඩිය.

“දරුවෝ, නූඩ්ල්ස් පැකට් හතකට විතර නං වතුර ගොඩාක් වැඩියිනේ.” මට කියවුණේ අනුකම්පාවෙනි. එහෙම කිව්වෙත්, මං ඉගෙනගෙන තියෙන ‘සහයෝගිතා අභ්‍යාසයේ’ නීතිවලට පිටින් යමිනි. 
අභ්‍යාසය ඔබටත් ඉදිරිපත් කරන බව මා කිව්වේ ‘යාල රිලවුන් පැන්නූ පූරි -4’ පෝස්ටුවේදීය. නොදුරු - ඉදිරි පෝස්ටුවකදීම ඒ රාජකාරිය කරන්නට ඕනෑය. 

පළපුරුදු කිචන් හෙල්පර් කෙනෙකු වගේ එයා කිව්වේ මට කියපු විදිහට.....

“මට කිව්වේ වතුර උතුරවලා දෙන්නනේ, තරමක් කිව්වේ නැහැනේ අයියේ. වැඩියි නං හදනකොට අහකට හලයිනෙ.”


ඊට පස්සේ මම කට පියාගෙනම හිටියෙමි. 

වතුර නැටුවේය. නූඩ්ල්ස් ටික ඒකට දමලා තැම්බුණාටත් පස්සෙය, වැඩි වතුර පෙරන්නට ලැහැස්ති වුණේ. වළං අල්ලන්නට රෙදි කෑලි, පෙරන්නට කිරි ගොට්ටක් වගේ සේරම මගෙන් ඉල්ලා ගන්නට ආවේ. අන්තිමට වතුර පෙරද්දී නූඩ්ල්ස් ටික පදමට බෙරි වෙලාය.

උපදෙස් විදිහටම, ඒකට චීස් ටිකත්, රසකාරක වගේ තව මොන-මොනවදෝත් දමලා කවලම් කෙරිණි.

සිදු වෙන සන්තෑසිය දන්නා හින්දා, කෑම කන්නට කලින්ම මම ඩිල්හාන්ලාටත් ආරාධනය කළෙමි. “ඩිල්හාන්, බතුත් තියෙනවා.... නූඩ්ල්ස් එක්කම කන්න, මදි වෙයි කියලා බය වෙන්න එපා. මං වැඩියෙන් උයලා තියෙන්නේ.” 

පහුවදා උදේ නූඩ්ල්ස් ටික ගඟට දැම්මාම මාළු රොත්තක්ම අමාරුවේ වැටුණේය.........
“තෑන්ක්ස් අයියා. එහෙනම් ඔයාලත් නූඩ්ල්ස් share කරගන්න.” 

එක්කෙනෙක් නූඩ්ල්ස් සාස්පානත් අපේ කෑම ළඟින්ම ගෙනවුත් තිබ්බේය. මොන ෂෙයාර් කිරීමක්ද? එහෙම කරන්නට නම් නූඩ්ල්ස් කුට්ටිය කෑලි කපන්නට වෙයි. 
දන්නවනේ.... රස්නෙට චීස් උණු වෙයි - නිවෙද්දී ඝන වෙයි! 
ඒ මදිවාට බෙරි වුණු නූඩ්ල්ස් නිවෙද්දී....

පහුවදා උදේ නූඩ්ල්ස් කුට්ටි පිටින් ගඟට දැම්මාම මාලුන්ටත් සෑහෙන සටනක් දෙන්නට වුණේය. පව්! කොච්චර කෙටුවත් ‘කටක්’ කඩා ගන්නට නම් බැරිය. 

පෙඟෙනවිට නම් ඒවා ලෙහෙන්නට ඇත!

මෙහෙම දේවල් කියන්නේ අතොරක් නැතිව ගමන්-බිමන් ගිහින් තියෙන අත්දැකීම් හින්දාය. කාන්තාවන් සමඟ ගිය සමහර ගමන්වලදී පවා ‘වළං අල්ලන රෙදි කෑලි’ අරන් ගිහින් නොතිබුණු අවස්ථා තිබිණි. තේ හදන්නට හැන්දක් නැතිව ගිය හැටි මතකයි නේද? හුඟක් අය අවශ්‍ය කරන දේවල් හොයන්නේ අන්තිම මොහොතේය. කල් ඇතිව ඒවා ළඟට කරගෙන හිඳින්නේ නැත.
  
පාද යාත්‍රාවේ යනවා නම් ඉතාම කුඩා දේවල් ගැන පවා අවධානය යොමු කරන්න. මේ ගමන දවසක- දෙකක එකක් නොවේ. දින තුනක්-හතරක් අල්ලන එකකි.

ඉටි රෙද්ද එලන පමාවෙන්ම අන්දරේ මළා වගේ, ඒකේ ‘දපන’ නෙවිල්  කෙඳිරි ගායි....
ඒ දවස් හතරේදීම අපේ සුනිල්ට විශේෂ රාජකාරියක් තිබිණි. ඒක පස්සේ ලෙඩක් වුණා වගේත්ය. 
“අම්මෝ සුනිල් අයියේ.... හෙණ අමාරුයි” කියාගෙනය පළමුවෙනි දවසේ මඩමේතොටට ගිය ගමන්ම නෙවිලා දැපුවේ. 

ඉටි රෙද්ද එලන පමාවෙන්ම ‘අන්දරේ මළා වගේ’ අතපය හතරම දිග ඇරගෙන දපා තියාගත් නෙවිල්ව දැකලා අපේ නාම්බාගේ පපුව කඩා වැටුණේය.

“මගේ ළඟ හොඳ බාම් එකක් තියෙනවා. ටිකක් ගාලා එළ මසාජ් එකක් දෙන්නං!”

දුන්නා තමයි, 
ඊට පස්සේ කොතැන නැවතුණත් අපේ ගොනාට තුන්-හතර දෙනෙකුවත් මසාජ් කරන්නට සිද්ධ වුණේය. 
ඒකෙ කූඨප්‍රාප්තිය සිදුවුණේ වරහනදීය. පුදුමෙකුත් නැත. දවස් හතරක්ම ඇවිදින් කාට-කාටත් අමාරුය. ඇඟපතේ නොරිදෙන තැනක් නැති තරම්ය.

“සුනිල් අයියේ.... අද නං මසාජ් clinic එක වැඩි වෙලාවක් කරන්න වෙයි. මටත් හොඳ මාසාජ් පාරක් ඕනේ. 
තනියම ඔයාට විතරක් බැරි හින්දා මාත් උදව් වෙන්නං. දෙන්නාම කරමු. නිමල් අයියේ.... බැරිද අපට උණුවතුර ටිකක් ගන්න?” අයස්මන්ත මහත්තයා ඇහුවේය.

නිකම් හම්බවෙන අශ්වයාගේ දත් බලන්නට යන්නේ කවුද?
හිස්ව තිබුණේ එක සාස්පානක් විතරය. ඒකත් ඒ වෙලාවේ තිබුණේ තැම්බූ නූඩ්ල්ස්වලින් පෙරූ වතුර එක්කය. 

“සොරි මහත්තයෝ. මේ සාස්පානේ දැන්ම වතුර රත් කරන්න බැහැ. නූඩ්ල්ස්වලින් පෙරාපු වතුර තවම උණුයි. ඒවා විසි කළොත් සත්තු තොගයක් පිච්චිලා මැරෙයිනෙ."

“ආාාාාාාා ඒවා නියමයිනේ. ඉක්මනට නිවෙන්නෙත් නැහැනේ... නෙවිලා මොකද කියන්නේ? ඒ වතුරෙන්....”

නිකං හම්බවෙන අශ්වයාගේ දත් බලන්නට යන්නේ මොකාද? නෙවිල් නොහිතාම ‘හා’ කිව්වේය. ‘කමක් නැහැ මචං, ඉවර වෙලා ගඟේ වතුරට බැස්සාම හරිනේ.’ මර්විනුත් කිව්වේය. ‘අයියටත් එන්නේ මාර අයිඩියාස්නේ’ නිශාන්ත නම් එහෙම කියන්නට ඇත්තේ වතුර උණු කිරීමේ රාජකාරිය ඇඟට එතියි කියලා හිතුණු නිසා වෙන්නට ඇත. ‘ඌරු වැඩ’ මට කියවුණේ එහෙමය.

නමුත් මසාජ් කෙරුවාව අල්ලලා ගියේය. කොච්චරද කියනවා නම්, සාස්පාන ගිනිගොඩ ළඟින් තියෙන්නට ඇරියාත් එක්කය. “දැන් ටෙම්පරෙචර් එක ගානට තියෙනවා. මාර ආතල් එක.” 

“අයියේ එනවා. ඔයාටත් සනීපයක් දැනෙයි මසාජ් පාරක් දාගත්තම... වැඩියෙන්ම අමාරු ඔයාටනෙ.” අපේ සුනිල් කියන පරක්කුවෙන්ම මාත් ඉස්සරහට යැවිණි. අනෙක් හැමෝම වර්ණනා කළ නිසා මාත් හිටියේ එහෙම ආරාධනාවක් ලැබෙන තුරුමය. ‘ඌරු වැඩේ’ වුණාට ඒක නං ‘ආතල්ම’ තමාය!
  
ඒ ආතල් එකේම ඊළඟ පෝස්ටුවට යමු, නේද?