1. වස් කවි කීම - පළමු කොටස
  2. වස් කවි කීම - දෙවෙනි කොටස
  3. වස් කවි කීම - තෙවෙනි කොටස
  4. නොදෙන්න හිටි රන් පදක්කම
  5. නීච කුමන්ත්‍රණේ
  6. මංජුලගේ 'මරියා'ට මම පැටලුනෙමි -පළමු කොටස
  7. මංජුලගේ 'මරියා'ට මම පැටලුනෙමි -දෙවෙනි කොටස
  8. තුම්පනේ, මාතර, බදුල්ලේ කියලා වෙනස්යැ
  9. නැණ ලැබ ගත්තෙමි; ඔහු සෙවණේ හිඳ... -පළමුවෙනි කොටස
  10. නැණ ලැබ ගත්තෙමි; ඔහු සෙවණේ හිඳ... - දෙවෙනි කොටස
  11. නැණ ලැබ ගත්තෙමි; ඔහු සෙවණේ හිඳ... - තෙවෙනි කොටස
  12. නැණ ලැබ ගත්තෙමි; ඔහු සෙවණේ හිඳ... - හතරවෙනි කොටස
  13. අඟුල්මල් දහනය - පළමුවෙනි කොටස
  14. අඟුල්මල් දහනය - දෙවෙනි කොටස
  15. අඟුල්මල් දහනය - තෙවෙනි කොටස
  16. වැරැදි බෝනස් එක - මල්ටිපල් මයෙලෝමා - පළමුවෙනි කොටස
  17. වැරැදි බෝනස් එක - මල්ටිපල් මයෙලෝමා - දෙවෙනි කොටස
  18. වැරැදි බෝනස් එක - මල්ටිපල් මයෙලෝමා - තෙවෙනි කොටස
  19. වැරැදි බෝනස් එක - මල්ටිපල් මයෙලෝමා - හතරවෙනි කොටස
  20. වැරැදි බෝනස් එක - මල්ටිපල් මයෙලෝමා - පස්වෙනි කොටස
  21. වැරැදි බෝනස් එක - මල්ටිපල් මයෙලෝමා - හයවෙනි කොටස
  22. වැරැදි බෝනස් එක - මල්ටිපල් මයෙලෝමා - හත්වෙනි කොටස
  23. වැරැදි බෝනස් එක - මල්ටිපල් මයෙලෝමා - අටවෙනි කොටස
  24. වැරැදි බෝනස් එක - මල්ටිපල් මයෙලෝමා - නවවෙනි කොටස
  25. වැරැදි බෝනස් එක - මල්ටිපල් මයෙලෝමා - දහවෙනි කොටස
  26. වැරැදි බෝනස් එක - මල්ටිපල් මයෙලෝමා - එකොළොස්වෙනි කොටස
  27. වැරැදි බෝනස් එක - මල්ටිපල් මයෙලෝමා - දොළොස්වෙනි කොටස
  28. වැරැදි බෝනස් එක - මල්ටිපල් මයෙලෝමා - දහතුන්වෙනි කොටස
  29. වැරැදි බෝනස් එක - මල්ටිපල් මයෙලෝමා - දාහතරවෙනි කොටස
  30. වැරැදි බෝනස් එක - මල්ටිපල් මයෙලෝමා - පහළොස්වෙනි කොටස
  31. වැරැදි බෝනස් එක - මල්ටිපල් මයෙලෝමා - දහසයවෙනි කොටස
  32. වැරැදි බෝනස් එක - මල්ටිපල් මයෙලෝමා - දාහත්වෙනි කොටස
  33. වැරැදි බෝනස් එක - මල්ටිපල් මයෙලොමා - දහඅටවෙනි කොටස
  34. වැරැදි බෝනස් එක - මල්ටිපල් මයෙලොමා - දහනවවෙනි කොටස
  35. වැරැදි බෝනස් එක - මල්ටිපල් මයෙලොමා - විසිවෙනි කොටස
  36. හරි හුරතල් විනාකිරි සංග්‍රාමය - පළමුවෙනි කොටස
  37. හරි හුරතල් විනාකිරි සංග්‍රාමය - දෙවෙනි කොටස
  38. හරි හුරතල් විනාකිරි සංග්‍රාමය - තෙවෙනි කොටස
  39. වීරයා ගෙදරද? - පළමුවෙනි කොටස
  40. වීරයා ගෙදරද? - දෙවෙනි කොටස
  41. වීරයා ගෙදරද? - තෙවෙනි කොටස
  42. වීරයා ගෙදරද? - සිව්වෙනි කොටස
  43. වීරයා ගෙදරද? - පස්වෙනි කොටස
  44. ගණිත ගැටේ - පළමුවෙනි කොටස
  45. ගණිත ගැටේ - දෙවෙනි කොටස
  46. ගණිත ගැටේ - තෙවෙනි කොටස
  47. ගණිත ගැටේ - සිව්වෙනි කොටස
  48. දෙපා අවසඟ පාපන්දු පිස්සා - පළමුවෙනි කොටස
  49. දෙපා අවසඟ පාපන්දු පිස්සා - දෙවෙනි කොටස
  50. දෙපා අවසඟ පාපන්දු පිස්සා - තෙවෙනි කොටස
  51. දෙපා අවසඟ පාපන්දු පිස්සා - සිව්වෙනි කොටස
  52. ශ්‍රී ලංකා not Vs England - පළමුවෙනි කොටස
  53. ශ්‍රී ලංකා not Vs England - දෙවෙනි කොටස
  54. ශ්‍රී ලංකා not Vs England - තෙවෙනි කොටස
  55. ශ්‍රී ලංකා not Vs England - සිව්වෙනි කොටස
  56. ශ්‍රී ලංකා not Vs England - පස්වෙනි කොටස
  57. ශ්‍රී ලංකා not Vs England - හයවෙනි කොටස
  58. ශ්‍රී ලංකා not Vs England -හත්වෙනි කොටස
  59. ශ්‍රී ලංකා not Vs England -අටවෙනි කොටස
  60. ශ්‍රී ලංකා not Vs England -නවවෙනි කොටස
  61. ශ්‍රී ලංකා not Vs England -දහවෙනි කොටස
  62. ශ්‍රී ලංකා not Vs England -එකොළොස්වෙනි කොටස
  63. ශ්‍රී ලංකා not Vs England -දොළොස්වෙනි කොටස
  1. අජාසත්ත - පළමු කොටස
  2. අජාසත්ත - දෙවෙනි කොටස
  3. අජාසත්ත - තෙවෙනි කොටස
  4. අජාසත්ත - හතරවෙනි කොටස
  5. අජාසත්ත - පස්වෙනි කොටස
  6. කෙලින් සනා - පළමු කොටස
  7. කෙලින් සනා - දෙවෙනි කොටස
  8. කෙලින් සනා - තෙවෙනි කොටස
  9. පේව්මන්ට් එකේ රජවී - පළමු කොටස
  10. පේව්මන්ට් එකේ රජවී - දෙවෙනි කොටස
  11. පේව්මන්ට් එකේ රජවී - තෙවෙනි කොටස
  12. පේව්මන්ට් එකේ රජවී - හතරවෙනි කොටස
  13. පේව්මන්ට් එකේ රජවී - පස්වෙනි කොටස
  14. පේව්මන්ට් එකේ රජවී - හයවෙනි කොටස
  15. පේව්මන්ට් එකේ රජවී - හත්වෙනි කොටස
  16. පේව්මන්ට් එකේ රජවී - අටවෙනි කොටස
  17. පේව්මන්ට් එකේ රජවී - නවවෙනි කොටස
  18. පේව්මන්ට් එකේ රජවී - දහවෙනි කොටස
  19. මඩ ගොහොරුවක පචවී - පළමුවෙනි කොටස
  20. මඩ ගොහොරුවක පචවී - දෙවෙනි කොටස
  21. මඩ ගොහොරුවක පචවී - තෙවෙනි කොටස
  22. මඩ ගොහොරුවක පචවී - හතරවෙනි කොටස
  23. මඩ ගොහොරුවක පචවී - පස්වෙනි කොටස
  24. මඩ ගොහොරුවක පචවී - හයවෙනි කොටස
  25. මඩ ගොහොරුවක පචවී - හත්වෙනි කොටස
  26. මඩ ගොහොරුවක පචවී - අටවෙනි කොටස
  27. මඩ ගොහොරුවක පචවී - නවවෙනි කොටස
  28. මඩ ගොහොරුවක පචවී - දහවෙනි කොටස
  29. ඉඳියාප්ප ගන්නවද? - පළමුවෙනි කොටස
  30. ඉඳියාප්ප ගන්නවද? - දෙවෙනි කොටස
  31. ඉඳියාප්ප ගන්නවාද? - තෙවෙනි කොටස
  32. ඉඳියාප්ප ගන්නවද? - හතරවෙනි කොටස
  33. දිව්‍ය අංගනි සේ මම සැරැසී - පළමුවෙනි කොටස
  34. දිව්‍ය අංගනි සේ මම සැරැසී - දෙවෙනි කොටස
  35. දිව්‍ය අංගනි සේ මම සැරැසී - තෙවෙනි කොටස
  36. දිව්‍ය අංගනි සේ මම සැරැසී - සිව්වෙනි කොටස
  37. දිව්‍ය අංගනි සේ මම සැරැසී - පස්වෙනි කොටස
  38. දිව්‍ය අංගනි සේ මම සැරැසී - හයවෙනි කොටස
  39. දිව්‍ය අංගනි සේ මම සැරැසී - හත්වෙනි කොටස
  40. දිව්‍ය අංගනි සේ මම සැරැසී - අටවෙනි කොටස
  41. දිව්‍ය අංගනි සේ මම සැරැසී - නවවෙනි කොටස
  42. දිව්‍ය අංගනි සේ මම සැරැසී - දහවෙනි කොටස
  43. දිව්‍ය අංගනි සේ මම සැරැසී - එකොළොස්වෙනි කොටස
  44. දිව්‍ය අංගනි සේ මම සැරැසී - දොළොස්වෙනි කොටස
  45. මෝස්‌තර එක්ක හත් වසරක් - පළමුවෙනි කොටස
  46. මෝස්‌තර එක්ක හත් වසරක්- දෙවෙනි කොටස
  47. මෝස්‌තර එක්ක හත් වසරක් - තෙවෙනි කොටස
  48. මෝස්‌තර එක්ක හත් වසරක් - සිව්වෙනි කොටස
  49. මෝස්‌තර එක්ක හත් වසරක් - පස්වෙනි කොටස
  50. මෝස්‌තර එක්ක හත් වසරක් - හයවෙනි කොටස
  51. මෝස්‌තර එක්ක හත් වසරක් - හත්වෙනි කොටස
  52. මෝස්‌තර එක්ක හත් වසරක් - අටවෙනි කොටස
  53. මෝස්‌තර එක්ක හත් වසරක් - නවවෙනි කොටස
  54. මෝස්‌තර එක්ක හත් වසරක් - දහවෙනි කොටස
  55. මෝස්‌තර එක්ක හත් වසරක් - එකොළොස්වෙනි කොටස
  56. මෝස්‌තර එක්ක හත් වසරක් -දොළොස්වෙනි කොටස
  57. මෝස්‌තර එක්ක හත් වසරක් -දහතුන්වෙනි කොටස
  58. මෝස්‌තර එක්ක හත් වසරක් -දාහතරවෙනි කොටස
  59. මෝස්‌තර එක්ක හත් වසරක් -පහළොස්වෙනි කොටස
  60. මෝස්‌තර එක්ක හත් වසරක් -දහසයවෙනි කොටස
  61. මෝස්‌තර එක්ක හත් වසරක් -දාහත්වෙනි කොටස
  62. මෝස්‌තර එක්ක හත් වසරක් -දහඅටවෙනි කොටස
  63. මෝස්‌තර එක්ක හත් වසරක් -දහනවවෙනි කොටස
  64. මෝස්‌තර එක්ක හත් වසරක් -විසිවෙනි කොටස
  65. මෝස්‌තර එක්ක හත් වසරක් -විසිඑක්වෙනි කොටස
  66. මෝස්‌තර එක්ක හත් වසරක් -විසිදෙවෙනි කොටස
  67. මෝස්‌තර එක්ක හත් වසරක් -විසිතුන්වෙනි කොටස
  68. මෝස්‌තර එක්ක හත් වසරක් -විසිහතරවෙනි කොටස/a>
  69. මෝස්‌තර එක්ක හත් වසරක් -විසිපස්වෙනි කොටස
  70. මෝස්‌තර එක්ක හත් වසරක් -විසිහයවෙනි කොටස
  71. මෝස්‌තර එක්ක හත් වසරක් -විසිහත්වෙනි කොටස
  72. මෝස්‌තර එක්ක හත් වසරක් -විසිඅටවෙනි කොටස
  73. මෝස්‌තර එක්ක හත් වසරක් -විසිනවවෙනි කොටස
  74. මෝස්‌තර එක්ක හත් වසරක් -තිස්වෙනි කොටස
  1. මීන සංහාරය
  2. ගස්සලා යවමුද? -පළමුවෙනි කොටස
  3. ගස්සලා යවමුද? දෙවෙනි කොටස
  4. ගස්සලා යවමුද? තෙවෙනි කොටස
  5. ගස්සලා යවමුද? හතරවෙනි කොටස
  6. අකල් මරණෙකට හවුල් වී -පළමු කොටස
  7. අකල් මරණෙකට හවුල් වී -දෙවෙනි කොටස
  8. අනේ කුරුලු කූඩුවලට ගහන්නෙපා කැට කැබිලිති
  9. ආවොත් නොයා බැරිය! - පළමු කොටස
  10. ආවොත් නොයා බැරිය! - දෙවෙනි කොටස
  11. ආවොත් නොයා බැරිය! - තෙවෙනි කොටස
  12. මගේ චූස් - මටම චූස්
  13. මගෙන් මංගල යෝජනාවක්.....- පළමුවෙනි කොටස
  14. මගෙන් මංගල යෝජනාවක්.....- දෙවෙනි කොටස
  15. අනේ පාලි, තව චුට්ටක්....
  16. රේස්වලින් රේස් එකට පිම්මක් - පළමුවෙනි කොටස
  17. රේස්වලින් රේස් එකට පිම්මක් - දෙවෙනි කොටස
  18. රේස්වලින් රේස් එකට පිම්මක් - තෙවෙනි කොටස
  19. හයටත් කලින්........ - පළමුවෙනි කොටස
  20. හයටත් කලින්........ - දෙවෙනි කොටස
  21. හයටත් කලින්........ - තෙවෙනි කොටස
  22. දුකේ දුක හිතෙන කතන්දරේ - පළමුවෙනි කොටස
  23. දුකේ දුක හිතෙන කතන්දරේ - දෙවෙනි කොටස
  24. දුකේ දුක හිතෙන කතන්දරේ - තෙවෙනි කොටස
  25. දුකේ දුක හිතෙන කතන්දරේ - සිව්වෙනි කොටස
  26. දුකේ දුක හිතෙන කතන්දරේ - පස්වෙනි කොටස
  27. දුකේ දුක හිතෙන කතන්දරේ - හයවෙනි කොටස
  28. යකුන් බලන්නට ගිය යක්කු - පළමුවෙනි කොටස
  29. යකුන් බලන්නට ගිය යක්කු - දෙවෙනි කොටස
  30. යකුන් බලන්නට ගිය යක්කු - තෙවෙනි කොටස
  31. දුන්හිඳ අද්දර මාරකේ - පළමුවෙනි කොටස
  32. දුන්හිඳ අද්දර මාරකේ - දෙවෙනි කොටස
  33. දුන්හිඳ අද්දර මාරකේ - තෙවෙනි කොටස
  34. දුන්හිඳ අද්දර මාරකේ - සිව්වෙනි කොටස
  35. දුන්හිඳ අද්දර මාරකේ - පස්වෙනි කොටස
  36. දුන්හිඳ අද්දර මාරකේ - හයවෙනි කොටස
  37. දුන්හිඳ අද්දර මාරකේ - හත්වෙනි කොටස
  38. නෑනා නැතත් කල දවසක් ..... -පළමුවෙනි කොටස
  39. නෑනා නැතත් කල දවසක් ..... -දෙවෙනි කොටස
  40. කොරෝනා කොරපු; කොරන හරිය!-පළමුවෙනි කොටස
  1. නීල බිඟු කැල
  2. නිල් බෘංගයන්ගේ වස වැරැද්දක්
  3. සමුදුරු මූර්තිය
  4. දහ බලු කතා වස්තුව- පළමුවැනි කොටස
  5. දහ බලු කතා වස්තුව- දෙවෙනි කොටස
  6. මගේ දෛවය මගේ රිස්සට...
  7. කූචු කුචයියෝ
  8. අපේ කුණු අපට එපාවී.... - පළමු කොටස
  9. අපේ කුණු අපට එපාවී.... - දෙවෙනි කොටස
  10. දියවිනි ඉනාව- පළමුවැනි කොටස
  11. දියවිනි ඉනාව- දෙවෙනි කොටස
  12. දියවිනි ඉනාව- තෙවෙනි කොටස
  13. දියවිනි ඉනාව- හතරවෙනි කොටස
  14. දියවිනි ඉනාව- පස්වෙනි කොටස
  15. සිඳු දකින සඳ - පළමුවෙනි කොටස
  16. සිඳු දකින සඳ - දෙවෙනි කොටස
  17. සිඳු දකින සඳ - තෙවෙනි කොටස
  18. රැජින COLOMBO එයි! - පළමුවෙනි කොටස
  19. රැජින COLOMBO එයි! - දෙවෙනි කොටස
  20. රැජින COLOMBO එයි! - තෙවෙනි කොටස
  21. අම්මගෙ රෙද්දෙ මමාස් - පළමුවෙනි කොටස
  22. අම්මගෙ රෙද්දෙ මමාස් - දෙවෙනි කොටස
  23. අම්මගෙ රෙද්දෙ මමාස් - තෙවෙනි කොටස
  24. විරූපීට රැවටෙන්නේ සුරූපි කියලා - පළමුවෙනි කොටස
  25. විරූපීට රැවටෙන්නේ සුරූපි කියලා - දෙවෙනි කොටස
  26. කොහොඹ කොළ කැවූ රාම් පූර් කා ලක්ෂ්මන් - පළමුවෙනි කොටස
  27. කොහොඹ කොළ කැවූ රාම් පූර් කා ලක්ෂ්මන් - දෙවෙනි කොටස
  28. කොහොඹ කොළ කැවූ රාම් පූර් කා ලක්ෂ්මන් - තෙවෙනි කොටස
  29. කොහොඹ කොළ කැවූ රාම් පූර් කා ලක්ෂ්මන් - හතරවෙනි කොටස
  30. පත්තෑයාට පෙත්තෙන් - පළමුවෙනි කොටස
  31. පත්තෑයාට පෙත්තෙන් - දෙවෙනි කොටස
  32. පත්තෑයාට පෙත්තෙන් -තෙවෙනි කොටස
  33. පත්තෑයාට පෙත්තෙන් - හතරවෙනි කොටස
  34. පත්තෑයාට පෙත්තෙන් - පස්වෙනි කොටස
  35. පත්තෑයාට පෙත්තෙන් -හයවෙනි කොටස
  36. පත්තෑයාට පෙත්තෙන් - හත්වෙනි කොටස
  37. මාතර තානායමේ අමු හෙලුවෙන්...- පළමුවෙනි කොටස
  38. මාතර තානායමේ අමු හෙලුවෙන්...- දෙවෙනි කොටස
  39. හරෝහරා - පළමුවෙනි කොටස
  40. හරෝහරා - දෙවෙනි කොටස
  41. හරෝහරා - තෙවෙනි කොටස
  42. හරෝහරා - සිව්වෙනි කොටස
  43. හරෝහරා - පස්වෙනි කොටස
  44. හරෝහරා - හයවෙනි කොටස
  45. හරෝහරා - හත්වෙනි කොටස
  46. හරෝහරා - අටවෙනි කොටස
  47. හරෝහරා - නවවෙනි කොටස
  48. හරෝහරා - දහවෙනි කොටස
  49. හරෝහරා - එකොළොස්වෙනි කොටස
  50. හරෝහරා - දොළොස්වෙනි කොටස
  51. හරෝහරා - දහතුන්වෙනි කොටස
  52. හරෝහරා - දාහතරවෙනි කොටස
  53. හරෝහරා - පහළොස්වෙනි කොටස
  54. හරෝහරා - දහසයවෙනි කොටස
  55. හරෝහරා - දාහත්වෙනි කොටස
  56. හරෝහරා - දහඅටවෙනි කොටස
  57. හිස් රැල්ලක් නොවී හස රැල්ලක් වේවා!-පළමු කොටස
  58. හිස් රැල්ලක් නොවී හස රැල්ලක් වේවා!-දෙවෙනි කොටස
  59. හිස් රැල්ලක් නොවී හස රැල්ලක් වේවා!-තෙවෙනි කොටස
  60. දොළහ වෙද්දී.... පළමු කොටස
  61. දොළහ වෙද්දී.... දෙවෙනි කොටස
  62. දොළහ වෙද්දී.... තෙවෙනි කොටස
  63. දොළහ වෙද්දී.... සිව්වෙනි කොටස
  1. සීයයි..!
  2. මරිසි මංගල්ලේ - පළමුවෙනි කොටස
  3. මරිසි මංගල්ලේ - දෙවෙනි කොටස
  4. සැවුළු සංහාරය - පළමුවෙනි කොටස
  5. සැවුළු සංහාරය - දෙවෙනි කොටස
  6. සැවුළු සංහාරය - තෙවෙනි කොටස
  7. සැවුළු සංහාරය - හතරවෙනි කොටස
  8. සැවුළු සංහාරය - පස්වෙනි කොටස
  9. සැවුළු සංහාරය - හයවෙනි කොටස
  10. සැවුළු සංහාරය - හත්වෙනි කොටස
  11. යාල රිලවුන් පැන්නූ පූරි කොළඹදී හිට් වෙයි! - පළමුවෙනි කොටස
  12. යාල රිලවුන් පැන්නූ පූරි හිට් වෙයි! - දෙවෙනි කොටස
  13. යාල රිලවුන් පැන්නූ පූරි හිට් වෙයි! - තෙවෙනි කොටස
  14. යාල රිලවුන් පැන්නූ පූරි හිට් වෙයි! - සිව්වෙනි කොටස
  15. යාල රිලවුන් පැන්නූ පූරි හිට් වෙයි! - පස්වෙනි කොටස
  16. දුකයි! අන්තිම දුකයි!! සත්තෙන්ම හිරිකිතයි!!!
  17. දිසානායකලගෙ ටිකිරි මොළේ - පළමුවෙනි කොටස
  18. දිසානායකලගෙ ටිකිරි මොළේ - දෙවෙනි කොටස
  19. Neil හඳට - Sunil කරඬුවට - waල්ල බිමට
  20. වීරයා පණ පිටින්...........
  21. Desert Rose, අරවින්ද හා reiki - පළමුවෙනි කොටස
  22. Desert Rose, අරවින්ද හා reiki - දෙවෙනි කොටස
  23. කොටවන කතන්දරේ
  24. ඒකත් මංගල මුත්තමං!
  25. බක්කරේගේ Pork දානය - පළමුවෙනි කොටස
  26. බක්කරේගේ Pork දානය - දෙවෙනි කොටස
  27. පණ බේරපු කිරිල්ලී - පළමුවෙනි කොටස
  28. පණ බේරපු කිරිල්ලී - දෙවෙනි කොටස
  29. පණ බේරපු කිරිල්ලී - තෙවෙනි කොටස
  30. යන්ත්‍ර මන්ත්‍ර හරං කත්වා! - පළමුවෙනි කොටස
  31. යන්ත්‍ර මන්ත්‍ර හරං කත්වා! - දෙවෙනි කොටස
  32. යන්ත්‍ර මන්ත්‍ර හරං කත්වා! - තෙවෙනි කොටස
  33. යන්ත්‍ර මන්ත්‍ර හරං කත්වා! - සිව්වෙනි කොටස
  34. යන්ත්‍ර මන්ත්‍ර හරං කත්වා! - පස්වෙනි කොටස
  35. යන්ත්‍ර මන්ත්‍ර හරං කත්වා! - හයවෙනි කොටස
  1. අසිරිමත්වූ දේකි - පළමුවෙනි කොටස
  2. අසිරිමත්වූ දේකි -දෙවෙනි කොටස
  3. අසිරිමත්වූ දේකි -තෙවෙනි කොටස
  4. අසිරිමත්වූ දේකි -සිව්වෙනි කොටස

Sunday, April 8, 2018

වස් කවි කීම - දෙවෙනි කොටස

එහෙ නැවතිලා හිටිය සුමාන දෙකට මං දැන-ඉගෙනගත් දේවල් මදි නෑනේ. ඒත් දිගටම හිටි අයගේ ඇස්වල කොරපොතුද මන්දා?

පස්සේ කාලෙක තමා මට තේරුණේ, එහෙම වරප්‍රසාදවත් නැති නම් ඔය ලොක්කෝ-බක්කෝ මොකෙක්වත් මොකකවත් රෙද්දෙ සුවෙච්චාවෙන් වැඩ කරන්න නහින්නේ නැති බව. තමන් හිසට තම අතමය හෙවණැල්ල කියලා කිව්වේ ඕකට වෙන්නැති.

"මම එස් එක්ක කතා කරලා නිමල්ට මාසේ පඩියක් ගෙවන්න හරිගස්සනවා. ඊළඟ පාර ගෙදර ගිහින් එනකොට නිමල්ගේ හාල්පොත ගෙනැත් අපට බාරදෙන්න ඕනේ."
අපට නිමල්ගේ හාල් පොත ගෙනත් දෙන්න ඕනේ...........
මං ආපහු එනකල් එස් අයියා ඉවසිල්ලක් නැතිව නලිය-නලියා හිටියා. "මොකද වුණේ? මොනවද කිව්වේ?"

මං වෙච්ච සේරම කිව්වා.
"දැන් ඔයා මොකද කරන්නේ?"
'මං ගෙදර ගිහිල්ලා, වෙන රස්සාවක් හොයා ගන්නවා.'

එස් අයියා අත් දෙකින්ම ඔළුව බදාගත්තා. " අයියෝ නිමල්- අයියෝ නිමල් ....." කන්දොස්කිරියාව! 
එයාට ඕනේ මඟුලක් කියාගන්න ඉඩ ඇරලා මම නාගන්න ගියා. මං නාගෙන එනකලුත් එයා කල්පනාවේ හිටියේ. 
"කවද්ද නිමල් ගෙදර යන්නේ?"
'හෙටම ගියාට කමක් නැහැනේ?'
"නැහැ. නැහැ. හෙට පඩි අරගෙන අපි අනිද්දා යමු."
'අපි?'
"හ්ම්! මායි, රංජිතුයි දෙන්නත් එනවා නිමල්ලගේ තාත්තව හම්බ වෙන්නත් එක්ක."



රංජිත්! මට මතක හැටියට එයා වැඩ කළේ 
මුද්‍රණ අංශයේ. එයත් එස් අයියලාගේ ගමේමයි. කෑගල්ලේ.


රංජිත් තමයි එහෙ මාත් එක්ක 
එක කාමරයේ හිටියේ. 


රංජිතුයි, එස් අයියයි, ෂෙල්ටන් අයියයි තුන් දෙනා තමයි මුල ඉඳලාම මට හිතවත්ව ගුරු-හරුකම් දුන්නේ ඒ වංකගිරියේ වග-වලස්සුන්ගෙන් බේරිලා ඉන්න ඕනේ විදිය ගැන.

අපි තුන්දෙනා දවල්ට කෑවට පස්සෙයි එහෙන් පිටත් වුණේ. මොරටුවේදී එස් අයියා ගෙනාවා මං හීනෙන්වත් නොහිතූ යෝජනාවක්.
"මේ ගමන්ම අපි මේ දෑස් කුමටද බලලා යමු."

මාත් විරුද්ධ වුණේ නෑ. ඒ කාලේ ඉඳලාම මම පික්චර් පිස්සෙක්. 
ඒ ගැන අටුවාවක් මේ.
"රංජිව අත දරුවා කාලෙවත් බයිස්කෝප් එකක් බලන්න එක්ක යන්න අපි බය වුණේ නෑ. මූ කවදාවත් හෝල් එක ඇතුළෙදි අඬන්නෙ නෑ. ෂෝක් එකට හිනාවෙවී පිචර් එක බලනවා." 
ඒ චරිත සහතිකය නිකුත් කළේ රහුබැද්දේ විදානෙලාගේ යසවතී නොහොත් ආර්. වී. ලීලාවතී නොහොත් වර්තමානයේ ලීලා ශ්‍රෝඩර් නොහොත් මගේ ආදරණීය මෑණියන්දෑයි.

අපි හෝල් එකට ගියා කියමුකො. ෆිල්ම් එකත් පටන් ගත්ත කියමුකො. මොන පිචර් බැලිල්ලක්ද?

නිල් අහසේ -හිරු නැඟිලා, ලස්සණ ලස්සණ මල් පිපිලා සින්දුව යනවා. ඒත් ඒක රස විඳින්න කෝ නිවනක්. 
සෝභාව හංගා, ඝන අන්ධකාරයෙන් මිදී- සේරටම එකම සන්තෑසියමයි. 
විජය, මාලිනී, රෝයි, සුමනාගේ පෙම් ජවනිකා යද්දීවත්, දොන් සිරිසේනගේ විහිළු  (අද සුප්‍රසිද්ධ සිරිසේනලගේ විහිළුත් එක්ක බලද්දී දොන්  සිරිසේනලාගෙ විහිළුවලට no place.) ඉතින් මොනම මංගල්ලයක්වත් නිදහසේ බලාගන්න එදා මට කිසිම ඉඩක් හම්බුණේ නෑ. 

එස් අයියා චිත්‍රපටිය බැලිල්ල පැත්තකට දාලා- මගේ සීට් එක පැත්තට ඇලවෙලා ඉඳගෙන- දිගටෝම කනුකුනු ගෑවා.


මං නෙවෙයි හ්ම් කියලවත් කිව්වේ........... film එක බලනවා මිස.......
අපරාදේ නිමල්...මෙහෙ ගෙවන තරම්....අනිත් අයට වැඩිය ඔයාගේ ටැලන්ට්....හොඳට හිටියොත් රට යන්න වුණත්....අපි හැමෝම කැමතිනේ ඔයා දිගටම....

ඒත්, මම නෙවෙයි හ්ම් කියලවත් කිව්වේ, ඇත්තම කිව්වොත් අද වුණත් ෆිල්ම් එකක් බලද්දී මං ඒක කරන්නේ ඒකට සමවැදිලා. 
ඔය අද නිවේදක-නිවේදිකාවෝ තෙපලන විදියට නම් ඒකාත්මික වෙලා. ඒක තමයි එහෙම නොවී බලපු පළමු චිත්‍රපටය.

මේ දෑස් කුමටද? ඒ විදියට බලද්දී අමතක නොවන මතකයක්.

තව වැඩක් මතක් වුණා. දකුණේ- මාතර පැත්තේ ඔය ෆිල්ම් එකේ පෝස්ටර් ගහලා තිබුණට මිනිස්සු හෝල්වලට ආවේ නැහැල්ලු. 
ඊට පස්සේ, දැන් පෙන්වනවා- මේ දෑස මක්කටෙයි කියලා 
පෝස්ටර් ගැහුවලු. පිචර් එක බලන්න එහෙ අය හෝල්වලට පිරුණේ 
ඊට පස්සෙලු. 
ඒ අහ ඉඳලා දැන් ආයෙම මේ අහට එමුකො නේද?

ෆිල්ම් එක බලලා අපේ ගෙදර ආව වෙලාවේ ඉඳලත් එස් අයියා කළේ තාත්තා ළඟට වෙලා මදිය නොකියන්න තෙල බෙදිල්ල. 
ඕක; ඔය යෙදුම විස්ස විජ්ජාලවලින් උපුටලා අරන් මේ වගේ 
බයිස්කෝප් කතාවකට ගත්තාම අරක- මේක- අන්තරේ එහෙම 
කුලප්පු වෙයිද මන්දා. ඊටත් මං ඕ ලෙවල් විතරක් සමත් නූගතා.

තෙල බෙදිල්ල කොච්චර අපූරුවට කෙරුණාද කියනවා නම් සාම නියෝජිතයෝ අපේ ගෙදරින් ගියේ- රංජි, උඹ මේ එස් මහත්තයා කියනවා වගේ ටිකක් ඉවසිල්ලෙ ඉඳපන්. සුමාන දෙකෙන් සේරම හරියන්නෙ නැහැනේ- කියන වදන් ටික අපේ තාත්තා 
මට තෙපලුවාට පස්සේ.

"එස් මහත්තයා, බොහෝම ස්තුතියි අපේ හාදයාට මේ තරම් කරුණාවන්ත වෙනවාට. මෙයාට මූලග්ගින්න හැදිලා වගෙයි මෙයා සමහර වෙලාවට වැඩ කරන්නේ. එහෙනං මෙයා අද ගෙදර ආව එකේ හෙටත් ඉඳලා, අනිද්දාම වැඩට එයි." කියන අවසන් තීන්දුවත් ප්‍රකාශයට පත් කළා.

ඔන්න මං දෙවෙනි වතාවටත් එහෙ ගියා. හැබැයි හාල් පොත ගෙනිච්චේ නැහැ.

පස්සේ කාලෙක තමයි එස් අයියා මේ තරම් කාරුණික වුණේ; පරිත්‍යාගශීලී වුණේ; ඉවසනසුලු වුණේ ඇයි කියලා මට හරියටම ඒත්තු ගියේ.

ඒ දැනුම මට ලබාගන්න ගොඩක් උදව් කළෙත් මගේ 
කාමර සගයා රංජිත්.

කොටින්ම එස් අයියා මං වගේ බර අදින රංගොජෙක්ව හොයා-හොයා ඉඳලා තියෙන බව මට වැටහුණේ පස්සේ. හැබැයි එයාට සාධාරණය පිණිස මෙතැනදී මේකත් නොකියාම බැහැ. එස් අයියා රත්තරන් මනුස්සයෙක්.

එස් අයියා සංගමේට බැඳිලා ගොඩක් කල්. ඒ වුණාට එයාගේ සමහර වැඩ සර්ට අල්ලන්නේ නැහැ. විශේෂයෙන් මියුසිකල් ෂෝ බලන්න යෑම වගේ ඒවා. ඊටත් එහෙම ඒවා තියෙනකොට තියන්නෙමත් මහ රාත්තිරියෙනේ. ඉතින් එස් අයියා වහලා තියෙන ගේට්ටුවට උඩින් පැනලාලු ගිහින් සංගීත සංදර්ශනය බලලා එන්නේ. කිහිප සැරයක්ම අතේ කෝට් වෙලා, රතු නිවේදනත් නිකුත් වෙලා. ඒත් මේ යක්ෂ පැටියා නෝ කීකරු. අනික තමයි -හොඳට හිටියොත් රට යවනවා කියන පොරොන්දුව.


එස් අයියා 'අපි යන්ඩ යමූ -දෙව් ලෝකේ දිහා විගසින්' සිංදුව අහන්න නැතිවැති....
'අපි යන්ඩ යමූ- දෙව් ලෝකේ දිහා විගසින්
බොල බූරු පුතේ, දුක-ශෝකා ඉතින් ඉවසන්.' 
'දෙව් ලොව යනකං' නාට්‍යයේ මාලිනී බුලත්සිංහලයි, ටයිටස් පෙරේරායි දෙන්නා ගයන සින්දුවවත් එස් අයියා අහලා නොහිටියා වෙන්නැති, ඒ කාලයේ.

මිනිහත් ඉතින් අර එළුවාගේ පොට්ටනිය දැන් කඩා වැටෙයි- දැන් කඩා වැටෙයි කියලා හිත-හිතා පස්සෙන් ගිය නරියා වගේලු වැඩ කළේ.

මුල් දවස් කීපයේදීම මට අහම්බෙන් වගේ බතික් අංශයේ තැනක් දෙනකොටවත්, එස් අයියා නැති වෙලාවට අනිත් අයගේ ප්‍රශ්න-ඕනෑඑපාකම් මට කියන්න කියලා එයා අනිත් අයට කියනකොටවත් මට මොකවත් තේරුණේ නෑ. මාත් ඉතින් Half Idiot නේ. 

ඔන්න මං දෙවෙනි වතාවටත් එහෙ ගියා. හැබැයි හාල් පොත ගෙනිච්චේ නැහැ. 

ඊළඟ මාසයේ ඉඳලාම මිස්ටර් ....ගේ පඩියත් වැඩි කරලා තිබුණා. 
එස් අයියා කිව්වා හරි. අනිත් අයට ගෙවන ගණනෙන් බාගයක් ගෙවන විදියට දාලත් මට හොඳ ගණනක් ලැබුණා. මමත් තව-තව දේවල් ඉගෙන ගත්තා; අත්දැකීම් එකතු කරගත්තා; පරිණත වුණා.

කොච්චරද කියනවා නම් මගේ බතික් බිත්ති සැරසිල්ලකට සිංහයො රංචුවක් සංවිධානය කරපු තරගෙකින් දෙවෙනි තැනත් ලැබුණා. ඒ වෝල් හැඟින් එක එයාලට. ඒක මූලික කොන්දේසියක්!

තෑග්ග රුපියල් පන්සීයයි. ඒ බිත්ති සැරසිල්ලක් අපි වික්කෙත් පන්සීයට. ලොකුම අමාරුව වුණේ ත්‍යාග ප්‍රදානෝත්සවයට යන එක. ඒක තිබුණේ ඒ කාලේ ලංකාවේ උසම ගොඩනැගිල්ලේ; සෙලින්කෝ එකේ. මං කොහොමද කොට කලිසන් කෑල්ලක් ඇඳගෙන එතනට යන්නේ? සිංහයො මැද්දට....

පිළිතුර හොයාගත්තේ අපේ මහෞෂධ පඬිතුමා; තාත්තා. එයා කීව විදියටම අම්මා මට ජාතික ඇඳුමක් මහලා දුන්නා. ඒක තමා
මගේ පළමු සහ එකම නැෂනල් කිට් එක. ඒකෙන් තව ප්‍රශ්නයක් විසඳුණා. සපත්තු ප්‍රශ්නේ. ජාතික ඇඳුම අඳිනකොට සුපුරුදු හා තියෙන රබර් සෙරෙප්පුම දාගෙන යතහැකි. ඒත් තව එකකුත් මඟ එන බව 
එස් අයියා පුරෝකථනය කළා.

රෑ කෑමකුත් මැද්දෙනේ තෑගි දෙන්නේ. සිංහයෝ ඔක්කොමල්ලම කන්නේ හැඳි-ගෑරුප්පුවලින්. ඕව කරන්න ගිහිං කටත් තුවාල කරගෙනයි නවතින්න වෙන්නේ. මම පස්ස ගැහුවා. 'ඊටත් කාටද ඕවාගෙන් කාලා පුරුදු?' 


කාටද අප්පේ කෑම මේසෙක හැඳි- ගෑරුප්පු එක්ක කාලා පුරුදු? 
"නිමල් බයවෙන්න එපා. මායි අම්මයි දෙන්නට මැද්දෙන් වාඩි වෙලා, හොරාට අනිත් අය දිහා බලලා එයාලා කන-බොන විදියම කළාම හරි." ඒ හඬ ඇසුණේ එස් අයියාගෙන්.

අම්මෝ, එදා තමයි එදා!

ඉස්සෙල්ලාම දුවන පඩි පෙළක ගියේ, නැෂනල් ඇන්දේ, හැඳි-ගෑරුප්පුවලින් කාලා සුදහ ගින්දරේ හිටියේ එදානේ! ඒත් අප්පා 
දිළිහි-දිළිහි, බැබලි-බැබලි හිටිය සිංහයෝයි-සිංහ ධෙනුවෝයි රංචුවක්ම දැකගන්න ලැබුණු වාසනාවත් සුලු-පටු එකක්යැ?

අනේ මන්දා. දැන් නම් මටම පෙනෙන්නේ මේක පංච තන්ත්‍රයටත්, 
අරාබි නිසොල්ලාසයටත් එහා වගේ. කෂ්ටිය මේක කියවිල්ලට වැඩිය පිදුරු ගොඩේ වැටුණු ඉඳිකටුවක් හෙවිල්ල ලේසියි කියාවිද? 
මටම එහෙම හිතෙනවා. කියවිල්ලට full stop එක තියයිද? 
ඒත් ඉතින් බැඳගත් බෙරේ ගහන්නත් එපැයි. 
මෙන්න ආයෙම 'වස් කවි' කතාවට.

ඔහොම ටික කාලයක් ගියා. මට අල්ලන්නේ නැති දේවලුත් ගොඩක් තිබුණා. එකක් සීලවතී නංගි ගැන. එයාව එක්ක ඇවිත් තිබුණේ මලයාපරත්තිකුලම කියන දිහා ඉඳලා. එහේ කොහොමද- දැන් තියෙනවද- කළුද- සුදුද- මොකුත් අදටත් මං දන්නේ නැහැ.

අර ළමයා එක්කගෙන එන කාලේ එහෙ නැවතිලම හිටියේ ගෑනු පරාණ දෙකයි; සර්ලගෙ අය ඇරුණම.

නන්දක්කා- එයත් බතික් අංශේ. සුමනක්කා- හතර රියන්.. ටිකක් කළු.. ඇමේසන් යෝධියක් වගේ මට පෙනුණු කුකරි ලොක්කිය. ඒ දෙන්නා නැවතිලා හිටියේ එක කාමරයක. සර්ගේ නෝනගේ- .... අක්කගේ නංගියි, දුවලා-පුතාලයි, සර්ලයි නැවතිලා හිටියෙත් අර කාමරය තිබුණු ගෙදරමයි. ඔන්න දැන්මම කියනවා අපි වගේ අවශේෂ නර පණුවෝ ඒ නිවහනට ගියේ නැහැ. මම ඒකෙන් අදහස් කළේ එහෙම ගියාද කියලා මං දන්නේ නැහැ කියන එකයි.
දකුණු කෙලවරේ මැදින් ඉන්නේ සීලවතී නංගිය. නිදි ඉන්නේ  දකුණු කෙලවරේ පහතිනි.
සීලවතී නංගිව දැම්මෙත් බතික් අංශෙට. එයාව බාර වුණේ නන්දක්කට. 
පව්! අහිංසක සීලවතී නංගි එක දවසෙන්ම නන්දක්කා ගැන ඉගෙනගෙන වගේ හිටියෙ බය-බිරාන්තෙන්, තූෂ්ණිම්භූත වෙලා.

මට හොඳටම මතකයි, පහුවදා උදේ දහයට විතර එක පාරටම .... අක්කගේ ගෝරනාඩුවක් ඇහුණා. "සීලවතී. කවුද ඊයේ රෑ බාත් රූම් එකේ කොනක කැත කළේ?"

එතකොටත් අර අහිංසකීගේ කඳුළු බේරෙනවා. " මෙහෙ එනවා. ඉක්මනට ගිහින් සේරම ජරාව අරං දාලා නාන කාමරේ හෝදනවා."

මලයාපරත්තිකුලමෙන් ආව කෙල්ලට මහා රාත්තිරියේ තදබල අවශ්‍යතාවක් ඇතිවෙන්න ඇති. ගෙදරින් එළියේ තිබුණු වැසිකිළි පේළියට මහා රෑ මැද්දෙ තනියම යන්නයැ. ගේ ඇතුළේ නාන කාමරයේ කොනකට ගිහින් බරෙන් නිදහස් වෙන්නැති.

ඒක වැරැදියි තමා; පිළිකුල් සහගතයි තමා. ඒකෙ දෙකක් නැහැ. ඒත් විස්සක් තිහක් මැද්දෙ ඒකට මහ සද්දෙන් ගෝරනාඩු කළ එක?
මේං තවත් එකක්!

ලොක්කන්ගෙ පස්ස ලොවින, ලොක්කන්ට මුට්ටිය අල්ලන අය කොහෙත් ඉන්නවානේ.

කවුද එහෙම මෝලෙක් බලධාරීන්ට කියලා වෙන්නැති, එහෙ වැඩ කළ ගෑනු ළමයින්ට නිල ඇඳුමක් දුන්නා. රෙද්දකුයි හැට්ටෙකුයි. දෙකම මහල තිබුණේ හරිම ගොරෝසු අත්යන්ත්‍ර රෙද්දකින් වගෙයි මං දැක්කේ. ඒවායින් අත් පවා හොඳටම වැහිලා තිබුණා. විලිබිය දෙකම ආරස්සා කරන පරම පවිත්‍ර චේතනාවකින් නෙවෙයි නම් එච්චර රස්නේ පළාතක ඉන්න අයට ඔහොම අන්දවන්න යන්නේ පිස්සෙක් විතරයි.


සර්ගෙ නෑනණ්ඩියි දෝණියන්දැයි දෙන්නාම කොටට කොටේ ඇඳන් ඉන්න එව්වා...............
ඒකට බිලිවුණු අර ගෑනු පරාණකාරියෝ එකෙක්වත් ඒ ගොන් අයිඩියා එකට විරුද්ධව කටක් ඇරියෙ නෑ. රස්සාව බේරාගන්න ඕනවට වෙන්නැති. අපූරුම දේ තමා සර්ගේ නෑනණ්ඩියි දෝණියන්දැයි දෙන්නම කොටට කොටේ සාය බාගවලින් සැරසිලා, අඩනිරුවස්තරෙන් වගේ හිටිය එක කාගෙවත් ඇහේ ඇනුණු කටුවක් නොවිච්ච එක.

මමම පිළිගන්නවා; බොහෝම නිහතමානිව. මං ඉන්නේ එව්වා ගැන හොඳටම තරහෙන්. මොනවා කරන්නද? මගෙ හැටිනේ.  මං ඒ වගේ දේවල් ඉවසාගෙන හිටිල්ලේ සීමාව හරි කොටයි.

ඒ වාගෙම මං එකඟ වෙනවා, මට නම් ඔහොම දේවල්; මට බලපාන ඒවා පෞද්ගලිකව සිද්ධ වුණේ නැහැ කියන එකටත්. එහෙම වෙන්න ඇත්තේ මට බයකට නම් වෙන්න බෑ.
  
මොකෝ මං අයියෙක්යැ. අඩු ගණනේ මම කා එක්කවත් ගහගන්න පුළුවන් විදියේ ඇඟ-පත කලඳක් තියෙන එකෙක්වත් නෙවෙයි. හැබැයි කට නම්....? ඒ වගේමයි, හීන් නූල්කාරයා කියන එකත් ටිකක් ලජ්ජාවෙන් වුණත් පිළිගන්නවා. ඒත් මං දිවුරලා කියන්න ඕනේ මෙතැනදී, මං කාටවත් අහිතක්- අයසක්- විපත්තියක් කරන්න නම් නූල් ඇදලා නෑ.

'ඔව්, ඔව්. කව්ද ප්‍රසිද්ධියේ තමන්ට පාඩුවෙන ඒවා කියන්නේ වාසිවෙන ඒවා මිස.' සමහරවිට ඔබ කියාවි.

කෙනෙකුට කාව රැවට්ටුවත් තමන්ගේ හෘද සාක්ෂ්‍යය රවටන්න බැහැ කියන එකයි මං ඕකට දෙන උත්තරේ. අනික හෙටානිද්ද මැරෙන්න  ඉන්න මං?

ඉස්සෙල්ලා හරිය කොටමින් ඉන්න අතර සිද්ධ වුණු දේකින් අතිසංවේදී වෙලා හිටියා වගෙයි මේ ටික සටහන් වුණේ. ඇත්තටම වුණෙත් ඒකමයි. ඒක මෙතන මෙහෙමම තියෙන්න ඉඩ අරිනවද? තිබ්බම මොකද?
ජීවිතය කියන්නෙත් එක විදියක අනපේක්ෂිත සිදුවීම් මාලාවක්. 
ඒත් පුතෝ, ඔය සෑඩ් මූඩ් එකට නම් වැඩි දෙනා මනාපෙ දෙන එකක් නෑ. මගෙ හිත කියනවා, නරකද දැනට විරාමයක් ගත්තොත් කියලා. ඔව්නේ... තවමත් මගෙ මූඩ් එක හරි නෑ..... ඉතිරිය හෙට කොටන්නම්.

එහෙනම් වස් කවිවලට දැනට ආයුබෝවන්!

2 comments:

  1. අරාබි නිසොල්ලාසේ වගේ ඇදෙන කතා මැද කතා, අතුරු කතා, වටේ යන කතා, පැරණි කතා, අලුත් කතා, දේසපාලු කතා, ආගමික කතා එකී මෙකී නොකී හැම කතාවක්ම තියෙන නිදි ගේ පංච තන්තරේ නොකියවපු "මේ දෑස් මක්කටද ?" කියල හිතුන :-D

    ReplyDelete
    Replies
    1. ලොකු ප්‍රශංසාවක් මහත්තයෝ!

      Delete