විශ්වාසය නිධන් කෙරුව හිතක් බිඳුණු පසු

මමත් සාමාන්‍ය මනුස්සයෙක්නේ... උත්තරීතර human කෙනෙක් නෙවෙයිනේ. හුඟක් උදවිය වගේම මාත් ඕපාදූප අහන්න; දකින්න; කියවන්න; ඒවා ගැන කතා කරන්න ගොඩක් කැමතියි. (ඕපාදූප කිව්වම බාල ගතියක් දැනෙනවද? එහෙනං ඒ වචනේ වෙනුවට news කියන වචනේ දාගෙන ඉන්නකො.)

යුද හමුදාව විසින් නුවරඑළියේ සිට භාණ්ඩ මතුරට ප්‍රදේශයට බයිසිකල් හරහා ප්‍රවාහනය කර තිබූ...

පහුගිය මාසේ අන්තිම සතියේ ඉඳලා මං වහන්සේගේ කාලයෙන් වැඩිම වෙලාවක් ගතවුණේ කොම්පියුටරේ ඉස්සරහයි. දිත්වා ගැනයි- එයා කරපු වින්නැහිය ගැනයි- අපේ රටේ මිනිස්සු ඒකට මුහුණ දුන්නු හැටියි ගැන නිමක් නැති news අන්තර්ජාලේ... FB එකේ ඊටත් වැඩියි.

ඉතිං අද උදෙත් තේ එකක් හදාගෙන Computer එක ඉස්සරහින් වාඩි වුණා.
මෙන්න බොලේ මං කැමතිම පන්නේ විස්තරයක් එක්ක ෆොටෝ පහක්. (එයින් පළමුවෙනි එක තමයි පෝස්ටුවේ උඩින්ම තියෙන්නේ.)
මෙන්න ඒවාත් එක්ක තිබුණු විස්තරේ.

‘දිසාපතිතුමාගේ උපදෙස් මත යුද හමුදාව විසින් නුවරඑළියේ සිට භාණ්ඩ මතුරට ප්රදේශයට බයිසිකල් හරහා ප්රවාහනය කර තිබූ අයුරු‘

කඩා වැටිච්ච පස් කඳු- ගහකොළ නිසා අබලන් වෙච්ච කඳුකර පාරවල්වල මෙච්චර බඩු-භාණ්ඩ බැඳගෙන මෝටර් සයිකල් පදින්න හැමෝටම පුළුවන්යැ?

වචන 18යි. ඒ පොඩ්ඩ කියවද්දී මට හිතුණු දේවල් නං ගොඩාරියයි.

1. මාර දිසාපති උන්නැහේ කෙනෙක්; මහ පොළොවේ පය ගහල ඉන්න- ප්‍රායෝගික බුද්ධියෙන් යුතු අයිඩියානන්ද කෙනෙක් වෙන්නැති.
2. කඩා වැටිච්ච පස් කඳු- ගහකොළ නිසා අබලන් වෙච්ච කඳුකර පාරවල්වල මෙච්චර බඩු-භාණ්ඩ බැඳගෙන මෝටර් සයිකල් පදින්න හැමෝටම පුළුවන්යැ? ඒක හින්ද වෙන්නැති යුද හමුදාවේ කට්ටියටම වැඩේ පැවරුවේ.
3. කැප්ෂන් එක ලියද්දී භාණ්ඩ වචනේ දාන්න තිබ්බේ ප්‍රවාහනය වචනෙට කලින් නේද? (හදිස්සියෙ ලියන්න ඇත්තෙ!) බයිසිකල් හරහා කියන එකත් පැටලිල්ලක්නේ. බයිසිකල්වලින් කියලා කිව්වනං වඩා හොඳයි නේද.

කොහොම වෙතත් ඒ post එක මගේ හිතට වැදුණා. ඒ වෙනකොටත් 204 දෙනෙක් ඒක ෂෙයාර් කරලා- 180 දෙනෙක් comment කරලත් එක්ක.
(දන්නවනේ- මටත් හිතෙන දේවල්!) කමෙන්ට්ස්සුත් ටිකක් හරි කියෙව්වොත්...

ඈෑෑෑෑෑෑ! මේ මොකද බොලේ?

Wiji Bewin-
‘බොරු කියන්න එපා. ඒ මගේ මස්සිනායි එයාගේ යාලුවෝ සෙට් එකයි. එයාලා ඔය දේ කරන්නේ බොක්කෙන් එයාලගේ මහන්සියෙන්..♥️♥️♥️♥️මගේ උන්ට බුදු සරනයි...♥️♥️♥️♥️’

Wiji ඇත්තමද කියන්නේ...

 ‘...එයාලා කැපවීමෙන් ස්වේච්ඡාවෙන්ම කරන අය..’ Dinu Hettiarachchiත් කමෙන්ට් කරමින් කියලා...

මේ තවත් comment එකක්.
‘අනේ එයාලා යුද්ධ හමුදාවේ නෙමේ... එයාලා කැපවීමෙන් ස්වේච්ඡාවෙන්ම කරන අය..’ Dinu Hettiarachchiත් කමෙන්ට් කරමින් කියලා. තව ටිකක් එහා-මෙහා ගිහින් බලමුකෝ!

Thilina Lanka-
‘Chathura Alwis චතුර මේ නිව්ස් එක වැරදී. මේ volunteers ලා. Nilanka Jayalath මේ ඉන්නේ වැඩේ කරපු කොල්ලෝ. දිසාපති කරපු දෙයක් නෙමෙයි. Prasad Indika Perera අයියා දාපු fb පෝස්ට් එකකට සිංහ රෙජිමේන්තුව හා එක්ව කරපු දෙයක්. මෝටර් සයිකලයෙන් දුශ්කර ප්‍රදේශ ආවරනය කරන එක මේජර් වරයකුගේ විශිෂ්ට අදහසක්. දිසාපති කාර්‍යාලය හා එකතු වුනේ පැක් එක ලබාගැනීමට පමනයි. මේ නිවුස් එකෙන් මෙච්චර කැපවීමක් කරපු කොල්ලෝ demotivate වෙනවා. කරුනාකර සොයාබලා නිව්ස් එක නිවැරදි කරන්න. ස්තූතී.’

එතන තිබ්බ commentsවලින් තෝරා ගත්තු ටිකක් මේ.

Sumuduni Shashikala-
‘මේ යුද හමුදාවෙන් නම් නොවේ. මේ මගෙ මහත්තයායි එයාගෙ යාලුවො දෙන්නයි ස්වෙච්ඡාවෙන් උදව් කරන්න ගියේ.’

Buddhi M Ranathunga-
‘මේ යුද හමුදාව නෙවෙයි. ස්වේච්ඡාවෙන්ම ඉදිරිපත් වූ bike riders ලා... දන්නා තරමින් මිනුවන්ගොඩ Nilanka Jayalath පෞද්ගලිකව ලොකු කැපවීමෙන් මේ වැඩේ කරන්නෙ. පැහැදිලිවම අවධානමක් ගැනීමක්. ඒ අයට හරි වටිනාකමක් දෙන්න. නයි අරින්නෙ නැතිව☝👌’

අප කිසිදු දේශපාලකයකුටවත් කිසිදු පරිපාලකයකුටවත් කිසිදු පුද්ගලයකුටවත් යටත්  Team එකක් නොව... Hiker Team අප ඉදිරියටත් ආපදාවලට ඕනෑම වෙලාවක ජනතාව වෙනුවෙන් පෙනී සිටිනු ඇත...

Nilanka Jayalath-
‘මේකට උත්තර මේ සහන කටයුතු අවසන් කල විගස අපි Team එක ඉක්මනින් පිලිතුරු සපයමි. දැනට කරගෙන වැඩ කටයුතු කරගෙන යමි... ඇත්ත නැත්ත මා දන්නා හඳුනන අය සහ fecebook මිතුරන් පිලිතුරු සපයනු ඇත... කවුරුන් හෝ දෙන information ම නොදා වගකිව යුතු මාධ්‍යක් ලෙස Mr.Chatura Alwis වචන වගකීමක් ඇතිව කරුනාකර හසුරුවන්න. නැත්නම් මහ ජනතාව ඔබ කෙරෙහි ඇති විශ්වාසය බිඳෙනු ඇත.’

Hiker ටීම් එකේ සාමාජිකයන් වෙනුවෙනුත් කමෙන්ටුවක් එවලා:
‘අප යුධ හමුදාවට අයත් නොවේ. අප ස්වේච්ඡා සේවයක් කරේ. ඒක විපතට පත් අපේ සහෝදර ජනතාව වෙනුවෙනි....

අප ජීවිත අනතුරේ දාගෙන... අපත් ඒ කඳු අතර සැඟවී ගියා නම් ඔය කතා නෑ... අපේ ක්‍රියාව සාර්ථක උනාම මෙහෙමයි. අසාර්ථක උනානම් අපේ කැමැත්තෙන් ගිය පිරිසක් අපට වගකීම භාරගත නොහැක කියා ඔවුන් පවසාවි.

අපේම චායාරූප අපෙන් ලබාගෙන පළ කර ඇත....

නමුත් අප කලේ සේවයක්ය....

හරි විදියට ප්‍රවෘත්ති Chatura Alwis කරුනාකර පළ කරන්න.

අප කිසිදු දේශපාලකයකුටවත් කිසිදු පරිපාලකයකුටවත් කිසිදු පුද්ගලයකුටවත් යටත්  Team එකක් නොව....
Hiker Team අප ඉදිරියටත් ආපදා වලට ඕනෑම වෙලාවක ජනතාව වෙනුවෙන් පෙනී සිටිනු ඇත...

වචන හරියට ගලපා නොදැමීමෙන් මාධ්‍ය විශ්වාස ජනතාව අතර අප්‍රසාදයට ලක් විය හැක...’ 

ඊට පැය හයකට පස්සේ බලද්දී ඒ post එක share කරගත්තු ගණන 220ක් වෙලා. කමෙන්ටු ගණනත් 196ට නැඟලා. ඒ post එක දෙරණේ චතුර අල්විස්ගෙනෙ...

මේ වගේ එව්වා ඇත්තමද...

නිදිගෙ පංච තන්තරේට මේ post එක දාන්න කලිනුත් මං චතුර අල්විස් මහතාගේ ඒ post එකේ වෙනසක්; නිවැරදි කිරීමක් එහෙම කරලා තියෙනවද කියල බැලුවා.

ම්හු!!!

මට තියෙන ප්‍රශ්නේ මේකයි. ජනමාධ්‍යවල පළ කෙරෙන මේ වගේ එව්වා ඇත්තමද කියල අපි වගේ පොදු ජනතාව කොහොමද හොයා ගන්නේ?

වගකිවයුතු ප්‍රසිද්ධ ජනමාධ්‍ය හා ඒවායේ උදවිය කියන දේවල් පරම සත්‍යයන් විදිහට...

වගකිවයුතු ප්‍රසිද්ධ ජනමාධ්‍ය හා ඒවායේ උදවිය කියන දේවල් පරම සත්‍යයන් විදිහට විශ්වාස කරන්න නේද අපි පුරුදු වෙලා ඉන්නේ...

ඊයේ හැන්දෑවේ දකින්න ලැබුණු මේ ප්‍රවෘත්තියත් මම නම් විශ්වාස කළා.

‘සම්පූර්න සහන පැකේජ් එක සංක්ශිප්තව

1. ගංවතුරෙන් හානිවූ සෑම නිවසකටම පිරිසිදු කරගැනීම සඳහා රුපියල් 25,000යි

2. නැවත පදිංචි වූ නිවාසවල අත්‍යාවශ්‍ය භාණ්ඩ මිළදී ගැනීම සඳහා රුපියල් 50,000යි

3. නාය ගිහිං නිවාසය අහිමිවී අවතැන් කඳවුරක සිටීනම් රජයේ වියදමින් සියලු පහසුකම් ලබාදෙනව. එසේ නොමැතිව වෙනත් ස්තානයකට කුලියට යාමට කැමති නම් එවන් නිවසකට මාසෙකට රුපියල් 25,000 බැගින් මාස තුනක්. මෙය මාස හය දක්වා දීර්ග කිරීමටත් අපේක්ශා කරනව.

4. ඉහත කාණ්ඩයට අයත් පිරිසට අහිමි වී ගිය ජීවනෝපාය සකස් කරගන්න තෙක් මාසෙකට රුපියල් 50,000 බැගින් මාස තුනකට දීමනාවක් ලබා දෙනව. (පවුලේ සිටින්නේ දෙන්නෙක් නම් රු 25,000යි. දෙන්නට වැඩිනම් 50,000)

5. විනාස වූ වී හා ධාන්‍ය කුඹුරු සඳහා හෙක්ටයාරයකට රු 150,000යි

6. විනාස වූ එළවළු කොටු සඳහා හෙක්ටයාරයකට රු 200,000යි

7. ලියාපදිංචි සෑම සත්ව පාලන ගොවිපොලක් සඳහා ලක්ශ 2ක්

8. ලියාපදිංචිකොට ඇති සෑම සුලු හා මධ්‍ය පරිමාන ව්‍යාපාරයකටම ව්‍යාපාරය නැවත ආරම්භ කිරීමට ලක්ශ 2ක්

9. විනාස වුනු ධීවර බෝට්ටුවක් සඳහා ලක්ශ 4ක්

10. ආපදාවට ලක් වුනු පාසැල් සිසුන්ට භාණ්ඩාගාරයෙන් 15,000යි. ජනාදිපති අරමුදලින් 10,000යි. ඔක්කොම 25,000යි

11. හානිවී ඇති ව්‍යාපාරික ආයතනයකට තක්සේරුව අනුව උපරිම ලක්ශ 50ක්

ආපදා

12. පූර්න වශයෙන් හානියට ලක් වුනු නව නිවසකට ලක්ශ 50යි.

13. ඉඩමක් නැත්නම් රජයේ ඉඩමක් ලබාදෙනව. රජයේ ඉඩම් ලබාදීමට බැරිනම් ඉඩමක් ලබාගැනීම ලක්ශ 50 දක්වා දීමනාවක් ලබාදෙනව

14. අර්ධ වශයෙන් හානිවූ නිවාසයක් සඳහා උපරිම ලක්ශ 25 දක්වා. මෙය ලක්ශ 10, 15, 20, 25 වැනි කාණ්ඩ හතරකට දීමට යෝජිතයි

15. මියගිය එක් අයෙක් සඳහා ලක්ශ 10යි

මීට
තඹුත්තේගම රන්බණ්ඩගෙ කොල්ල ❤️👊

රටටත්, රටේ ජනතාවටත් තියෙන ආදරය නිසාම සද්භාවයෙන්...

ඒ විතරක් නෙවෙයි- නාමල් රාජපක්ෂ මහත්තය රටටත්, රටේ ජනතාවටත් තියෙන ආදරය නිසාම සද්භාවයෙන් මේ වගේ ප්‍රකාශයක් කරලා තියෙන විත්තියත් අපි දැනගන්නේ කොහොමද සමාජ මාධ්‍ය නැත්තං...

එහෙව් ජනමාධ්‍ය හා සමාජ මාධ්‍යවලට තියෙන නිදහස මෙහෙම වල්බූරු නිදහසක් කර ගන්න ගියෝතින්...

කොළඹ ගංවතුර අනාථයන්ට උදව්වට බලපිටියෙන් ආව බෝට්ටු නඩේ හාදයා ප්‍රමෝද්‍ය ලක්මුතු.

මතකයි නේද කොළඹ ගංවතුර අනාථයන්ට උදව්වට බලපිටියෙන් ආව බෝට්ටු නඩේ හාදයා ප්‍රමෝද්‍ය ලක්මුතු. අතුරුගිරියේදී අවිනීතයන් දෙන්නෙකුගෙ ප්‍රහාරයට ලක් වුණු හාදයා.

දෙසැම්බර් 3 වෙනිදා වෙනකොටම ඒ අවිනීතයන් දෙන්නාව අත් අඩංගුවට අරගෙනයි කියලා fb එකේ post එකක් වැටුණා. (හොඳ වැඩේ! මටත් හිතුණා.) ගොඩ දෙනෙක් ප්‍රතිචාරත් දක්වල තිබ්බා.

මේ AI එකෙන් හදල. මගෙ දැනුමෙ හැටියට. එහෙම නැතිනම්...

ඒ අය අතරින් Madhu Gunawardana එයාගේ comment එක පටන් ගෙන තිබ්බේ මෙහෙම කියමින්:

‘මේ AI එකෙන් හදල. මගෙ දැනුමෙ හැටියට.
එහෙම නැතිනම් ඇත්තනම් දෙන්න තියෙන්න ලඟ වෙත් නැතිවෙන්න.

ඇත්තට ඒ බලු වැඩේ කරපු උං හොයාගන්න. මේක විශ්වාස කරල. දකුණෙ නෙමයි ශ්‍රී ලංකාවෙ මිනිස්සු හිතන්න එපා වැඩේ හරි කියල.
ඇත්තටම උංව හොයාගෙන සමාජයට පෙන්වන එක පොලීසියෙ ,CID එකේ "වගකීම"...’

මධූගෙ අනුමානය හරි වගේ.
දෙසැම්බර් 5 වෙනිදා වෙද්දී වාර්තා වෙනවා ඒ සිදුවීම සම්බන්ධව එතෙක් කිසිවෙකු අත්අඩංගුවට අරං නැති විත්තිය.

දැන් මං ඉන්නේ දෙලොවක් අතර අතරමං වෙලා. කවුද ඇත්ත කියන්නේ- කාවද විශ්වාස කරන්නේ?

ඒත් මට දැනෙන ලොකුම ප්‍රශ්නේ නං ඒක නෙවෙයි.
සමාජ මාධ්‍යවලට, ජන මාධ්‍යවලට නියාමනයක්, පාලනයක් අවශ්‍යයිද? ඒවාට අසීමිත නිදහසක් තිබිය යුතුද? දිගින් දිගටම මෙහෙම දේවල් වෙන්න ගියොත්...෴O෴