අපි මක්කෙයි කොරන්නේ?

ඕන්න ඕකය, මේ දවස්වල ලෝකවාසීන් වැඩි දෙනෙකුටම තියෙන දැවෙන ප්‍රශ්නේ!

පෙබරවාරි 28 වෙනිදා Operation Epic Fury පටන් ගන්නකොට ට්‍රම්ප් උන්නැහේවත් හිතපු නැති තැනකට වගෙයි දැන් දැන් යුද්දේ ඇදීගෙන යන්නේ.

එයාලා වුණත් දැන් වැස්ස වෙලාවට හබරල කොළයක් ඉහලන්නේ නෑ අපේ සීයලා කොල්ලෝ කාලේ කෙරුව විදිහට- කුඩයක් ඉහලනවා මිස.

පව්! ට්‍රම්ප් උන්නැහේ හිතන්න ඇත්තේ තුරුම්පු සේරම තියෙන්නේ එයාගේ පැත්තෙයි කියලා. මොන? පහු පහු වෙනකොටනෙ පෙනෙන්න ගත්තේ පොඩි පොඩි කොළත් තුරුම්පු වෙන විත්තිය...

‘අනේ නිමල් අංකල්, කොහේ මොන යුද්දෙ කෙරුණත් අපි වැඩ නොකර ඉන්නයැ? අපි හම්බ කර ගත්තොත් අපිට කත හැකි.’ අවුරුදු තිහක විතර දෙදරු පියෙක් මට කිව්වේ මාර්තු දෙවෙනිදා. ඒ වගේ රටවැසියෝත් තවම සිරි ලංකාද්වීපේ ඉන්නවනෙ බොලේ, මටම පුදුමයක් වුණත්...
‘ඕකත් මහ දෙයක්යැ නිමලෝ- ඔහේ දියවින්නට මැණික් ගරන්න ගිය වෙලේ අහපු කතාවත් එක්ක බලද්දී...’

හැබෑ නේන්නං! ‘මිනිස්සු හඳට ගියයි කිව්වට රොකට්ටුවකින් ගිහිල්ල ගොඩ බැහැල තියෙන්නේ මේ ලෝකෙම තවත් රටකටය කියලා දියවින්නේ බුද්ධිමතෙක් කිව්වේ!’

හැබැයි එයාලා වුණත් දැන් වැස්ස වෙලාවට හබරල කොළයක් ඉහලන්නේ නෑ අපේ සීයලා කොල්ලෝ කාලේ කෙරුව විදිහට- කුඩයක් ඉහලනවා මිස. නමුත් එයාලට තියෙන දැනුමයි ආකල්පයි දෙකම බරබාග යුගයටත් එහා තිබිච්චා...

මං සෑහෙන කාලයක් තිස්සේ ශ්‍රී ලංකා පවුල් සංවිධාන සංගමයේ- තරුණ ජනගහන කමිටුවට සම්බන්ධව ගොඩක් වැඩ කටයුතු කෙරුවනෙ. ඒ වෙනුවෙන් ගොඩක් දේවල් හොයා බලන්නත්; හදාරන්නත් නිමල් දිසානායකට සිද්ද වුණා. විශේෂයෙන්ම ලෝකේ තිබෙන සම්පත් සීමිත බව- ජනගහන වර්ධන වේගයෙ ප්‍රශ්න සහගත බව ආදී දේවල් ගැන...

ඒ කාලයට මං ආයෙමත් ගියා අද උදේ. FB එකෙන් මේ ලිපිය කියවද්දී. ලිපිය තිබ්බේ ‘පදාර්ථ - Padaartha’ සමූහයේ.

‘The Mouse Utopia පරීක්ෂණය කියන්නේ තරමක සුවිශේෂී අවසානයකින් ඉවර වෙච්ච තරමක් පුදුම සහගත පරීක්ෂණයක්. Universe 25 කියන නමිනුත් හඳුන්වන මේ පරීක්ෂණය 1950 සිට 1970 වර්ෂය දක්වා ඇමෙරිකානු ජාතික Ethologist විද්යාඥවරයෙකු වූ John B. Calhoun විසින් සිදු කරනු ලැබූවක්.

ඔහු මීයන්ට ජීවත් විය හැකි කෘත්රිම පරිසරයක් (ප්රමාණයෙන් විශාල කූඩුවක්) නිර්මාණය කරනවා. මෙයට ඔහු සීමාරහිතව ඒ කියන්නේ unlimited ආහාර, ජලය සපයන්නේ උෂ්ණත්වය සහ ඒ පරිසරය ඇතුලත නිරන්තරයෙන්ම පිරිසිදුව තබාගනිමින්. ඒ වගේම ඒ පරිසරය තුළ කිසිදු විලෝපිකයෙකුවත්, ලෙඩ රෝග වලට ගොදුරු වුනු කිසිම මීයෙකුවත් නොසිටින්න ඔහු වග බලාගන්නවා. මේ පරිසරයේ තිබ්බ එකම සීමාව, ඒ කියන්නේ limiting factor එක වුනේ ඉඩ විතරයි. සරලවම කිව්වොත් මේක ස්වභාවික පීඩනයන් වලින් තොරවුනු අංගසම්පූර්ණ utopia එකක් වුනා.

ආරම්භයේදී එම මීයන් ඔවුන් සිටිනා නව පරිසරය සෙමෙන් සෙමෙන් ගවේෂණය කරමින් එයට හුරු වුණේ...

Calhoun විසින් ඒ පරිසරය නිර්මාණය කලේ උපරිම වශයෙන් මීයන් 3,000කට පමණ ජීවත් වෙන්න පුළුවන් විදිහටයි. පරීක්ෂණය ආරම්භයේදී ඔහු මීයන් යුගල් 4 දෙනෙකු මෙම පරිසරයට හඳුන්වා දුන් අතර, ඔවුනගේ සෑම චර්යාත්මක හැසිරීමක්ම ප්රවේශමෙන් නිරීක්ෂණය කරනු ලැබුවා. ආරම්භයේදී එම මීයන් ඔවුන් සිටිනා නව පරිසරය සෙමෙන් සෙමෙන් ගවේෂණය කරමින් එයට හුරුවුනේ සාමාන්ය මට්ටමේ ප්රජනන වේගයක් සහිතව අනෙකුත් මීයන් සමඟ සාමුහිකව, සාමදානයෙන් සිටිමින්. Calhoun ගේ නීරික්ෂණ වලට අනුව නම් දළ වශයෙන් සෑම දින 55කට සැරයක් මී ගහනය දෙගුණ වුනේ ඝාතීය වර්ධනයක් (exponential growth) පෙන්නුම් කරමින්. මේ විදිහේ ඉහළ ගහන වර්ධනයක් ඇතිවුනේ පරීක්ෂණය ආරම්භ කරලා දින 315ක් ගතවෙද්දියි.

කාලයත් එක්ක, ඒ කියන්නේ පරීක්ෂණයේ 560 වන දිනයේ ඉඳලා ඔවුන් ජීවත් වෙන පරිසරයේ තියෙන ඉඩ ප්රමාණය, මී ගහනය වැඩි වීම නිසා වේගයෙන් අඩුවෙන්න ගන්නේ කිසිවෙකුත් අපේක්ෂා නොකරපු විදිහේ චර්යාත්මක වෙනස්කම් මීයන් තුළ ඇති කරමින්.

මීයන්ගේ ප්රචණ්ඩ ස්වභාවය වැඩිවෙන්න ගත්තා විතරක් නෙමෙයි, පිරිමි මීයන් විසින්, ගැහැණු මීයන් ගැබ් ගෙන තියෙන අවස්ථාවන් වලදී සපයපු ආරක්ෂාවේ ඉහළ අඩුවීමක් දක්නට ලැබුනා. ආහාර සහ ජලය unlimited තිබ්බත්, ඔවුනගේ භූගෝලීය සීමා බෙදාගන්න මීයන් ගැටුම් ඇති කරගන්න පටන් ගත්තා වගේම ඔවුනගේ සමාජ ව්යුහයේ විශාල බිඳවැටීමක් දක්නට ලැබුනා.

Calhoun විසින් දින 600-1000 ත් අතර සිදුවුනු මේ චර්යාවන් හඳුන්වනු ලැබුවේ “behavioral sink” විදිහටයි. ගැහැණු මීයන් විසින් ඔවුනගේ පැටවුන් අතහැර දැමීම් සහ ඔවුනට පහරදීමේ අවස්ථාවන් වේගයෙන් ඉහළ යනු ලැබුවේ සමහර පිරිමි මීයන් අතිශය ප්රවේගකාරී සහ ප්රචණ්ඩ ස්වභාවයකට පත් කරමින්. තවත් සමහර මීයන් සම්පූර්ණයෙන්ම ප්රචණ්ඩත්වයෙන් තොර වුනා. තවත් සමහර මීයන්, අනිත් මීයන්ගෙන් වෙන්ව තනිවම ජීවත් වෙන්න ගත්තා. මොවුන් සාමාන්ය මීයන්ට වඩා ඉහළ පිරිසිදුභාවයක්, ඒ කියන්නේ සෑම විටම ඔවුනගේ අත් යොදාගනිමින් ඔවුන්ව පිරිසිදු කරන චර්යාවන් පෙන්නුවා.

ඊට අමතරම මෙම මී ගහනය තුල සමලිංගික සම්බන්ධතාවයන්ද දක්නට ලැබුනේ ප්රජනන වේගයේ ඉහළ බිඳවැටීමක් ඇති කරමින්. මේ නිසාවෙන් මී ගහනය වේගයෙන් බිඳ වැටුනේ මී පැටවුන් මරණයට පත්වෙන වේගය ඉහළ යවමින්.

මේ මී ගහනය තුල දක්නට ලැබුනු තවත් පුදුම සහගත නිරීක්ෂණයක් තිබුනා; Calhoun විසින් “the Beautiful Ones.” කියලා හඳුන්වපු සමහර මීයන්, අනෙකුත් මීයන් සමඟ කිසිම සම්බන්ධතාවයක්, හැසිරීමක් හෝ ප්රජනනයක් පෙන්නුවේ නැහැ. ඔවුන් වැඩිපුරම කලේ පැත්තකට වෙලා ඔවුන්ගේ ශරීරයන් පිරිසිදු කරන එකයි.

ඔවුන්ගේ මානසික ආතතිය අඩු කරගන්න තමයි...

ඔවුන් බාහිරෙන් බලද්දී නීරෝගී වුනත් චර්යාත්මක වශයෙන් තරමක් උදාසීන ස්වරූපයක් පෙන්නුවා. Behavioral sciences වලදී සතුන් මේ විදිහට ඔවුන්ව සාපේක්ෂව ඉහළ ප්රමාණයකින් පිරිසිදු කරන එක හඳුන්වන්නේ coping mechanism/ stress behavior එකක් විදිහටයි. ඒ කියන්නේ ඔවුන්ගේ මානසික ආතතිය අඩු කරගන්න තමයි ඔවුන් මේ විදිහට නිරන්තරයෙන් ඔවුන්ව පිරිසිදු කරගන්නේ.

අවසානයේදී මීයන් වයසට යෑම, ඉතාමත් අඩු ප්රජනනයන් සහ සමාජීය බිඳවැටීම් හේතුවෙන් මී ගහනය උග්ර වශයෙන් පහළට වැටුනා. Calhoun සමහර මීයන්ව අරගෙන වෙනම පරිසරයකට දැම්මත්, ඔවුනගේ සාමාන්ය චර්යයාවන් නැවත පැමිණියේ නැහැ. කොහොම වුනත් පරීක්ෂණය ආරම්භ කරලා දින 1780කට පස්සේ, ඒ කියන්නේ ආසන්න වශයෙන් වසර 5කට පමණ පස්සේ ඒ utopia එක ඇතුලේ ඉඳපු මී ගහනය සම්පූර්ණයෙන්ම නෂ්ඨ වෙලා යනවා.

මීයන්ගේ මේ චර්යාත්මක වෙනස්වීම් සහ පරීක්ෂණයේ අවසාන ප්රතිඵලය තරමක් ඛේදනීය එකක් සහ පුදුම සහගත දෙයක් වුනා. සීමා රහිත ආහාර සහ සම්පත් තිබුනත්, මේ මීයන්ගේ නෂ්ඨ වීමට හේතු වුනේ utopia එකේ තිබ්බ සීමා සහිත ඉඩ ප්රමාණයයි. කන්න ඕනේ තරම් කෑම තිබ්බත්, ඔවුනට ඉන්න තිබ්බේ එකම ඉඩ ප්රමාණයයි. Calhoun නිගමනය කලා Overcrowding, එහෙමත් නැත්නම් අධික ගහන ඝනත්වයට පුළුවන් කියලා සමාජීය ව්යුහයන් බිඳවට්ටන්න. ඒ වගේම තනි තනි මීයන්ට ඔවුනට හිමිවිය යුතු නිදහස නොමැති වුනාම ඔවුනගේ සැඟව තියෙන ව්යසනකාරී හැසිරීම් එළියට මතුවෙනවා කියලත් Calhoun නිගමනය කලා.

මේ පරීක්ෂණයේ ප්රතිඵල මිනිස් සමාජයට ගැලපුවොත් එයින් අදහස් වෙන්නේ මිනිසුන් කොච්චර තාක්ෂණිකව දියුණූ වුනත්, කොපමණ සම්පත් ප්රමාණයක් තිබුනත්, අධික ජනගහන ඝනත්වය නිසාවෙන් ඔවුනගේ චර්යාවන්, හැසිරීම් සහ අදහස් වෙනස් වෙන්න පුළුවන් කියන එකයි. ඒ වගේම එයින් මිනිසුන්ගේ උපත් වේගයේ අඩුවීම්, මානසික රෝගයන් වල ව්යාප්තියේ වැඩිවීම් සහ සාමාජීය ව්යුහයේ බිඳ වැටීම් නිරූපණය කරන්න සමත් වෙනවා.

කොහොම වුනත් මීයන්ගේ සාමාජීය ව්යුහයට වඩා මිනිස්සුන්ගේ සාමාජීය ව්යුහය සංකීර්ණ සහ ඉතා ශක්තිමත් එකක්. ඒ වගේම අපේ සාමාජීය ව්යුහයන් කාලයට අනුකූලව වෙනස්වීමේ ඉහළ හැකියාවක් පෙන්වනවා. උදාහරණයක් විදිහට කොරෝනා වෛරසය ආපු කාලේ එයට අනුකූල විදිහට සමස්ත ලෝකයේම මිනිස් සමාජීය ව්යුහයන් වෙනස් වුනා.

ගොඩක් විද්යාඥයින් මේ පරීක්ෂණයේ ප්රතිපල වලට එකඟ වෙන්නේ නැහැ. මීයන් ජීවත් වෙන්නේ විවිධ වූ පරිසරයන් වල නිසා මේ වගේ කෘත්රිම පරිසරයන් වලදි ඔවුනගේ සැබෑම ස්වභාවික හැසිරීම් නිරීක්ෂණය කරන්න බැහැ කියලා තමයි ඔවුන් නම් කියන්නේ. ඒ වගේම මීයන්ගේ හැසිරීම්, දැනට අපි දන්න සංකීර්ණතම සහ පරිණාමිකව දියුණුතම ජිවීන් වන මිනිසුන්ට සම්බන්ධ කරන්න බැහැ කියලත් ඔවුන් තර්ක කරනවා.

අදට අවුරුදු පනහකටත් එහා පැත්තෙ තමයි මේ ලියන මං ‘නිරුවත් වානරයා’ පොතයි ‘මනුසත් උයන’ පොතයි කියෙව්වේ.

අවසාන වශයෙන් කියන්න තියෙන්නෙ ජීවත් වෙන එකට ආහාර සහ අනෙකුත් සම්පත්වලටත් වඩා එහා ගියපු දෙයක් අවශ්ය වෙනවා කියලා පෙන්නන්න මේ පරීක්ෂණය සමත් වුනා. සාමාජීය ව්යුහයන් හොඳින් ක්රියාත්මක වෙන්න, ඒ ව්යුහයන් තුල ඒ ඒ කෙනා විසින් ඉටු කරන කර්තව්යය ඉතා වැදගත් වෙනවා. අන්තිමට කියන්න ඕනේ, කුමන හෝ ජිවී විශේෂයක්, කොපමණ දියුණු වුනත් ඔවුනගේ පැවැත්ම තීරණය කරන්නේ ස්වභාවධර්මයයි.’

FB එකේ පළව තිබුණු ලිපිය එහෙම පිටින්ම මගේ post එකට ගත්තේ එහි කියැවෙන සියලුම කරුණුවලට මං වහන්සේ එකඟ හින්දා හෙම නෙවෙයි, හොඳේ. ඒත් අද වගේ කාලයකදී ගැඹුරින් සිතා බලන්නට වටිනා දේවල් රැසක්ම එහි අඩංගුව තිබෙන නිසයි.

අදට අවුරුදු පනහකටත් එහා පැත්තෙ තමයි මේ ලියන මං ‘නිරුවත් වානරයා’ පොතයි ‘මනුසත් උයන’ පොතයි කියෙව්වේ. දෙකම පරිවර්තන. මුල් කතුවරයා ඩෙස්මන්ඩ් මොරිස්. ඒ කෘති දෙකෙන්මත් මෙවැනි විමසීම් ගණනාවක්ම කෙරෙනවා.

ගහනයක වර්ධනය දරා ගන්න බැරි තරං වැඩි වෙද්දී සොබා දහම විසින්ම එය පාලනය කිරීමට විනාශකාරී උපා යොදනවාවත්ද?
ලෙමින්ස්ලා (Lemmings) දහස් ගණනින් එකවර දිවි හානි කර ගන්නවා වගේ...
Epic Fury කියන්නේත් ඒ පන්නේ දෙයක්ද? ඒක එහෙම නං අපි මක්කෙයි කොරන්නේ...  

‘බාහිර ලෝකයේ මේ යුධ කුණාටුව හමුවේ ඔබට වෙනස් කළ හැක්කේ එකම දෙයයි; ඒ ඔබගේ අභ්යන්තරයයි. ඔබේ ශක්තිය පිරිසිදුව තබාගන්න. තිගැස්සෙන්න එපා, අවදියෙන් (Awake) සිටින්න!

මෙය ලෝකාන්තයද?

නැත! කිසිසේත්ම නැත. මෙය ලෝකාන්තය නොව, මානව පරිණාමයේ මීළඟ අදියරට පිවිසීමේ "මහා පරිවර්තන යුගයයි" (The Great Transformation).

ලෝක යුද්ධයේ සහ මහා පරිවර්තනයේ ගැඹුරුම රහස: ඔබ අයත් වන්නේ කුමන කාලරේඛාවටද? (The Ultimate Cosmic Secret) 

රූපවාහිනියෙන් පෙන්වන යුද්ධ, බෝම්බ පිපිරීම් සහ ආර්ථික කඩාවැටීම් දැක ඔබත් බියට පත්වී සිටිනවාද? ලෝකයට මේ කුමක් සිදුවෙනවාදැයි සිතා ඔබත් මානසිකව පීඩා විඳිනවාද? එසේනම් 'Radiance of Numbers' වෙතින් ගෙන එන මේ අතිශය ගැඹුරු විශ්වීය සත්යය මොහොතක් නතර වී කියවන්න.

මේ සිදුවන්නේ භෞතික ලෝකයේ ගැටුමක් නොව, "මනුෂ්ය වර්ගයාගේ ආත්මීය පෙරනයයි" (The Cosmic Sieve / Sorting of Souls). මෙහි පවතින ගැඹුරුම රහස් 4 මෙන්න:’

මිනිසුන්ව බලහත්කාරයෙන්ම අවදි කිරීමට විශ්වය විසින් දෙන 'Shock Treatment' එක තමයි මේ පෙනෙන්නට තිබෙන අර්බුද.

ඒ ටිකත් ගත්තෙ FB එකේ ‘සිහිය’ සමූහයේ තිබුණු ලිපියකින්. (ඒ ලිපියත් අපේ ප්‍රශ්නයට උත්තරයක් යෝජනා කරනවා.)

මෙන්න ඒ ලිපියේ ඉතිරි කොටස:
‘... 1. භෞතික යුද්ධයේ මායාව (The Illusion of Physical War):

ඔබ දකින මේ යුද්ධ සහ අර්බුද සැබෑම 'රෝගය' නොවේ; ඒවා හුදෙක් 'රෝග ලක්ෂණ' (Symptoms) පමණි. සැබෑ යුද්ධය ඇත්තේ පොළොවෙවත්, අහසෙවත් නොව, මනුෂ්යයාගේ මනස සහ විඥානය (Consciousness) තුළයි! ප්ලූටෝ සහ සෙනසුරු වැනි බලගතු ග්රහයන් මේ කරන්නේ, මිනිසාගේ යටි සිතේ සැඟවී ඇති කුහකකම, කෑදරකම සහ ඊගෝව (Ego) සම්පූර්ණයෙන්ම එළියට ඇද දැමීමයි.’

2. මහා කාලරේඛා බෙදී යාම (The Timeline Split - 3D vs 5D):

මේ මහා පරිවර්තනයත් සමඟම, ලෝකයේ සිටින මිනිසුන්ගේ ආත්මයන් පැහැදිලිවම කඳවුරු දෙකකට (මානසික තරංග දෙකකට) බෙදී යමින් පවතී.

පළමු කඳවුර (3D Matrix): මේ අය සම්පූර්ණයෙන්ම බියට, කෑදරකමට සහ මායාවට කොටු වී ඇත. භෞතික දේවල් (මුදල්, බලය) කඩාවැටෙන විට මොවුන් මානසිකව සම්පූර්ණයෙන්ම විනාශ වී, කෝපයට පත්වී, ලෙඩ රෝගවලට ගොදුරු වේ. මේ අයට මේ විශ්වීය පවිත්ර කිරීම දරාගත නොහැක.

දෙවන කඳවුර (5D Awakened): බාහිර ලෝකයේ කෙතරම් කුණාටු හැමුවද, මේ මිනිසුන්ගේ හදවත තුළ ඇත්තේ මහා නිහඬතාවයකි (Inner Peace). ඔවුන් දන්නවා මේ යන්නේ විශ්වයේ පවිත්ර කිරීමක් බව. ඔවුන් ස්වභාවධර්මයට සමීප වෙමින්, තම කර්මය අවබෝධ කරගෙන, අලුත් ලෝකයේ (New Earth) පැවැත්මට සූදානම් වේ. ඔබ ඉන්නේ කොතැනද?

3. විශ්වයේ "Shock Treatment" එක:

ඇයි මේ තරම් දරුණු විදිහට මේ දේවල් සිදුවන්නේ? මනුෂ්යයා සුවපහසු කලාපයක (Comfort zone) සිටින තාක් කල් කවදාවත් ආධ්යාත්මිකව අවදි වන්නේ නැත. මුදල් සහ සැප සම්පත් ඇති විට බොහෝ දෙනෙකුට විශ්වය අමතක වේ. ඒ නිසා, මිනිසුන්ව බලහත්කාරයෙන්ම අවදි කිරීමට විශ්වය විසින් දෙන 'Shock Treatment' එක තමයි මේ පෙනෙන්නට තිබෙන අර්බුද. විශ්වාස කිරීමට ඇති භෞතික දේවල් අහිමි වූ විට, මිනිසා නිරායාසයෙන්ම තම කර්මය සහ ආත්මය සොයා යයි.

4. අනුකම්පා විරහිත පෙරනය (The Cosmic Filter):

2024 සිට 2027 දක්වා ක්රියාත්මක වන මේ ග්රහ මාරු හරියට දැවැන්ත පෙරනයක් වැනිය. අහංකාරය, අනුන්ව රවටා උපයාගත් ධනය සහ කුහකකම ඇති කිසිවෙකුටත් මේ පෙරනයෙන් රිංගා ඉදිරි 'නව යුගයට' පියනැඟිය නොහැක. ස්වභාවධර්මය විසින්ම ඔවුන්ව අවලංගු (Cancel) කර දමනු ඇත.

යුද්ධ කරන්නේ පුටින්වත්, නෙතන්යාහුවත්, බයිඩන්වත් නෙමෙයි මචෝ. ඒ මිනිස්සු නිකන්ම නිකන් විශ්වයේ රූකඩ...

අප කුමක් කළ යුතුද?

මෙය ලෝකාන්තය නොව, මනුස්ස විඥානයේ දැවැන්තම පරිණාමයයි. ගලක් තුළ ඇති මැණිකක් එළියට ගැනීමට නම්, ඒ ගල මිටියෙන් ගසා කැඩිය යුතුමය. මේ කඩා දමන්නේ ඒ ගලයි.

රූපවාහිනී ප්රවෘත්ති බලා කලබල වීම අදම නවත්වන්න. ඔබේ ශක්තිය සහ රශ්මි වළල්ල (Aura) පිරිසිදුව තබාගන්න. භාවනාවට සහ ආධ්යාත්මික සුවයට මුල් තැන දෙන්න. මේ කුණාටුව මැද ඔබගේ ආත්මීය සිතියම (The Soul Blueprint) කියවාගෙන, නිවැරදි කාලරේඛාවට පිවිසීමට අවශ්ය නම්, 'Radiance of Numbers' අපගේ ගැඹුරු විශ්ලේෂණ සේවාවන් සමඟ එක්වන්න.

ඇයි මේ ගැඹුරු ශාස්ත්රය අද සමාජයේ මේ තරම් පිරිහී ඇත්තේ?

බොහෝ දෙනෙක් මේවා මිථ්යාවන් යැයි පවසමින් සිනාසෙන්නේ ඇයි දැයි ඔබ දන්නවාද? ඊට ප්රධානම හේතුව නම්, හුදෙක් මුදල් මත යැපෙන ඇතැම් ව්යාපාරිකයන් සහ බොරුකාරයින් විසින් මිනිසුන්ව අනවශ්ය ලෙස බිය ගන්වා මුදල් ගරාගැනීමයි. ඔවුන් කී අසත්ය දේවල් කාලයත් සමඟ සමාජය ඉදිරියේ පුස්සක් වීමෙන්, අවසානයේ මේ ගැඹුරු දර්ශනය අද වන විට මුළුමනින්ම බාල්දු වී ඇත.

නමුත් 'Radiance of Numbers' පිටුව පුරාවටම ගොස් බැලුවහොත්, මිනිසුන් බිය ගන්වා මුදල් සෙවීමට තැබූ එකදු බොරුවක් හෝ ඔබට දැකගත නොහැකි වනු ඇත. අප කිසිවෙකුටත්, කිසිම විවේචනයකටත් බිය නැත්තේ එබැවිනි. අප කරන්නේ හුදෙක් "විශ්වයේ නීතිය සහ කර්මයේ යථාර්ථය" කිසිදු වාරණයකින් තොරව ඔබට පෙන්වා දීම පමණි!

අවසාන සත්යය (The Ultimate Truth):

යුද්ධ කරන්නේ පුටින්වත්, නෙතන්යාහුවත්, බයිඩන්වත් නෙමෙයි මචෝ. ඒ මිනිස්සු නිකන්ම නිකන් විශ්වයේ රූකඩ (Cosmic Puppets) විතරයි. විශ්වයට ඕන වෙලා තියෙනවා මනුස්සයාගේ ඊගෝ එක (Ego) සම්පූර්ණයෙන්ම කුඩුපට්ටම් කරලා, ආපහු සොබාදහමට සහ ආධ්යාත්මයට මිනිස්සුන්ව හරවන්න. ඒකට දෙන "සොක් ට්රීට්මන්ට්" (Shock Treatment) එක තමයි ඔය පේන්න තියෙන යුද්ධ සහ ආර්ථික අර්බුද.

අප කුමක් කළ යුතුද?

මෙම ගෝලීය සෘණාත්මක ශක්තිය (Global Negative Energy) සහ ආර්ථික අර්බුද හමුවේ, සාමාන්ය මිනිසුන් ලෙස ඔබ බිය විය යුතු නැත. නමුත් ඔබේ ආත්මය සහ රශ්මි වළල්ල (Aura) ඉතාමත් ප්රබලව ආරක්ෂා කරගත යුතු කාලයකි. බාහිර ලෝකය කෙතරම් කුණාටු සහගත වුවත්, ඔබේ අභ්යන්තරය නිහඬ කරගැනීමට භාවනාව සහ නිවැරදි විශ්වීය පිළියම් වෙත යොමුවන්න.’

ඒ පොතෙන් කියැවෙනවා මිනිස් මනසට බලපාමින් ලෝක විනාශයකට මඟ පෙන්වන පරපෝෂිතයන් වර්ගයක් ගැන...

අඳුරට හැවිලි තියමින්; සාප කරමින් ඉන්නවට වැඩිය උතුම් දෙයක් තියෙනවනේ... එක පහනක් හරි දල්වන එක!

මේ පෝස්ටුව ලියන මාත්- කියවන ආදරණීය ඔයලගෙන් වැඩි දෙනෙකුත් ‘පුංචි සිංඤෝ’ලගෙ ගොඩටයි අයිති. එහෙම අපිටත් මේ කාලෙදි කරන්න ඇහැකි මක්කවත් තියෙයි?

කලකට ඉස්සර කියෙව්වා කොලින් විල්සන් මහත්තයාගේ පොතක පරිවර්තනයක්. ‘චිත්ත පරපෝෂිතයෝ’ කියලා. ඒ පොතෙන් කියැවෙනවා මිනිස් මනසට බලපාමින් ලෝක විනාශයකට මඟ පෙන්වන පරපෝෂිතයන් වර්ගයක් ගැන. කිසිම අවියකින් ඔවුන්ව විනාශ කරන්න බෑ. නමුත් සාමූහික චිත්ත තරංග මඟින් පුළුවන්! ආත්මය සහ රශ්මි වළල්ල ශක්තිමත් උදවියට එය කළ හැකියි!!!
(ඒ පොත ප්‍රබන්ධයක්. නමුත් සත්‍ය හා ප්‍රායෝගික න්‍යායයන් රැසක්ම පාඨකයන්ට පෙන්වා දෙන්නක්.)

තවත් අටුවා ටීකා නොලිව්වට කමක් නැහැනේ. බුද්ධිමත් ඔයාලා හැම දෙනාටම දැන් පැහැදිලි ඇති මං වහන්සේ කියන්න හදන දේ.

බොහොම පුංචි මිනිසුන් වුණත් මේ මොහොතෙදි ලෝකය වෙනුවෙන් අපට කළ හැකි හැම දෙයක්ම කරමු.
අපේ චිත්ත ඒකාග්‍රතාව හැකිතාක් ශක්තිමත් කර ගෙන ‘ඉක්මනින්ම ලෝක සාමය උදා වේවා’ කියල දිගටම ප්‍රාර්ථනා කරමු෴0෴