1. වස් කවි කීම - පළමු කොටස
  2. වස් කවි කීම - දෙවෙනි කොටස
  3. වස් කවි කීම - තෙවෙනි කොටස
  4. නොදෙන්න හිටි රන් පදක්කම
  5. නීච කුමන්ත්‍රණේ
  6. මංජුලගේ 'මරියා'ට මම පැටලුනෙමි -පළමු කොටස
  7. මංජුලගේ 'මරියා'ට මම පැටලුනෙමි -දෙවෙනි කොටස
  8. තුම්පනේ, මාතර, බදුල්ලේ කියලා වෙනස්යැ
  9. නැණ ලැබ ගත්තෙමි; ඔහු සෙවණේ හිඳ... -පළමුවෙනි කොටස
  10. නැණ ලැබ ගත්තෙමි; ඔහු සෙවණේ හිඳ... - දෙවෙනි කොටස
  11. නැණ ලැබ ගත්තෙමි; ඔහු සෙවණේ හිඳ... - තෙවෙනි කොටස
  12. නැණ ලැබ ගත්තෙමි; ඔහු සෙවණේ හිඳ... - හතරවෙනි කොටස
  13. අඟුල්මල් දහනය - පළමුවෙනි කොටස
  14. අඟුල්මල් දහනය - දෙවෙනි කොටස
  15. අඟුල්මල් දහනය - තෙවෙනි කොටස
  16. වැරැදි බෝනස් එක - මල්ටිපල් මයෙලෝමා - පළමුවෙනි කොටස
  17. වැරැදි බෝනස් එක - මල්ටිපල් මයෙලෝමා - දෙවෙනි කොටස
  18. වැරැදි බෝනස් එක - මල්ටිපල් මයෙලෝමා - තෙවෙනි කොටස
  19. වැරැදි බෝනස් එක - මල්ටිපල් මයෙලෝමා - හතරවෙනි කොටස
  20. වැරැදි බෝනස් එක - මල්ටිපල් මයෙලෝමා - පස්වෙනි කොටස
  21. වැරැදි බෝනස් එක - මල්ටිපල් මයෙලෝමා - හයවෙනි කොටස
  22. වැරැදි බෝනස් එක - මල්ටිපල් මයෙලෝමා - හත්වෙනි කොටස
  23. වැරැදි බෝනස් එක - මල්ටිපල් මයෙලෝමා - අටවෙනි කොටස
  24. වැරැදි බෝනස් එක - මල්ටිපල් මයෙලෝමා - නවවෙනි කොටස
  25. වැරැදි බෝනස් එක - මල්ටිපල් මයෙලෝමා - දහවෙනි කොටස
  26. වැරැදි බෝනස් එක - මල්ටිපල් මයෙලෝමා - එකොළොස්වෙනි කොටස
  27. වැරැදි බෝනස් එක - මල්ටිපල් මයෙලෝමා - දොළොස්වෙනි කොටස
  28. වැරැදි බෝනස් එක - මල්ටිපල් මයෙලෝමා - දහතුන්වෙනි කොටස
  29. වැරැදි බෝනස් එක - මල්ටිපල් මයෙලෝමා - දාහතරවෙනි කොටස
  30. වැරැදි බෝනස් එක - මල්ටිපල් මයෙලෝමා - පහළොස්වෙනි කොටස
  31. වැරැදි බෝනස් එක - මල්ටිපල් මයෙලෝමා - දහසයවෙනි කොටස
  32. වැරැදි බෝනස් එක - මල්ටිපල් මයෙලෝමා - දාහත්වෙනි කොටස
  33. වැරැදි බෝනස් එක - මල්ටිපල් මයෙලොමා - දහඅටවෙනි කොටස
  34. වැරැදි බෝනස් එක - මල්ටිපල් මයෙලොමා - දහනවවෙනි කොටස
  35. වැරැදි බෝනස් එක - මල්ටිපල් මයෙලොමා - විසිවෙනි කොටස
  36. හරි හුරතල් විනාකිරි සංග්‍රාමය - පළමුවෙනි කොටස
  37. හරි හුරතල් විනාකිරි සංග්‍රාමය - දෙවෙනි කොටස
  38. හරි හුරතල් විනාකිරි සංග්‍රාමය - තෙවෙනි කොටස
  39. වීරයා ගෙදරද? - පළමුවෙනි කොටස
  40. වීරයා ගෙදරද? - දෙවෙනි කොටස
  41. වීරයා ගෙදරද? - තෙවෙනි කොටස
  42. වීරයා ගෙදරද? - සිව්වෙනි කොටස
  43. වීරයා ගෙදරද? - පස්වෙනි කොටස
  44. ගණිත ගැටේ - පළමුවෙනි කොටස
  45. ගණිත ගැටේ - දෙවෙනි කොටස
  46. ගණිත ගැටේ - තෙවෙනි කොටස
  47. ගණිත ගැටේ - සිව්වෙනි කොටස
  48. දෙපා අවසඟ පාපන්දු පිස්සා - පළමුවෙනි කොටස
  49. දෙපා අවසඟ පාපන්දු පිස්සා - දෙවෙනි කොටස
  50. දෙපා අවසඟ පාපන්දු පිස්සා - තෙවෙනි කොටස
  51. දෙපා අවසඟ පාපන්දු පිස්සා - සිව්වෙනි කොටස
  52. ශ්‍රී ලංකා not Vs England - පළමුවෙනි කොටස
  53. ශ්‍රී ලංකා not Vs England - දෙවෙනි කොටස
  54. ශ්‍රී ලංකා not Vs England - තෙවෙනි කොටස
  55. ශ්‍රී ලංකා not Vs England - සිව්වෙනි කොටස
  56. ශ්‍රී ලංකා not Vs England - පස්වෙනි කොටස
  57. ශ්‍රී ලංකා not Vs England - හයවෙනි කොටස
  58. ශ්‍රී ලංකා not Vs England -හත්වෙනි කොටස
  59. ශ්‍රී ලංකා not Vs England -අටවෙනි කොටස
  60. ශ්‍රී ලංකා not Vs England -නවවෙනි කොටස
  61. ශ්‍රී ලංකා not Vs England -දහවෙනි කොටස
  62. ශ්‍රී ලංකා not Vs England -එකොළොස්වෙනි කොටස
  63. ශ්‍රී ලංකා not Vs England -දොළොස්වෙනි කොටස
  1. අජාසත්ත - පළමු කොටස
  2. අජාසත්ත - දෙවෙනි කොටස
  3. අජාසත්ත - තෙවෙනි කොටස
  4. අජාසත්ත - හතරවෙනි කොටස
  5. අජාසත්ත - පස්වෙනි කොටස
  6. කෙලින් සනා - පළමු කොටස
  7. කෙලින් සනා - දෙවෙනි කොටස
  8. කෙලින් සනා - තෙවෙනි කොටස
  9. පේව්මන්ට් එකේ රජවී - පළමු කොටස
  10. පේව්මන්ට් එකේ රජවී - දෙවෙනි කොටස
  11. පේව්මන්ට් එකේ රජවී - තෙවෙනි කොටස
  12. පේව්මන්ට් එකේ රජවී - හතරවෙනි කොටස
  13. පේව්මන්ට් එකේ රජවී - පස්වෙනි කොටස
  14. පේව්මන්ට් එකේ රජවී - හයවෙනි කොටස
  15. පේව්මන්ට් එකේ රජවී - හත්වෙනි කොටස
  16. පේව්මන්ට් එකේ රජවී - අටවෙනි කොටස
  17. පේව්මන්ට් එකේ රජවී - නවවෙනි කොටස
  18. පේව්මන්ට් එකේ රජවී - දහවෙනි කොටස
  19. මඩ ගොහොරුවක පචවී - පළමුවෙනි කොටස
  20. මඩ ගොහොරුවක පචවී - දෙවෙනි කොටස
  21. මඩ ගොහොරුවක පචවී - තෙවෙනි කොටස
  22. මඩ ගොහොරුවක පචවී - හතරවෙනි කොටස
  23. මඩ ගොහොරුවක පචවී - පස්වෙනි කොටස
  24. මඩ ගොහොරුවක පචවී - හයවෙනි කොටස
  25. මඩ ගොහොරුවක පචවී - හත්වෙනි කොටස
  26. මඩ ගොහොරුවක පචවී - අටවෙනි කොටස
  27. මඩ ගොහොරුවක පචවී - නවවෙනි කොටස
  28. මඩ ගොහොරුවක පචවී - දහවෙනි කොටස
  29. ඉඳියාප්ප ගන්නවද? - පළමුවෙනි කොටස
  30. ඉඳියාප්ප ගන්නවද? - දෙවෙනි කොටස
  31. ඉඳියාප්ප ගන්නවාද? - තෙවෙනි කොටස
  32. ඉඳියාප්ප ගන්නවද? - හතරවෙනි කොටස
  33. දිව්‍ය අංගනි සේ මම සැරැසී - පළමුවෙනි කොටස
  34. දිව්‍ය අංගනි සේ මම සැරැසී - දෙවෙනි කොටස
  35. දිව්‍ය අංගනි සේ මම සැරැසී - තෙවෙනි කොටස
  36. දිව්‍ය අංගනි සේ මම සැරැසී - සිව්වෙනි කොටස
  37. දිව්‍ය අංගනි සේ මම සැරැසී - පස්වෙනි කොටස
  38. දිව්‍ය අංගනි සේ මම සැරැසී - හයවෙනි කොටස
  39. දිව්‍ය අංගනි සේ මම සැරැසී - හත්වෙනි කොටස
  40. දිව්‍ය අංගනි සේ මම සැරැසී - අටවෙනි කොටස
  41. දිව්‍ය අංගනි සේ මම සැරැසී - නවවෙනි කොටස
  42. දිව්‍ය අංගනි සේ මම සැරැසී - දහවෙනි කොටස
  43. දිව්‍ය අංගනි සේ මම සැරැසී - එකොළොස්වෙනි කොටස
  44. දිව්‍ය අංගනි සේ මම සැරැසී - දොළොස්වෙනි කොටස
  45. මෝස්‌තර එක්ක හත් වසරක් - පළමුවෙනි කොටස
  46. මෝස්‌තර එක්ක හත් වසරක්- දෙවෙනි කොටස
  47. මෝස්‌තර එක්ක හත් වසරක් - තෙවෙනි කොටස
  48. මෝස්‌තර එක්ක හත් වසරක් - සිව්වෙනි කොටස
  49. මෝස්‌තර එක්ක හත් වසරක් - පස්වෙනි කොටස
  50. මෝස්‌තර එක්ක හත් වසරක් - හයවෙනි කොටස
  51. මෝස්‌තර එක්ක හත් වසරක් - හත්වෙනි කොටස
  52. මෝස්‌තර එක්ක හත් වසරක් - අටවෙනි කොටස
  53. මෝස්‌තර එක්ක හත් වසරක් - නවවෙනි කොටස
  54. මෝස්‌තර එක්ක හත් වසරක් - දහවෙනි කොටස
  55. මෝස්‌තර එක්ක හත් වසරක් - එකොළොස්වෙනි කොටස
  56. මෝස්‌තර එක්ක හත් වසරක් -දොළොස්වෙනි කොටස
  57. මෝස්‌තර එක්ක හත් වසරක් -දහතුන්වෙනි කොටස
  58. මෝස්‌තර එක්ක හත් වසරක් -දාහතරවෙනි කොටස
  59. මෝස්‌තර එක්ක හත් වසරක් -පහළොස්වෙනි කොටස
  60. මෝස්‌තර එක්ක හත් වසරක් -දහසයවෙනි කොටස
  61. මෝස්‌තර එක්ක හත් වසරක් -දාහත්වෙනි කොටස
  62. මෝස්‌තර එක්ක හත් වසරක් -දහඅටවෙනි කොටස
  63. මෝස්‌තර එක්ක හත් වසරක් -දහනවවෙනි කොටස
  64. මෝස්‌තර එක්ක හත් වසරක් -විසිවෙනි කොටස
  65. මෝස්‌තර එක්ක හත් වසරක් -විසිඑක්වෙනි කොටස
  66. මෝස්‌තර එක්ක හත් වසරක් -විසිදෙවෙනි කොටස
  67. මෝස්‌තර එක්ක හත් වසරක් -විසිතුන්වෙනි කොටස
  68. මෝස්‌තර එක්ක හත් වසරක් -විසිහතරවෙනි කොටස/a>
  69. මෝස්‌තර එක්ක හත් වසරක් -විසිපස්වෙනි කොටස
  70. මෝස්‌තර එක්ක හත් වසරක් -විසිහයවෙනි කොටස
  71. මෝස්‌තර එක්ක හත් වසරක් -විසිහත්වෙනි කොටස
  72. මෝස්‌තර එක්ක හත් වසරක් -විසිඅටවෙනි කොටස
  73. මෝස්‌තර එක්ක හත් වසරක් -විසිනවවෙනි කොටස
  74. මෝස්‌තර එක්ක හත් වසරක් -තිස්වෙනි කොටස
  1. මීන සංහාරය
  2. ගස්සලා යවමුද? -පළමුවෙනි කොටස
  3. ගස්සලා යවමුද? දෙවෙනි කොටස
  4. ගස්සලා යවමුද? තෙවෙනි කොටස
  5. ගස්සලා යවමුද? හතරවෙනි කොටස
  6. අකල් මරණෙකට හවුල් වී -පළමු කොටස
  7. අකල් මරණෙකට හවුල් වී -දෙවෙනි කොටස
  8. අනේ කුරුලු කූඩුවලට ගහන්නෙපා කැට කැබිලිති
  9. ආවොත් නොයා බැරිය! - පළමු කොටස
  10. ආවොත් නොයා බැරිය! - දෙවෙනි කොටස
  11. ආවොත් නොයා බැරිය! - තෙවෙනි කොටස
  12. මගේ චූස් - මටම චූස්
  13. මගෙන් මංගල යෝජනාවක්.....- පළමුවෙනි කොටස
  14. මගෙන් මංගල යෝජනාවක්.....- දෙවෙනි කොටස
  15. අනේ පාලි, තව චුට්ටක්....
  16. රේස්වලින් රේස් එකට පිම්මක් - පළමුවෙනි කොටස
  17. රේස්වලින් රේස් එකට පිම්මක් - දෙවෙනි කොටස
  18. රේස්වලින් රේස් එකට පිම්මක් - තෙවෙනි කොටස
  19. හයටත් කලින්........ - පළමුවෙනි කොටස
  20. හයටත් කලින්........ - දෙවෙනි කොටස
  21. හයටත් කලින්........ - තෙවෙනි කොටස
  22. දුකේ දුක හිතෙන කතන්දරේ - පළමුවෙනි කොටස
  23. දුකේ දුක හිතෙන කතන්දරේ - දෙවෙනි කොටස
  24. දුකේ දුක හිතෙන කතන්දරේ - තෙවෙනි කොටස
  25. දුකේ දුක හිතෙන කතන්දරේ - සිව්වෙනි කොටස
  26. දුකේ දුක හිතෙන කතන්දරේ - පස්වෙනි කොටස
  27. දුකේ දුක හිතෙන කතන්දරේ - හයවෙනි කොටස
  28. යකුන් බලන්නට ගිය යක්කු - පළමුවෙනි කොටස
  29. යකුන් බලන්නට ගිය යක්කු - දෙවෙනි කොටස
  30. යකුන් බලන්නට ගිය යක්කු - තෙවෙනි කොටස
  31. දුන්හිඳ අද්දර මාරකේ - පළමුවෙනි කොටස
  32. දුන්හිඳ අද්දර මාරකේ - දෙවෙනි කොටස
  33. දුන්හිඳ අද්දර මාරකේ - තෙවෙනි කොටස
  34. දුන්හිඳ අද්දර මාරකේ - සිව්වෙනි කොටස
  35. දුන්හිඳ අද්දර මාරකේ - පස්වෙනි කොටස
  36. දුන්හිඳ අද්දර මාරකේ - හයවෙනි කොටස
  37. දුන්හිඳ අද්දර මාරකේ - හත්වෙනි කොටස
  38. නෑනා නැතත් කල දවසක් ..... -පළමුවෙනි කොටස
  39. නෑනා නැතත් කල දවසක් ..... -දෙවෙනි කොටස
  40. කොරෝනා කොරපු; කොරන හරිය!-පළමුවෙනි කොටස
  1. නීල බිඟු කැල
  2. නිල් බෘංගයන්ගේ වස වැරැද්දක්
  3. සමුදුරු මූර්තිය
  4. දහ බලු කතා වස්තුව- පළමුවැනි කොටස
  5. දහ බලු කතා වස්තුව- දෙවෙනි කොටස
  6. මගේ දෛවය මගේ රිස්සට...
  7. කූචු කුචයියෝ
  8. අපේ කුණු අපට එපාවී.... - පළමු කොටස
  9. අපේ කුණු අපට එපාවී.... - දෙවෙනි කොටස
  10. දියවිනි ඉනාව- පළමුවැනි කොටස
  11. දියවිනි ඉනාව- දෙවෙනි කොටස
  12. දියවිනි ඉනාව- තෙවෙනි කොටස
  13. දියවිනි ඉනාව- හතරවෙනි කොටස
  14. දියවිනි ඉනාව- පස්වෙනි කොටස
  15. සිඳු දකින සඳ - පළමුවෙනි කොටස
  16. සිඳු දකින සඳ - දෙවෙනි කොටස
  17. සිඳු දකින සඳ - තෙවෙනි කොටස
  18. රැජින COLOMBO එයි! - පළමුවෙනි කොටස
  19. රැජින COLOMBO එයි! - දෙවෙනි කොටස
  20. රැජින COLOMBO එයි! - තෙවෙනි කොටස
  21. අම්මගෙ රෙද්දෙ මමාස් - පළමුවෙනි කොටස
  22. අම්මගෙ රෙද්දෙ මමාස් - දෙවෙනි කොටස
  23. අම්මගෙ රෙද්දෙ මමාස් - තෙවෙනි කොටස
  24. විරූපීට රැවටෙන්නේ සුරූපි කියලා - පළමුවෙනි කොටස
  25. විරූපීට රැවටෙන්නේ සුරූපි කියලා - දෙවෙනි කොටස
  26. කොහොඹ කොළ කැවූ රාම් පූර් කා ලක්ෂ්මන් - පළමුවෙනි කොටස
  27. කොහොඹ කොළ කැවූ රාම් පූර් කා ලක්ෂ්මන් - දෙවෙනි කොටස
  28. කොහොඹ කොළ කැවූ රාම් පූර් කා ලක්ෂ්මන් - තෙවෙනි කොටස
  29. කොහොඹ කොළ කැවූ රාම් පූර් කා ලක්ෂ්මන් - හතරවෙනි කොටස
  30. පත්තෑයාට පෙත්තෙන් - පළමුවෙනි කොටස
  31. පත්තෑයාට පෙත්තෙන් - දෙවෙනි කොටස
  32. පත්තෑයාට පෙත්තෙන් -තෙවෙනි කොටස
  33. පත්තෑයාට පෙත්තෙන් - හතරවෙනි කොටස
  34. පත්තෑයාට පෙත්තෙන් - පස්වෙනි කොටස
  35. පත්තෑයාට පෙත්තෙන් -හයවෙනි කොටස
  36. පත්තෑයාට පෙත්තෙන් - හත්වෙනි කොටස
  37. මාතර තානායමේ අමු හෙලුවෙන්...- පළමුවෙනි කොටස
  38. මාතර තානායමේ අමු හෙලුවෙන්...- දෙවෙනි කොටස
  39. හරෝහරා - පළමුවෙනි කොටස
  40. හරෝහරා - දෙවෙනි කොටස
  41. හරෝහරා - තෙවෙනි කොටස
  42. හරෝහරා - සිව්වෙනි කොටස
  43. හරෝහරා - පස්වෙනි කොටස
  44. හරෝහරා - හයවෙනි කොටස
  45. හරෝහරා - හත්වෙනි කොටස
  46. හරෝහරා - අටවෙනි කොටස
  47. හරෝහරා - නවවෙනි කොටස
  48. හරෝහරා - දහවෙනි කොටස
  49. හරෝහරා - එකොළොස්වෙනි කොටස
  50. හරෝහරා - දොළොස්වෙනි කොටස
  51. හරෝහරා - දහතුන්වෙනි කොටස
  52. හරෝහරා - දාහතරවෙනි කොටස
  53. හරෝහරා - පහළොස්වෙනි කොටස
  54. හරෝහරා - දහසයවෙනි කොටස
  55. හරෝහරා - දාහත්වෙනි කොටස
  56. හරෝහරා - දහඅටවෙනි කොටස
  57. හිස් රැල්ලක් නොවී හස රැල්ලක් වේවා!-පළමු කොටස
  58. හිස් රැල්ලක් නොවී හස රැල්ලක් වේවා!-දෙවෙනි කොටස
  59. හිස් රැල්ලක් නොවී හස රැල්ලක් වේවා!-තෙවෙනි කොටස
  60. දොළහ වෙද්දී.... පළමු කොටස
  61. දොළහ වෙද්දී.... දෙවෙනි කොටස
  62. දොළහ වෙද්දී.... තෙවෙනි කොටස
  63. දොළහ වෙද්දී.... සිව්වෙනි කොටස
  1. සීයයි..!
  2. මරිසි මංගල්ලේ - පළමුවෙනි කොටස
  3. මරිසි මංගල්ලේ - දෙවෙනි කොටස
  4. සැවුළු සංහාරය - පළමුවෙනි කොටස
  5. සැවුළු සංහාරය - දෙවෙනි කොටස
  6. සැවුළු සංහාරය - තෙවෙනි කොටස
  7. සැවුළු සංහාරය - හතරවෙනි කොටස
  8. සැවුළු සංහාරය - පස්වෙනි කොටස
  9. සැවුළු සංහාරය - හයවෙනි කොටස
  10. සැවුළු සංහාරය - හත්වෙනි කොටස
  11. යාල රිලවුන් පැන්නූ පූරි කොළඹදී හිට් වෙයි! - පළමුවෙනි කොටස
  12. යාල රිලවුන් පැන්නූ පූරි හිට් වෙයි! - දෙවෙනි කොටස
  13. යාල රිලවුන් පැන්නූ පූරි හිට් වෙයි! - තෙවෙනි කොටස
  14. යාල රිලවුන් පැන්නූ පූරි හිට් වෙයි! - සිව්වෙනි කොටස
  15. යාල රිලවුන් පැන්නූ පූරි හිට් වෙයි! - පස්වෙනි කොටස
  16. දුකයි! අන්තිම දුකයි!! සත්තෙන්ම හිරිකිතයි!!!
  17. දිසානායකලගෙ ටිකිරි මොළේ - පළමුවෙනි කොටස
  18. දිසානායකලගෙ ටිකිරි මොළේ - දෙවෙනි කොටස
  19. Neil හඳට - Sunil කරඬුවට - waල්ල බිමට
  20. වීරයා පණ පිටින්...........
  21. Desert Rose, අරවින්ද හා reiki - පළමුවෙනි කොටස
  22. Desert Rose, අරවින්ද හා reiki - දෙවෙනි කොටස
  23. කොටවන කතන්දරේ
  24. ඒකත් මංගල මුත්තමං!
  25. බක්කරේගේ Pork දානය - පළමුවෙනි කොටස
  26. බක්කරේගේ Pork දානය - දෙවෙනි කොටස
  27. පණ බේරපු කිරිල්ලී - පළමුවෙනි කොටස
  28. පණ බේරපු කිරිල්ලී - දෙවෙනි කොටස
  29. පණ බේරපු කිරිල්ලී - තෙවෙනි කොටස
  30. යන්ත්‍ර මන්ත්‍ර හරං කත්වා! - පළමුවෙනි කොටස
  31. යන්ත්‍ර මන්ත්‍ර හරං කත්වා! - දෙවෙනි කොටස
  32. යන්ත්‍ර මන්ත්‍ර හරං කත්වා! - තෙවෙනි කොටස
  33. යන්ත්‍ර මන්ත්‍ර හරං කත්වා! - සිව්වෙනි කොටස
  34. යන්ත්‍ර මන්ත්‍ර හරං කත්වා! - පස්වෙනි කොටස
  35. යන්ත්‍ර මන්ත්‍ර හරං කත්වා! - හයවෙනි කොටස
  1. අසිරිමත්වූ දේකි - පළමුවෙනි කොටස
  2. අසිරිමත්වූ දේකි -දෙවෙනි කොටස
  3. අසිරිමත්වූ දේකි -තෙවෙනි කොටස
  4. අසිරිමත්වූ දේකි -සිව්වෙනි කොටස

Sunday, January 6, 2019

සැවුළු සංහාරය - පළමුවෙනි කොටස

ඒවා මාළු වෙන්නට පෙර ජෑම් හරි හෝර්ලික්ස් හරි බෝතලය!

හැම දෙනාටම හැම දෙයම යාදෙන්නේ නැත. අපේ අජිත් මල්ලීට හොඳටම යාදුන්නේ සතුන් ඇති කෙරිල්ලය. මිනිහා සතුන් හොයාගෙන නොගියත් සත්තු මිනිහාව හොයාගෙන ආවෝය.

මුල්ම කාලයේ අපේ ගෙදර හැම කොල්ලාටම වගේ මාළු ටැංකියක් තිබුණා මතකය. ටැංකියක්? එතකොට හැබෑම ටැංකියකට කියන්නට නමක් නැහැ නෙව. ඒකත් ඇත්තය. ඔන්නොහෙ ඇත්තම නම කියමු. මාළු බෝතල්. එහෙම බෝතල් ජාතියකුත් නැත. 
ඒවා ‘මාළු’ වෙන්නට පෙර ‘ජෑම්’ හරි ‘හෝර්ලික්ස්’ හරි බෝතලය. මගේ අම්මෝ, ඒ දවස්වල එහෙම බෝතලයක් වුණත් ‘නිකිණි’ තරමටම හොයාගන්න අමාරුය.

ඔහොම පෙරුම් පුරලා, නහයෙන් අඬලා කාගෙන් හරි ඉල්ලාගන්නා වීදුරු බෝතලයකට දාගන්නට ‘සාරි ගප්පි’ හෙවිල්ල ඊළඟටය. උනුයි, මාළු ගස් දෙක තුනකුයි එකලස් කර ගත්තාම එයා මාළු ටැංකියක් නෙවෙයි, මින් මැදුරකම අයිතිකාරයෙක් වගෙය!

අපේ ගෙදරදී නම් එහෙම ‘ටැංකියක’ ජීවිතාන්තය දක්වා හිර අඩස්සියට වැටෙන මාළු හැබෑම වාසනාවන්තයෝ වූහ. පුළු-පුළුවන් හැම වෙලේම උන්ට මොනවා හෝ කෑම වැටෙයි. 
එව්වා ලොකු පරාසයක විහිදුනු ඒවාය. බත්, පාන්, රොටී වගේ ජාතිත්- අල, බතල, කොස්, දෙල්, මයියොක්කා වගේ ජාතිත්- මදුරු පණුවෝ, ගැඩවිල්ලු වගේ සතුනුත්. 
ලැයිස්තුව කියවන විට රඟේ තේරෙනවා ඇති නේද?

මාළු වාසනාවන්තය කිව්වේ, ඔහොම වැඩි දවසක් අධිපෝෂණය ලබන්නට උන්ට ඉඩක් නොලැබෙන නිසාය. කෑම වැඩිවෙන තරමට බෝතලයේ ඇති වතුර ටික පල්වෙන වේගයත් වැඩිවෙයි. එතකොට වතුර මාරු කරන්නට ඕනෑය. ඉතින් සමහර දවසක ටැංකි අයිතිකාරයා ඉස්කෝලේ ඉඳලා ගෙදර එන ඩිංගට මාළු සේරම කතාවෙලා, 
සමූහ වශයෙන්ම සියදිවි හානි කරගෙනත් අහවරය!

සාරි ගප්පි ටිකක් හොයා ගන්න බැරි නං ..............
අනෙක, තියෙන චූටි-ඇබින්දන් ඉඩ-කඩේවත් අසරණ මාළුන්ට නිදහසේ පීනන්නට හම්බ වෙන්නේ නැත. උන් පීනන්න ඕනා අපට ඕනෑ පැත්තටය. අපට පේන්නය. 
කන්න විතරක් නොවේ, බෙටි හළන්න වුණත් උන්ට නිදහසක් නැතිවා වගේය. 
මාළු කෑල්ලට (එහෙම කියන්නේ මාළුවා කියන එකේ ස්ත්‍රී ලිංගික පදය ඒක නිසාය) පැටව් ලැබෙන්න ඉන්නවා නම් තත්ත්වය තවත් දරුණුය. 
අපට හොරෙන් නම් බණ්ඩිය ලොකු වෙනවා බොරුය. 

එංගලන්තයට ගියාට පස්සේ ලීලා ෆෙඩ්‍රික් ශ්රෝඩාර් වුණු රහුබැද්දේ විදානේලාගේ ලීලාවතීගේ මව්තුමී; අපේ බදුල්ලේ ආච්චී ගමේ වින්නඹුවගේ රාජකාරියත් කළ බව මා කලින් කියා ඇත. ඒ එක්කම ඇය ගෙඩි වෙදකමටත් නම් දරා උන්නාය. 
මං අම්මාගේ කුසට එනවාත් එක්කම, තව ඩිංගෙන් මාවත් ගස්සලා යවන්නට ඇය සූජානම්වූ විදිය ‘ගස්සලා යවමුද?’ පෝස්ටුවලදී කිව්වෙමි.

බදුල්ලේ ආච්චී අයිති වෙන්නේ හොඳටෝම ඈත අතීත කාලයටය. 

එයාලගෙ කාලයේ ගම්වල ‘ඔපරේසන් ආම්පන්න’ තිබුණේ නැත. දරුවෙකු බිභි කරද්දී පෙකණිවැල කැපුවාය කියන්නෙත් වේවැලක් දෙකට පළලා අරන්ය. 
බදුල්ලෙ ආච්චී ගුරු මුෂ්ටි තියාගන්නේ නැතිවම අපේ අම්මාට ශිල්ප දෙන්නට හැදුවත් හරි ගියේ නැහැල්ලු. ආච්චිගේ පරම්පරාවෙන් ආ ශාස්ත්‍රය ආච්චිත් එක්කම අඩි හයක් යටට ගියේය! එහෙම වුණත්, ඒ ජාන අපටත් ඇවිත් තිබුණු නිසාදෝ පැටව් ලැබෙන්නට හිටි මාළු වැඩි දෙනෙක් මිය-පරලොව වැඩියේ අපේ අතින් බඩ මිරිකිලාය!

බදුල්ලේ ආච්චී මේ මිත්තණියට වඩා පිරිපුන්ය.
අනේ, අපෙන් කවුරුන්වත් එහෙම කළේ අහිතකින් නෙවේය; පරාණගාත අකුසලයක් කරන්නත් නෙවේ. පැටවුන් දැකගන්නට තිබුණු හදිස්සිය හින්දාය. 
‘ඉක්මන් කොටයි’ ආප්තෝපදේශය එතකොට අප නොදන්නා එකක් වෙන්නට ඇති. 
ඉතින් හදිස්සිය හිංදා බෝතලයේ මාළු හිඳුණාමත් අපට උත්තරයක් කිට්ටුවෙන්ම හම්බ වුණේය. තිත්තකඩයි!

අපේ ගෙදර තිබුණේ ලොකු වත්තක පහළම කෙළවරේය. ඊට පහළින් කොටුවේ ආච්චිගේ ඕවිටය.

කොරටුවේ වැඩවලට උදව් වෙන හිලව්වට, මුකුණුවැන්න ටික එකතු කරගන්නට මට ඉඩ දුන්නේ මේ කොටුවේ ආච්චිය. යකා වගේ උදැල්ලෙන් කොටුවේ බිම පෙරළන අතරේ ඩීමන් ආනන්ද ගැන මට කිව්වේ මේ කොටුවේ ආච්චිගේ පුත්තරයා චන්ද්‍රසේන මාමාය. 
මාර දිව්‍ය පුත්‍රයා වගේ මං ‘මීන සංහාරය’ කළේ මේ ඕවිටේය. 
පංච තන්තරේ මුල්ම පෝස්ටුවලදී මේවා ගැන මං කිව්වා මතකද? 

‘මඩ ගොහොරුවක පචවී’ පෝස්ටුවෙදී කී පරිදි mpm මාමා මහ වැස්සේ තෙමෙමින්, එළව-එළවා දුවමින්, බිරින්දෑට ඉණේ බඳින පටියෙන් තැළුවේ මේ ඕවිටට එපිටින් තිබුණු වෙල් යායේ මහ නියර දිගේය.

ඔන්න පින්තූරය completeය. අපේ වත්ත, පහළින් ඕවිට. ඊටත් එපිටින් වෙල. වෙල් යායේ මහ නියරත් ඕවිටත් අතරින් ගැලුවේ පුංචි දිය පාරකි. බඩදරු සාරි ගප්පි අම්මලා ‘නික්මන් ගමන්’ ගියාම ඒ තැන පුරවන්නට ආ තිත්තකඩයි හිටියේ අර දිය පාරේය. 
හැබැයි උන් සාරි ගප්පි විතර හැඩ නැත.

අපේ වත්ත පහළින් ඕවිටය. ඊටත් එපිටින්.....
මේ ටික කොටන්නේ උඩින් තියෙන හරිය කොටලා සෑහෙන වෙලාවකට පස්සෙය. හිතේ ඇනුණු හීනි කටුවක් තවමත් මගේ හදවත පාරයි! ‘ගප්පි’.

දැන් මා පෝස්ටු සීයකටත් වඩා ලියා ඇතත් තවම මගේ ජීවිත කතාවෙන් බිඳුවකි ලියැවී තිබෙන්නේ. අපේ අකුරුවලට වැඩියෙන් චිත්‍රපටයකට ලොකු බලයක් තිබෙයි. 
මනාව ගෙතූ කතාවක් මැනැවින් රූපවලට නඟා, සංගීතය එක්ක මුහු කර නිපදවෙන 
චලන චිත්‍රයකට ඇති බලය!

සේරම වැඩ නවත්තා මං ආයෙමත් ‘ගප්පි’ ෆිල්ම් එක උඩින්-පල්ලෙන් දිවෙව්වේ කඳුළු මැද්දෙනි. ගප්පිගේ ජීවිතයත් මට අපේ අතීතය සිහි කරවයි!

අද හෙටම මුහුදට හෝදාගෙන යන දිළිඳු ධීවර ගමක ඉන්නා අම්මෙක්. ඇය අබ්බගාතය; රෝද පුටුවකට සින්න වෙලාය. (දෙපා අහිමි අපේ තාත්තාට රෝද පුටුවක්වත් තිබුණේ  නැත!) ඇගේ සේරම කටයුතු කිරීම පැටවී තියෙන්නේ ගැටවර පුතාටය. 
අම්මාටත්, ගප්පින්ටත් මැදිවී ඉන්නා ඌ යකාගේ කොල්ලෙකි. 
නොදන්නා මඟුලක්, නොකරන මඟුලක් නැත. ඒ සේරම කරන්නේ ජීවත් වෙන්නය. 
උගේ එකම හීනය අම්මාට හොඳ රෝද පුටුවක් අරන් දෙන එකය. (අපේ ගෙදර නම් කාටවත් එහෙම හීනයක් තිබුණේ නැත. අඩුම තරමින් තාත්තාටවත්. මං ඒ කාලේ රෝද පුටුවක් දැකලාවත් තිබ්බේ නැත.)

මේ සේරමලාම ඇත්තටම මිහිපිට කොහේ හෝ හුස්ම ගන්නා.........

මේ පුත්තරයා 100%ක් ආදර්ශවත්; පින්වත් පුතෙක් නෙවේ. මහ පොළොවේ ඉන්නා පුතෙකි. මුඩුක්කුවල සිටින අනෙක් ගැටවරයන් එක්ක හිඳියි, හුස්ම ගනියි, දහම්ගැට ගහයි. 
මුස්ලිම් යව්වනියකගේ පස්සෙන් යයි! 
ගමේ කොල්ලන් එක්ක කෙල්ල දිනාගන්නට තරග කරයි. 
ඒත් කොල්ලන්ට කෙල්ලගේ හෙවණැල්ලවත් දකින්න වෙන්නේ එහෙමත් වෙලාවකය. 
ඒ අයගේ සීයා ඇයව 'මැණිකක් රකිනා නා රජිඳෙකුසේ රකිනා' තරම නිසාය.

මේ මැද්දට ජරාජීර්ණ දේශපාලකයොත්, කන්තෝරුකාරයොත්, සඳලුතලේක වැජඹෙන ඉන්ජිනේරුවෙකුත්..... ඒ අතරේ ගමට කොහෙත්ම පලක් නැති පාලමක්! 
කොමිස් ගහන්නටම අටවාගන්නා ‘සුදු අලියෙක්’.

අරුමය මේ හැමෝම මේ මිහිතලය උඩ හුස්ම ගන්නා අපේම උදවිය වීමයි; 
අපම වීමයි! එතැන ඉන්නේ අපමය. රඟන්නේ අපමය. 
දුක-සතුට-ප්‍රීති ප්‍රමෝදය-වෛරය වගේ හැඟීම් එක්ක පැටලෙන්නේ අපමය.

ස්තුතියි ‘බයිස්කෝප් සිංහලෙන්’!

මේකත් මට හමු වුණේ ඒ සයිට් එකෙනි. ගප්පි මලයාලම් චිත්‍රපටයකි. 
මලයාලම් කියූ ගමන්ම ඉස්සර නම් මාත් ඒක බලන අදහස අත්හරිනවාය. 
කොහොම තේරුම් ගන්නද? දැන් ‘බයිස්කෝප් සිංහලෙන්’ අඩවියේ හමුදාවට පිං සිදුවෙන්නට, කිසිම වියදමක් නැතිව අපට ‘උපසිරසි’ ලබාගන්නට ඉඩ තිබේ. ‘ඩේටා’ ටිකක් පිච්චෙනවා විතරය. 

මේ සලරුවට සිංහලෙන් උපසිරැසි සපයා තියෙන්නේ ‘සොනාලි තාරිකා’ය.

බයිස්කෝප් සිංහලෙන් අඩවියේ උපසිරැසිකාර සේනාවට පිං සිදුවෙන්නට දැන් අප කාටත්......
මං සැවුළු සංහාරයක් ගැන කියන්නට ඇවිත් මෙච්චෙල්ලාම කිව්වේ මාළු ගැනය. 
එහෙම කියන්නට වුණේ අපේ අජිත් මල්ලී නිසාය. සතුන් ඇති කිරීමේ expert මිනිහාය.
‘කාෆ් හෝ ගෝල්ඩ් ෆිෂ් හෝ පැටවුන් දැඩි කරගන්නට තැම්බූ බිත්තර කහමද ටැංකියේ වතුරට දිය කළ යුතුය’ වැනි ගුරු මුෂ්ටි හොයාගෙන එන්නට දක්ෂයා වුණේ අජිත්ය.

පොල් ගස්වල සිට තුන්ඉරි අප්පුලාගේ පැටවුන් බිමට වැටුණේ හරියටම අජිත් මල්ලී එතැනින් යන නැකත අල්ලලා වගේය. අඹ ගහේ හිටි ගිරා පැටියනුත් එහෙමය. 
බිමට වැටෙනවා නම් ඒ අජිත් මල්ලීව හොයාගෙනමය. ඒ මදිවාට අජිත්ගේ 'සත්ව වාසනාව' කුකුළොන්ටත් බෝ වෙලාය. මිනිහගෙ අතින් බිත්තර රක්කවන්න ගියාම නරක් වෙන්නෙත් නැතිම තරම්ය. නරක් වුණත් එක බිත්තරයක් විතරය.

ඔයින්-මෙයින් අපේ ගෙදර සතුන් ඇති කරන්නා බවට අජිත් මල්ලී පත් වුණේ නිතරගයෙනි.

තරහ අවසර! මේ තවත් පීලි පැනීමකි. 
අජිත් මල්ලී ඉපදෙන්නටත් කලින්, ඉස්-ඉස්සෙල්ලාම අපේ ගෙදර කුකුළු රංචුවක් හැදුවේ අපේ අම්මාය. එතකොට අපෙන් වැඩිදෙනා පුංචිය. 
කිකිළියක් බිත්තර රැක්කාට පස්සේ බිත්තරවලින් එන පැටවුන් බලන්න ලස්සනය, 
බෝල ගෙඩි වගේය, කඩිසර මෙන්ම හුරතල්ය. උන් පිරිවරාගෙන මහ කිකිළිය වත්ත පුරා සැරි සරන්නේ හරිම ආඩම්බරයෙනි. පොළොව පහුරුගාලා පැටවුන්ට කෑම හොයා දෙන්නේ පුදුම කැසිල්ලකින් දැවෙමිනි.

ඇගෙන් ඈතට යන පැටියෙක් දෙන්නෙක් මාන බලාගෙන ඉන්නා කපුටෙකුට ගොදුරක් වෙයි. ඒකටත් අපේ අම්මා පහසු විසඳුමක් හොයා ගත්තාය.

“මේ සුදු පැටව් දෙන්නා සුනිල්ට. කළු වයිරම් දෙන්නා නෝනාට. අනිල්ට මේ දුඹුරු පාට දෙන්නා.....” අම්මා ඔය විදියට අපට අයිතිය පවරයි.

අපේ ආණ්ඩු වගේය. අර භූමි, මේ භූමි කිය-කියා ඉඩම්වල භුක්තිය පැවරුවත් ඔප්පු-තිරප්පු දෙන්නේ නැත. ඒවා දෙන්නේ පස්සෙන් පහුය. අපේ අම්මා ඊටත් එහාය. 
අපට කුකුළු පැටවුන් පවරන්නේ උන්ව ආරක්ෂා කරවා ගන්නටය. උන් ලොකු මහත් වුණාම විකිණීමේ අයිතිය අම්මාටය. බිත්තරවල අයිතියත් අම්මාටය. 
බලාගෙන යද්දී අපේ අම්මාත් හොඳ නුවණක්කාරියක් නේද?

බෝල ගෙඩි වගේ කුකුළු පැටවුන් අපට බෙදා වෙන්කරන අම්මාත් අපේ ආණ්ඩු වගේ .............
කොයි කාලයේ වුණාද මතක නැතත් අන්තිමේදී අජිත්ට සතුන් රාජකාරිය පැවරුණේ සියලු හිමිකම් සහිතවය. මිනිහා කුකුළන් විතරක් නොවේ ඇති කළේ. 
කළුකුමාලා, ගිනිකුකුල්ලු හා තාරාවෝත් අපේ වත්තේ හිටියෝය.

පුෂ්පා රංජනී දිසානායක මෙනෙවිය අවුරුදු 23 දී ‘ග්‍රැමක්සෝන්’ පානය කර 
සිය දිවි නසා ගත්තේ ඔය කාලයේය!

ඒ අපේ ලොකු නංගීය. තවම මං ඇය ගැන කියා ඇත්තේ බොහොම චුට්ටකි. 
ඒකත් ‘අඟුල්මල් දහනය’ පෝස්ටුවේදීය. ඇත්තම කීවොත් තවමත් මගේ හිතේ; දෙනෙතේ ‘නෝනා’ ඉඳියි. ඉතින් කොහොමද එයා ගැන කියන්නේ, දෑසට කඳුළු උනද්දී?

නෝනා ළඟට අපේ පවුලේ ඉන්නා ගැහැනු ළමයා මානෙල්ය. ඉන්ද්‍රානි මානෙල්ය. 
එයාව ලැබෙන්නට අම්මාව රෝහල්ගත කළේ මාය. 
මානෙල්ටත් එයාගෙන් පස්සේ උපන් නංගිලා, මල්ලිලා හතර දෙනාටමත් නම් දැම්මේ මාය. ඔවුන් බිහි කිරීම සඳහා අම්මාව රෝහල්ගත කළෙත් මාය. 
අපේ පීතෘ රත්නය ඒ දරුවන් ජාතක කිරීමේ මෙහෙවර ඉටු කර, කල්-යල් බලලා වගේ රෝහල්ගත වුණු බව මුල් පෝස්ටුවලදී මා කියූ බව මතකය. 
ඒ නිසා ඒ විස්තර ආයෙත් කියන්න ඕනේ නැහැනේ.

නෝනා හෙවත් පුෂ්පා රංජනී හෙවත් අපේ ලොකු නංගි.............
ලොකු නංගි මිය යන විට මානෙල්ට වයස අවුරුදු 17 කි. 
එතකොට අපේ අම්මා එංගලන්තයට සංක්‍රමණයවී වසර 5 කි. 
චූටි නංගී; දීපානිට යාන්තම් අවුරුදු 9 කි. 
අම්මා රට යද්දී චූටි නංගිට අවුරුදු හතර වේගෙන එනවා විතරය.

“අයියේ, මොකද කරන්නේ? ඔයාගෙන් අකැමැත්තක් නැති නම් මං මල්ලිකාව කසාද බැඳලා මෙහාට කැන්දන් එන්නම්. දැන්  අපේ ගෙදරට ටිකක් හරි මෝරපු ගෑනු කෙනෙක් ඕනේ නේද?” සුනිල් ඇහුවේය. එතකොටත් සුනිල් මල්ලී බයිසිකල් රේස් පදින්නට ගිහින්, තවත් රේස්කාරයෙකුවූ චන්දරේ හා මිතුරුවී; ඊටත් වඩා චන්දරේගේ නංගී එක්කත් මිත්තරකම් ඇති කරගෙනය. 
මල්ලිකා ගල්හේන මෙනෙවියත් ඒ දිනවල සයිකල් රේස් පදින්නියකි. සුනිල් ප්‍රැක්ටිස් කළේ චන්දරේ, මල්ලිකා, මහතුන් හා රංජි එක්කලාය. 
මල්ලිකා එක්කලා වෙනමමත් ප්‍රැක්ටිස් කරන්නට ඇත්තේ තව දේවල්ය!

“හැබැයි අයියේ, තවම මල්ලිකා උයන්න නම් දන්නේ නැහැ. ඔයාටම තමයි කියලා දෙන්න වෙන්නේ. එයා දන්නෙ පරිප්පුවක් උයාගන්න විතරයි!”
“ඒකට නම් මොකද වෙන්නේ. මානෙල්නෙ නෝනා ඉඳිද්දීත් වැඩි හරියක් ඉව්වේ.” 
මගේ කැමැත්ත ලැබුණු නිසා සුනිල්ගේ කසාදය ඉක්මනින්ම කෙරිණි. 
ලොකු නංගිගේ මරණය වුණු අල්ල-පනල්ලේ හිංදා ලොකුවට මඟුලක් කෙරුණේත්  නැත.

ලොකු නංගිගේ මරණය වුණු අලුත නිසා ලොකුවට මඟුලක් කෙරුණේ..........
ඒ දවස්වල උඩහ ගෙදරට ඇවිත් හිටියේ ඊවා අක්කලාය. ඇයත්, ඇගේ සැමියා නන්දෙ අයියාත්, එකම දියණිය බේබිත් පමණි ඒ ගෙදර හිටියේ.

ඊට කලින් ඒ නිවස කුලියට ගෙන හිටියේ ‘ගජං ළමයා’; රොඩ්නි ප්‍රේෂර්ගෙ පවුලේ උදවියයි. එතකොට රොඩ්නි ඉලන්දාරියෙකුවත් නොවේ; කොලු ගැටයෙකි. අක්කා ෂර්ලිත්, ඇලන්- කොන්ඩ්රඩ් අයියලාත් නම් ලොකුය. ඩීඩා, ඩෝන් දෙන්නා හුරතල් කෙළි පැංචියන්ය! මතක නැත්තේ රොඩ්නිලගෙ ලොකුම අයියාගේ නමයි.

“නිමල් මල්ලී, මෙහෙම කොහොමද ඔයා සේරම කරගන්නේ? බතික් වැඩපොළේ වැඩයි, නංගිලා මල්ලිලාගේ වැඩයි සේරම?” ඊවා අක්කා දවසක් දිග කතාවකට හරි-බරි ගැහුණේ එහෙමය!

ඊවා අක්කාගේ කතාව ඊළඟ කොටසේදී කියවමු! හොඳේ.   

4 comments:

  1. මාළු වගේම කුකුළො හැදීමත් අපේ ගෙදර උනා .. කුකුළො හත් අටසීයක කුකුල් කොටුවක් තාත්ත කරා බිස්නස් එකක් විදිහට. පුත්තරය මාළු හැදුව ටැංකි කිහිපෙකම ... අන්තිමට දෙන්නටම ඔය කරුමන්ත දෙක එපා වෙලා අත ඇරල දැම්ම :-D

    අර මළබාරි ෆිල්ම් මතක් කරනකොටත් ගඟේ මාළු ඇඟේ නටනව ... මම මැදපෙරදිග ඇවිල්ල ඔයින් එවුන් 6-7ක් එක්ක අවුරුද්දක් හිටිය, උං බහුතරය එපා කරපු එවුන් !!!

    ReplyDelete
    Replies
    1. කණ්ඩා, ඔයත් හරියට වෙලේ ගොයම් මුවෝ කෑවාම ගෙදර තියෙන මුව හැමට තඩි බාපු මනුස්සයා වගෙයිනෙ. මැදපෙරදිගදී නසරානි ටිකක් හම්බවුනාට ඒ ජාතියේ ෆිල්ම්ස්තුත් එපා වෙනවද> ගප්පි ඉතාම මනරම් ෆිලුමක්!

      Delete
    2. මේ කියන්නෙ 2-3 දෙනෙක් ගැන නෙමෙයි මෙහේ පඳුරකට චූ කරන්නවත් බෑ මළබාරියෙක්ට වදින්නෙ නැතිව :-D

      Delete
    3. එහෙම වුණත් කියන්නේ කණ්ඩා, හැකි නම් ෆිලුම බලන්න!

      Delete