සොහොන් ලකුණු පෙනි-පෙනී ඉන්න ‘නිදි’ ඊයේ රෑ Final Destination - BLOODLINES බැලුවා. ඒ, කරමින් හිටිය රාජකාරිය; ඊළඟ post එක ලිවීම නවත්තලා.
55න් යන්න හිතාගෙන උන්නු මට හරියටම සොහොන් ලකුණු පෙනෙන්න
ගත්තේ 59දී. වැරදි බෝනස් එකකුත් එක්කම; මල්ටිපල් මයෙලොමාවත් ලැබුණාම.
 |
සතුටින් ජීවිතේ ගෙවපු නිසා මට මාරයා මුණ ගැහෙන්න බයක් හිතුණෙ නෑ! |
මගෙත් එක්කම ප්‍රතිකාර ගනිමින් උන්නු; මට වඩා තරුණ- මට වඩා ශක්තිමත් උදවිය අවුරුදු
දෙකෙන් තුනෙන් යද්දී මං හිතුවෙම ඊළඟට මං තමා කියලයි!
ඒ හින්දමයි මුලින්ම ලිව්වේ‘සොහොන් ලකුණු පෙනි-පෙනී’ කියල.
මට ‘මල්ටිපල්
මයෙලොමා’ව වැළඳිලාය කියල දැනගත්ත ගමන් ‘චිත්තම්මා’ගේ දෙවෙනි පුත්‍ර රත්නය; ඕස්ට්‍රේලියාවේ
ඉන්න වෛද්‍ය නලින් ප්‍රියදර්ශන හිතවතා ඒ ලෙඩේ ගැන විස්තරාත්මක ඊමේල් එකක් එව්වා.
එයින් කියවුණු විදිහට මේ ලෙඩ්ඩු වැඩි දෙනෙක් ඉක්මනටම යන පාටයි පෙනුණේ.
වෛද්‍ය
විද්‍යාලයේදී නලින්ගේ බැචාලා වුණු උදවිය තමයි අයස්මන්ත, ශිරන්ත, චමින්ද (පෝල්), ලාල්,
ඩොනල්ඩ් කියන්නේ. (මේ කිව්වේ මගෙත් මිතුරන් වෙච්චි අය
ගැන විතරයි.)
නලින්ගේ අයියා තමයි WAL ප්‍රියන්ත. ප්‍රියන්තලගේ අම්මා; චිත්තම්මලාගේ නෑදෑයෝ සේරම (සීයකටත් වැඩිය) එකතු වෙලා තමයි මගේ
වෙනුවෙන් පළමුවෙනි බෝධි පූජාව තිබ්බේ.
ප්‍රියන්ත
ප්‍රමුඛ මගේ යාළුවන් තමයි මට ඉක්මනට යන්න එහෙම එපැයි කියලා තදින්ම කියන්නේ. World
Record එකක් තියලම යන්නයි කියන්නේ. මොකද මයෙලොමාකාරයෙක් ඉඳල තියෙන වැඩිම කාලෙ අවුරුදු
14යිලු. මං වහන්සේ දැනට දොළහක් ඉඳලා තියෙනවාලු.
ඇත්තම
කිව්වොත් මම නං ඔව්වා එකක්වත් හිතේ තියාගෙන ඉන්නේ නෑ. ජීවත් වෙන ටික කාටවත් බරක්
නොවී සතුටින් ඉන්නයි මට ඕනේ.
ඒ වගේම මොකක්දෝ
වාසනා ගුණයකුත් මට තියෙනවයි කියලත් වෙලාවකට හිතෙනවා.
නැත්තං 71 කැරැල්ල ඉවර වෙච්චි ගමන්ම වගේ ගෙදරින් දුන්හිඳ කැලෑවට පැනල ගිය වෙලාවෙත් පණ බේරෙයිද?
අනුරාධපුරේ මල්වතු ඔයේ ගහගෙන යද්දී සෞඛ්‍යදාන ව්‍යාපාරයේ කිරිල්ලී (දැන් ඉතාලියේ
ඉන්නා අනූ කිරිල්ලවල) වතුරට පැනලා මාව බේරා ගනියිද?
1999දී බඩල්කුඹුරේ පරෙයියන් ඇල්ලෙන් පහළට වැටෙන්න ගිහිං අතක් පැනලා (විසන්ධි වෙලා) විතරක් නූලෙන් බේරෙයිද?
ඒ අවුරුද්දෙදිම ප්‍රියන්තයි, හේමන්තයි එක්ක වෑන් එකක එද්දී, ඒ වාහනේ මහ පාන්දර හැරිලා- පෙරළිලා ඔලුවෙන් හිටගත්ත accident එකේදිත් ලේ ගලන තුවාලයක්වත් නොවී
බේරෙයිද?
මේ අවුරුද්දෙම දෙවතාවක්‌ ලෙස්සලා වැටිලත් (බෙහෙත්
නිසා හොඳටම දුර්වල වෙලා තියෙන) අස්ථි පංජරෙන් එකක්වත් නොබිඳී බේරෙයිද?
එහෙම
බලද්දී නං, මට සොහොන් ලකුණු පෙනෙන්න පටන්ගෙන තියෙන්නෙ බොහොම කල් ඉඳලා!
මාරයාට මගේ ගැන වෙනම plan එකක් තියෙනවාවත්ද?
 |
කරන වැඩවලින් සතුටක් ලබා ගන්න ඇහැකියි නං... |
‘හොඳ වැඩ කරනකොට බෝනස් හම්බ වෙයි කියලා හිතන්න එපා...’ දෙපා අවසඟව උන් පාපන්දු පිස්සා රාජමනි අංකල් කියලා දුන්නු පාඩමකුත් සිහියේ තියාගෙනයි නිදි එහෙම
කරන්නේ.
පුළුවන් විදිහට යහපතක් කරලා, උදව්වක් වෙලා, කෑමක් උයලා, ඒකෙන් තව කෙනෙකුට සංග්‍රහ
කරලා, පැළයක් හිටවලා, blog post එකක් ලියලා, සිංදුවක් අහලා, film එකක් බලලා, නාට්‍යයක්
බලලා, පොතක් කියවලා එහෙම මං කරන්නේ මටම ත්‍යාගිවන්ත වීමක්.
තමන් කරන ඕනෑම වැඩකින් සතුටක් ලබා ගන්න ඇහැකියි නං ඒකම තමන්ට දීගන්න ලොකු තෑග්ගක් නේද?
ඉතිං
ඊළඟ post එක ලියමින් ඉන්න ගමන් මහන්සියක් දැනුණාම තමයි ‘ෆයිනල් ඩෙස්ටිනේෂන් -
බ්ලඩ්ලයින්ස්’ බලලා නිඳා ගන්න ගියේ, ‘ගතවුණු දවසට ස්තුති’ කරමින්.
නිදි උදේ
පාන්දර නැඟිට්ට ගමන් කුස්සියට යන්නේ ‘උදාවුණු දවසට ස්තුති’ කරමින්. කෝපි එක හදන
අතරේ ‘මගේ ස්තුති භාවනාවේ’ තවත්
පියවරක් ඉස්සරහට තියනවා.
‘හැම දෙනාටම- ලෝකෙ ඉන්න හැම කෙනාටම, හැම දේකටම ස්තුතියි! ...’ ඊළඟට කෝපි එක තොල ගාන්නේ කම්පියුටරේ on කරගෙන...
පුරුද්දක්
විදිහටම මං අසුබවාදී දේවල් බලන්නේ හා ඒවට අවධානය දෙන්නේ බොහොම අඩුවෙන්. ඒත් ඒ සිරිත කැඩෙන; කඩන
වෙලාවලුත් තියෙනවා තමයි.
ඊයේ මගේ
ඇහැ ගැහුණු ප්‍රවෘත්ති තුනකම තිබ්බේ මහා සහගහන වැඩක් ගැන පුවතක්. ඒවා කියවපු ගමන්ම
මට හිතුණේ එකයි.
‘මටත් මේ ජරා බෙහෙත් දෙන්න ඇත්ද?’
මෙච්චර
කාලෙකට මට කෙරෙන ප්‍රතිකාර මොනාද කියල මං හොයල නෑ. ඒ තියා මාසිකව මට කෙරෙන blood
tests මොන-මොනවද කියලවත් මං තවම හරියට දන්නෙ නෑ. මං එව්වයේ රිසල්ට්ස් එකක්
දිහාවවත් බලන්නෙත් නෑ. (ඒ ගැන හැම මාසෙකටම සැරයක් අයස්මන්ත, මර්වින්, නෙවිල් තුන්
දෙනාගෙන්ම කණ පිරෙන්නම අහගන්නවත් එක්ක.)
ඒත් ඒවා බලන්න ඕනේ දොස්තර මහත්තුරු නෝනලා වගේ විෂය උගත් අයනෙ. මං වගේ දුහුනෙක් මොනවා
දන්නවද?
මටත්
වැඩිය අසරණ වුණු පිළිකා ලෙඩුන් කොච්චර ඉන්නවද මේ රටේ? ඒ ලෙඩ්ඩුන්ගෙන්
කී දෙනෙකුට මේ බෙහෙත් නොවෙන ජරා ලුණු වතුර දෙන්න ඇත්ද? මේ තක්කඩි යක්කු නිසා ඒ
රෝගීන්ගෙන් කී දෙනෙක් මෙලහටත් එලොව ගිහිං ඇත්ද? දැන් ඔයාල හිතනව ඇති මොකක්ද මේ
හුටපටේ කියල.
ඒ නිසා අපි චුට්ටක් බලල ඉඳිමුකො විස්තරේ ගෙඩිය පිටින්ම.
 |
ස්වාමීනි, ප්‍රශ්නගත ඉමියුනෝග්ලොබියුලින්
ඖෂධය සහ පිළිකා රෝගීන් වෙනුවෙන් ලබාදෙන ඖෂධය සම්බන්ධයෙන්... |
හිටපු සෞඛ්‍ය අමාත්‍ය කෙහෙළිය රඹුක්වැල්ලගේ ධුර කාලයේදී මෙරට රෝහල් තුළ බෙදා හැරුණු ප්‍රශ්නගත ප්‍රතිදේහ ඖෂධවල කිසිදු ඖෂධයක් නොමැති බව හා ඒවා තුළ මිනිස් සිරුරට අහිතකර මාරාන්තික බැක්ටීරියා ද්‍රාවණයක් ඇති බවටත් ජර්මනියේදී කළ පර්යේෂණයකින් අනාවරණ වී තිබෙනවා.Sri
Lanka Latest News
නීතිපති දෙපාර්තමේන්තුව අද අධිකරණය හමුවේ මේ බව සඳහන් කරමින් වැඩිදුරටත් පැවසුවේ පිළිකා රෝගීන් වෙනුවෙන් ගෙන්වන ලද ඖෂධයක තිබී ඇත්තේ ලුණු ද්‍රාවණයක් පමණක් බවටද අදාළ පර්යේෂණයෙන් අනාවරණ වී ඇති බවයි
මාලිගාකන්ද මහේස්ත්‍රාත් අධිකරණය හමුවේ විභාගයට ගැනුණු ඊට අදාළ නඩු විභාගය අද දිනයේදී අවසන් කෙරුණු අතර, අදාළ නඩුව මහාධිකරණ ත්‍රිපුද්ගල විනිසුරු මඩුල්ලක් හමුවේ යළි විභාගයට ගැනීමට නියමිතයි.
ප්‍රමිතියෙන් තොර ඉමියුනෝග්ලොබියුලීන් ඖෂධ ගනුදෙනුවට අදාළව හිටපු සෞඛ්‍ය අමාත්‍ය කෙහෙළිය රඹුක්වැල්ල ඇතුළු සැකකරුවන් 9 දෙනෙකුට එරෙහි නඩු විභාගය අද මාලිගාකන්ද මහේස්ත්‍රාත් ලෝචනී අබේවික්‍රම මහත්මිය හමුවේ විභාගයට ගැනුණා.
එහිදි නීතිපතිවරයා වෙනුවෙන් පෙනී සිටි නියෝජ්‍ය සොලිසිටර් ජනරාල් ලක්මිණි ගිරිහාගම මෙනෙවිය ප්‍රශ්නගත අදාළ ඖෂධ සම්බන්ධයෙන් ලෝක සෞඛ්‍ය සංවිධානයට අනුබද්ධ ජර්මානු පර්යේෂණ ආයතනයකින් ලබාගත් වාර්තාවක් අධිකරණයට ඉදිරිපත් කළා.
එම වාර්තාව ඉදිරිපත් කරමින් ඇය පැවසුවේ ‘ස්වාමීනි, ප්‍රශ්නගත ඉමියුනෝග්ලොබියුලින් ඖෂධය සහ පිළිකා රෝගීන් වෙනුවෙන් ලබාදෙන ඖෂධය සම්බන්ධයෙන් ලෝක සෞඛ්‍ය සංවිධානයට අනුබද්ධ ජර්මනියේ රසායනාගාර පර්යේෂණ ආයතනයක් විසින් කළ පර්යේෂණ වාර්තාව මේ වන විට ලැබිලා තියෙනවා.
-මේ පර්යේෂණය සඳහා ප්‍රශ්නගත ඖෂධ සාම්පල 200ක් පමණ යොමුකළා. ඒ පර්යේෂණයට අනුව ප්‍රශ්නගත ඉමියුනෝග්ලොබියුලින් ඖෂධය තුළ මිනිස් සිරුරට අහිතකර මාරාන්තික බැක්ටීරියා ද්‍රාවණයක් ඇති බව අනාවරණ වෙලා තියෙනවා. ඒ වගේම පිළිකා රෝගීන් වෙනුවෙන් ලබාදුන් ඖෂධයේ ලුණු ද්‍රාවණයක් පමණක් අඩංගු බවත් ඒ වාර්තාවේ දැක්වෙනවා.
ඒ වගේම මේ ද්‍රාවණ තුළ කිසිදු ඖෂධමය ද්‍රව්‍යයක් අඩංගු නොවෙන බවත් ඔවුන් කියනවා. ඒ අනුව බැක්ටීරියාවක් වර්ධනය වුණ ලුණු සහිත ද්‍රාවණයකට තමයි ස්වාමීනි රජයේ මුදල් ලක්ෂ 1444 ක් වැයකරලා තියෙන්නේ.’
 |
මේ වගේ මජර සතෙකු හැටියට... |
අදාළ සැකකරුවන්ට එරෙහිව ලබන සඳුදා මහාධිකරණය හමුවේ අධි චෝදනා ගොනුකර නඩු පැවරීමට පියවර ගන්නා බවද, නියෝජ්‍ය සොලිසිටර් ජනරාල්වරිය සඳහන් කළා.
මෙම නඩුවේ සැකකරු වන හිටපු සෞඛ්‍ය අමාත්‍ය කෙහෙළිය රඹුක්වැල්ල සහ ප්‍රශ්නගත බාල ඖෂධ සැපයු සමාගමේ හිමිකරු වන සුගත් ජානක ප්‍රනාන්දු අතර දුරකථන සංවාද අටක් සිදුව ඇති බවත්, තවත් සැකකරුවෙකු වන සෞඛ්‍ය අමාත්‍යංශයේ හිටපු අතිරේක ලේකම් සමඟ දුරකථන සංවාද 31 ක් සිදුව ඇති බවත් පැවසූ නියෝජ්‍ය සොලිසිටර් ජනරාල්වරිය පැවසුවේ සෙසු ඖෂධ සැපයුම්කරුවන් සමඟ එවැනි සංවාද සිදුකර නොමැති බවයි.
ඉදිරිපත් වූ කරුණු සැලකිල්ලට ගැනීමෙන් අනතුරුව තම අධිකරණයට අදාළ නඩු කටයුත්ත අවසන් කිරීමට මාලිගාකන්ද මහේස්ත්‍රාත් ලෝචනී අබේවික්‍රම මහත්මිය නියෝග කළා.’
මහ ලොකු හුස්මක් පිට කළත්, හීල්ලුවත් හිතේ ඇති
වුණු බර තුනී වුණේ නෑ.
ලියමින් හිටිය post එක නවත්තලා මේ ගැන ලිව්වොත්... (‘හතලිහේදී... දහතුන්වෙනි කොටස’ ලියල
අතහැර දැම්මය කියලත් කියවන රසිකයන් හිතාගෙන ඇති. ඊළඟට ඒ සීරීස් එකේ 14 ලියන්නත්
ඕනි නේද? තමුසෙ ඒ වැඩේ කරන්නනෙ හිතං උන්නේ...’ හිත මතක් කළා.)
ඒත් ඒ අස්සේම මේ post එක ලියන්නම ඕනියි කියල හිත එකහෙලාම කියා සිටියා... ඉතිං
ලියන්න ගත්තා.
ඒ දවස්වල; ඒ කිව්වේ 1980 ගණන්වල ‘සක්විති සුවය’
film එක නිෂ්පාදනය කරපු කලාකාමී කෙහෙළිය මහත්තයා කොහොමද මේ වගේ මජර සතෙකු හැටියට රූපාන්තරණය
වුණේ. (තවම උන්නැහේ නීතියෙන්ම වැරදිකාරයෙකු වෙලා නැති එකේ... මජර කෙනෙක් කියලා
ලියන එක සාධාරණද මංදා.)
කෙනෙකුට කොච්චර වස්තුව තිබුණාම ඇතිද?
කෙනෙකුගෙ තණ්හාවට සීමාවක් නැතිව යන්නේ ඇයි? එතකොට මනුස්සකම නැත්තටම නැතිව යනවද...
එහෙන්, ශ්‍රී ජයවර්ධනපුර රෝහලේ විශේෂඥ ස්නායු ශල්‍ය
වෛද්‍යවරියක විදිහට සේවය කළ හිපොක්‍රටීස් දියණියක් ෂයිලොක් දියණියක් වෙලා. සාමාන්‍ය
වර්තමාන වෙළඳපොළ මිල රුපියල් 46,500/-ක් වෙන EVD යන මෙවලමක් රුපියල් 120,000/- සිට රුපියල්
250,000/-
තෙක් වැඩි මිලකට විකුණන ජාවාරමක්
කරලා දැන් අත්අඩංගුවේලු.
මෙහෙන්, එක කිරි ගවයෙක්වත් ගේන්නේ නැතිව රුපියල් කෝටි 211ක් අත්තිකාරම් වශයෙන් ගෙවපු කේස් එකක්...
 |
එහෙම කරල සැනසිල්ලේ හිටියැකිද... නිඳා ගත්තැකිද... සක්විති සුවය විඳිතැකිද? |
එහෙම කරල සැනසිල්ලේ හිටියැකිද... නිඳා ගත්තැකිද... සක්විති සුවය විඳිතැකිද...
Final Destination – BLOODLINES ෆිලුමේත්
කතාව ගෙතෙන්නෙ මාරයා වටා. මාරයාගේ තීරණ කලින් දැකගැනීමේ හැකියාව ලබන කෙනෙකු ඒවා
නැවත්තුවොත් මොකද වෙන්නේ? කවුද අන්තිමට දිනන්නේ...
මොන උප්පරවැට්ටියකින් හරි සල්ලි හම්බ කරලා ගොඩ
ගහගන්න පුරුදු වෙලා ඉන්න අයට ‘ෆයිනල් ඩෙස්ටිනේෂන්’ filmsවලින් එකක්වත් පෙන්නුවොත්...
නැත්තං ‘ලෝ වැඩ සඟරාව’ කියවලා දුන්නොත්... අඩුම
තරමින් මේ කවියවත්...
කොතැන වුණත් නැත මරුහට බාදා
විඳින මෙසැප පින් ඇති තෙක් වේදා
ගෙවන සසර දුක් බුදු බණ නාදා
කුමන නැටුම් කෙළි කවට සිනාදා
Post එකේ අන්තිම හරිය ලියාගෙන යද්දී
යාළුවෙකුගෙන් ඇමතුමක්... ඇමතුම අතරේ ප්‍රශ්නයකුත්. “දැන් නං තමුසෙටත් හරි සතුටු ඇති
නේද? අන්න අරහෙ තව හොරු වගයක් මාට්ටු වෙන්න යනවලු... වැඩේට කලින්ම හෙණට සද්දේ... සේරමලගෙන්ම පළි
ගන්න වගෙයි හදන්නේ.”
“සතුටුයි නේන්නං.” මම කිව්වා.
‘අපේ ඡන්දයෙන් මාලිමාව බලයට පත් කෙරුවේ නැතිනං මේ හොරකම් එකක්වත් මෙහෙම එළියට ඇදේවිද?
අනෙක ඉතිං අබ කෑ මිනිස්සුන්ගෙනෙ මොළේ දන්නේ!’
මං ඒ ටික යාළුවාට කිව්වේ නෑ. මොකටද එයාගේ හිත පාරවලා කුරුවල් කරන්නේ. එයාලම ඇත්ත තේරුම්
ගනීවි නෙව ඉක්මනින්෴0෴
ලංකාවේ බෙහෙතක් register කරන්න යම් ක්‍රමවේදයක් තියනවා. COVID කාලේ ලංකාවට බෙහෙත් යවන්න try කරපු හැමෝම මේක දන්නවා. ඒ ක්‍රමයට පටහැනිව IVIG ගෙන්නුවද ලංකාවේ හැදුවද කියන එක පැහැදිලි නැහැ. දැනට තියෙන්නේ ඒක පාර්ශවිකව නීතිපති දෙපර්තුමේන්තුවෙන් කියන දේවල්. IVIG පරික්ෂකලා, තියෙන්නේ Bacteria කියලා තමයි නීතිපති දෙපාර්තුමේන්තුවේ නෝනා කියලා තිබ්බේ.අනිත් ඖෂධයේ නමවත් නැහැ.එහෙම උනොත් කෙහෙලියට කලින් ඖෂධ නියාමන අධිකාරිය වගකිව යුතු වෙනවා. වග උත්ත්රකරුවන්ට අදහස් දක්වන්න ඉඩදෙන්න. විද්‍යාත්මක පරීක්ෂණයකට යන්න. මහේෂි ගේ සිද්ධියේත් ඇයව වරදකාරයා කරලා ඉවරයි. මේ සිද්ධි dramatize කරලා අඩි හප්පලා උසාවියේ දිග හැරෙනවා. කෙහෙළිය වගේ දේශපලකයෝන්ට නම් මේවා ප්‍රශ්න නෙමෙයි. ලංකාවේ රෝහල් වල සමහර උපකරණ ප්‍රමිතියෙන් අඩුයි ගණනත් අඩුයි. පිට බෙහෙත් උපකරණ මිලෙන් වැඩි සමහරවිට හොඳ ප්‍රමිතියෙන් යුතුයි.වෛද්‍යවරු සහ සමාගම් අතර ආර්ථිකමය සම්බන්ධතා බිහිවෙන්නේ ඔහොම.
ReplyDeleteඔයාගේ මතය එක්ක ගොඩක් දුරට එකඟයි ඒ වගේම ඖෂධ නියාමනය, විනිවිදභාවය සහ වගවීමIVIG සහ සාෆි සිද්ධිවලින් ගත් පාඩම් අමතක නොකළ යුතුයි
Deleteඔබ පෙන්වා දෙන විදියටම ශ්‍රී ලංකාවේ ඖෂධ නියාමන ක්‍රියාවලියේ, විශේෂයෙන්ම ඖෂධ ආනයනයේ සහ තත්ත්ව පාලනයේ ඇති සංකීර්ණතා, විනිවිදභාවය නොමැතිකම සහ ඒ ආශ්‍රිත දූෂණ අවදානම් පිළිබඳව ඉතා වැදගත් අදහස්. IVIG සිද්ධිය මේ සියල්ල එකිනෙක බැඳී ඇති ආකාරය පෙන්වන හොඳම උදාහරණයකි. කෙසේ වෙතත්, මෙය අපට සාෆි සිද්ධිය සිහිගන්වමින්, අහිංසකයන් බිල්ලට ගනිමින් සැබෑ වැරදිකරුවන් බේරා ගැනීමට දරන උත්සාහයක්ද යන සැකය මතු වෙනවා.
ඕනෑම ඖෂධයක් ශ්‍රී ලංකාවට ආනයනය කිරීමට හෝ මෙරට නිෂ්පාදනය කිරීමට පෙර, ජාතික ඖෂධ නියාමන අධිකාරියේ (NMRA - National Medicines Regulatory Authority) අනුමැතිය සහ ලියාපදිංචිය (Registration) අත්‍යවශ්‍යයි. මෙම ක්‍රියාවලිය දැඩි විද්‍යාත්මක හා සායනික පරීක්ෂණ මත පදනම් වන අතර, ඖෂධයේ කාර්යක්ෂමතාව (Efficacy), ආරක්ෂාව (Safety) සහ ගුණාත්මකභාවය (Quality) තහවුරු කිරීම එහි ප්‍රධාන අරමුණයි. COVID-19 වසංගත සමයේදී පවා ඖෂධ ආනයනය කිරීමට උත්සාහ කළ බොහෝ දෙනෙකුට මෙම ක්‍රමවේදයේ සංකීර්ණත්වය සහ අවශ්‍යතාවය අවබෝධ වුණා.
IVIG සම්බන්ධයෙන් ඇති වී තිබෙන ගැටලුව ඔබ පෙන්වා දෙන පරිදිම, මෙම නීතිමය ක්‍රමවේදය අනුගමනය නොකළ බවට චෝදනා එල්ල වීමයි. "IVIG ගෙන්නුවද ලංකාවේ හැදුවද කියන එක පැහැදිලි නැහැ" යන ඔබගේ ප්‍රකාශය, සිද්ධියේ ඇති විනිවිදභාවය නොමැතිකම සහ මහජනතාව තුළ පවතින සැකය මනාව පෙන්නුම් කරනවා. ඖෂධයක් ආනයනය කිරීමේදී හෝ නිෂ්පාදනය කිරීමේදී, එහි මූලාශ්‍රය, නිෂ්පාදිත රට, සැපයුම්කරු සහ ආනයන බලපත්‍ර පිළිබඳ පැහැදිලි තොරතුරු තිබිය යුතුයි. මෙම තොරතුරු නොමැති වීම බරපතල ගැටලුවක්!
පරීක්ෂණ ප්‍රතිඵල, චෝදනා සහ සාධාරණත්වයේ සටන
"IVIG පරීක්ෂකලා, තියෙන්නේ Bacteria කියලා තමයි නීතිපති දෙපාර්තමේන්තුවේ නෝනා කියලා තිබ්බේ. අනිත් ඖෂධයේ නමවත් නැහැ." යනුවෙන් ඔබ සඳහන් කරන්නේ, නීතිපති දෙපාර්තමේන්තුව විසින් ඉදිරිපත් කරන ලද කරුණු පිළිබඳවයි. යම් ඖෂධයක බැක්ටීරියා අඩංගු වීම හෝ එහි නමවත් නිවැරදිව හඳුනාගත නොහැකි වීම, එය භයානක ලෙස ප්‍රමිතියෙන් තොර බවට සහ මිනිස් ජීවිතවලට තර්ජනයක් බවට වූ බරපතල චෝදනාවක් බව ඇත්ත
කෙසේ වෙතත්, "ඒක පාර්ශවිකව නීතිපති දෙපාර්තමේන්තුවෙන් කියන දේවල්" පමණක් ප්‍රමාණවත් නැහැ. නීතියේ ආධිපත්‍යය යටතේ, වගඋත්තරකරුවන්ට (Defendants) තම අදහස් ඉදිරිපත් කිරීමට සහ තමන් නිර්දෝෂී බව ඔප්පු කිරීමට අවස්ථාව ලබා දිය යුතුයි. එසේම, ස්වාධීන, විද්‍යාත්මක පරීක්ෂණ මගින් මෙම චෝදනා තහවුරු කර ගැනීම අත්‍යවශ්‍යයි. මෙවැනි සිදුවීම් "dramatize කරලා අඩි හප්පලා උසාවියේ දිග හැරීම" දේශපාලන වාසි ලබාගැනීමක් විය හැකි අතර, එයින් සත්‍යය යටපත් විය හැකියි.
Deleteඖෂධ නියාමන අධිකාරියේ වගකීම සහ "සාෆි" පුනරාවර්තනයක් වුණොත්
"එහෙම උනොත් කෙහෙළියට කලින් ඖෂධ නියාමන අධිකාරිය වගකිව යුතු වෙනවා." යනුවෙන් ඔබ පෙන්වා දෙන කරුණ අතිශයින්ම නිවැරදියි. NMRA යනු ඖෂධවල ආරක්ෂාව සහ ගුණාත්මකභාවය සහතික කිරීමේ ප්‍රධාන නියාමන ආයතනයයි. යම් ඖෂධයක් ප්‍රමිතියෙන් තොරව, නිසි ලියාපදිංචි කිරීමකින් තොරව රටට ඇතුළු වූවා නම්, එහි ප්‍රාථමික වගකීම පැවරෙන්නේ ඖෂධ නියාමන අධිකාරියටයි. ඔවුන්ගේ අනුමැතියකින් තොරව එවැනි ඖෂධයක් ආනයනය වීම වැළැක්වීමට ඔවුන්ට නොහැකි වීම බරපතල අඩුපාඩුවක්.
මෙම සිදුවීම, සාෆි සිද්ධිය සිහිගන්වනවා. සාෆි සිද්ධියේදී මෙන්ම, මෙහිදී ද "මහේෂිගේ සිද්ධියේත් ඇයව වරදකාරයා කරලා ඉවරයි" යනුවෙන් ඔබ කියනවා සේ, පුළුල් විමර්ශනයකින් තොරව එක් පාර්ශවයක් පමණක් වරදකරු කිරීම, සාධාරණත්වය කඩකිරීමක් විය හැකියි. "කෙහෙළිය වගේ දේශපාලකයෝන්ට නම් මේවා ප්‍රශ්න නෙමෙයි" වුවත්, එය පොදු මහජනතාවගේ විශ්වාසය පළුදු කරන අතර, සැබෑ වැරදිකරුවන් නීතියේ රැහැනෙන් බේරීමට ඉඩ සලසනවා. සාෆි සිද්ධියේදී මෙන්, දේශපාලන බලපෑම් මත සිද්ධිය යටපත් වී, සත්‍යය වසන් වීමේ අවදානමක් පවතිනවා. මෙය තවත් සාෆි සිද්ධියක් වේවිද යන සැකය බැහැර කළ නොහැකියි.
වෛද්‍ය උපකරණවල ප්‍රමිතිය සහ ආර්ථිකමය සම්බන්ධතා ජාලය, "ලංකාවේ රෝහල් වල සමහර උපකරණ ප්‍රමිතියෙන් අඩුයි ගණනත් අඩුයි. පිට බෙහෙත් උපකරණ මිලෙන් වැඩි සමහරවිට හොඳ ප්‍රමිතියෙන් යුතුයි." මෙම තත්ත්වය දේශීය සෞඛ්‍ය පද්ධතියේ පවතින තවත් ප්‍රධාන ගැටලුවක්.
අඩු ගුණාත්මකභාවය සහ මිල: අඩු මිලට ලබා ගත හැකි උපකරණ හෝ ඖෂධ සමහර විට ප්‍රමිතියෙන් තොර විය හැකි අතර, එය රෝගීන්ගේ ජීවිතවලට සෘජුවම බලපානවා. විශේෂයෙන්ම, මිලදී ගැනීමේ ක්‍රියාවලියේදී දූෂණ සහ අක්‍රමිකතා සිදුවන විට, අඩු ගුණාත්මක භාණ්ඩ රටට ඇතුල් වීමේ අවදානම වැඩි වෙනවා
"වෛද්‍යවරු සහ සමාගම් අතර ආර්ථිකමය සම්බන්ධතා බිහිවෙන්නේ ඔහොම." යනුවෙන් ඔබ පෙන්වා දෙන කරුණ ශ්‍රී ලංකාවේ සෞඛ්‍ය ක්ෂේත්‍රයේ පවතින නොපෙනෙන දූෂණ ජාලයක් පිළිබඳවයි. ඇතැම් විට වෛද්‍යවරුන්ට හෝ රෝහල්වලට යම් යම් දිරිගැන්වීම් (කොමිස් මුදල්, විදේශ සංචාර) ලැබෙන නිසා, ඔවුන් අඩු ගුණාත්මක භාවයකින් යුක්ත වුවත්, යම් සමාගමකින් ඖෂධ හෝ උපකරණ මිලදී ගැනීමට හෝ නිර්දේශ කිරීමට පෙළඹිය හැකියි. මෙය සෞඛ්‍ය සේවයේ වෘත්තීය ආචාර ධර්ම උල්ලංඝනය කිරීමක් වන අතර, අවසානයේදී පීඩාවට පත්වන්නේ රෝගීන්.මගේ අදහස IVIG සිද්ධිය හුදෙක් එක් ඖෂධයක ගැටලුවක් නොව, ශ්‍රී ලංකාවේ සමස්ත ඖෂධ නියාමන ක්‍රියාවලියේ, ප්‍රසම්පාදන ක්‍රමයේ සහ වගවීම් යාන්ත්‍රණයේ පවතින දූෂණ, අකාර්යක්ෂමතා සහ විනිවිදභාවය නොමැතිකම පිළිබඳ කැඩපතක් බව. මෙය සාෆි සිද්ධිය මෙන්, දේශපාලන වාසි තකා සත්‍යය වසන් කර, අදාල නොවන නිර්දෝෂී අයට පවා වරද පැටවීමේ උත්සාහයක් විය හැකි බවට සැකයක් පවතිනවා. මෙවැනි සිදුවීම්වලින් පාඩම් ඉගෙන ගෙන, වගකිවයුතු ආයතන ශක්තිමත් කරමින්, විද්‍යාත්මක පදනමක් මත සහ විනිවිදභාවයෙන් යුතුව කටයුතු කිරීම අත්‍යවශ්‍යයි. එසේ නොවුණහොත්, "කෙහෙළිය වැනි දේශපාලකයෝන්ට නම් මේවා ප්‍රශ්න නොවූවත්", අවසානයේදී ජීවිතවලින් වන්දි ගෙවීමට සිදුවන්නේ රටේ අහිංසක ජනතාවටයි.
වාක්‍යයෙන් වාක්‍යයට කරපු විග්‍රහය අපුරුයි ඇනෝ . මේ IVIG පැමිනිල්ල කරපු , වැඩ තනමකට ලක්වුණු , වෛද්‍ය චමල් සංජීව මහත්මයා (සජබ ) දැන් අහන්නෙත් බෙහෙත් සඳහා තාක්ෂණික අනුමැතිය දුන් අය කෝ කියලා. දැනට නඩුවේ ඉන්නේ ගෙවීම් අනුමැතිය දුන් පාර්ශව විතරයි. අනෙත් බෙහෙතේ නම rituximab කියලයි කීප තැනක සඳහන් වෙලා තිබුනේ. (50ml vial එකක Rituximab 500mg සහ NaCl 450mg අඩංගුයි. . ජර්මනියට යවපු එක cold chain යටතේ dilute නොකරපු expire නොවුණු සාම්පල් එකක් හැටියට සලකමු.)
Deleteමගේ ඥාතියෙකුට හෘද සැත්කමක් කරන්න වෙලා ජයවර්ධන පුර (ඔය කියන රෝහලෙන් ) ලක්ෂ 10 ක් වගේ ගානක් කීව. පිටින් ගන්න බදු තියනව කියල . පස්සේ අඳුරන වෛද්‍යවරියක් කීව ඥාතියාට මහා රෝහලින් කරගන්න කියල . ස්ටෙන්ට් එකක් දාන්න. රාජිත සේනාරත්න ස්ටෙන්ට් නොමිලේ දෙන්න හදල තිබ්බේ . අර ඥාතියා ගෙවල් තියෙන්නේ පනස්දාහයි අවශ්‍ය දේවලට . පස්සේ එයා කීව රාජිත නිකන් දෙන ස්ටෙන්ට් එකටත් ජයවර්ධන එකේ අය චාර්ජ් කරනවා කියල .
DeleteNihadapala මහතාට ගොඩක් ස්තුතියි පළමු comment එකෙන්ම හරවත් කතාවකට මඟ පාදලා දුන් එක පිළිබඳව.
DeleteAnonymous at 5:09 AM
Deleteඔයාට ඊළඟට ස්තුතියි!
වඩාත් ප්‍රකට නැති- මම නං දැනගෙන නොසිටිය කරුණු ගොඩක් කියමින් දිගු කමෙන්ටු ලිවීම වෙනුවෙන්.
තුන්වෙනුවට අජිත් ධර්ම මහතාට ස්තුති කරන්නේ - මටත් පරණ අත්දැකීම් දෙකක්ම සිහි ගැන්නුවාට.
Deleteපළමුවැන්න ආසිරි පතන රෝහලක වෛද්‍යවරියක් මගේ ජීවිතය ගැන නොතකා; ඇයගේ වාසිය තකා කළ 'සුනඛ වැඩක්' ගැන. ඒ ගැන නම් කලිනුත් ලියලයි තියෙන්නෙ.
https://nidigepanchathanthare.blogspot.com/2018/09/blog-post_9.html
...
ඊළඟ කෙරුවාවට ජයවර්ධනපුර රෝහලයි සම්බන්ධ. මේක වුණේ අපේ මහෝදර උන්නැහේට.
Deleteමහෝදර ගන ටික දවසකට කලිනුත් ලිව්වා මඟුල් වදේ 4 post එකේදි.
Deletehttps://nidigepanchathanthare.blogspot.com/2025/06/blog-post_15.html
මහෝදර ඉන්නේ තලපත්පිටියේ. මොකක්ද අසනීපයකට ප්‍රතිකාර ගන්න ජපුර රෝහලට ගියාම මහෝදරට කියලා 'ඔයාට වහාම ඔපරේෂන් එකක් කරන්න වෙනවා. නැත්තං ජීවිතේ බේරා ගන්න බෑ.' කියලා. සැත්කමට ලක්ෂ ගණනක් යන බවත් කියලා. මිනිහට ගිනි පත්තු වෙලා. සොක්රටීස්ටත් මේ විත්තිය කියලා.
සොක්‍රටීස් එවෙලේම අපේ සෙට් එකේ ඉන්න දොස්තර මහත්තුරුන් තුන් දෙනාටම මේ විත්තිය කියලා උපදෙස් අරගෙන.
ඒ අනුව කලබල නොවී tests කිහිපයක් කරලා. ඒ මීට අවුරුදු කිහිපයකට කලින්. තවමත් මහෝදර හිතවතා (තෙරුවන් සරණින්) නිදුක්- නිරෝගීව ඉන්නවා, කිසිම සැත්කමක් නොකර!
හොර කෙහෙළිය 01
Deleteමාධ්‍ය හරහා දිගින් දිගටම සිදුවූ බලපෑම හමුවේ පසුගිය දා සෞඛ්‍ය අමාත්‍යාංශයේ හිටපු ලේකම් සීමාහේවගේ ජනක ශ්‍රී චන්ද්‍රගුප්ත හියුමන් ඉමියුනොග්ලොබියුලීන් ප්‍රතිදේහජනක ඖෂධ වංචාවට අදාළව අත්අඩංගුවට ගෙන අධිකරණයට ඉදිරිපත් කරන්නට අපරාධ පරීක්ෂණ දෙපාර්තමේන්තුව කටයුතු කළ අතර එහිදී හිටපු ලේකම්වරයා මෙම සිද්ධියට අදාළ හයවන සැකකරු ලෙස දෙසැම්බර් 27 දක්වා රක්ෂිත බන්ධනාගාරගත කරන්නට මාලිගාකන්ද මහේස්ත්‍රාත් ලෝචනා අබේවික්‍රම නියෝග නිකුත් කළාය.
මේ වනවිට මෙම සිදුවීමට අදාළව අයුසුලේට් බයෝටෙක් ෆාර්මා සමාගමේ හිමිකරු හේවගේ සුදත් ජානක ප්‍රනාන්දු, වෛද්‍ය සැපයීම් අංශයේ අධ්‍යක්ෂ වෛද්‍ය කපිල වික්‍රමනායක, සහකාර අධ්‍යක්ෂ දේවශාන්ති සොලමන්, ගණකාධිකාරි (සැපයුම්) නෙරාන් ධනංජය සහ තොග පාලක සුජිත් කුමාර යන අය අත්අඩංගුවට ගෙන රක්ෂිත බන්ධනාගාර ගතකර ඇත. දැන් අප අසන්නේ මෙම වංචාවට වගකිවයුතු පුද්ගලයින් සියල්ල අත්අඩංගුවට ගැනීමට අපරාධ පරීක්ෂණ දෙපාර්තමේන්තුව කටයුතු කර ඇතිද යන්නයි.
අපට දැනට ලැබෙන තොරතුරු අනුව තව තිදෙනෙකු මෙම සිදුවීමට අදාළව අත්අඩංගුවට ගත යුතුය. ඔවුන් නම් හිටපු සෞඛ්‍ය අමාත්‍ය කෙහෙළිය රඹුක්වැල්ල, සෞඛ්‍ය අමාත්‍යාංශයේ අතිරේක ලේකම් සමන් රත්නායක සහ ඖෂධ නියාමන අධිකාරියේ හිටපු ප්‍රධාන විධායක වෛද්‍ය විජිත් ගුණසේකර ය. ඒ අනුව ලැබෙන තොරතුරු කියන්නේ හිටපු සෞඛ්‍ය අමාත්‍යවරයා ඇරෙන්නට ඉදිරි දින කිහිපය තුළ අනෙක් දෙදෙනා අත්අඩංගුවට ගන්නට බොහෝදුරට ඉඩ ඇති බවය. මේ ලිපිය ලියන පසුගිය දෙසැම්බර් 20 දා සෞඛ්‍ය අමාත්‍යාංශයේ අතිරේක ලේකම් සමන් රත්නායකගෙන් ප්‍රකාශයක් සටහන් කරගෙන ඇති අපරාධ පරීක්ෂණ දෙපර්තමේන්තුව දෙවන වරටත් ඔහුගේ කාර්යාල කාමරය පරීක්ෂාවට ලක්කර ඇත.
මෙම පුද්ගලයින් තිදෙනා අත්අඩංගුවට ගෙන පරීක්ෂණ ඉදිරියට කළ යුතුයැයි අප කියන්නේ ඇයි? එයට හේතුව අපරාධ පරීක්ෂණ දෙපාර්තමේන්තුව සතුව දැනට පවතින තොරතුරු බොහෝමයක් අප සතුවද පවතින නිසා ය. අපරාධ පරීක්ෂණ දෙපාර්තමේන්තුව සතුව තොරතුරු තිබුණත් ක්‍රියාත්මක වන්නට දේශපාලන බලාධිකාරය ඉඩ දෙන්නේ නැති වග එහි සිදුවෙන සමහර දේවල්වලින් පෙනෙයි. ඒ අනුව මුල්ම පරීක්ෂණ කණ්ඩායමද දැන් වෙනස්ව ඇති බවට කරුණු වාර්තා වෙයි. නීතිපති දෙපාර්තමේන්තුව තුළ තත්ත්වයද එයමය. එනිසා මෙම පරීක්ෂණ ක්‍රියාවලිය තවමත් ඉදිරියට යන්නේ නොන්ඩි ගසමින් ය.
කෙහෙළිය මේකට සම්බන්ධ වෙන්නේ කොහොමද?
පසුගිය දා මාලිගාකන්ද මහේස්ත්‍රාත් අධිකරණයේදී හිටපු සෞඛ්‍ය ලේකම්වරයා වෙනුවෙන් උසාවියේ පෙනීසිටි ජනාධිපති නීතිඥ අනිල් සිල්වා ප්‍රකාශ කර ඇත්තේ තම සේවාදායකයා නිකලැල් චරිතයකින් හෙබි අමාත්‍යාංශ ලේකම්වරයෙකු බවය. ඔහු වෙත පවරනු ලැබූ රාජකාරී ඔහු සිදු කළා හැර, වෙනත් අපරාධයක් කර නැතැයි යන්න ය. මේ ප්‍රකාශයට අනුව කල්පනා කරන විට සිතට නැඟෙන පැනය වන්නේ, සෞඛ්‍ය අමාත්‍යාංශයේ හිටපු නිකැළැල් මෙම ලේකම්වරයාට රාජකාරි පැවරුවේ කවුරුන්ද යන්නයි. රාජ්‍ය යාන්ත්‍රණ බල ධුරාවලියට අනුව නම් එම පුද්ගලයා සෞඛ්‍ය අමාත්‍යවරයා විය යුතු ය.
ජනතාව විසින් එලවා දමනු ලැබූ ජනාධිපති ගෝඨාභය රාජපක්ෂ කැබිනට් අමාත්‍ය ධුර හතක් එහෙට මෙහෙට අනමින් 2021 අගෝස්තු 16 කැබිනට් සංශෝධනයක් සිදුකරන අතර එහිදී කොවිඩ් මර්දනය කරන්නට මුට්ටි ගඟට විසිකළ ඇමතිනී පවිත්‍රා අත පත්කර තිබුණ සෞඛ්‍ය ඇමති ධුරය ඇයගෙන් ගලවා කෙහෙළිය රඹුක්වැල්ලට දෙන්නට කටයුතු කළේය. එතෙක් ජනමාධ්‍ය ඇමති ධුරයේ කටයුතු කරමින් ආණ්ඩුවේ කුණු සෝදමින් සිටි කෙහෙළිය රඹුක්වැල්ලට මේ ඇමති මාරුව කල්ල මරේ වුණාට කිසිදු සැකයක් නැත.
නියම සැලසුම
මෙම බෙහෙත් මගඩිය හරි අපූර්ව සැලැස්මකට අනුව ක්‍රියාත්මක වී ඇත. පිළිකා රෝගීන්ට වතුර එන්නත් කළාට කමක් නැත. එයින් යම් කිසි දෙයක් සිද්ධවී එම රෝගියා මියගියත් එය පිළිකාවේ පැතිරීම නිසා සිදුවුණ මරණයක් බව ප්‍රකාශ කරමින් හොරුන්ට ගැළවී යා හැකිය. ඒ අනුව රාජ්‍ය මුදල් ගසා කෑම සඳහා හොඳම බෙහෙත් වර්ග මොනවාදැයි තෝරාබේරාගෙන ඇත. එම මුල් බෙහෙත් වර්ග ලිස්ට් එක 182ක් තරම් දිගය. මේ සියල්ල ආරම්භ වන්නේ කෙහෙළිය රඹුක්වැල්ල සෞඛ්‍ය අමාත්‍ය ධුරයේ වැඩ භාරගත් පසුවය.
වියත්මගෙන් ඖෂධ නියාමන අධිකාරියට පැමිණ සිටි සභාපතිවරයා මෙන්ම තවත් කිහිපදෙනෙක් එම තනතුරුවලින් ඉවත්කරමින් වැඩ ආරම්භ කරන කෙහෙළිය රඹුක්වැල්ල අමාත්‍යවරයා අනතරුව එම ධුරය සඳහා මෙන්ම ප්‍රධාන විධායක ධුරය සඳහා ද තමන්ට අවශ්‍ය පුද්ගලයින් පත්කර ඇත. මෙම පත්වීම් අතරින් ඖෂධ නියාමන අධිකාරියේ දෙවෙනියා සේ සලකන ප්‍රධාන විධායක තනතුරට පත්කරන වෛද්‍ය විජිත් ගුණසේකර කැපී පෙනෙයි. ඖෂධ නියාමන අධිකාරියේ අධ්‍යක්ෂ මණ්ඩලය පත් කරනු ලබන කෙහෙළිය රඹුක්වැල්ල එහි සංයුතිය පූර්ණය කරන්නේ නැත. 13 දෙනෙකු පත්විය යුතු අධ්‍යක්ෂ මණ්ඩලයට පත්වන්නේ 8 දෙනෙක් ය. එයත් මෙම ගැහිල්ලේම කොටසක් බව පැහැදිලිය.
කෙහෙළියලා ගේම් ගසන කාලයේ ලියූ මෙම ලිපි පෙළ කියවන්නට අවැසිනම් - www.anidda.lk
ඉන්පසුව ඖෂධ හිඟයක් ඇතිවීම සඳහා දැනුවත්ව කටයුතු කර ඇත. ඉන්දියානු ණය යෝජනා ක්‍රමයේ ප්‍රතිපාදන ද කල් ඉකුත් වෙන්නට ඔන්න මෙන්න වෙනකම් ඖෂධ හිඟයට වැඩෙන්නට ඉඩ දී ඇත්තේ හොද්ද බොරවීම සඳහා ය. ඉන්පසුව මෙම බෙහෙත් වර්ග 182ක හදිස්සියේ ගෙන්වීම සඳහා වැඩ පටන් ගෙන ඇත. බොහෝ වැඩ කටවචනයට අනුව පටන් ගෙන ක්‍රියාත්මක වෙමින් යන අතරතුර අමාත්‍ය මණ්ඩලය වෙත අනුමැතිය සඳහා ගොස් ඇත.
Deleteමෙම බෙහෙත් වර්ග 182ක අතරින් ඇණවුම් කර ලැබෙන්නට තිබෙන බෙහෙත් වර්ග ගැන බලන්නේ නැතිව නව ගෙන්වීම් කරන්න යැයි උපදෙස් ලැබී ඇත. ඒ අනුව මෙම ඇණවුමෙන් සති දෙකක් ගිය තැන සමහර බෙහෙත් ඇණවුම් ලැබී ඇත. ගැහිල්ලේ දිගපළල එහෙමය. හදිස්සිය එහෙමය.
බෙහෙත් ගෙන්වීමේ සාමාන්‍ය ක්‍රමය අනුව සෞඛ්‍ය අමාත්‍යාංශයේ වෛද්‍ය සැපයුම් අංශය (MSD) අවශ්‍ය බෙහෙත් ඇණවුම පිළිබඳව විස්තර ලබාදුන් පසුව එම බෙහෙත් ගෙන්වීමේ සහ මිලදී ගැනීමේ ක්‍රියාවලිය සිදු කරන්නේ රාජ්‍ය ඖෂධ නීතිගත සංස්ථාවයි (SPC). එම බෙහෙත්වල ප්‍රමිතිය මෙන්ම ගෙන්වන ආයතන එම බෙහෙත් මිලදී ගන්නා මව් ආයතනය පිළිබඳ විස්තර, රසායනාගාර විස්තර, බෙහෙතේ සායනික දත්ත ආදිය පරීක්ෂා කරන්නේ ඖෂධ නියාමන අධිකාරියයි (NMRA). එහෙත් මෙම සාමාන්‍ය ක්‍රමවේදයෙන් බැහැරව මෙම ඖෂධ ගෙන්වීම සිද්ධ කර ඇත.
මෙම සෙල්ලම ආරම්භ වන විටම රාජ්‍ය ඖෂධ නීතිගත සංස්ථාව මෙසේ ඖෂධ ගෙන්වන්නට බැහැ බව කියමින් යාන්ත්‍රණයෙන් ඉවත්වී ඇත. තමන්ට අවශ්‍ය විදිහට වැඩ කරන්න බැරිනම් ඉවත්ව යන්න යැයි එස්පීසී ලොක්කාට මෙහිදී අමාත්‍යවරයා සැරවී ඇතැයි වාර්තා වෙන අතර පසුව අමාත්‍ය මණ්ඩලයේ අනුමැතිය ලබාගනිමින් එම එස්පීසී වැඩේත් වෛද්‍ය සැපයුම් අංශයට භාර දී ඇත. බල්ලාගේ වැඩේ බූරුවාට භාර දෙනවිට එය භාරගත් බූරුවන්ට දැන් හිරේ ළගින්නට සිදුව ඇත. මේවා උසස් රාජ්‍ය නිළධාරීන් දැන්වත් වටහා ගත යුතුය.
රෝගීන් මරණය වෙත යැවීම
ඉන්පසුව රෝගීන් මරණය වෙත යවා මුදල් හම්බ කරන සෙල්ලම ආරම්භ වී ඇත. ඒ හදිස්සි මිල දී ගැනීම් නැමති වහන්තරාවට මුවා වෙමින් ස්පෙෂල් පාත්වේ නම් මාර්ගයක් මවමින් ය. එහිදී බෙහෙතක් ගෙන්වන විට ක්‍රියාත්මක වෙන ඖෂධ නියාමන අධිකාරියේ සාමාන්‍ය ක්‍රියාවලිය, මම නම් ඖෂධ නියාමන අධිකාරිය වෙමි යැයි කියමින් ප්‍රධාන විධායක වෛද්‍ය විජිත් ගුණසේකර තමන්ගේ යටතට ගෙන ඇත.
එහිදී ඖෂධ නියාමන අධිකාරිය තුළ එයාම ඉල්ලා එයාම අනුමැතිය දෙන ස්පෙෂල් පාත්වේ නම් අරුම මොඩලයක් ක්‍රියාත්මක වී ඇත. 2022 සැප්තැම්බර් 16 වෙනි දින අධ්‍යක්ෂ මණ්ඩල තීරණය මත මෙම ක්‍රමය ක්‍රියාත්මක කර ඇති අතර මෙහිදී සිද්ධවී ඇත්තේ ප්‍රධාන විධායක නිලධාරියාගේ අනුමැතිය මත ඖෂධ ගෙන්වීමේ සමාගම් ලියාපදිංචියෙන් නිදහස් කිරීමේ ලිපි නිකුත් කිරීමය. මෙහිදී ඖෂධ නියාමන අධිකාරිය ඊට ප්‍රථම නියාමනය සඳහා සලකා බලන සියලු මිනුම් දඬු බැහැර කර ඇත. පුද්ගලික අභිමතය පමණක් ක්‍රියාත්මක වී ඇත. මෙම ක්‍රමය යටතේ ලියාපදිංචියෙන් නිදහස් කිරීම සඳහා 2022-2023 ජූනි අතර කාලයේ ලිපි 287ක් නිකුත් කර ඇත. මෙම ප්‍රධාන විධායක නිලධාරියා යටතේ ඖෂධ නියාමන අධිකාරියේ සිදුව ඇති මෙවැනි වර්ගයේ කෙරුම් ගැන වෙනම ලිපියක් ලිවිය යුතුය. ඒ තරමට කරුණු ඇත.
ඉන්දියානු ආධාර බොරුව
මෙම බෙහෙත් ඉන්දියානු ණය ආධාර යටතේ මිලදී ගන්නවා යැයි කියමින් අමාත්‍ය මණ්ඩලයද මෙහිදී රවටා ඇත. සෞඛ්‍ය අමාත්‍ය කෙහෙළිය රඹුක්වැල්ල 2021 අගෝස්තු 16 දින සෞඛ්‍ය අමාත්‍යවරයා සේ පත්වීමෙන් අනතුරුව 2022 සැප් 26 දිනැතිව අංක 22/1523/610/018 දරන අමාත්‍ය මණ්ඩල සංදේශය මගින් රජයේ සෞඛ්‍ය ආයතනවල පවතින උග්‍ර වෛද්‍ය සැපයුම් හිඟය මඟහරවා ගැනීමත්, අඛණ්ඩ වෛද්‍ය සැපයුම් සේවාවක් පවත්වා ගැනීමටත් යැයි කියමින් ඉන්දීය ණය අරමුදල් වසර අවසන් වනවිට අවලංගු වෙන බවටත් ඊට පෙර එය භාවිත කළ යුතු බවටත් ප්‍රකාශ කරමින්, පුද්ගලික අංශයේ නියෝජිතයන්ට වෛද්‍ය සැපයුම් ආනයනය සඳහා අවසර ලබාදීමට ද ඒ අනුව එම පුද්ගලික ආයතන හරහා මාස තුනකට ප්‍රමාණවත් ඖෂධ තොග ඉන්දීය ණය යෝජනා අරමුදල භාවිත කරමින් ලබාගන්නට ද අවසර ඉල්ලා ඇත. එම යෝජනාවට 2022 ඔක්තෝබර් 03 දින අමාත්‍ය මණ්ඩල අනුමැතිය ලබාදී ඇත.
මේ අතර කාලයේ ඉන්දියාවේ සැවොරයිට් ෆාමසියුටිකල් නම් සමාගමක් සෞඛ්‍ය අමාත්‍යවරයා වෙත 2022 ඔක්තෝම්බර් 21 සහ 28 යන දින දෙක තුළ ලිපි යොමුකර තිබුණ අතර ඒ අනුව එමගින් සමාගම සතුව පවතින ඖෂධ අයිතම 38ක අතිරික්ත තොග මිලදී ගැනීමට යෝජනා කර ඇත. මේ පිළිබඳව කෙහෙළිය රඹුක්වැල්ල 2022 ඔක්තෝබර් 25 නැවතත් අමාත්‍ය මණ්ඩල සංදේශයක් (22/1523/610/024) ඉදිරිපත් කර ඇත. එහි සඳහන් කර ඇත්තේ රාජ්‍ය ඖෂධ නීතිගත සංස්ථාවෙන් වෛද්‍ය සැපයුම් ආනයනය සඳහා සැලකිය යුතු කාලසීමාවක් ගතවෙන බැවින් සහ වෛද්‍ය සැපයුම් අංශය සතුව තිබෙන තොග අවදානම් මට්ටමක පවතින බැවින්, ඖෂධ 151ක තොග ශූන්‍ය මට්ටමක පවතින බැවින්, ඉදිරි සති 03ක කාල සීමාව තුළ ශල්‍යාගාරවල ක්‍රියාකාරීත්වය සම්පූර්ණයෙන්ම අක්‍රිය වෙනු ඇති බවයි.
Deleteමෙසේ අවධාරණය කරමින් ඔහු ප්‍රකාශ කර ඇත්තේ ඉන්දියානු ණය යෝජනා ක්‍රමය සහ අනෙකුත් අරමුදල් ක්‍රම භාවිත කර දින 45ක් ඇතුළත ශ්‍රී ලංකාව වෙත මාස 03ක කාලයක් සඳහා ප්‍රමාණවත් වෛද්‍ය සැපයීම් තොග ලබාදීම සඳහා ඉන්දියාවේ ගුජරාට්හි සැවොරයිට් ෆාමසියුටිකල් නම් සමාගම එකඟතාව පළකර ඇති බවයි. එසේ කියමින් මෙම අමාත්‍ය මණ්ඩල සංදේශය මගින් අමාත්‍ය කෙහෙළිය රඹුක්වැල්ල මාස 03ක කාලයක් සඳහා ප්‍රමාණවත් ඖෂධ තොග මෙම ආයතනයෙන් සහ තවත් ආයතනවලින් ලබාගන්නට අවසර ඉල්ලා ඇත.
ඉන්පසුව 2022 නොවැම්බර් 14 රැස්වූ අමාත්‍ය මණ්ඩලය මුදල් අමාත්‍යවරයාගේ නිරීක්ෂණවලට අනුව කටයුතු කිරීමට යටත්ව මෙම සංදේශයෙන් ඉදිරිපත් කරනු ලබන යෝජනා සඳහා අනුමැතිය ලබාදී ඇත. එහෙත් 2022 නොවැම්බර් 01 දිනැති ලිපියක් මගින් වෛද්‍ය සැපයීම් නියෝජ්‍ය අධ්‍යක්ෂ ජනරාල් වෛද්‍ය සැපයුම් අංශයේ අධ්‍යක්ෂකට සහ සියලු සහකාර අධ්‍යක්ෂවරුන්ට දන්වා ඇත්තේ අමාත්‍ය මණ්ඩල අනුමැතිය ලද බවය.
ඉන්පසුව 2022 දෙසැම්බර් 05 වෙනි දින නැවතත් කෙහෙළිය රඹුක්වැල්ල අමාත්‍යවරයා අමාත්‍ය මණ්ඩල සටහනක් (22/1993/610/024-1) ඉදිරිපත් කරමින් ඉන්දියාවේ කෞසික් තෙරපියුටික්ස් යන ආයතනයට මාස තුනකට සරිලන ඖෂධ තොග ආනයනය කරන්නට අවසර ලබාදෙන්න යැයි ඉල්ලා ඇත. එදිනම එයට අනුමැතිය ලබාදී ඇත. ඒ අනුව 2022 දෙසැම්බර් 01 වෙනි දින සෞඛ්‍ය අමාත්‍ය කෙහෙළිය රඹුක්වැල්ල සමග පැවති රැස්වීමකදී ලබාදුන් උපදෙස්වලට අනුව ඉහත සමාගමෙන් ඖෂධ අයිතම 28ක් මිලදී ගැනීමට එවක වෛද්‍ය සැපයීම් අධ්‍යක්ෂ තනතුරේ රාජකාරි ආවරණය කළ නියෝජ්‍ය අධ්‍යක්ෂ විසින් වෛද්‍ය කාර්ය මණ්ඩලය වෙත උපදෙස් ලබාදී ඇත. මෙහිදී වැදගත් කරුණක් සඳහන් කළ යුතුව ඇත. එනම් දැනට බන්ධනාගාර ගතකර සිටින වෛද්‍ය සැපයුම් අංශයේ අධ්‍යක්ෂ වෛද්‍ය කපිල වික්‍රමනායක මෙම තීන්දු තීරණ ගන්නා කාලයේ දිවයිනේ සිට නැති බවය.
හදිස්සිය කොතෙක් ද?
ඉන්දියානු ණය ආධාර මත ගෙන්වනවා යැයි කියමින් දේශීය අරමුදල් ගසා කන ඖෂධ ජාවාරම මෙසේ සක්‍රිය වෙන පසුබිම තුළ ඉන්දියානු ණය ආධාර ක්‍රමයේ ඉතිරි අරමුදල් භාවිත කරමින් හදිසි ප්‍රසම්පාදන ලෙස වෛද්‍ය සැපයුම් ආනයනය කිරීමට පුද්ගලික අංශයේ ආනයන නියෝජිතයන්ට අවසර ලබාගැනීමට සෞඛ්‍ය අමාත්‍ය කෙහෙළිය රඹුක්වැල්ල 2022 සැප්තැම්බර් 26 දින තවත් අමාත්‍ය මණ්ඩල සංදේශයක් ඉදිරිපත් කර ඇත. එම සංදේශයට ඔක්තෝබර් 03 දින අනුමැතිය ලැබීමට දින 11කට ප්‍රථම වෛද්‍ය සැපයීම් නියෝජ්‍ය අධ්‍යක්ෂ ජනරාල් අමතන ඖෂධ, සැපයීම් හා නියාමන අංශයේ අතිරේක ලේකම්වරයා SM/PSRP/01/MSD/2021 දරන ලිපිය 2022 සැප්තැම්බර් 22 දින ජාතික ඖෂධ නියාමන අධිකාරිය වෙත යොමුකරමින්, ඉන්දියානු ණය ආධාර ක්‍රමය භාවිත කරමින් පුද්ගලික සැපයුම්කරුවන්ගෙන් හදිසි මිලදී ගැනීම් සිදුකිරීමටත් මාසයකට වඩා අඩු කාලයකදී තොග මට්ටම් පවතින ඖෂධ සඳහා මාස 03ක කාලයකට ප්‍රමාණවත් පරිදි ඇණවුම් ඉදිරිපත් කරන්නට දැනුම් දී තිබී ඇත. මෙයින් පෙනෙන්නේ කැබිනට් එකට යන්නටත් පෙර යාන්ත්‍රණය ක්‍රියාත්මක වී ඇති බවය. අහෝ රෝගීන් ගැන සිතානේ ..!
අතිරේක ලේකම්වරයාගේ මෙම ලිපිය ලද 2022 සැප්තැම්බර් 23 දිනම වෛද්‍ය සැපයුම් නියෝජ්‍ය අධ්‍යක්ෂ ජනරාල් එදිනම මෙම ලිපියට සටහන් යොදමින් රාජ්‍ය ඖෂධ නීතිගත සංස්ථාවට ඇණවුම් ඉදිරිපත් කිරීමට දැනුම් දී ඇත. ඒ අනුව ඊට දින තුනකට පසුව එනම් සැප්තැම්බර් 26 වැනි දිනයේදී වෛද්‍ය සැපයීම් නියෝජ්‍ය අධ්‍යක්ෂ ජනරාල් විසින් රාජ්‍ය ඖෂධ නීතිගත සංස්ථාව වෙත රුපියල් 4,150,108,653ක් වටිනා ඖෂධ අයිතම 182ක් සඳහා ‘වී‘ කේතය යටතේ මාස 03ක කාලයක් සඳහා ඇණවුම් ඉදිරිපත් කර ඇත. රාජ්‍ය සේවාවේ මෙතරම් කාර්යක්ෂමතාවක් මීට පෙර ඔබ දැක තිබේද?
කෙහෙළියගේ අතිරේක ලේකම්
Deleteමෙහි නිතර නම සඳහන් අතිරේක ලේකම්වරයා වෙන කිසිවෙකු නොව කෙහෙළිය රඹුක්වැල්ල අමාත්‍යවරයා විසින් උඩින් ගෙනවිත් සෞඛ්‍ය අමාත්‍යාංශයට පත් කළ සමන් රත්නායක ය. ඒ බවත් මතක තබාගෙන මෙය කියවන්න.
ඖෂධ අයිතම 182ක් සඳහා ඖෂධ නීතිගත සංස්ථාව වෙත රුපියල් බිලියන 04ක් වටිනා ඇණවුම් ඉදිරිපත් කර දිනකට පසුව 2022 සැප්තැම්බර් 27 දින ඖෂධ නිෂ්පාදන සැපයීම් හා නියාමන අංශයේ අතිරේක ලේකම්වරයා විසින් සෞඛ්‍ය ලේකම්වරයා වෙත ඉදිරිපත් කරන අභ්‍යන්තර සටහනක් මගින් ‘2022 සැප්තැම්බර් 22 දින ඉන්දියානු ණය ආධාර භාවිතයෙන් මාස 03ක් සඳහා වැදගත් සහ අත්‍යවශ්‍ය ඖෂධ ආනයනය කර සැපයීමට අදාළව සෞඛ්‍ය අමාත්‍යවරයා සහ ඖෂධ සැපයුම්කරුවන් අතර පැවති රැස්වීමේ තීරණයකට අනුව’ යැයි සඳහන් කරමින් මෙම ඖෂධ ගෙන්වීමට අභිලාෂ කැඳවීමේ ලේඛනයන් සකස් කර එම අභිලාෂ කැඳවීම් වෙබ් අඩවි තුළ පළ කර ඇත. මෙහිදී අතිරේක ලේකම්වරයා විසින් ලංසු විවෘත කිරීමේ කමිටු සහ සෞඛ්‍ය ලේකම්වරයා විසින් ඇගයීම් කමිටු පත් කර 2022 ඔක්තෝබර් 03 දින ලංසු විවෘත කිරීම ද සිදුකර ඇත.
මෙහිදී තවත් අනාවරණය වෙන වැදගත් කරුණක් වන්නේ, වැදගත් සහ අත්‍යවශ්‍ය ඖෂධ ආනයනය කිරීමට ඉන්දියානු ආධාර භාවිත කරන බවට අමාත්‍ය මණ්ඩලයට කරුණු දැක්වූවත් ගෙන්වන්නට යෝජනා ඉදිරිපත් කළ ඖෂධ අතර Everolimus/ Gentamicin Sulphate inj/ Cefuroxime inj වැනි අත්‍යවශ්‍ය නොවන ගණයේ ඖෂධ වර්ගයන් ද පැවති බවය. ඉන්දියානු ණය ආධාර බොරු එසේ පැටවු ගසා ඇත.
මෙම ඖෂධ ඇගයීම සඳහා සෞඛ්‍ය ලේකම්වරයා නිකන් බොරුවට වාගේ පස් දෙනෙකුගෙන් සමන්විත ඇගයීම් කමිටුවක් පත් කර තිබී ඇති අතර එහි ප්‍රසම්පාදන අංශයේ ප්‍රධානියා සේ කටයුතු කළ සමන් රත්නායකද සිට ඇත. මෙහි පිළිකා ඖෂධ වැනි විශේෂිත ඖෂධ ඇගයීම සඳහා සුදුසුකම් තිබෙන කිසිවෙකු සිට නැත. එයත් මෙම මූලික සැලසුමේම කොටසක් බව පෙනෙයි. එසේ පිළිකා ඖෂධ පිළිබඳ දැනුවත් පුද්ගලයෙකු මෙහි සිටියා නම් රිටොක්සිමැප් නම් ඖෂධය ගෙන්වීමේ ප්‍රයත්නය වැළකෙන්නට ඉඩ තිබුණි. බඩුත් හාමුදුරුවන්ගේ නඩුත් හාමුදුරුවන්ගේ වන විට තත්ත්වය මේකය.
මේ ඖෂධ ගෙන්වීම වෙනුවෙන් ලංසු ඉදිරිපත් කළ බොහෝමයක් සැපයුම්කරුවන්ට ජාතික ඖෂධ නියාමන අධිකාරියේ වලංගු සහතික තිබී නැත. එසේ නොමැති සමාගම් ටෙන්ඩර් ඉදිරිපත් කිරීම සඳහා දිරිගන්වා ඇති අතර ඔවුන්ට ඇණවුම් ලබාදීමේ අරමුණෙන්ම, ඖෂධ නියාමන අධිකාරිය නිකුත් කරනු ලබන ලියාපදිංචියෙන් නිදහස් කිරීමේ සහතිකය නිකුත් කිරීමේ පිළිගත් ක්‍රමවේදයෙන් බැහැරව කටයුතු කර ඇත. ඒ සඳහා ස්පෙෂල් පාත්වේ නම් ක්‍රමයක් සකසාගෙන ඇත.
මේ සියලු මගඩි ක්‍රමයන් බලාත්මක කරමින් යන අතරතුර රුපියල් බිලියන 6.9ක් වටිනා ඖෂධ ඇනවුම් 158ක් ගෙන්වීම සමාගම් 21ක් අතර බෙදා දී තිබුණි. එම සමහර සමාගම් එකම සමාගම් ජාලයකට අයත් සමාගම් ය. එයින් පෙනෙන්නේ එකම සමාගම් ජාලය වෙන වෙනස් ලංසු ඉදිරිපත් කර ඇති බව නොවේද?
මෙතරම් හදිසියක් සහ ඖෂධ හිඟයක් ගැන අමාත්‍ය මණ්ඩලයට බොරු අඟවමින් ඉන්දියානු ණය ආධාර බොරුවද ප්‍රකාශ කරමින් 2022 නොවැම්බර් මසයේ මෙම හදිසි ඖෂධ ඇණවුම් ලබාදුන්නත් එයින් 2023 අප්‍රේල් 24 දක්වා ලැබී ඇත්තේ ඖෂධ අයිතම 22කට අදාළ තොග පමණි. ඖෂධ අයිතම 136කට අදාළව 2023 අප්‍රේල් 24 දක්වාම තොග ලැබී නැත. මෙයින් පෙනෙන්නේ කෙහෙළිය අමාත්‍ය මණ්ඩලයට අඟවා ඇති ඖෂධ හිඟය බොරුවක් බවද? එසේ නැතිනම් ප්‍රශ්නය එතරම් දරුණුව නොතිබුණත් හොද්ද බොර කරගැනීමේ අරමුණෙන්ම මෙම කැබිනට් සංදේශ හැදුවා ද යන්නයි.
කෙහෙළිය අහිංසකද?
Deleteකෙහෙළිය රඹුක්වැල්ල සෞඛ්‍ය අමාත්‍ය ධුරය භාරගත් පසුව ඔහු සෞඛ්‍ය අමාත්‍යාංශයට, ජාතික ඖෂධ නියාමන අධිකාරියට සහ රාජ්‍ය ඖෂධ නීතිගත සංස්ථාවට ආදි ස්ථානවලට ප්‍රධානීන් සේ පත් කරන පුද්ගලයින් මෙම ඖෂධ ගනුදෙනුවලදී හැසිරී තිබෙන ආකාරය දෙස බලන විට කෙහෙළිය රඹුක්වැල්ල හිටපු අමාත්‍යවරයා අහිංසක නැති බව කිව යුතුය. ඔහු අමාත්‍යාංශය භාරගත් පසුව මෙම ඖෂධ මිලදී ගැනීම්වලට අදාළව පළමු කැබිනට් පත්‍රිකාව කැබිනට්ටුව වෙත ඉදිරිපත් කරන්නේ 2022 සැප්තැම්බර් 26 දිනයේදී ය.
22/1523/610/018 යන අංකය යටතේ එම අමාත්‍ය මණ්ඩල සංදේශය ඉදිරිපත්වී ඇත. මේ පිළිබඳව අප පසුගිය කලාපයේත් සඳහන් කළෙමු. මේ ගේම පටන් ගන්නේ මෙතැනින් ය. ගේමට අවශ්‍ය පිටිය සකස් කරගැනීම සඳහා එක පිට එක ලෙස අමාත්‍ය මණ්ඩල සංදේශ, පත්‍රිකා ඉදිරිපත් වී ඇති අතර එම පෙරහැරේ පළමු පිම්ම මේ කැබිනට් සංදේශයයි. මෙම ඖෂධ මිලදී ගැනීමේ යෝජනාවට 2022/10/03 දිනයේදී අමාත්‍ය මණ්ඩලය අනුමැතිය ලබාදී ඇත.
2022/10/25 නැවතත් අමාත්‍ය මණ්ඩල සංදේශයක් ඉදිරිපත් කරමින්, නැවතත් ඖෂධ හිඟය ගැන මෙන්ම ඉන්දියානු ණය ආධාර ක්‍රමය ගැනද, සඳහන් කරමින් ඉන්දියාවේ ගුජරාට්හි සැවෝරයිට් ෆාමසියුටිකල් පුද්ගලික සමාගමෙන් ඖෂධ අයිතම 38ක් මිලදී ගන්නට අවසර දෙන්න යැයි ඉල්ලා ඇත. 2022/10/25 දින අමාත්‍ය මණ්ඩල රැස්වීමේදී මෙම සන්දේශය සඳහා ප්‍රතිපත්තිමය අනුමැතිය ලබාදෙන්නටත් අවසන් තීරණයක් සඳහා මුදල්, ආර්ථික ස්ථායිකරණ සහ ජාතික ප්‍රතිපත්ති අනුකමිටුව එම සංදේශය යොමුකරන්නටත් තීරණය කර ඇති අතර එහිදී 2022/11/02 දිනයේදී මෙම කැබිනට් සංදේශයට මුදල් අමාත්‍යවරයාගේ විරෝධයක් නැති බව දන්වා ඇති අතර ඒ අනුව 2022/11/14 කැබිනට්ටුව මේ සංදේශය සඳහා අනුමැතිය ලබාදී ඇත.
ඉන්දියාවේ මෙම සමාගමට අමතරව, නැවතත් 2022/12/05 අමාත්‍ය මණ්ඩලය වෙත සංදේශයක් ඉදිරිපත් කරන අමාත්‍ය කෙහෙළිය රඹුක්වැල්ල ඉන්දියාවේ Kausikh Therapeutics LTd සමාගම සමග ඖෂධ මිලදී ගැනීම වෙනුවෙන් ගිවිසුම්ගත වීමට අවසර ඉල්ලා ඇත. එහිදී අමාත්‍ය මණ්ඩලය 2022/11/02 දරන කැබිනට් අනුමැතියට යටත් ව කටයුතු කරන්නට අවසර ලබාදී ඇත.
මේ තොරතුරුවලින් පෙනෙන්නේ ඖෂධ සමාගම් සමග ඖෂධ ගෙන්වීමට අදාළව අමාත්‍යවරයා කෙලින්ම සාකච්ඡා පවත්වමින් කටයුතු කර ඇති බවය. අපි මේ පිළිබඳව බොහෝ තොරතුරු පසුගිය සතියේ ප්‍රකාශයට පත් කළෙමු. එහෙත් කිසි දෙයක් සිදුවෙන්නේ නැත. එයට හේතුව කෙහෙළිය රඹුක්වැල්ල නීතියට ඉහළින් වැජඹෙන ජයකෙහෙළියක් නිසාදැයි කියන්නට අප දන්නේ නැත.
අප මෙම සිදුවීම් දාමය හියුමන් ඉමියුනොග්ලොබියුලීන් ප්‍රතිදේහජනක ඖෂධ වංචාවට ලඝු කරන්නට සූදානම් නැත. ඊට එහාට ගිය බිහිසුණු පොදු දේපල මංකොල්ලයක් මේ කතාව පිටුපස ඇතිබව සක්සුදක් සේ පැහැදිලිය. හිටපු අමාත්‍ය කෙහෙළිය රඹුක්වැල්ල ඖෂධ සමාගම් සමග සම්බන්ධතා පවත්වා නැතිද? අඩුම දැනට අත්අඩංගුවේ සිටින අයුසුලේට් බයෝටෙක් ෆාර්මා සමාගමේ හිමිකරු හේවගේ සුදත් ජානක ප්‍රනාන්දු සමග හෝ සම්බන්ධතා පවත්වා නැතිද? ඒ පිළිබඳව සොයාගැනීමට අවශ්‍ය නම් සීඅයිඩීයට අමාත්‍යවරයාගේ දූරකථන දත්තයන් විමර්ශනයට ලක්කළ හැකිය.
විගණන විමසුමක්
Delete2022 සහ 2023 වර්ෂයන්ට අදාළව මෙම ඖෂධ මගඩිය පිළිබඳව විගණන විමසුමක් සිදුකර ඇත. එහිදී විගණකාධිපති දෙපාර්තමේන්තුව විමසුම් අංක MSU/B/MSD/BCD/2/23/08/AQ/06 යටතේ සෞඛ්‍ය අමාත්‍යාංශයේ ලේකම්වරයාට වාර්තාවක් යවමින් විගණන විමසුමක් සිදුකර ඇත. එම විමසුම් ලියවිල්ලේ අප පසුගිය කාලයේ ලියූ බොහෝ කරුණු අන්තර්ගතය. සීඅයිඩීයට මෙම ලියවිල්ල විගණකාධිපතිවරයාගෙන් ගෙන්වාගෙන කියෙව්වා නම් කෙහෙළිය සීඅයිඩීයට ගෙන්වා ප්‍රකාශයක් සටහන් කරගැනීමට හිතෙන්න පුළුවන් ය. මෙම ලියවිල්ලේ අන්තර්ගත අප පසුගිය කාලයේ කතා නොකළ තොරතුරු මොනවාද? මඳක් විමසා බලමු.
‘2015 අංක 05 දරන ජාතික ඖෂධ නියාමන අධිකාරී පනතේ 58, 82, සහ 101 වගන්ති නොසලකා කටයුතු කර ඇත. එම පනතේම 109 වගන්තිය නොසලකා ලියාපදිංචිය නිදහස් කිරීමේ ලිපි නිකුත් කර ඇත‘ යනුවෙන් එහි නිරීක්ෂණයන් ආරම්භ වී ඇත.
‘ඖෂධයක් ලියාපදිංචි කිරීමේදී එම ඖෂධයේ නිෂ්පාදක සහ දේශීය නියෝජිතයා පිළිබඳ තොරතුරු, පරිපාලන හා නිර්දේශ කිරීමේ තොරතුරු, ඖෂධයට අදාළ ලිපිගොනුවේ සමස්ත සාරාංශ තොරතුරු, ඖෂධයේ ගුණාත්මකභාවය සහතික කරනු ලබන ලේඛන, සායනික නොවන අධ්‍යයන වාර්තා, සායනික අධ්‍යයන වාර්තා, ඇතුළත්ව පුළුල් ලේඛන පරීක්ෂාවක් සිදුකරන නමුත් ඊට සාපේක්ෂව ඖෂධ ඇගයීම් කමිටුව යටතේ පිහිටුවන ලද ලියාපදිංචියෙන් නිදහස් කිරීමේ අනුකමිටුව මගින් ඉතාමත් සීමිත ලේඛන ප්‍රමාණයක් ඇගයීම මගින් සහ සාම්පල් පරීක්ෂාවකින් තොරව ඖෂධ ලියාපදිංචියෙන් නිදහස් කිරීමේ සහතික නිකුත් කිරීමේ හේතුවෙන් ගුණත්වය පිළිබඳ තහවුරුවක් නැති ඖෂධ රට තුළට පැමිණ ඇත’. යනුවෙන් එහි නිරීක්ෂණයක් ඇත. මෙයින් කියන්නේ කුමක්ද? මෙයින් කියන්නේ රෝගීන්ගේ ජීවිත බිල්ලට දී සෞඛ්‍ය බලධාරීන් මෙම සෙල්ලම කර ඇති බවය.
‘2020 වර්ෂයේ දී නිකුත් කරනු ලැබූ ලියාපදිංචියෙන් නිදහස් කිරීමේ ලිපියක් යටතේ ආනයනය කරනු ලැබූ හෘදය, අක්මා, වකුගඩු රෝග හා අධිරුධිර පීඩනය වැනි රෝගී තත්ත්වයන්වලදී භාවිත කරන furosemide syrup බෝතල් 6000ක තොගයක් තත්ත්වයෙන් අසමත් බව වාර්තා වන විටත් එම ඖෂධ තොගයෙන් 98%ක ප්‍රමාණයක් රිජ්වේ ආර්යා ළමා රෝහල ඇතුළු රජයේ රෝහල්වල රෝගීන් සඳහා භාවිත කර තිබී ඇත.’ මෙම විමසුම සඳහන් කරයි. එයින් පෙනෙන්නේ මේ ජාවාරම් චෞරයන්ට පුංචි ළමයින්ගේ ජීවිත පිළිබඳව හෝ සහ කම්පනයක් තිබී නැති බවය.
‘2022 වර්ෂය තුළ නිකුත් කරනු ලැබූ ලියාපදිංචියෙන් නිදහස් කිරීමේ ලිපියක් යටතේ වෛද්‍ය සැපයුම් අංශය විසින් මිලදී ගන්නා ලද Bupivacaine ඖෂධය භාවිත කිරීමෙන් පසුව පේරාදෙණිය ශික්ෂණ රෝහලේ දී කාන්තාවන් දෙදෙනෙකු මියගොස් තිබුණ අතර එම ඖෂධය රෝගීන්ට බරපතළ අහිතකර ප්‍රතික්‍රියා (Adverse Drug Reaction – ADR) සිදුකර ඇති බැවින් 2023 ජූලි 21 දින පැවති ආරක්ෂාව සහ අවදානම් ඇගයීමේ කමිටුව (safety and risk evaluation subcommittee – SAFRESC) විසින් එම ඖෂධය සම්පූර්ණයෙන්ම භාවිතයෙන් ඉවත්කර ඇත.’ මෙම සිදුවීම් සිදුවුණ කාලයේ සෞඛ්‍ය අමාත්‍යවරයා මෙන්ම සෞඛ්‍ය බලධාරීන් ප්‍රකාශ කළේ මොනවාද? මඳක් කල්පනාකර බලන්න. එම බාල බෙහෙත් භාවිත කාලයේදී මියගිය කාන්තාවන් දෙදෙනාට යුක්තිය ඉටුවිය යුතු නැද්ද? අඩුම ගානේ එම පවුල්වලට වන්දියක් හෝ දෙන්නට සෞඛ්‍ය බලධාරීන් කටයුතු කළාද? මෙහිදී මරණයට ලක්වූ කාන්තාවන් දෙදෙනාගේ පවුලේ ඥාතීන් මේ ජාවාරමුන්ට විරුද්ධව නඩු දැමිය යුතුය.
නිදි සමාවෙන්න මෙපමණ දිග ලිපියක් දැම්මට . මේ නඩු දාන්නේ දත්ත නැතිව නෙමේ කියල පැහැදිලි කරන්න . මුලින්ම නඩුව දැම්මෙත් රනිල් වික්‍රමසිංහ යටතේ . රනිල්ට වුනත් කරගන්න දෙයක් තිබ්බේ නැහැ මේ ගොල්ලෝ කරන වැඩ වලට .
Deleteඅජිත් මහත්තයෝ,
Deleteසමාවක් ඉල්ලන්න කිසිම ඕනෑකමක් නෑ. මෙච්චර වෙලා මේ විස්තර සේරම කියෙව්වා; සෑහෙන්න ඇඟේ ලේ පිච්චෙද්දී...
අගෙයි, අපූරුයි.
මහන්සි නොබලා මේ විස්තර මෙහෙම පිළිවෙලකට ඉදිරිපත් කළාට ස්තුති කරන්න වචන මදි මහත්තයෝ.
මගේ පෝස්ටුවෙන් ඔයාට මෙහෙම කරන්න චේතනාවක් පහළ වුණයි කියලා හිතෙද්දීත් මට හරිම සතුටුයි අජිත් මහත්තයෝ.
Deleteමේ අජිත් දාපු විස්තරෙයි, ප්‍රාජේගෙ ලින්ක් එකේ විස්තරෙයි බැලුවාම පේනවා, "ගේමක්" ගසා ගොඩයෑමේ සංස්කෘතිය නිසා මිනිස්සු කොච්චර අමනුස්ස තත්ත්වෙට වැටිලද කියලා?
Deleteසමහර දේවල් ලියන්නම වෙනවා. යහපලන් කාලේ අනාගත්ත අනා ගැනිල්ලට , කට්ටිය හැමදේම තිතට හොයල තමා නඩු දාන්නේ . බස්ස "ගේම" ගැන අපට විවේචන කරන්න බැරි පිටරට තිබෙන අවස්ථා ලංකාවේ නැති නිසා නෙමේද ?
Deleteඅර කිරි ලේදෙන්නු එක හොරකමක් නෙමේ කවුද ලියල තිබ්බ බ්ලොග් එහෙක . අන්න ඒකත් ඇවිලිලා
Deleteඔව් අජිත් මහත්තයෝ,
Deleteබට කැලේට ගිනි ගත්තා වගේ තමයි
පට පට ගගා පුපුරයි - සද්දෙත් විහිදෙයි
යන්තං හුළඟටත් තව තව පැතිරිල යයි
නොහිතුව ඉසව්වලටත් ඇවිලෙනව වගෙයි
මම කොහේදෝ කියෙව්වා, පළමුව තමාට සමාව දෙන්න පසුව අනෙක් සියලු දෙනාට සමාව දෙන්න කියලා. ඊට පස්සේ ගමනට ලෑස්තියි.
ReplyDeleteමම විජේබාහු
ඔය ධර්මය හුඟ දෙනෙක් ගනිච්චියකට ගන්නේ නැහැ නෙව විජේබාහු මහත්තයෝ.
Delete(යන්තම් ඊයේ නං පායලා තිබුණා. වැස්ස හින්දයි අපේ වැඩේ පහු කළේ... හෙටානිද්දට තීරණයක් අරං- ඊමේල් එකකින් විස්තර කියන්නං.)
කරමු කරමු, හොඳ වෙලාවක් බලලා
Deleteහොඳ වෙලාව ගැන හිතුවා විතරයි- ඊයේ රෑ ඉඳලා විදුලි කොට කොටා වැස්ස, විජේබාහු මහත්තයෝ. මේ දැනුත් වැක්කෙරෙනවා....
Deleteසක්විති සුවය film එක නිෂ්පාදනය කලේ කෙහෙළිය රඹුක්වැල්ල බව දන්න අදයි. නඩුව තාම විභාග වෙන නිසා ඔහුත් මේ වෛද්‍යවරියත් වැරදිකරුවන්ද යන වග දන්නෙ නෑ. දන්න එකම දේ ලංකාවේ මුළු සෞඛ්‍ය ක්ෂේත්‍රයම එකම මාෆියාවක්, හොර ගුහාවක් බව ප්‍රසිද්ධ රහසක් බවයි. දැන්වත් මේ අසාධාරණ ගැන යමක් කෙරෙන එක හොඳයි. වෙනසක් වෙයිද? ඒක නං කියන්න බෑ. අරටුවටම කුණු වෙලයි තියෙන්නෙ.
ReplyDeleteකතාව ඇත්ත නං, ඇමතිත්, වෛද්‍යවරිය සහ ඇගේ "ටීම්" එකත් කරලා තියෙන්නෙ "ගේමක්" ගසා ගොඩ යෑමක්. ඒ විතරක් නෙමෙයි, බන්ධාගාර ලොක්කො, පාස්පෝට් ලොක්කො සහ තව එලෝ කෝටියක් "ගේමක්" ගසා ගොඩ ගිහින් තියනවා සහ අදත් හෙටත් "ගොඩ" යමින් ඉන්නවා. මෙහෙම හරි මේවා එලියට ඇදීම හොඳ ආරම්භයක් වුනාට, ලංකාවේ සමාජ ගත වෙච්ච "ගේමක්" ගසා ගොඩ යෑම වගේ සමාජ ආකල්ප, දේශපාලනයෙන් වෙනස් කරන්න බෑ.
Deleteහැබැයි ආණ්ඩුක්‍රම ව්‍යවස්ථාව පුළුවන් යම් දැනෙන වෙනසක් කරන්න. "සිස්ටම් චේන්ජ්" එකක් බලාපොරොත්තුවෙන් 2/3 බලයක් දුන්නෙ, මෙහෙම "සිල්ලර" වැඩ වලට වඩා දෙයක් බලාපොරොත්තුවෙන් නේද?
@ බස්සා
Deleteඔයා කියන කතාව ඇත්ත ලංකාවේ IVIG සිද්ධිය වැනි සිදුවීම් මේ වගේ "ගේම්" ගසන පුද්ගලයන් කිහිප දෙනෙකුගේ ක්‍රියාකාරකම්, මේවා ලංකාවේ පද්ධතියේම ගැඹුරට මුල් බැසගත් ව්‍යසනයක්. බන්ධනාගාර, විදේශ ගමන් බලපත්‍ර කාර්යාලය, සහ සෞඛ්‍ය ක්ෂේත්‍රය ඇතුළු සෑම තැනකම "ගේමක්" ගසා ගොඩයෑමේ සංස්කෘතියක් ගොඩනැගී තිබෙනවා.
මෙයට විසඳුමක් ලෙස, වත්මන් ආණ්ඩුව කරන්නේ, තක්කඩි විමල් වීරවංශලා වගේ අමනයන් ඉස්සර ජාත්‍යන්තර කුමන්ත්‍රණ ගැන ගෙතූ "බයිලා" වගේම, "කළු ආර්ථික මාෆියා" ගැන තවත් වැල් බයිලා කතන්දර කියමින් සැබෑ ප්‍රශ්නය යටපත් කිරීමට උත්සාහ කිරීමයි. මෙය ජනතාවගේ අවධානය වෙනතකට යොමු කිරීමට දරන උත්සාහයක්!
අපිට අවශ්‍ය "මාෆියා බයිලා" නොවෙයි. අපිට අවශ්‍ය වන්නේ සැබෑ "සිස්ටම් චේන්ජ්" එකක්!
අපේ ඉල්ලීම පැහැදිලියි:
රටේ හාල් මිල වැඩි වුණාම ඩඩ්ලිගේ හාල් මාෆියාවක් ගැන කිව්වා, නමුත් ඩඩ්ලි ඇතුලු ලොකුම මෝල්කාරයො සේරම ළඟ තියෙන්නේ 28%ක ගබඩා තොගයක් පමණයි අනිත් සේරම සුලු හා මධ්‍ය පරිමාණ ගබඩාවල, පොල් නැතිවුණු වෙලාවේ රිළා මාෆියවක් ගැන දොඩවලා කෝටි ගණනක මහජන මුදල් මිනිස් පැය ගණනාවක් නාස්ති කරලා බොරු සංගණනයක් කරලා සම්පූර්ණයෙන්ම වැරදී සංඛ්‍යාලේඛන පෙන්නලා හෑවා ඊට පස්සෙ කියනවා ඒකට ගියේ ලක්ෂ විසි ගානක් විතරයිලු 😅 මුන්ට මේ බොරු ගණන් හදලා දෙන්නේ රාජපක්ෂලගේ ගෝලයෝ ද මන්දා මුන්ව කිච කරන්නම
මීට වඩා රටේ ආයතන ශක්තිමත්ව ප්‍රතිව්‍යුහගත කරන්න ඕනේ නියාමන ආයතන Institutions, ඒවායේ accountabilityවගවීම තහවුරු කරන්න ඕනේ: IVIG හෝ සාෆි වැනි සිදුවීම්වලදී "අහිංසකයන් බිල්ලට නොදී" , සැබෑ වැරදිකරුවන් හඳුනාගෙන, ඔවුන්ට නීතිය ක්‍රියාත්මක කරන්න නම් ඉතාම විනිවිද පෙනෙන ලෙසමේවා ක්‍රියාකාරිත්වය තියෙන්න ඕන. නීතිපති දෙපාර්තමේන්තුව ඇතුළු ආයතන විනිවිදභාවයෙන් යුතුව ස්වාධීන පරීක්ෂණ පවත්වන්න ඕනේ.
පවතින පද්ධති ප්‍රතිසංස්කරණය කරන්න: ඖෂධ නියාමන අධිකාරිය (NMRA) වැනි ආයතනවල පවතින දුර්වලතා හඳුනාගෙන, ඒවා ශක්තිමත් කරන්න වෙනවා වෛද්‍ය උපකරණ සහ ඖෂධ ප්‍රසම්පාදනයේදී සිදුවන දූෂණ වළක්වා ගැනීමට ස්වයංක්‍රීය විනිවිදභාවය (Automatic transparency) සහිත පද්ධති හඳුන්වා දෙන්න ඕනේ. වෛද්‍යවරුන් හා සමාගම් අතර ඇති අනිසි ආර්ථික සබඳතා වහාම නතර කරන්න අවශ්‍ය ප්‍රතිපත්තිමය පියවර සහ ප්‍රායෝගික ක්‍රියාමාර්ග තාම අරගෙන නෑ.
මේ තුප්පහි "ගේම්" ගහන සංස්කෘතිය වෙනස් කරන්න
දේශපාලනයෙන් පමණක් නොව, ආණ්ඩුක්‍රම ව්‍යවස්ථාමය ප්‍රතිසංස්කරණ තුළින් සහ දැඩි නීති ක්‍රියාත්මක කිරීම තුළින්, "ගේම්" ගසා ගොඩයෑමේ සමාජ ආකල්ප මුලින්ම උපුටා දමන්න වැඩපිලිවෙලක් ඕනේ.
අපේ ජීවිතවලින් වන්දි ගෙවන්න අපට බැහැ. ආණ්ඩුව කුමන්ත්‍රණ කතා කියමින් ජනතාව රවටන එක නවත්වලා, සැබෑ වෙනසක් වෙනුවෙන් ක්‍රියාමාර්ග ගන්නා තෙක් අපි නිහඬ නොවී ආණ්ඩුවට ඒකට පීඩනයක් එල්ල කරන්න ඕනේ
බස්සෝ, Ano තමුන්නාන්සේලා දෙන්නාටම ගොඩාරියක් ස්තුතියි.
Deleteඔයාලා මේ කියන අදහස් -උදහස් බලධරයන්ගේ අවධානයටත් ලක් වේවා!
බකුසුතුමෝ, පස්සේ මතක් වුනු ඕපයක් මේ . හරියටම මතක නෑ. කෙහෙළිය පවුලට ගාමිණි ෆොන්සේකා පවුලෙත් ළඟ ඥාති සබඳකමක් තියෙනවද කොහේද...
Delete@ඇනෝ
Deleteමමත් ආණ්ඩුවට බනිනව නං තමා. ඒත් මෙහෙම දේකුත් තියනව ඇනෝ. එක සැරේ උඩු-යටිකුරු කරන සිස්ටම් චේන්ජ් එකක් කරන්න බෑ, පොල්පොට් ක්‍රමේට යන්නෙ නැතුව. මෙහෙම හරි මේ දේවල් එලියට අදින එක හොඳ දෙයක්. ඒත් මේ දෙපැත්තෙම ජාම බේරගෙන යන මන්දගාමී ක්‍රමේ නිසා, ලඟකදී "ඇඟට දැනෙන වෙනසක්" නම් වෙන එකක් නෑ.
අපි ඉන්නෙ නිධානයක් උඩ, අපේ පොරවල් මාර ස්මාට් වගේ ගොන් අදහස් ඉවත් කරලා, දැන්වත් අපි යතාර්ථයට මුහුණ දෙන්න ඕනෙ. මොනවද අපේ රටේ ඇත්තම සම්පත් සහ ඒවා කළමනාකරනය, නව ක්‍රමවේද වගේ ඒවා ගේනවා නං හොඳයි. නැතුව පොල් සංවර්ධනේට එකයි, තල් සංවර්ධනේට එකයි ඇමතියො පත්කරලා පොල් ටිකත් ගේන්නෙ ඉන්දියාවෙන් නං වැඩක් වෙන්නෙ නෑ.
අන්න ජන්සන් , ඔය අපේ පොල්පොට් ලිපි කියවල වගේ . මමත් කියන්නේ ඕක තමයි ඔය දැඟලිලි කාරයන්ට . පේලියට ගෙනත් වෙඩි තියල හදපු රටවල් ඔක්කොටොම කෙල වුනා . වැරදි කරන්නෙත් මිනිස්සුමයි . සමාව දෙන්න පුළුවන් දේවලට සමා දෙන්න ඕනේ . සමාව දෙන්න බැරි දේවලට අධිකරණය හරහා දඬුවම් දෙන්න ඕනේ . අධිකරණ ක්‍රියාවලිය විතරමයි හරි . ඔප්පු කරනකන් කවුරුත් නිර්දොසයි .
Deleteහරබර සේම නැණවත් දේ එකතුකොට
Deleteරීඩබල් ලෙසට අප වෙත ගෙනෙනවට
ගෙනවිත් 'ජන මනසෙ' තැන්පත් කරනවට
පිං පිං පිං සැමට පුද දෙමි, සිරාවට!
ඉඳලා හිටලා අවංක වෛද්‍ය වෘතිකයන් අත ලොස්සක් ඉන්නවා. ඒ ඉන්න ටික දෙනාගේ පානෙන්, අනිත් බහුතරය පව් හෝදගන්නවා. මේවා ගැන කතා කරන්න ගියොත් ඇඟේ ලේ කෝපවෙන නිසා, මේ ගැන කතා කරන එක වටිනවද කියලත් වෙලාවකට හිතෙනවා.
ReplyDeleteලංකාවේ සෞඛ්‍ය "සේවෙ" ටූ ටියර් වුනේ ඇයි
මැරෙන්න ඕනා අය රජයේ රෝහල් ගියේ ඇයි
ලෙඩා මලත් ගාණ කපන එක "නෝමල්" ඇයි
ව්‍යවස්ථාව ඕව දන්නෙ, අයි ඩෝන්ට් නෝ වයි
අපි ලේ කෝප කාර ගන්නේ නැතිව මේවා ගන හිතමු බස්සා මහත්තයෝ.
Deleteකවියේ දෙවෙනි පදයෙන් කියන අදහස ගැන මගේ අත්දැකීම් නම් වෙනස්.
එතකොට මම මහරගම අපේක්ෂා රෝහලේ නේවාසිකව ප්‍රතිකාර ගනිමින් හිටියේ. (ඊට යාබද වාට්ටුවක තමයි 'රෙබෙකා නිර්මලී- වෙද හාමිනේ' මරණ මංචකයේ වැතිරිලා හිටියෙත්.)
ඒ දවස්වල මං හිටිය වාට්ටුවට මහ රෑ පවා අන්තිම අමාරු ලෙඩ්ඩු ගෙනාවා- කීප දෙනෙක්ම. ඒ එක්කෙනෙක්වත් දවසක් දෙකක්වත් අල්ලලා හිටියෙ නැති අය.
පස්සෙයි දැන ගත්තේ. ප්‍රයිවට් ඉස්පිරිතාලවල නැවතිලා උන්නු ලෙඩ්ඩුත් අන්තිමයි කියල තේරෙනකොට රජයේ රෝහල්වලටලු ගෙනෙන්නෙ. (වියදං හා වාර්තාවීම් වගේ කාරණා ගණනාවක් ඒ සඳහා බලපානවය කියලා කියැවුණේ.)
මම එහෙම කිව්වෙ, ගාණ කපා ගන්න එහෙම කතාවක් පතුරලා තියනවා කියන්නයි. රජයට අයිති ජයවර්ධනපුර රෝහල පවා අද බිස්නස් එකක් කරගෙන. අසනීපයක් කියන්නෙ, මිනිසුන් අන්ත අසරණ වෙන වෙලාවක්. ඒ වගේ වෙලාවක ගසා ජන එවුන් අමනුස්සයො. දෙයියො ඕව බලන්නෙ නෑ. 2/3 බලයක් තියන ආණ්ඩුවක් තියෙන්නෙ ඕව වෙනස් කරන්න, නැතුව එහෙන් මෙහෙන් ගස් ගෙම්බෙක් අල්ලලා පැලැස්තර අලවන්න නෙමෙයි. ඔය සෞඛ්‍ය මාෆියාවේ මුල, ස්ථර දෙකේ ක්‍රමයයි.ඒක නැති කරන නොකර ...
Deleteදිග කාලයක් අලවාලා පැලැස්තර
Deleteජාම බේරගෙන යොදමින් සූත්තර
පොදු ජන අපට පෙන්නාලා 'මෝස්තර'
ගොඩ ගිය යුගය වාගෙයි දැන් නං ඉවර
තිස්තුන් කෝටියක් දෙවියනි කුළුණුබර
මිහිකත රකින සැම දෙවියනි සෙනෙහෙබර
සිරිලක් මව වෙතට පා 'දිව නෙත් දහර'
සෙත සලසනු මැනවි විලසින දයාබර
//පුළුවන් විදිහට යහපතක් කරලා, උදව්වක් වෙලා, කෑමක් උයලා, ඒකෙන් තව කෙනෙකුට සංග්‍රහ කරලා, පැළයක් හිටවලා, blog post එකක් ලියලා, සිංදුවක් අහලා, film එකක් බලලා, නාට්‍යයක් බලලා..//
ReplyDeleteඅපිටත් ඒ බලාපු film , නාට්‍ය ගැන කියලා ආන්න එහෙම තමයි ඉන්න ඕනෙ.
හොඳමයි!
Deleteමෙන්න එහෙනම් තුන් විදිහක කතන්දර තුනක්. මේ හැම එකක්ම මගෙන් උපරිම ලකුණු ලැබුණු ඒවා.
Tourist-Family-2025
Thudarum-2025
The Mehta Boys-2025
ස්තූතියි Thudarum-2025 දැනටමත් බාලා. මේ මං හොයා ගත්ත අනිත් හොඳයි වගේ ඒවා:
DeleteEe Ma Yau (2018)
Joji (2021)
Manjummel Boys 2024
ඔය ෆිල්ම්ස් තුනම මාත් බලපුවා. මන්ජුමාල් බෝයිස් නං කියපු තරම් අගයක් තිබ්බේ නැති එකක්; මට නම්.
Deletepost එකකිනුත් ලිව්ව Thirteen Lives එක්ක සසඳන කොට.
https://nidigepanchathanthare.blogspot.com/2022/09/thirteen-lives.html
බකුසුතුමෝ, Capernaum 2018 බලලා තියෙනවද? නැත්තං ට්‍රේලරය බලන්නකෝ- ඉස්සෙල්ලම.
හින්දි ඒවාද
Deleteමේවා මලයාලම් ෆිල්ම්ස්. ඒත් බාලයි කියල හිතන්න එපා.
DeleteRekhachithram - Trailer
Rekhachithram මම බලපු ෆිල්මක්. මට නං හිතට ඇල්ලුවා.
Deleteමට ඔය බෙහෙත් කේස් එකේදී ආපු ප්‍රශ්නේ තමා .. ඕවා ගෙන්නනකොට කොලිටි චෙක් කරන්නේ නැද්ද ? එහෙම කරලා/ හෝ නොකරල නම් ඔක්කොටොම කලින් ඇතුලට යන්න ඕනේ ඒවාට සම්බන්ද අය නෙමේද ? ඇමති වග කියන්න ඕනේ තමා .. හැබැයි ඊට කලින් ඉන්න සබ්ජෙක්ට් එකට අදාළ සෙට් එක දැනටම ඇතුලේ ද ? ඔන්න ඕවා .. බලන් ඉමු .
ReplyDeleteනිදී , ඔය විදියට ආතල් එකේ ඉන්න.. මොකුත් වෙන්නේ නැහැ ..
මම Final Destination බලා නැත .. බලන්න හිතෙන්නෙත් නැහැ .. හෙහ් හෙහ් .. මම බලන්න
ආසා සුබවාදී ෆැන්ටසි
Deleteමම දන්නා තරමින් (මේ දන්නා තරමින් විතරයි . වැරදි වෙන්න පුළුවන් ) . සෞඛ්‍ය ඇමතිලට පුළුවන් (ලු ) override කරලා අත්සන් කරන්න . "හදිසියෙන් ගෙන්නන ඒවාට වෙලා නැහැනේ". ඇමති නොබලා අත්සන් කළා කියල ඔප්පු කළා නම් මෑන් ගොඩ . නමුත් සල්ලි ගිහින් තියෙනවා කියල කියනවනේ එකවුන්ට් එකකට . උසාවියෙන් ඔප්පු වෙනකන් වරදකාරයෙක් කරන්න ඕනේ නැහැ .
Deleteපැතුම්, අතිශය සුබවාදී ෆිලුමක්- බස්ස මහත්තයට කියලා තියෙන උත්තරේ පළමුවැන්න. ටුවරිස්ට් ෆැමිලි.
Deleteඅපි බලා හිඳිමු අජිත් මහත්තයෝ. මේ මම ළඟකදී දැක්ක පුවතක්:
Delete//බ්‍රිතාන්‍ය නීති ඉතිහාසයේ ඛේදනීයම සිදුවීමක් මීට දින දෙක තුනකට පෙර (2025 මැයි 13) හෙළිදරව් උනා. ඒ 1987 දී ‘ලිංගික අඩන්තේට්ටම් කිරීම සහ මිනී මැරීමේ වරදට‘ සිර දඬුවම් නියම වූ පීටර් සුලෙයිවාන් නම් පුද්ගලයෙකු නිවැරදිකරු බවට තහවුරු වීම. 2025 වනතෙක් අවුරුදු 38ක් ඔහු නිරපරාදේ සිර දඬුවම් වින්ඳා. ඔහු සිපිරිගෙට නියමවන විට ඔහුගේ වයස අවුරුදු 30 යි. නිවැරදිකරු වනවිට වයස 68 ක්.//
ඒ ඕන නෑ මුලු ලෝකෙම පිළිගන්න විද්‍යාවෙ කියවෙන නිව්ටන්ගෙ 3වෙනි නියමය හරි ඔලුවෙ වැඩ කරානම්!
ReplyDeleteෂාෆි ඩොක්ටගෙ කේස් එක මීඩියාවල, උසාවිවල ලොකු නැටුමක් ගියා. වඳ කොත්තු, මහබැංකු බැඳුම්කරේ වගේ ඒවත් එහෙම උනා. එහෙම වෙලා නොවුනෙ, අවසන් ප්‍රතිපලයක් ජනතාවට දැකගන්න නොලැබුණු එක. ගහපු පදෙකුත් නෑ බෙරේ පලුවකුත් නෑ. මේ සිද්ධි ගැනත් අවංක සැකයක් තියෙනව... වැරදිකාරයා නීතියේ රැහැනට අසුවෙයිද, නීතියෙන් වංගු ගහයිද කියල 🥺
Deleteඅම්මට සිරි! නමී...
Deleteනිව්ටන් උන්නැහේ යාලුවෙක් වගෙයි!
මම අජිත් මහතාට ලියා තියෙන පීටර් සුලෙයිමාන් මහතා ගැන කතන්දරේ දැක්කද?
Deleteකියෙව්වා! කේස් වලට සාක්ෂි හදල දාන ඒවයි, පොලිසියේදී වෙන අගතිගාමී වැඩයි ඇතුළු සම්පූර්ණ system change එකකට රට යා යුතුයි.
Deleteනිව්ටන් ගැන කියා දෙන්න පටන්ගන්නෙ 7,8 වසර වලදී නෙ... විද්‍යාව විශයෙන්!
අපි ඉස්කෝලේ යන දවස්වල 7-8 වගේ නෙවෙයි ඊට ඉහළ පංතිවලදිවත් නිව්ටන් උන්නැහේ ගැන උගන්වපු බවක් මට මතක නෑනේ නමී මහත්තයෝ.
Deleteසිස්ටම් චේන්ජ් එක නං විය යුතුම දෙයක්... හැබැයි නමී- ඒකට රටේ පුරවැසියන්ගෙත් ලොකු වෙනසක් විය යුතුයි.
This comment has been removed by the author.
ReplyDeleteFinal Destination : GAS-LINES කුස්සි මාරයෝ
ReplyDeleteටයිම් කෝඩ් එක 2:16 බලන්න.
අර ඇතුලේ හිටිය කෙනා දන්නේ නැතිව ලිප ඇරලා නේ
Deleteවිපතක් වුණාට හිනාත් ගියා.
Deleteමට තේරුනේ, කුස්සියේ ඒ කොටස confined space. ගෑස් වලින් පිරිලා තිබ්බා. ෆ්‍රිජ් එක හරි, ස්ටැටික් නිසා හරි ආපු ස්පාර්ක් එකකට පත්තු වුනා.
Deleteඔහොම වෙලාවට මිනිසුන්ට තියරි අමතක වෙන එක ස්වභාවිකයි. ලංකාවෙත් උයන්නෙ ගෑස් වලින් නිසායි දැම්මෙ.
ඔයාගේ චේතනාව නං ඉතා හොඳයි බකුසුතුමෝ.
Deleteෆයිනල් ඩෙස්ටිනේෂන් සීරීස් එකේ ගොඩක් ඒව බලල තියෙනව.
ReplyDeleteඅනික් දේවල් වෙන්නෙ කොහොමද කියල බලාගෙන ඉන්නව. බලමු ඉස්සරහට.
තව ඉස්සරහටත් මේ සීරීස් එකේ films හැදෙයි වගේ තමයි Praසන්ன මහත්තයෝ.
Deleteමේ ෆිලුමත් ඉවර වෙන්නේ කාසිය ඉතිරි කරලනේ...
Final Destination : India
ReplyDeleteමම කැමතිම කෑල්ල, අර "තව එකෙක් ඉන්නවා යට" 🤣
බස්සා මහත්තයෝ, ලින්ක් එකට ගියාම එන්නේ India is not for experts එක. නිහඬ යුගේ එකක් නේද ඒ?
Deleteමිනිස්සුන් දීපු චන්දෙට වටිනාකමක් ලැබෙමින් පවතිනවා කියල හිතෙනවා, එත් පාස්කු ප්‍රහාරයට තවමත් උත්තර නෑ ....
ReplyDeleteලබන සතියෙද කොහේද මහ මොළකරු කවුද කියල කියනවලු නේද ලලිත් මහත්තයෝ.
Delete(අපරාදේ කියන්න බෑ- හැම දෙයක්ම කියන්න- කරන්න කලින් කියන- කරන දවස ගැන නං කියල ඉන්න මෙයාලා අමතක කරන්නේ නෑ!)
@ බස්සා,
ReplyDeleteඉරාන අර්බුදය බලාගෙන ඉන්න අස්සේම අපි රටින් පිට ඉන්න අය විදියට ලංකාවේ දේශපාලන "ගේම්" සහ අනාගතය දිහා බලනකොට ඔයාට මොකෝ හිතෙන්නේ, එක පැත්තකින් සජිත් ප්‍රේමදාසගේ විපක්ෂ නායක ධුරය කියන්නේ නිකම්ම නිකම් "විහිළුවක්" වගේ. ඔහුගේ අසාර්ථක නායකත්වය සහ දේශපාලන මුග්ධ ස්වභාවය නිසාම වෙන්න ඇති, එක්සත් ජනපදය රනිල්ගේ අනුප්‍රාප්තිකයා විදියට ඔහුව තෝරා නොගෙන, අනුර කුමාර දිසානායකව තෝරාගත්තා කියලා පැහැදිලි වෙන්නේ! මේක කියන්නේ අපි විතරක් නෙමෙයි, ඉන්දියානු භූදේශපාලන විශේෂඥයෙක් වන මහාචාර්ය එස්.ඩී. මූනි පවා කිව්වා "America drove AKD's rise to power" කියලා
මේක බලන්න උදාහරණ විදිහට
https://slguardian.org/exclusive-us-drove-anura-dissanayakes-rise-to-power-s-d-muni/?fbclid=IwQ0xDSwKx8VtleHRuA2FlbQIxMQABHtrKwacjjA_TGl1-rXGa_cTTscyO--GJgYYO2ILtZ_iz1IrHhDlMMm0c_0JA_aem_b1zj_T0OroVF4GzSLpAhbw
බටහිර කඳවුරේ ලංකාවේ "ඊළඟ ඉත්තා" කවුද?
දැන් ඒ අය (බටහිර බලවතුන්) අනුරට අකමැති නෙමෙයි. අනුරගෙන් ගන්න තියෙන වැඩ කොටස බොහෝ දුරට අරගෙන ඉවරයි වගේම, තවදුරටත් ගනිමින් ඉන්නවා තමයි. හැබැයි බටහිර රටවල් අපි හිතනවාට වඩා අනාගතය ගැන හිතනවා. ඔවුන් දන්නවා අනුරට ආයෙත් අවුරුදු 5ක් බලය ගන්න බැරි බව. ඒ නිසා විකල්ප දෙකක් තියෙනවා:
1.හමුදා කුමන්ත්‍රණයක්: මේක අමාරුයි, හැබැයි සාර්ථක වුණොත් ලංකාව සදහටම වහල් රටක් කරගන්න පුළුවන්. ඒ නිසා තමයි සමාජ මාධ්‍ය හරහා මේ ගැන "මුට්ටිය දාලා" බලන්නේ, ජන මනස ඒකට සූදානම් කරන්න පුළුවන්ද කියලා.
2. ඊළඟ ඉත්තා: ජනතාව ඒකට එකතු වුණේ නැත්නම්, රාජ්‍ය ආරක්ෂාව තර්ජනයට ලක් කරලා ඔවුන්ගේ ඊළඟ ඉත්තා වන නාමල් රාජපක්ෂ වගේ කෙනෙක් බලයට ගේන්න බලයි. එතනටත් මිනිස්සු එකතු නොවී 2028 වෙනකොට ආයෙත් ණය ගෙවන්න වෙන නිසා ආර්ථිකය කඩා වැටුණු බව පෙන්වලා, තුන්වෙනි විකල්පය විදියට නැවත රනිල් වික්‍රමසිංහ බලයට ගේන්න පුළුවන්.
රනිල්ට සිංහල බෞද්ධ ප්‍රසාදය අඩුයි. රාජපක්ෂලාට තරම් නැහැ. ඒකයි "සිංහල බෞද්ධ නායකයෙක්" විදියට රනිල්ව පින්තාරු කරන්න අල්ජසිරා නාට්‍යයක් රඟපෑවේ. එතනදි කාදිනල් ඇතුළු කතෝලික සභාවට බැන්නේ ඇයි කියලා හිතන්න!
සජිත් කියන්නේ රනිල්ම තමයි. දිලිත් නාමල්ගේ ගිලිහෙන ඡන්ද රැකගන්න අටවපු "කෙමනක්" විතරයි. සර්වජන බලයේ නියෝජ්‍ය ලේකම් පවා රාජපක්ෂ ඥාතියෙක්! පක්ෂ වෙබ් අඩවියේ ඔහු ඉන්නවා.
මේ පක්ෂ දේශපාලනය තුළ හොඳයි කියලා කෙනෙක් නැහැ. අපිට අවශ්‍ය වන්නේ ස්වදේශීය පාලන ක්‍රමයක්! ඒක තමයි එකම විසඳුම. හැබැයි එතනට යන්න ඕනේ මහජනතාවගේ පූර්ණ සහයෝගය සහ ආශිර්වාදය සහිතව, ප්‍රජාතන්ත්‍රවාදීව මිසක්, අරගල හෝ හමුදා කුමන්ත්‍රණවලින් නෙමෙයි සාමකාමී හා ප්‍රජාතන්ත්‍රවාදී ක්‍රමවේදයකින් පමණක් සැබෑ සහ තිරසාර වෙනසක් ලබා ගත හැකි බවට වන විශ්වාසය තහවුරු කරන්නට ඕනේ. මෙය ඉතාමත් වැදගත් කරුණක්, මන්ද කුමන්ත්‍රණ හෝ ප්‍රචණ්ඩකාරී ක්‍රම මගින් බලය ලබා ගැනීමෙන් ඇති වන ප්‍රතිවිපාක දීර්ඝකාලීනව රටට අහිතකර ලෙස බලපාන බැවින්.
සමස්තයක් ලෙස, ශ්‍රී ලංකාවේ දේශපාලනයේ ගැඹුරු ගැටලු, ජාත්‍යන්තර බලපෑම් සහ අනාගතය පිළිබඳව විවේචනාත්මකව සහ යථාර්ථවාදීව සිතා බැලීමට මහජනතාව පොළඹවාලීම අපේ මේ මොහොතේ ක්‍රියාකාරිත්වය විය යුතුයි කියන මගේ අදහසට ඔයා එකඟ ද?
//මහජනතාව පොළඹවාලීමට ... ක්‍රියාකාරිත්ව වෙන්න//
Deleteඅමනාප වෙන්න එපා ඇනෝ, අනේ මට නං බෑ.
ඉරානය කියන්නෙත් හොඳ රටක් නෙමේනේ
Deleteතව අදහස් කියවෙනකල් බලා ඉන්නේ... දැනගන්න.
Deleteබෑ කියලා බෑ
Delete@ ඇනෝ
Deleteපොලිටික්ස් ගැන නම් කතා කරලා වැඩකට නෑ ඔයා දන්නවා නේද Arduino Uno කියන චිප් බෝඩ් එක.. බැලු බැල්මට මේක මාර ලොකු දෙයක් නෙමෙයි වගේ පෙනුණට, ආඩුයිනෝ පහුගිය දශකය තුළ ලෝකෙ microcontroller programming කියන විෂයය උඩුයටිකුරු කළ උපාංගයක්... ඒ වෙනකල් සල්ලි තියෙන කැම්පස්වලට සහ පෞද්ගලික උසස් අධ්‍යාපන ආයතන වලට සීමා වෙලා තිබුණු IoT programming / robotics කියන ශිල්පයන්, අද වෙනකොට පහේ පන්තියේ දරුවකුට පවා කරලා අත්දැකීම් ගන්න පුළුවන් මට්ටමට ගෙනාවෙ මේ උපකරණය.. ඒ වෙනකල් වමනෙ එන තරමට අප්පිරියා සහගත විෂයයක් ව පැවතුණු, යල්පැනපු 8-bit PIC Microcontrollers එක්ක ගල් යුගයෙ සෙල්ලං කරපු යුගය අවසන් කරපු උපාංගය මේක...
මේ එකක් පමණයි... මෙවැනි කලින් එකලස් කරන ලද බෝඩ් ගණනාවක් මේ වෙද්දි සාමාන්‍ය පුරවැසියකුට දරාගන්න පුළුවන් මිලකට (ලංකාවේ මුදලින් බදු රහිත මිල රු. 15,000-50,000 අතර) මාකට් එකේ තියෙනව... ළමයින් පමණක් නොවෙයි වැඩිහිටියන් පවා රොබොටික්ස්, SBC programming වැනි විෂයයන්ට ආසක්ත වෙන්න බලපාපු උපාංග මේ... මේ ලියන මම ජීවිතේ පළමුවරට Arduino එකක් ප්‍රෝග්‍රෑම් කරන්නෙ වයස 30ත් පැන්නට පස්සෙ... මට ඒක හුදෙක් විනෝදාංශයක්... නමුත් පොඩි කාලෙ ටින්ටින් පොත්වල දැකපු රොකට් එක, ඉරටුවලින් සහ අලිඩොන් රතිඤ්ඤාවලින් හදන්න තරමට "මොළේ කැසිල්ලක්" තිබුණු මම, එදා නොව අද ළමයකු ව හිටියා නම් අනිවාර්යයෙන් ම microcontroller programming තෝරගන්න පෙළඹෙන්න තිබුණ...
මේ දිග කතාව කිව්වෙ මේ මොහොතේ ලංකා රජය සහ රේගුව විසින් කරමින් ඉන්න අපරාධයට පූර්විකාවක් ලෙස... රජයට උපදෙස් දෙන මොකෙක් හරි ගොබ්බ පූසිගෙ වෙතෙක් පසුගිය දාක රජයට උපදෙස් දීල තියෙනව මේවට බදු ගහන්න ඕන කියල... දැන් ඒ අනුව මේ වන තුරු ලංකාවට ගෙන්නපු සියලු ඉලෙක්ට්‍රොනික අධ්‍යාපන උපාංග රේගුවේ නවතගෙන ඉන්නෙ... ඒවට බදු ගහන ක්‍රමවේදය තාම හදල නෑ ලු... හදන්න අවම වශයෙන් තව සතියක් හෝ දෙකක් වත් යාවි... ඒ වෙනකල් මේ උපාංග රිලීස් කරන්නෙ නෑ... ඒ කියන්නෙ ලංකාව තුළ මේ වන විට රොබොටික්ස් ප්‍රොජෙක්ට්ස් බාරගත්ත මිනිස්සු, ඒ ප්‍රමාදය සහ පාඩුව දරාගන්න ඕන... ක්ලයන්ට්ලාව නැතිකරගන්න ඕනේ ඒ මදිවට ඊට පස්සෙ තව මේවට විශාල ගණන්වලින් බදුත් ගෙවන්න ඕන... වෙන රටවල් බේසික් රොබොටික්ස් උපාංග සියලු බදුවලින් නිදහස් කරන අතරෙ, "ලංකාව තාක්ෂණික හබ් එකක් කරනවා" යැයි පොරොන්දු වෙච්ච මාලිමා රජය ඒවට මෙතෙක් නොගහපු බදුත් අලුතින් ගහන්න සූදානම් වෙනවා... මේ වෙලාවට තමයි අහන්න වෙන්නේ
මෙන්න මේ වගේ වෙලාවට තමයි අහන්න වෙන්නෙ "ඕයි...! තමුසෙල කන්නෙ බත් ද පුනක්කු ද ඕයි...?!" කියල...
පහුගිය වසර ගණනාවක් පුරාවට, ලංකාවේ ළමයි රියදුරකු නැතුව පදින ඔටෝනෝමස් කුඩා වාහන, ගෙවතු වගාවන්ට ඉබේ වතුර වැටෙන ඔටෝමේටඩ් ඉරිගේෂන් සිස්ටම්, සිංහල අකුරු කියවන micro-AI systems හදනවා දැකල මම පුදුමාකාර නිරාමිස සතුටක් ලැබුවා... ලංකාව කියන රට ගැන කළකිරිලා බලාපොරොත්තු භංග වෙලා යන නිමේෂයන්වල මම හිත හදාගන්නෙ යූටියුබ් එකේ ලංකාවෙ ළමා පරම්පරාව තාක්ෂණය එක්ක කරන සෙල්ලම් බලල...
ඒත් ආයෙ නම් එහෙම වෙන එකක් නෑ... මේ විකාර තීන්දුව ගන්න ඉඩ දුන්නොත්, තව සති දෙකකින් එළඹෙන්නෙ ආයෙම වතාවක් සල්ලි තියෙන පවුල්වල දරුවන් පමණක් උසස් තාක්ෂණය එක්ක සෙල්ලං කරන, සාමාන්‍ය පහළ මධ්‍යම පාංතික පවුල්වල ළමයි කුරුම්බැට්ටි මැෂින් හදල සෙල්ලං කරන යුගයක්...
මම අවධාරණය කරනවා...! මේ කරන්නෙ අපරාධයක්...! මේ කරන්නෙ තව වසර ගණනාවක් පස්සට අපිව ඇදල දාන, මෝඩ, ගොබ්බ, ගොං තකතීරු තීරණයක්...! කරුණාකරලා මේ අපරාධයට ඉඩ දෙන්න එපා...! මේ රටේ ඉතාම සාමාන්‍ය පවුලක ළමයකුට පවා බහතෝරන වියේ පටන් තාක්ෂණය එක්ක සෙල්ලම් කරන්න තියෙන අවස්ථාව වළ දාන්න එපා...!
ලංකාවේ සාමාන්‍ය තරුණයන්ට ත්‍රීවිල් එළවන එකයි බීච්බෝයි රස්සාවයි ඇරෙන්න අනාගත තාක්ෂණ ලෝකෙට යාන්තම් හරි අඩියක් තියාගෙන, සාධාරණ රැකියාවක් කරලා මුදලක් උපයන්න තියෙන අවස්ථාවට වළ කපන්න එපා...! කරුණාකරලා මේ අපරාධය නවත්වන්න ආණ්ඩුවට බල කරන්න හැමෝම එකතුවෙන්න ලංකාවේ සහ රටින් පිට ඉන්න අය !
හිතන්නට වටින කරුණකි පවසන්නේ
Deleteහණ මිටියම ඇයි උස්සාගෙන යන්නේ
වෙනස් යුගයකය ලෝකය දැන් ඉන්නේ
මෙවැනි දේට අවධානය තව ඕනේ
One to Five :-
ReplyDeletehttps://nkiri.com/final-destination-collection-1-5-download-hollywood-movie/
මම මෙච්චර කල් final destination සීර්‍රිස් එකම, ඕන කමින්ම මඟ හැරියා. අද පලවෙනි එක බැලුවා. ආයෙ නං තව බලන්නෙ නෑ.
Deleteඇයි කිරි අප්පොච්චියේ?
Deleteමමත් ඕක බලල නැහැ .. මේක දැක්කට පස්සේ බලන්නෙම නෑ .. හෙහ් හෙහ්
Deletehttps://anogamaya.blogspot.com/2025/06/blog-post_23.html
ReplyDelete+++++++++++++++++👌
Deleteනිමල්ටත් මාර ටොපික්ස් තමයි හම්බවෙන්නෙ😉 . මමත් හිත හිත හිටියෙ ලන්ඩන් සීරීස් එක (සමන්තිගෙ වෙඩින්ග් එක) ඉවරද කියලා.
ReplyDeleteමේ පෝස්ට් එකේ මුල් කොටස කියවද්දි මට එක පාරටම මතක් වුනේ Air India crash එකේ sole survivor වුනු මනුස්සයව. කොහොමද වාසනාව. හැබැයි සැකයකුත් ඇතිවෙනවා කිසි ගානක් නැතුව ඇවිදගෙන එනවා දැක්කම. එයාගෙ body language එක හරිම අමුතුයි නේද.
BTW, මමත් නිමල් වගේ හැමදාම උදේට නැගිට්ට ගමන් ලැබුණු අලුත් දවසට හා රෑට නිදාගන්න කලින් ගෙවුනු දවසට ස්තුතිවන්ත වෙන කෙනෙක්. අපිට ලැබෙන හැම තත්පරයක්ම තෑග්ගක් නේද.
සමන්තිලගේ වෙඩින් කතාව ඉවර කරන්න හිතාගෙන ඉන්දදී කාලීන ඒවා හිතට එනවනෙ Lotus. ඉතිං ඒවා ලියලා ඉන්නවා.
Deleteදැන් දැන් නෙව පරණ ඒවා ගොඩක් ඇවිස්සෙන්න පටන් ගෙන තියෙන්නෙ.
ඒ මනුස්සයාගේ කතාවේ මොකාක් හරි වෙනසක් තියෙනවා වගෙයි- මටත් හිතෙන්නේ.
අපිට ලැබෙන හැම තත්ත්පරයක්ම තෑග්ගක් නේන්නං! ඒ වෙනුවෙන් ස්තුතිවන්ත වෙනකොට ඉබේම අපි ටිකක් නිහතමානි වෙනවත් එක්කනේ!
පෝස්ට් එකේ දෙවෙනි කොටස කියවද්දි සහ නිමල් කලින් දවසක "තියෙන මිනිස්සුම වැඩියෙන් හම්බකරගන්න" කතාව කියලා තිබ්බ නිසා, මට මතක් වුනේ Fraud triangle එක. නිමල් දන්නවා නේද. වන්චා හොර මැර කරන්න ඕනෙ තරම් අවස්තාවන් තිබීම (opportunities), පෙලඹවීම් තිබීම (pressure/incentives) සහ තමන්ම ඒවා සාධාරණීය කරගැනීම (rationalization) කියන කාරණා තුන සම්පූර්ණ වී තිබීම. ඒක තියරි එකක් විතරයි වුණත්, ඔය හැම තැනටම හොඳට ඇප්ලයි වෙනවා.
ReplyDeleteගොඩක් ස්තුතියි Lotus.
Deleteමම Fraud Triangle එක ගැන අහල තිබ්බේ නෑනේ.
මට තවම හිතා ගන්න බැරි මේ මිනිස්සුන්ට හිතක් පපුවක් නැති හැටි- ඇතිවීමක් නැති හැටි.
ඔයා කියෙව්වද ඩොක්ටර් මහේෂි මොළේ මැරිච්ච ලෙඩ්ඩුන්ටත් ඔපරේෂන් කරලා තියෙන විත්තිය. අදහන්නත් අසීරුයි...
100% ම නූනත් සෑහෙන සාර්ථක අපේ සාවියෙ ක්‍රමේ.
ReplyDeleteහන්දි ගානෙ චැනල් මාපිල්ලු නෑ. ලඟ ඉන්න ඕන දොස්තර කෙනෙක් ගාවට යන්න ඇහැකි. ඒ දොස්තර හරි නෑ කියල හිතුනොත් වෙන කෙනෙක් ගාවට ගියෑකි. සල්ලි ගෙවන්නෙ ලෙඩා නෙමෙයි ආණ්ඩුව. සමහර බෙහෙත් අඩු මිලට දෙනවා, ඒත් බෙහෙත් වලට සල්ලි අපි දෙන්න ඕනෙ.
publicly funded private surgical and diagnostic centres
දොස්තරට ගසා කන්න බෑ. එයා දෙන්නෙ තුණ්ඩුව. බෙහෙත් ගන්නෙ අපි කැමති තැනකින්. තනිකරම ආණ්ඩුවෙ වුනාම වෙන අකාර්‍යක්ෂමතාවය, ඉඩ මදි වීම් නැති කරන්නයි publicly funded private ඒවා තියෙන්නෙ. ඒවා ලෙඩ්ඩුන්ව මරාගෙන කන ප්‍රයිවේට් හොස්පිටල් නෙමෙයි. එයාල සල්ලි ගන්න ඕනෙ අණ්ඩුවෙන් මිසක් ලෙඩාගෙන නෙමෙයි. මේ වගේ ක්‍රමයක් ගේන්න මොලේ තියන අය, අපේ දියවන්නා ගවගාලෙ නැතුව ඇති නේද?
Deleteතමුන්නාන්සේගේ comment එක කියවනකොටම මට හිතුනෙ මහා නසරානි සිතුවිල්ලක් නෙව බස්සා මහත්තයෝ.
Deleteඔහොම තුණ්ඩුවලට ආණ්ඩුවෙන් සල්ලි ගෙවන කෙරෙමයක් තිබ්බා නං හෙම කෙහෙළිය පුතාලා- මහේෂිලා එහෙම කොච්චර දුරට ඒ ක්‍රමයෙන් පොරෝජන් ගනියිද?
... ඒ තරං යක්ඛ පුතාලා දූලා නෙව අපේ රටේ ඉන්නේ.
Delete